影片
更多
2021-10-27
28 瀏覽
扒房食得多，不過韓式扒房都係第一次食。依間係新鴻基中心一樓嘅韓式扒房，一入門口就被一個熟成肉櫃吸引住，櫃裡每件肉都寫明日子和重量。扒房主打28-45日熟成牛肉，西式厚切熟成扒等，仲配有韓式前菜。Steak Omakase $380加一真心抵。食物係勁豐富。-韓式前菜六款，其中大蔥沙律最特別，平時蔬果沙律就成日食，原來大蔥都可以做沙律，而且咪道都唔錯，前菜有辣有酸，相當開胃。攞盤講究和有心思。-生菜包及自家蛋包飯醬-韓式蒸蛋，用石鍋蒸蛋，上枱時仲滾緊，裡面仲有香菇、蟹柳和蟹子等配料。要快食，不然會焦。-全蛋紫菜包飯，以蛋為主，基本上飯都冇粒，食完唔會太飽。-主食肉有是日熟成牛肉，和牛羽下肉，韓國五花肉，熟成醬油牛肋骨。職員親切有禮，主動同我哋講燒每款肉嘅次序，鮮味先燒，味濃嘅醬油牛肋骨最後燒。店內嘅28-45日熟成牛肉，先放熟成櫃，自行調整及跟進熟成程序，每舊肉都有獨一無二嘅味道，相當專業和講究。熟成牛肉味濃郁，燒完依然保留肉汁，好有驚喜！韓國五花肉，肥瘦剛好，燒到甘黃少脆，再用生菜包住連自家醬汁一齊食，絕配。熟成醬油牛肋骨，店家預先用新鮮果汁和醬料醃製，食落味道少少甜，嫩滑又好味。和牛
Steak Omakase $380加一真心抵。食物係勁豐富。
-韓式前菜六款，其中大蔥沙律最特別，平時蔬果沙律就成日食，原來大蔥都可以做沙律，而且咪道都唔錯，前菜有辣有酸，相當開胃。攞盤講究和有心思。
-生菜包及自家蛋包飯醬
-韓式蒸蛋，用石鍋蒸蛋，上枱時仲滾緊，裡面仲有香菇、蟹柳和蟹子等配料。要快食，不然會焦。
-全蛋紫菜包飯，以蛋為主，基本上飯都冇粒，食完唔會太飽。
-主食肉有是日熟成牛肉，和牛羽下肉，韓國五花肉，熟成醬油牛肋骨。職員親切有禮，主動同我哋講燒每款肉嘅次序，鮮味先燒，味濃嘅醬油牛肋骨最後燒。店內嘅28-45日熟成牛肉，先放熟成櫃，自行調整及跟進熟成程序，每舊肉都有獨一無二嘅味道，相當專業和講究。熟成牛肉味濃郁，燒完依然保留肉汁，好有驚喜！韓國五花肉，肥瘦剛好，燒到甘黃少脆，再用生菜包住連自家醬汁一齊食，絕配。熟成醬油牛肋骨，店家預先用新鮮果汁和醬料醃製，食落味道少少甜，嫩滑又好味。
和牛羽下肉實在好食，油脂分布均勻，食落肉質細緻和油脂甘香，真係要細嚼。因為太好食，所以另外order一份😅
-平壤冷麵，冷麵比較清淡，店員有醬料提供，可自行調味。
-甜品係蜂蜜雪糕，唔太甜，雪糕又滑又細膩。
另外order兩杯飲品，柚子檸檬梳打和荔枝梳打，係韓燒和解渴嘅好良伴。
總括扒房食物高質，而且重質又重量，價錢合理。環境舒服，仲有三間獨立和空間大嘅VIP房，私隱度高，係傾計傾生意嘅好地方。值得推介！
張貼
