金鶴拉麵 (九龍城道) (已結業)

家姐屋企大裝修，暫時未有屋企飯食，約我係佢家附近食，她住土瓜灣，咁啱見到我之前就想食嘅金鶴拉麵土瓜灣有分店，就決定食呢間。內籠裝修較黑， 有高檔日本餐廳feel， 好在打開menu，最貴嗰個都係鰻魚飯，而且個饅魚飯睇個board話有3cm厚，好正咁。 我地兩order 了鰻魚飯， 激辛拉麵， 再加多個炸雞。鰻魚飯有連埋鰻際肝湯 ，珍珠米粒粒分明，唔會太多汁浸過飯粒， 鰻魚好厚肉都有3cm厚， 有彈性嘅焦香味，鰻魚肉軟腍帶膠質，沒有碎骨，美味。激辛拉麵最出色的唔係嗰個叉燒而係入面嘅白雞肉, 慢煮雞胸肉肉質細緻，入口一點都不鞋口， 麵質彈牙。炸雞性價比高，38蚊有三大舊，伴有椒鹽, 又唔會炸過頭，保留了水份。download佢app即時有100分送，可換飲品。

我好喜歡的一家日式拉麵店，已經是三訪了。店內都有數款湯底選擇，但係沾麵就只有招牌雞白濃湯揀，沾麵湯底咸香度十足，麵底係用左冰鎮的過程，麵質彈牙有咬口，見到餐牌上寫住沾麵的麵條較粗身，可以令湯汁更加能吸附在麵條上。因為經常冰鎮程序，所以呢個沾麵好適合夏天既時候食！👍🏻配菜方面慢煮叉燒口感軟嫩，不錯。😋因為沾麵揀左雞白濃湯，所以湯拉麵就揀左期間限定的北海度極濃蝦湯拉麵。其實之前已試試過招牌雞白湯拉麵，但個人覺得蝦湯更香更濃更鮮甜，濃味得黎唔會覺得好油膩，大讚👏🏻。配菜方面，湯麵的配菜比沾麵更加豐富，大量的櫻花蝦，慢煮叉燒，鮮蝦同埋溏心蛋。小食雞泡魚乾加埋沙律醬係我最鍾意食既日式小食🤤最欣賞餐廳在魚乾上鋪上一層薄薄帶甜味的醬汁，令到魚乾唔會燒到好乾身，外脆內軟，呢個小食我會比9分。👅

得一想二既金鶴拉麵 真係冇形容錯架😋試過一次，間唔中就會想食多次，今次已經係第二次黎金鶴。上次同朋友食左招牌雞白湯拉麵，今晚一於試另一款招牌菜，務求試曬menu上既拉麵沾麵🤭少少唔好彩，今晚餐廳冷氣機壞咗， 所以全程都冇乜冷風。 不過餐廳亦都好貼心， 每人都提供咗一部小風扇👍蒲燒鰻魚飯製作需時，需要等大約15分鐘呀。 雖然好肚餓，不過等耐啲都值得😋 鰻魚飯由和風木盒裝住， 配有湯同埋芥末八爪魚。一打開木盒，鰻魚飯香氣撲鼻😍 望見餐牌時仲猶豫緊叫唔叫鰻魚飯， 因為價錢稍貴， 不過食到咁厚咁肥美有質素嘅鰻魚就覺得物超所值😋😋鰻魚超大塊而且極厚身😎 睇返menu發現餐廳係選用每條約兩公斤的頂級鰻魚， 即叫即燒。 口感非常有彈性，而且厚得黎好似食緊魚扒咁 ❤️❤️ 七星米沾上燒鰻魚的醬汁，份外惹味💋 鰻魚份量多到白飯都唔夠食， 如果可以單點多一碗白飯就好啦 😂黑蒜醬油拉麵黑蒜味香濃又唔會太鹹，蒜香味重。好鍾意佢既糖心蛋，真係糖心有少少蛋黃汁的，蛋白滑捋捋。達摩雞肉肉質嫩滑👍👍

