金鶴拉麵 (九龍城道) (已結業)

這間拉麵店位於土瓜灣在舊式住宅附近，泊車都好方便☺️店面已經好日本風，用和式嘅自動躺門。全店裝修以黑木色為主調，店內有上下2層。店員安排我地坐係地下果層。打開餐牌都算多拉麵款式可以揀有辛味，鹽味，黑醬油，醬油等等，當然仲有最出名嘅極濃白雞🐔湯拉麵喇😋今次仲有期間限定嘅北海道極濃蝦湯拉麵🦐🦐除左拉麵之外，這店還有活燒嘅鰻魚飯都好出名。我同朋友點了2款拉麵，一款係極濃白雞湯拉麵，另一款係北海道極濃蝦湯拉麵☺️白雞湯拉麵嘅湯底真係超濃郁，湯底可以飲到雞嘅鮮味，仲加埋炸左嘅牛蒡係配菜，食落脆脆嘅😌有2塊叉燒同2塊雞肉，叉燒好似烤過嘅火腿😋雞肉係嫩嫩嘅白雞肉，配上粗嘅拉麵，味道好夾😌海鮮控真係要點e 個北海道濃蝦湯拉麵🦐🦐因爲個湯底真係啖啖都有鮮蝦味，佢仲落左櫻花蝦做配料，更加野味，另外配左2塊叉燒，同一隻大蝦，大蝦係煎香左再開邊，賣相好靚，食落仲啖啖肉😋2碗拉麵都有流心蛋😍

估唔到近住土瓜灣街市，竟然有咁好食既拉麵店～間鋪重要裝修到好靚～今次左北海道濃湯海鮮拉麵同原味白湯拉麵～北海道濃湯海鮮拉麵蝦味好重，湯入面加左d櫻花蝦～拎味道更濃～原味白湯拉麵～係用魚同雞煮成既濃湯～魚味好重～比較清淡～呢2個拉麵我會比較鍾意魚湯呢個～入面配左叉燒同慢煮雞～因爲d湯又好好飲～我地唔小心飲哂～飽到飛起～重加左$28叫左2串黑豚肉串燒試下～味道都幾好～有d似火腿～同平時既豚肉串燒有d唔同～比較淋～

前陣子公司飯局後，幫忙送個女同事回家，途經這裏看見一間門面很特色的食店，走近一看，原來是間日本拉麵店。所以今天同太太拍拖來晚餐，她是一個不折不扣的拉麵控。店內環境裝修得很別緻，坐位亦很舒服。是日比較肚餓，除了拉麵還多點了兩款小食。極濃雞白湯拉麵：人氣拉麵果然可信，湯底雞味又濃郁又香滑，沒有油膩感，忍不住先喝幾口；兩片雞肉口感煙韌有肉汁，真不錯。燒黑豚肉串：燒得剛剛好能保留肉汁，肉塊口感彈牙。芥辣八爪魚：我的至愛小食，小小攻鼻，口感鮮味又彈牙，正！

今天下午約了乾女兒吃午餐，想起很久沒有吃拉麵，便來到這裏。鹽味拉麵$88，有兩片雞肉和叉燒，湯底味道除了鹽味，還有些紫菜味，適合清淡人士享用。史上極濃雞白湯拉麵$138，配料有半隻溫泉蛋、兩片雞肉和叉燒，還有炸過的牛蒡。雞肉味道鮮甜，雞湯湯底濃度很高，雞味濃郁，整個拉麵，配合得天衣無縫。煎日式餃子$28，底的部分香脆，饀料肉汁豐富，點些餃子汁，更覺美味。日式唐揚炸雞$38，雞皮炸得又香又脆，內裡雞肉保持肉汁豐富，只需點些鹽，就更可口。日本溏心蛋$12，蛋黃呈流心狀，味道香濃。

