金鶴拉麵 (九龍城道) (已結業)

前排去土瓜灣紅蘋果，路經呢間拉麵店，簡直雙眼發光，估唔到連有級數既拉麵店會進駐土瓜灣既細區今日就搵埋細佬一齊去試新野呢到既主打係極濃雞白湯，並號稱史上極濃 ，當然要試下啦沾麵有3種配搭可以揀，我就揀火炙日本黑豚叉燒 & 慢煮日本雞胸肉 各2片，仲有1粒溏心蛋 ，感覺更抵先講湯底，食過就知佢既自信係邊到黎，雞湯味道真係好濃郁，估唔到雞都可以做到咁濃味，但食落又唔會過咸麵條光澤好靚，而且嚼頭十足，夠彈性食完整碗麵，湯底只係剩底三分一，可見麵條既掛湯程度肉黎講，我就喜歡豚肉叉燒，係食得出外圍灸燒過既香味，而唔係得個樣肉質軟又帶實，無過多膏位，正細佬對比我，就係重口味人士，所以嗌左黑蒜醬油拉麵試左一小啖，湯底也是很香，黑蒜味道都幾出，同樣地都無過咸既問題麵條對起拉麵黎講其實算有咬口，只係試過沾麵既麵條，再試拉麵既，就會有落差小小總結係，極濃雞白湯真係好正，下次會黎試埋拉麵

「每月跟老公相約拍拖lunch」今次到我揾地方去食嘢，揾個近家嘅餐廳，向土瓜灣有間穩世拉麵店-「金鶴」！我本身就好鐘意食拉麵，呢間餐廳佢除左出名拉麵，就係鰻魚飯！所以我地一黎到就㨂左以下食物，仲有評分：炸雞🍗🌟🌟🌟🌟🥟煎日式煎餃子🥟🌟🌟🌟🌟🍺日本手工啤酒COEDO🍺🌟🌟🌟🌟🌟🐟鰻魚飯：鰻魚係活生擋，師傅會好細心咞逐條魚骨夾出來，係你食嘅時候就會有啖啖肉嘅感覺！呢個需時15分鐘架，如趕時間，可訂位時講定要鰻魚，或可打黎早15分鐘叫定。咁手唔駛等咁耐！😌 （👍🏻必食之選）🍜金鶴.雞白湯拉麵：大部材料都係日本運黎，湯底係由底温煮赤雞熬製6小時而成，口感濃而不膩，而且順滑！啲湯飲咗都唔會口乾或有黏口嘅感覺！（個人覺得好啱小朋友食，因為真係成碗食晒，可以連個湯所有都飲清而唔頸渴，而且雞肉都好嫩滑，冇渣！）㊙️佢最近推出左嗰新湯拉麵🍜「極濃雞白湯拉麵」，我未試，經理話試左「金鶴」先，個湯底當然係更加濃，有似食帖麵嘅感覺🍗日式唐揚炸雞：香口脆脆，肉又入味，傍邊會放埋香草檸檬盬，點住黎食會清香啲，炸得都好乾身，係剛剛好嘅，肉質嫩嫩！🥟日式煎餃子：味道ok一試無妨架！🍺日本手工啤酒：佢地有好多款嘅手工啤酒

今次嚟到土瓜灣覓食，想食鰻魚飯同拉麵，睇到佢都有好多正評，一於就試吓佢！😛😛金鶴雞白湯拉麵🍜$98聽師傅講個湯底係用赤雞熬六個鐘架，好用心去煲。個湯底飲落去口感好濃郁，但又唔會好膩喎，飲完之後都唔會覺得口乾或者有癡粒粒嘅感覺，證明佢真係新鮮材料去整個湯底，應該冇落味精👍👍所以啲拉麵索晒湯嘅精華，食落都覺得好正啊！活燒蒲燒鰻魚飯$198師傅話佢啲鰻魚係頂級嘅鰻魚，台灣生產，仲會出產去日本架，聽落都好高級！製作需時，要等15分鐘至20分鐘先至有得食，佢係即叫即整，喺鋪頭入邊劏同燒條鰻魚。鰻魚勁肥美勁juicy呀🤩🤩 肉質係外脆內嫩，證明師傅係燒到恰到好處嘅！呢一個真係一定要試嘅鰻魚飯💕💕menu:

