影片
更多
2021-10-26
32 瀏覽
新鴻基中心有間食韓燒嘅餐廳叫貊炙。喺灣仔番工嘅朋友話番工經過成日見到都好想試，今日約我放工去試。餐廳燈光暗，幾有情調，好啱情侶。入面有好多卡位，坐得舒適。見到有店員推牆入左去，原來入面重有VIP房！下次早d book定先得。同一般韓燒店唔同，呢間餐廳係一間「韓式扒房」，對肉嘅質素要求好高，確保食客食到高質素嘅肉👍🏻。一入門口就見到有個「熟成櫃」。好奇問店員先知佢地會調整同跟進肉嘅成個熟成程序，每舊肉嘅熟成時間都唔同，分別由28至45日不等，所以每舊肉嘅味都唔同。嗌左個「Steak Omakase Selected Cuts」餐，$380/位(兩位起)。呢個餐有好多野食！有韓式前菜、生菜包及自家包飯醬、韓式蒸蛋、自撰·朝鮮小品(2人1份、3-4人2份)、Steak Omakase、Korean Special重有甜品。韓式前菜有大蔥沙律和茄子等，可以無限添加。生菜包及自家包飯醬可以包住d肉一齊食，有菜有肉感覺健康。韓式蒸蛋有驚喜！入面有蟹柳絲、蟹子等。放喺個熱煲仔入面，上枱時重滾架！未食已經feel到有幾熱啦。食落口感透氣鬆軟，入口有煲仔香。小心辣親嘴仔，食之前一定要吹一吹凍先擺入口呀。
餐廳燈光暗，幾有情調，好啱情侶。入面有好多卡位，坐得舒適。見到有店員推牆入左去，原來入面重有VIP房！下次早d book定先得。同一般韓燒店唔同，呢間餐廳係一間「韓式扒房」，對肉嘅質素要求好高，確保食客食到高質素嘅肉👍🏻。一入門口就見到有個「熟成櫃」。好奇問店員先知佢地會調整同跟進肉嘅成個熟成程序，每舊肉嘅熟成時間都唔同，分別由28至45日不等，所以每舊肉嘅味都唔同。
嗌左個「Steak Omakase Selected Cuts」餐，$380/位(兩位起)。呢個餐有好多野食！有韓式前菜、生菜包及自家包飯醬、韓式蒸蛋、自撰·朝鮮小品(2人1份、3-4人2份)、Steak Omakase、Korean Special重有甜品。
韓式前菜有大蔥沙律和茄子等，可以無限添加。
生菜包及自家包飯醬可以包住d肉一齊食，有菜有肉感覺健康。
韓式蒸蛋有驚喜！入面有蟹柳絲、蟹子等。放喺個熱煲仔入面，上枱時重滾架！未食已經feel到有幾熱啦。食落口感透氣鬆軟，入口有煲仔香。小心辣親嘴仔，食之前一定要吹一吹凍先擺入口呀。
自撰·朝鮮小品我地揀左韓式豬手。豬皮軟硬適中有口感。有三款醬汁比你點，點埋醬汁一齊食更滋味～😋
Steak Omakase有三款牛一款豬，另有雞髀菇、年糕等配菜。
店員建議我地順以下次序進食：和牛羽下肉➡️是日熟成牛肉➡️韓國五花肉➡️熟成醬油牛肋骨。
熟成醬油牛肋骨超長，好誇張！😱加左醬油調味甜甜地好入味。
總括黎講牛肉有口感，咬下去脂香四溢，牛味香濃。韓國五花肉食得到豬嘅鮮甜味。
Korean Special揀左「大醬湯配飯」。大醬湯食材豐富，有豆腐、翠玉瓜、白蘿蔔、冬菇等。個湯夠曬熱，呢排天氣凍，飲完好暖～🥰可以湯同飯撈埋一齊食當湯飯食或者湯同飯分開食又得，得左！🤣
覺得個和牛幾好食想encore就另加左個和牛羽下肉(原味厚切)。
和牛油脂豐富，牛味香濃。
飲品方面，朋友嗌左杯柑橘梳打，我嗌左壺茉莉花水果綠茶(熱)。
柑橘梳打柑橘沈曬喺底，記得攪勻黎飲呀～
茉莉花水果綠茶(熱)入面有蘋果同橙，水果本身嘅甜味剛好中和茶嘅澀味，有果香～
最後食埋Steak Omakase餐個甜品。甜品係焦糖雪尼拿雪糕。估唔到係我最鍾意食嘅雪糕呀！！😍食埋雪糕好滿足。
張貼