土瓜灣店有兩層，今次坐在下層吧枱，和廚師零距離接觸，環境裝修都是濃濃的日本風格。店內可選擇熱茶或凍水，完全配合香港人口味，(日本拉麵店只有凍水)，更提供日本製造的濕紙巾。一時興起，叫了兩款日本手工啤酒，其中有幾款都曾經獲獎。漆黑: 帶點咖啡和朱古力香氣的黑啤，味道比較濃郁，甘而不苦。伽羅: 即是啡，帶點金橘香氣，口感清爽，清甜果香味中也夾雜着啤酒花香。辛味拉麵的湯底由高湯和秘製辛辣香料調味，味道微辣中帶點清，面底在湯底中會越吃越辣，個人喜歡辣的話可以浸一陣再吃，味道會更濃郁和豐富。辛味拉麵的配料會多了一些菇類和蘆筍，和辣湯十分配合。今次有新出的極濃雞白湯拉麵。食麵守則第一條，一定係飲啖湯底試下師傅既用心同真功夫。極濃雞白湯底比一般的雞白湯更鮮甜濃郁，濃到起膠。麵質比較粗，口感更厚實有感，掛湯能力更佳。 慢煮雞柳吃下去非常鮮嫩，肉質好滑易入口。炸牛蒡金黃色的，香脆可口，份量很多。溏心蛋生熟程度剛好，一碗拉麵有半隻份量，蛋黃是溏心的，蛋白不會太硬。

2個人去食飯，點了一份蒲燒鰻魚飯，史上極濃雞白湯拉麵🍜，一份日式餃子🥟和日式唐揚炸雞🍗。特別值得一讚蒲燒鰻魚飯非常出色，鰻魚彈牙和厚實，蒲燒汁香濃，米飯粒粒分明，珍珠米加蒲燒汁super much! 整個set都和餐牌一模一樣，有昆布魚骨湯和芥末八爪魚，$238食到日本既味道，有驚喜！史上極濃雞白湯拉麵🍜，雞湯好濃郁豐富，食日本拉麵最緊要是湯和麵，麵條都是彈牙，是我喜歡的質感，雞肉嫩滑。日式餃子🥟和日式唐揚炸雞🍗都同時上菜，熱騰騰和香口的小食，又2個必點菜色。剛好遇到申請會員優惠，我們都即時申請了，分別送了唐心蛋和可樂。食飽飽當然要去個廁所，廁所好豪華，感覺都係半個景點，乾淨整齊之餘，還非常貼心，有牙線，牙膏，牙刷，衛生巾提供，垃圾桶都是用熱感開的。香港日本食店一般環境都比較擠迫，金鶴的桌子都是寬鬆的，坐得舒服，所以建議要提早訂位。蒲燒鰻魚飯真的非常非常美味！

人好多次次都要排隊😰一入去的環境優雅！已經食過好多次！味道一直能保持👍🏻👍🏻今次叫左做招牌打麵金鶴雞白湯拉麵味道香濃郁細滑！👍🏻👍🏻👍🏻👍🏻上面是炸牛蒡絲，脆脆的好好食！

前幾日同事推介左公司附近有間好好味嘅日本野 於是今日跟左佢嚟食！門口有幅好靚嘅鶴圖 好有心思！一入到去 有bar枱睇住廚師煮嘢食 好放心！但係我哋就入咗樓上坐卡位 不得不提呢度啲服務真係好好 侍應會不斷幫你refill水！嘢食方面 由於我哋兩個女仔食量都唔算大 同事話上次試咗佢個鰻魚飯好大份好好味 於是建議我哋嗌一個嚟share 再嗌多一啲小食 於是我哋嗌咗一個鰻魚飯 一個低溫慢煮赤雞 一個燒黑豚肉串～ 首先上枱嘅係低溫慢煮赤雞 佢冇用過多嘅調味 好清淡 但係啲雞肉好嫩滑多味 食到雞肉嘅原味！好正！之後就係燒黑豚肉串 上枱就聞到佢個香味！佢燒到好脆 望落去好似好肥膩 但係擺入口一啲都冇呢個感覺！舊肉好香好好味！等左一陣 鰻魚飯終於上枱啦！因為佢係即時燒所以要預約少少時間去等！有一大塊鰻魚絕對冇偷工減料！而且塊鰻魚仲好厚 我諗應該最少有1.5cm！咬落口個下好滿足呀！塊魚好新鮮 可以媲美喺京都食嗰啲！而且佢啲油脂都好香 個鰻魚汁都令個飯好香 最重要嘅係佢個份量真係好夠 雖然我同同事兩份食 但食完之後都覺得好飽！而且佢送嗰碗湯都好好飲！放咗魚乾落去一齊煮 好鮮甜！本身以為小店好難做出呢啲水