去土瓜灣找朋友。路經金鶴拉麵門前。見造型很霸氣的拉麵圖。入去品嚐下。要行樓梯上一層。裝修以黑色為主調，真有置身日本優雅的感覺，的點左金鶴雞白湯拉麵 ，湯底濃香 ，麵質帶點麥香，牛蒡炸金黃色，霸氣站碗上。很可愛又美觀。另醬漬日本糖心蛋，蛋味很香加醬油味。完美配合。

每當我掛住日本旅遊，都會好想食碗拉麵🍜上次係去佐敦食過一次金鶴，今次去土瓜灣唔使等位，呢間分店仲要大好多舒服好多，但係就冇咁就腳第二次食都仲要叫返一模一樣嘅雞白湯拉麵一啖湯一啖麵好幸福🥺💕 一條條炸牛蒡絲，一嚟就覺得賣相好吸引🤪我覺得最好食係嗰舊雞肉，滑到不得了🥺唔知有冇得另加多幾舊，食得出佢係好多工序先有呢碗拉麵🍜加分在細節💕最後去洗手間見到原來好貼心咁有牙線，牙刷牙膏，另外仲有衛生巾💕驚訝到不得了朋友告知先知原來佢有個app，可以儲分🥺無儲到舌咗

甚少出土瓜灣既我因為約左朋友係個邊食糖水，就順便係土瓜灣覓食一下，亂咁行俾我發現左哩間拉麵店，望入去有啲日本feel，但燈光就比較暗，座位要上兩樓，數量唔算多一坐低waiter就送上茶，menu同話係日本黎既濕紙巾。waiter服務都幾好，佢會留意到你睇緊邊款麵/邊頁，然後會介紹一下。我地2人點左餐廳招牌麵金鶴.雞白湯拉麵、活燒蒲燒鰻魚飯同雞泡魚乾。個金鶴.雞白湯拉麵幾特別，係香濃雞湯但好似有加左啲cream咁，拉麵賣相吸引，裡面有雞肉同叉燒，肉一啲都唔韌，好好食。我本人一向唔太中意食鰻魚因為成日都覺得有幼幼既骨，但呢到既鰻魚可以令我食好多加上佢既燒汁，真係唔錯。另外，我覺得最大驚喜係雞泡魚乾。平時食既都係又乾又硬。但哩到係乾得黎好似有啲juicy咁，唔會係勁硬。我大愛哩個小食♡食完好滿足，會想下次再食同試埋其他拉麵。

難得入九龍城食嘢，成日都聽到人哋話九龍城好多好嘢食，今日去咗金鶴拉麵，試吓佢地好出名嘅白雞湯拉麵🍜一入到去店，地鋪有一個水吧枱，我哋食午飯係上2樓，整體環境氣氛都很好。當初坐下來之後，會俾你揀要水或者茶，然後仲好貼心比濕紙巾抹手。我今次叫咗一個白雞湯拉麵再加豉油叉燒，仲有餃子🥟，只要午市時間去食一個拉麵就可以加$28叫一款小食。佢拉麵個湯底仲可以無限添加，拉嘅質地煮得剛剛好，加上他的湯底十分濃郁，在配搭他的雞肉和叉燒，值得一試~！

咁啱有嘢做要去土瓜灣，行過聯業大廈見到間裝修幾別緻又有特色嘅日本餐廳，仲有我最鍾意食嘅鰻魚飯🤤就直接行咗入去。行入去就覺得個環境好有情調，睇得出老闆用心嘅裝修🥰咁嘅環境下食嘅嘢都覺得特別好食😍必叫活鰻蒲燒飯，另一個就叫咗雞白湯拉麵🍜個拉麵上得比較快，個鰻魚就要等耐少少燒🤤個拉麵用咗炸牛蒡裝飾，求其影都好好睇，而且又食得😍個雞湯真係好濃味，食得出用心熬製而成，但又唔會覺得好油膩，真係可以飲曬啲湯，唔好曬😆而且個日本叉燒好腍又唔‘鞋’口，好入味，肥瘦適中👍🏻😉重頭戲鰻魚飯一定要試，因為真係好好味，條鰻魚好肥美，燒得啱啱好，無骨，配埋個醬汁一流，用個醬汁餸飯都好好食🤤另外配嘅湯用魚骨熬製，見到有魚骨可以食下骨上嘅魚肉😆飲埋個湯就飽到要捧住個肚走😂😂呢個係值得推薦用心製做嘅日本餐廳💕