之前都有吃過金鶴拉麵 不錯的說但聽到媽媽話經過門口覺得貴不敢試心感慚愧 覺得自己不孝 就拉大隊食！土瓜灣分店比較特別 共有兩層 當然選擇坐樓上一口氣叫哂我吃過的給家人試😹所以冇試新口味.極濃雞湯拉麵🐓金鶴雞白湯拉麵🍜🆚雖然極濃唔係我負責食 但試飲過湯底嘩 真係比普通的雞白湯拉麵更加濃郁食每一啖拉麵都完美吸收了呈奶白色的雞湯好順滑的口感 滿滿的骨膠原😍爸爸成碗飲哂不過呢個價錢…自己都係食返普通 已經好好吃&滿足ps 一定要記得炸牛蒡要盡快吃 才能保持脆和熱.活燒浦燒鰻魚飯🍱媽媽見到呢盒便當即刻心心眼 證明我冇叫錯到其實就冇海報所講的3cm 但都非常厚身 好正表示同坊間吃到的完全不一樣 吃得出的新鮮燒汁不會太咸/太甜 飯粒還混炒香了的芝麻.日式唐揚炸雞🍗依舊的好吃 外脆內軟 保持雞肉的鮮嫩多汁配上檸檬味的鹽 好清新 一點都不覺得油膩.日式溏心蛋🥚為了媽媽也能品嚐到溏心蛋 就另外叫了一客幸好適合她的口味 好香夠滑 呈流心狀態

聽聞金鶴拉麵嘅拉麵好正，所以專情黎試。入到去以為好細間，點知樓上仲有一層，而且環境特別舒服，就好似貴價嘅日本料理店咁。拉麵有幾款，我就揀左煮住人氣no.1嘅極濃雞白湯拉麵。雞白湯湯底非常濃郁，但佢嘅濃郁同豚骨湯個種唔同，佢飲落就好似熬左好耐嘅老火湯咁，有種媽媽的味道😍飲完仲完全唔會覺得油膩或者口乾，真係飲多幾碗都仲得！拉麵配菜有兩塊赤雞肉、一片叉燒同炸牛蒡。脆身嘅炸牛蒡同拉麵嘅組合出乎預料地夾，增添左一份獨特嘅口感。雞赤身係雞胸肉黎，有肉味得黎唔會鞋口，而且完全唔肥，食左0罪惡感，好適合怕肥嘅女士們黎食😋😋明太子雞翼都超級好食，入面釀左好多明太子，同埋燒得好香，下次黎都會再encore!MENU

金鶴拉麵分店愈開愈多，之前已到過佐敦分店，而今次這間土瓜灣分店地點位於舊區當中，比較偏僻，周圍都是舊樓，但泊車方便，裝修跟其他分店一樣很有日本風，門面很華麗高貴，有開放式廚房，有一排的吧枱可以欣賞師傅煮麵，但坐吧枱會比較熱，所以最後我沒有選擇。金鶴拉麵除了主打雞白湯拉麵，仲有黑蒜油，辛味，醬油及鹽味拉麵，另有期間限定的北海道極濃蝦湯拉麵。而餐廳的活燒蒲燒鰻魚飯都好出名的。而我就點了主打的雞白湯拉麵，賣相吸引有霸氣，放著一團炸得香脆的炸牛蒡，兩片慢煮日本赤雞肉，很嫩滑軟淋，一片肥瘦適中的叉燒及溏心蛋。湯底用赤雞熬製六小時而成，濃而不膩，飲落順滑。麵質比較幼身，有咬口。另外的黑蒜油拉麵，配料跟雞白湯拉麵一樣，只是湯底用上自家製黑蒜醬油，有很強的蒜香味，味道濃郁。小食點了兩串燒黑豚肉，明顯見到一層肉一層脂肪，肉質軟淋，燒得香口。現在食客可以裝上餐廳app，立即送100分可以即時換上汽水一支或溏心蛋一隻。另外儲分可以換小食。師傅話中環分店餐牌會有更多不同選擇，下次要去試下。

今日跟朋友搵食，黎左土瓜灣，試下極濃雞白湯黎到先知原來呢間拉麵店仲有沾麵可以選擇，有選擇困難症既我最後都係揀返拉麵朋友就因為已食過拉麵，今次就揀沾麵極濃雞白湯每碗拉麵都配有兩塊赤雞肉、兩塊日本叉燒同溏心蛋，雞白湯更有炸牛蒡，將整碗拉麵既賣相level up湯呈奶白色，味道真係有好濃郁雞味，質感順滑，難怪可以做主打同引人朝聖拉麵屬有嚼頭，掛湯能力都唔差配料日本叉燒夠薄夠滑，溏心蛋溏心程度就差啲啲，就流心多少少就好了，但味道都係唔錯朋友既金雞白湯沾麵，同樣都係有溏心蛋、日本黑豚叉燒沾麵既麵條更粗身同有嚼頭，湯底則比拉麵更濃郁同稠身沾麵湯底凍左，可以要求加熱，咁湯既味道就可以keep住濃郁，呢方面都幾貼心