之前餐廳試業個陣盲中中去左食雞湯拉麵食過翻尋味 今次再黎食就正式開業啦🤩門面設計好特別罕見 好新舊融合既日本風🇯🇵🤓店內裝修好得體💯💯💯我照舊食招牌白雞湯拉麵食物保持水準👍🏻👍🏻炸牛蒡同雞肉係我最愛👅湯底濃而不膩回味無窮😋😋😋溏心蛋完全唔漏唔會增加腸胃負擔🥰同行友人叫左白雞湯沾麵沾麵湯底滋味濃厚 充分能夠將湯掛到麵條👏🏻配料可以按喜好自由選擇 岩哂唔同口味既食客😲黑豚叉燒（2塊）/慢煮日本雞胸肉（4塊）/雙拼：黑豚叉燒（1塊）+雞胸肉（2塊）食到尾聲店員送上熱辣辣既鰹魚湯比我地溝淡撈混飲用～～食完碗沾麵飲用熱辣辣既精華湯底 非常完滿🥳我地仲追加左芥辣八爪魚 鮮甜爽口 作為前菜/助菜都一流～店員亦好貼心 介紹我地下載會員app可以即時換領汽水/溏心蛋😍😍好抵呀🤑🤑🤑另外值得一提既係店內洗手間😳🤭係日式簡約雲石設計 超級闊落，極度乾淨，非常企理👍👍👍廁版係自動感應 行埋去自動打開 好high tech!!👀仲有好貼心咁安排左唔同既amenities比食客使用☺️睇得出餐廳真係好用心經營 我會繼續身體力行支持咁有心咁餐廳💪🏻💪🏻

土瓜灣隱世美食不少，這次的拉麪店認真隱蔽，一時走神的話真的會把它看漏了！金鶴的雞白拉麪一早已在我的拉麪list上。以濃郁雞湯見稱，我就要會一會，普遍人都會點拉麪，但偏好沾麪的我看到有沾麪，就毫不猶豫點了。沾麪一方面講求麪質，一方面也講究湯底的濃度。雞白湯底果然鮮濃，順喉的咸，彈牙的麵條，足夠掛湯。味玉軟滑，沾上點湯，更惹味。最欣賞雞胸肉，在湯中也飄浮幾塊，嫩滑非常，一整塊咬下去的質感真的鬆化又柔軟。還點了兩支日本直送果汁，十分消暑！

金鶴既分店愈開愈多，今日經過土瓜灣，叫左朋友落黎食lunch。睇到menu原來佢最近新出左北海道極濃蝦湯拉麵! 朋友馬上話想試，我都係最鍾意雞白湯❤雞白湯拉麵其實都好大碗，最特別應該係佢一大堆炸牛蒡既造型。我覺得最正佢係既湯頭。奶白既湯底，入口creamy又厚身，非常香濃!兩塊慢煮雞肉，入口微暖，香軟中間有少少咬口，雞味唔錯兩塊大大既叉燒，肥瘦均衡肉味超香👍🏻當然唔少得拉麵必備既溏心蛋! 中間仲有少少半固既蛋黃，入口蛋香十足。 可惜得半隻唔夠喉，早知加多一份北海道極濃蝦湯拉麵朋友超鍾意食，分別在於雞肉換左做蝦，而且湯底有超多櫻花蝦，蝦既香味特濃!午市優惠小食都有好多選擇，都只係加28蚊，同朋友點左一份日式餃子share。餃子外皮軟身q彈，口感非常好。食落豬汁頗多，好香豬肉味😍

同老公去土瓜灣探朋友，得悉呢度都開左間金鶴拉麵，所以夜晚決定同老公食多次！呢間店鋪比主店細，禁岩呢日冷氣壞左，但店員好好，每人派一把巴蕉扇，務求盡力令大家食得舒適。金鶴雞白湯拉麵，有炸牛蒡、日本赤雞肉、叉燒、溏心蛋。炸牛蒡炸到薄而脆，好似食緊薯片。赤雞嫩滑、鮮甜，叉燒薄切，無咩脂肪岩哂我，肉質夠鬆軟白雞湯好濃郁唔會咸岩岩好用，越食越舒唔到口。今次係我第三次食都無失望！鰻魚飯，鰻魚係即燒即整嫁，望住佢係爐到慢慢燒，仲要係超級厚，所以預大約等半個鐘左右先食得，但望住佢燒都好治癒。終於上枱啦真係超勁肥美，外面燒到焦脆香口，肥美鬆化，醬汁亦夠味。仲有個鰻魚骨同鰻魚肝晚湯，正呀！

🇭🇰#香港捐窿捐罅記 instagram: foodkiller_dk雞白湯係一比較新穎嘅湯底 一個好食嘅雞白湯要又creamy 又甜 而且個顏色要係奶白色 好似牛奶咁😂 而且我不嬲覺得拉麵最重要係湯底 所以如果你食一間拉麵佢個湯底唔好食 你基本上已經可以知道間餐廳好極有限😂-嗰日我叫咗拉麵同沾麵兩款😌一上到嚟已經發現兩個湯有所不同 沾麵嗰個湯比較濃👍 已經係一個加分位👍一嚟到當然係飲一飲個湯 幾甜幾滑👍 係一個幾高質嘅湯底 面嘅軟硬度啱啱好 冇過淋或過硬😌 最令我驚喜反而係舊肉 本身一知道係雞胸都有少少反感 因為雞胸通常都又鞋又乾🧐 而且好似同拉麵🍜 唔太㚒 😂。不過一食落口就發現我錯咗 😂雞胸幾嫩 同滑👍 當然你唔可以將佢同雞髀比較 但係以雞胸來講已經好好👍 其他配料中中等等 但係煮個湯底同肉夠好食就已經值得食🥰🥰🥰 大家行過可以試吓