曾經喺openrice搵食嘅時候，見過金鶴拉麵嘅鰻魚飯好多好評🍱，試完真係名不虛傳。門口係傳統日式店裝修，竹欄趟門，有啲心思😏。 一入去覺得有啲似居酒屋，有一個服侍串燒同飲下清酒嘅吧檯，係香港要咁日式真係唔容易😎，好想宣傳一下佢個廁所🤣，係開心大發現🤓！首先十分寬敞明亮，裝潢高級，細看再發現竟然提供咗牙刷套裝，仲有牙線，做足日式餐廳規格，最最佩服係個廁所係日本貨，廁板識發熱個種！我冇係香港見過，就算酒店都冇！個廁所為餐廳更添加日式味道。活燒蒲燒鰻魚飯正如佢簡介所講，好似鋸扒咁食🤩！佢話選用頂級鰻魚，無呃秤，打開飯盒蓋一刻，眼前一亮！塊鰻魚好粗壯好肥美~~😍 肉身好厚！勁大塊，已去骨，魚肉鮮甜有汁，滑捋捋，啖啖肉咁咬令人覺得超爽😋 價錢屬中等，但我估計同樣質素喺其他餐廳食應該會更貴；金鶴唔浪費，起出嚟的魚骨用以煲湯，變成跟飯配料，根本就是日本本地做法嘛~窮豬冇錢去日本😭，而家發現原來有金鶴，出產咁高質鰻魚飯，可以間中過黎食慰藉口慾🤤。

最近先知土瓜灣新開咗間拉麵 睇評價好似唔錯就同咗frd去食 雖然佢個位好唔顯眼，但裝修得好靚，好高級。我地叫咗最出名嘅金鶴雞白湯拉麵，試完之後真係覺得好正😋雖然係拉麵，但個湯味濃郁，原本都想試佢地好出名嘅沾麵，但兩個人實在食唔到咁多。湯底又唔會太咸或者油膩。叉燒同雞肉嘅質感都恰到好處，浸落啲湯到食更加野味。個麵質仲好有咬口，排名第一果然名不虛傳，強烈推薦！我地仲嗌咗個鰻魚燒飯，雖然198係有啲貴，但真係物有所值，個燒汁甜甜地，鰻魚亦都好厚身，啖啖肉，燒到啱啱好，撈埋個汁食，個飯一啲都唔乾，個set仲包埋個味噌湯同魷魚小味，成個食完啱啱好。裝修日系，環境都好舒適，服務態度都好好，野食又好味！下次一定要再黎食過😍

#金鶴拉麵 雞白湯拉麵既拉麵用赤雞熬製六個多鐘頭製成口感順滑香濃而不膩入口每條麵條都掛上creamy雞白湯底一個人黎都要黎細味品嚐 慢慢享受登記做會員仲可以儲分 今次換左醬漬日本糖芯蛋1蚊1分 糖芯蛋用100分換既

呢間算係香港其中一間有品質嘅拉麵，係會回頭再推介俾人食嗰隻！令到我有少少返左去日本嘅感覺。點左個金鶴雞白湯沾麵，應該都算係餐廳招牌菜，個湯好濃郁，但又唔死咸，飲完唔會好口渴，唔似出面啲味精拉麵。慢煮雞胸肉可以保持到雞嘅嫩滑，而黑豚肉調味亦做得幾好！另外哪叫左呢間鋪嘅另一樣招牌，活燒鰻魚飯。據說條鰻魚係店內劏生燒，咁梗係試試佢有咩特別啦。條魚入口即溶，有淡淡嘅煙薰味，而且燒得岩岩好，外脆內嫩； 同時食到出魚嘅紋理，有返魚肉嘅彈性，食得出好新鮮，係有落過功夫去保持條魚嘅肉質。最後環境都唔錯，幾寬敞，坐得幾舒服。燈光較昏暗，私隱度高啲，就算一個人食都唔尷尬。店員又好親切，問我地野食嘅意見，又主動幫我地加左幾次水。總括而言，呢間拉麵鋪藉得一試。

