金鶴拉麵 (九龍城道) (已結業)

得一想二既金鶴拉麵 真係冇形容錯架😋試過一次，間唔中就會想食多次，今次已經係第二次黎金鶴。上次同朋友食左招牌雞白湯拉麵，今晚一於試另一款招牌菜，務求試曬menu上既拉麵沾麵🤭少少唔好彩，今晚餐廳冷氣機壞咗， 所以全程都冇乜冷風。 不過餐廳亦都好貼心， 每人都提供咗一部小風扇👍蒲燒鰻魚飯製作需時，需要等大約15分鐘呀。 雖然好肚餓，不過等耐啲都值得😋 鰻魚飯由和風木盒裝住， 配有湯同埋芥末八爪魚。一打開木盒，鰻魚飯香氣撲鼻😍 望見餐牌時仲猶豫緊叫唔叫鰻魚飯， 因為價錢稍貴， 不過食到咁厚咁肥美有質素嘅鰻魚就覺得物超所值😋😋鰻魚超大塊而且極厚身😎 睇返menu發現餐廳係選用每條約兩公斤的頂級鰻魚， 即叫即燒。 口感非常有彈性，而且厚得黎好似食緊魚扒咁 ❤️❤️ 七星米沾上燒鰻魚的醬汁，份外惹味💋 鰻魚份量多到白飯都唔夠食， 如果可以單點多一碗白飯就好啦 😂黑蒜醬油拉麵黑蒜味香濃又唔會太鹹，蒜香味重。好鍾意佢既糖心蛋，真係糖心有少少蛋黃汁的，蛋白滑捋捋。達摩雞肉肉質嫩滑👍👍