咁啱經過土瓜灣嗰頭，見到有間拉面鋪，鋪面裝修得好靚，好有日本高級餐廳嘅氣氛，不過整體燈光偏暗。店員服務好好，一入去即刻打招呼同埋有侍應帶你入去。打開menu就見到招牌推介嘅濃厚雞白湯拉麵，雞湯沾麵同埋唐揚炸雞。唔洗幾耐招牌雞白湯拉麵就嚟咗，侍應同我講一大朵好似花咁嘅係牛蒡嚟，要乾食。炸牛蒡有意外驚喜，好香脆，牛蒡味好香濃，中意食牛蒡嘅人必食。另外雞湯好香雞味同好濃，質感有少少似忌廉湯！雞肉好腍，咬口好特別，可能係慢煮雞胸嚟，其他地方未食過呢種口感嘅雞肉。但食到最後可能會有少少膩，但牛蒡呢個時候原來係用嚟解膩，飲多啖熱茶，完全解了膩。而個沾面都超級正。雖然佢同個拉麵都係白雞湯做湯底，但係同拉麵個湯底好唔同，沾面個湯底係冇拉麵嗰個湯底咁清，有雞味之餘又鹹鹹地，而且仲有一啲雞肉粒，個湯底超級正。個面底勁有咬口，份量都夠，我自己食都差啲食唔晒，好少有佔面係咁飽肚。而佢啲配菜都好正，我揀咗有兩種肉，每種肉各兩片，放落個湯底食真係一流。其次係個糖心蛋，真係好好食，個蛋勁入味，平時嗰啲面只會比半隻，佢仲要畀晒一隻俾你，個蛋半熟嘅狀況撈埋啲面真係好正！唐揚炸雞好脆，外脆內軟，雞汁保留係裡面。但畫龍點晴

我同朋友都好中意食日本菜 而拉麵就係我地嘅至愛 大大話話都試過唔少拉麵店 今次就黎試係土瓜灣嘅金鶴拉麵 雖然係土瓜灣 但一啲都唔難穩 何文田地鐵站出行10分鐘多啲就到 我地嗌左2碗拉麵加2串豚肉串 首先鹽味拉麵清得黎個湯好香 岩曬啲容易覺得油膩嘅朋友 而蝦湯拉麵 個湯真係非常鮮同濃郁 而且材料非常豐富 有櫻花蝦做嘅湯底同原隻大蝦 仲有大大塊叉燒同溏心蛋 中意食蝦嘅朋友一定唔可以錯過 而豚肉串肥瘦適中 一咬落去啲肉非常軟同多汁 味道都好好味店鋪環境好舒服 裝修同一般拉麵店唔同 比較似高級日式料理店 而服務都好周到 絕對係難忘嘅一餐啊

呢間日本餐廳主打鰻魚飯同白雞湯拉麵食咗第二次啦今次試吓個鰻魚飯😋果然名不虛傳💪🏻已經列入我最愛既list😻.#活燒蒲燒鰻魚飯 $238鰻魚係每日由台灣生猛到港 所以係好新鮮客人即叫即劏即起骨即燒😂先烤到魚皮焦脆 再烤魚肉一面 反覆塗上用甜甜地鰻魚汁😍鰻魚特別厚肉‼️而且絕對冇細骨 呢度挑細骨嘅功夫係出色嘅👍🏻鰻魚厚肉到似扒😂 口感多汁有彈性 加上魚皮有焦香醬香配爽口既日本七星米食 同魚油撈埋一齊好香口💯.#金鶴雞白湯拉麵 $98今次我食第二次啦 水準依然keep到冇退步👍🏻配料有慢煮日本雞胸😍、火炙叉燒、溏心蛋、炸牛蒡最好食梗係慢煮雞胸啦‼️用慢煮低溫煮熟 唔會破壞左雞肉嘅肉質🤔保持到雞肉嘅鮮嫩 同埋本身雞肉嘅味道炸牛蒡令到平平無奇嘅拉麵賣相更加特出😚值得一提係個湯底👍🏻白雞湯有豐富嘅膠原 飲落唔油膩 而且有少少起膠嘅感覺