金鶴拉麵 (九龍城道) (已結業)

我同朋友都好中意食日本菜 而拉麵就係我地嘅至愛 大大話話都試過唔少拉麵店 今次就黎試係土瓜灣嘅金鶴拉麵 雖然係土瓜灣 但一啲都唔難穩 何文田地鐵站出行10分鐘多啲就到 我地嗌左2碗拉麵加2串豚肉串 首先鹽味拉麵清得黎個湯好香 岩曬啲容易覺得油膩嘅朋友 而蝦湯拉麵 個湯真係非常鮮同濃郁 而且材料非常豐富 有櫻花蝦做嘅湯底同原隻大蝦 仲有大大塊叉燒同溏心蛋 中意食蝦嘅朋友一定唔可以錯過 而豚肉串肥瘦適中 一咬落去啲肉非常軟同多汁 味道都好好味店鋪環境好舒服 裝修同一般拉麵店唔同 比較似高級日式料理店 而服務都好周到 絕對係難忘嘅一餐啊