今日經過何文田，突然好想食日本料理，於時同朋友去左係土瓜灣既金鶴拉麵。由何文田地鐵站行過去10分鐘就到，好近同易行！門面足滿著日本小店既風格。一入到去，店員好快就安排我們入座，一入去覺得地方好似好細，但其實上面仲有一層秘密空間。我地分別點左店員推薦既金鶴。雞白湯拉麵（$98）加配左2個小食，火炙日本黑豚叉燒（$28午市加配優惠）同明太子雞翼（$48）。金鶴。雞白湯拉麵蛋9成熟，口感唔錯，配上乾身既牛肉條更加是滋味十足！加上溫水慢煮既雞肉，口感滑身，有埋木耳等拉麵配料。麵質軟硬適中，湯底唔會過油或者太淡太濃，整體都好夾，成為呢度既必食之選。火炙日本黑豚叉燒不得不提既串燒！咬落去外脆內嫩滑，唔會燒到肉燶哂。串燒汁都同黑豚叉燒好夾，滋味十足！明太子雞翼2個人建議一人叫一個拉麵，再加一至兩客小食，咁就會好飽好滿足架啦！

一直都想試吓金鶴拉麵，尋日咁啱去開土瓜灣就去咗試。鋪頭近街市，本身諗住係一入門口得幾個位嘅拉麵小店，但一入到鋪頭嗰陣成個環境同出面條街嗰種舊區嘅感覺好唔同。喺出面睇只係一間平平無奇嘅拉麵店但係一入到去就開始有驚喜：鋪頭以黑色為主調，一入去右邊就見到師傅喺吧枱前面整緊拉麵，行前多幾步店員安排左我哋喺上幾級樓梯嘅位置度坐低，環境十分幽靜。店員問我同朋友去咗洗手間未，我馬上好奇並且去咗參觀，唔知係咪新開關係，廁所大得嚟非常清潔整齊，而且好有日式風格。 早已經聽過呢度嘅鰻魚飯要盡早order，如果唔係就要等好耐，所以一坐低就已經即刻點左極濃雞白湯拉麵同鰻魚飯。雞白湯拉麵同極濃版本差$40左右，店員話極濃版本係普通雞白湯大概兩倍濃度，果然嚟到真係有驚喜，雞白湯超鮮甜兼且打到起晒泡，比我之前喺另一間主打做雞白湯拉麵店食嘅湯底更加濃郁。順帶一提，雞白湯拉麵入面已經有好多叉燒同雞肉，我最後係食唔晒嘅😝鰻魚飯亦都令我喜出望外，魚質彈牙而且個汁好入味，最重要係師傅已經將鰻魚去晒骨，唔使擔心食食吓會有好細嘅魚骨。我同朋友都非常滿意今晚餐飯，唔知道其他分店係唔係都一樣水準呢？一定會再回頭食佢個拉麵！！

喺土瓜灣收工之後想搵d野食，之後諗起一直想試既金鶴拉麵喺土瓜灣都有分店，決定去拜會一下！跟住google map搵左好耐先搵到，其實個位置都幾隱蔽，加上佢個店面係日式既低調，一唔為意就會行過左咖啦～行到入餐廳就明白點解要揀咁靜謐既街道開鋪，因為餐廳既面積好大，一入門口右手邊係bar枱，穿過走廊，行上幾級樓梯，入面有十幾個位。暗暗既燈光都幾舒適，可以同friend有d私隱咁傾下計。留意到佢既牆身係好有質感既布，同friend忍唔住好手多咁摸左幾下😂坐低之後有熱毛巾抹手，真係十足十日本既餐廳咁！店員見我地望住個餐牌揭黎揭去都冇乜頭緒，推介我地試左招牌菜先。😋雞白湯拉麵有香港少見既牛蒡雞湯非常之濃郁，用匙不起就已經feel到佢比起杰身，飲落口勁濃！！！作為雞湯fans真係可以輕鬆飲哂個湯。而且入面同時有叉燒&厚切雞肉，一次過滿足哂兩個願望✌😋活燒蒲燒鰻魚飯有勁大塊鰻魚，同friend兩個人share都好飽。鰻魚唔係d平價貨，所以食落唔會話feel到有骨/比骨吉親。鰻魚皮燒到好脆，真係好正，忍唔住一啖食哂😂😂另外仲有飯焦，呢個位要加分😆😋抹茶軟凍個樣好cute，我地以為係蕨餅，但食落個口感唔係