今日去土瓜環去左我好喜歡的金鶴拉麵今次是第二食今次是帶朋友一齊去！一入去好有日本feel我們坐近門口，台上有把風扇仔🤣😂原來是店家怕我們熱，所以放在這比食客門用。我同朋友推介雞白湯拉麵！今次我試辛拉麵我朋友一試就話，好正！👍🏻🤣😂雞湯濃郁香滑！麵質爽口彈牙！雞肉滑嫩，好好好好味！👍🏻👍🏻👍🏻👍🏻辛拉麵小小辣，好香好好味！質素一樣高一樣好味！燒豚肉串好有肉味，好香好好味！燒鰻魚串魚好新鮮，汁好好味！

金鶴拉麵有好多分店。近期被調到土瓜灣工作就嚟呢一間拉麵店試試~呢間拉麵店裝修好有日本feel。原來店有2層ga～坐位空間感好雞白湯沾麵-🍜餐包左2塊雞胸肉、叉燒同埋一隻蛋！沾麵的麵身較粗，而且是凍的。需要沾上雞白湯才可以吃麵，沾麵的份糧比拉麵為多，食落口感彈牙、有口感！估吾到雞胸肉可以做到吾～鞋～其間限定的北海道極濃海老拉麵-🍜難怪叫極濃海老🍤🍤、、、中間放咗一隻海老蝦及滿滿的小櫻花蝦同完全被濃濃嘅湯浸住！啖啖蝦湯🤤滿足~~~仲有紫菜叉燒木耳同半隻蛋！拉麵嘅質感彈牙而且硬度適中。濃湯飲落又吾會~油膩~燒牛舌🍢幾爽同有咬口、滿滿黑椒味、更惹味。

老土啲都要講句，呢間真係土瓜灣隱世美食 !!土瓜灣平時其實都好多好嘢食嘅，不過今次係一個住土瓜灣嘅朋友帶我呢 ，佢個位置其實都唔係平時會經過嘅地方， 唔係佢帶我嚟真係未必搵到~~ 😜我叫咗金鶴雞白湯拉麵($98) ，朋友就叫咗極農雞白湯拉麵($138)， 相信大家都第一時間問有乜分別 我都問咗職員佢話係個湯底分別，前者係雞湯加埋魚湯， 後者就全雞湯。拉麵一到我話咗一聲，因為個賣相好靚， 之後第一時間飲啖湯先 飲完一啖我已經知道呢碗拉麵我一定 會清咗大半碗湯 ，因為完全唔覺有味精(當然我相信少少一定有) ，但感覺好易入口， 唔覺得肥膩， 反而朋友嗰個極濃雞白湯我就覺得濃咗少少， 平價啲嘅普通雞白湯拉麵我鍾意啲!! 😁😁成碗麵份量好足，啲餸好夠食， 個溏心蛋亦都做得好好!🍜🍜🍜🍜另外叫咗個明太子釀雞翼， 口感好香脆少少辣，不過其實如果女仔食一碗拉麵已經好飽 ，小食係bonus✌最後我要大讚既係佢個廁所 !! 實在令我覺得自己去咗日本， 因為個廁所好大，仲有提供刷牙工具牙籤牙線 ，好整齊好清潔 ，喺香港真係好少餐廳會咁著重個廁所，加分!!

早前到訪過佐敦分店，這次來到土瓜灣分店，地方比較大很寬敞，裝潢一樣是走黑色色調很型格～。這次點了限定北海道極濃蝦湯拉麵，蝦湯湯底超級濃郁！完全是整碗拉麵的焦點✨ 大蝦大大隻，肉質爽甜很新鮮，拉麵掛上湯汁好滋味😋👍🏻。另外點了招牌鰻魚飯，鰻魚肉質彈牙超肥美～配搭了一碗鰻肝湯✨湯品本身清淡沒有太多調味，吃完濃郁的鰻魚飯後喝上一口熱湯，頓時解膩而且脾胃變得舒暢，很滿足🥰。這家定期有限定口味，每次來都有驚喜呢～🥳

食拉麵嘅話除咗麵條嘅面質好重要之外，一個靚嘅湯底都不可或缺！！🍜🍜🍜土瓜灣地膽朋友介紹，〈金鶴拉麵〉 除咗湯底靚麵質好之外，環境都相當唔錯，好有日本feel，所以〈小肥兔〉今日就一於嚟食拉麵啦~~入到去就覺得富日本風味之餘仲帶有一點型格，好年輕的風格呢。因為坐Bar枱，所以就俾我見到原來佢哋嘅拉麵係自家出品嘅，一板板的排好，等待烹調。〈北海道極濃蝦湯拉麵〉朋友推介，必定要點這個有大大隻蝦企喺度的蝦湯拉麵，直情誇張到話試過先知乜叫〈濃〉蝦湯嚟到就當然要急不及待的熱辣辣呷一口，果然冇介紹錯，簡直就猶如有千百萬隻活蝦在口中暢遊！！！無數嘅脆脆櫻花蝦更為鮮甜甘甜嘅濃湯增添口感。🦐🦐🦐食完湯就都到溏心蛋🥚🥚🥚雖然唔係醬油味，但反而就食到濃濃嘅蛋香，口感仲好滑溜溜添有爽滑彈牙嘅大蝦之外仲有大大塊厚切嘅日式叉燒，滑得來又唔肥膩，好吃喔！！🐷🐷🐷當然作為主角之一嘅自家拉麵亦係非常好吃的重點推介之一，麵質爽滑得嚟又夠彈牙，軟硬度適中，再拍埋木耳絲一齊吃，口感非常有層次呢！！〈極濃雞白湯拉麵〉好友話佢上次試過濃蝦湯拉麵，今次一於試下雞白湯湯底。🐥🐥🐥雞白湯湯底嘅質地非常creamy濃滑，恍惚集滿咗萬千鮮雞

唔係朋友介紹都唔知紅蘋果圖書館後面開咗一間咁嘅日本野，仲見食評好似幾好，今日收工就專登走過來試吓。入到去感覺上係一間幾高級嘅居酒屋，環境幾有氣氛侍應問我地坐唔坐吧枱可以欣賞師傅喺入面整嘢食，但我哋想靜靜地傾吓計，所以上咗閣樓度坐兩個大食積都叫咗幾多野哈哈😂雞白湯沾面（配黑豚同兩舊雞叉燒）沾麵個湯夠熱，好濃好香雞味，個湯入面有一啲碎嘅雞肉，唔知佢點煮，但口感好特別，第一啖食到嘅時候有錯覺覺得好似豬頸肉，好味！麵都好彈牙，而塊黑豚肉味道有啲似西班牙火腿，未食過雞肉同豬肉係呢個味道同咁滑糖心蛋入到去嘅時候侍應同我地講拎部手機出嚟download個Apps做會員就即送糖心蛋一份或者汽水，我哋當然即時申請揀咗一份糖心蛋，無誇張，呢隻糖心蛋應該係我食過咁多間拉麵以來做得最好嘅糖心蛋，佢係完全做到個蛋黃部份全糖心嘅效果，啲蛋黃處於流出黎同凝固既中間，而蛋白仲係啱啱好熟，好軟滑嘅狀態，好食！鰻魚飯個飯一嚟到，已經覺得好surprise，因為塊鰻魚係超級厚身，同Menu上面幅相係一樣咁厚，符合商品說明😂佢個鰻魚唔係平時喺超級市場買嗰隻咁淋身，而係好彈牙，感覺條鰻魚好新鮮同埋好大運動量，仲要啖啖肉一啲骨都

咁啱出開土瓜灣做嘢經過見到有間裝修靚靚嘅日本餐廳，就同老公入去試。因為2樓正在裝修所以都好多客人我哋等左大約5分鐘就有枱啦，服務員好好招呼，環境都好靚，坐得好舒服，我地點左個北海道極濃蝦湯拉麵（限定）、活燒浦燒鰻魚飯、日式餃子、唐揚炸雞及葡萄果汁。首先講下北海道極龍蝦湯拉麵，湯底濃郁，拉麵質感很好，由其是蝦很大隻，肉質很爽口，配料有流心蛋非常滑嫩。活燒浦燒鰻魚飯係一個套餐上，配有芥辣八爪魚及魚湯，鰻魚非常厚切，外脆內嫩，鰻魚汁亦調校得恰到好處，真係喺香港好難搵到咁厚身嘅鰻魚，真心好食、抵讚！我哋追加左兩款小食，每款小食只需要加$28，日式餃子及唐揚炸雞，日式餃子很好吃，皮薄餡靚，一口一件好易入口，唐楊炸雞亦好好吃，一啲都唔油膩，真係食到停唔到口！下次我哋一定會再去！