金鶴拉麵 (九龍城道) (已結業)

啱啱喺日本返嚟念念不忘日本嘅拉麵咁岩放假去開土瓜灣喺門口望入去已經覺得好似好高級嘅日本餐廳咁😂一於入去試吓...今次試了雞白湯拉麵原來出左個特濃版今次冇食到下次有機會試下喺日本從來未試過食雞白湯..因為來來去去都係用豬骨去做湯底比較多...所以通常都比較油..雞白湯賣相呈現奶白色....試了一口...湯底十分濃郁....鹹道剛剛好飲到少少的胡椒味....配上雞肉...估計應該是慢煮的....口感軟熟雞味濃郁....另外香炸牛蒡絲....都是比較少見的....唔會太油膩香脆可口朋友試了辛味拉麵起初朋友擔心會太辣....試了一口他說完全能夠駕馭...可算是BB辣....平日不吃辣的朋友應該都可以一試....雞胸肉和火炙叉燒都是兩碗拉麵都有的！味道唔會太咸👍🏻最欣賞的就是這個雞胸肉，口感細嫩另外點了一個明太子雞翼雞翼中塞滿了明太子同樣整得非常好吃所有食材都十分新鮮熱辣....發現原來佢有好多分店....而且午市亦都有優惠！咁高質嘅食物而且價錢唔貴必定會回頭再食

上次食完呢度嘅雞白湯拉麵念念不忘，今次嚟到土瓜灣嘅分店，餐廳有兩層，裝修好有氣派，用金色同深竭色做主調，完全係高級日本餐廳既格調，但仍然保留左拉麵舖吧枱座位，整體黎講好有日本既感覺！今次再嗌左史上極濃版雞白湯拉麵，湯頭依然係好濃厚好Creamy，神奇既係完全唔覺太鹹同口渴，配埋彈牙既拉麵一齊食好夾！慢煮雞肉無上次咁嫩滑但更有雞味，溏心蛋今次做得唔錯，啱啱半生熟食落口感一流！另外再嗌左碗醬油拉麵，湯底做得唔好，有鰹魚既甜味，拉麵同雞白湯既一樣彈牙，配埋清甜既湯底感覺好舒服！而最有驚喜既係日式唐揚炸雞，雖然得三舊但分量大到好似塊雞扒咁，通常日式炸雞一般都會配檸檬或者蛋黃醬，但係依度好特別配左日本粗鹽，點落再食先發現係帶檸檬酸既鹽，愈點愈開胃，配埋外脆內嫩既炸雞真係一流！難得唔同分店都維持到一貫既水準，下次有機會想食下依度出名既鰻魚飯！

同事介紹土瓜灣必食拉麵，收工即刻去試下入到去餐廳感覺係fancy d 既日式拉麵店，每張台都有個小風扇，應該我地驚食拉麵食到好熱，勁細心！拉麵大約有7款，招牌是極濃白雞湯拉麵，岩晒本人呢d重口味人士🤤湯底名不虛傳，極濃，飲落濃濃雞味，味道適中不會過咸，食完個拉麵忍唔住飲晒d湯😂不過溏心蛋係令我失望既，味道好一般，唔夠入味（本人極愛吃所以期望很高）小食方面，由於唔係太肚餓所以淨係叫左個炸雞試下，但意外地有驚喜！新鮮炸上碟的炸雞，入面仲好嫩滑，重點係伴碟既鹽粉，有檸檬味的鹽粉，勁夾又勁開胃，下次會再叫多碟🤤🤤🤤最後仲叫左枝日本手工啤，隨便睇完menu介紹就揀左呢枝叫伽羅既手工啤，飲落清新，帶點白葡萄同柚子味，如果你都鍾意果味香濃既啤酒你都一定會鐘意飲🤤整體好enjoy呢次飯局，一定會返黎幫趁！

土瓜灣的清幽店鋪—金鶴拉麵幾天前與朋友在土瓜灣轉車時經過一間別具特色的餐廳，眾所皆知土瓜灣是個正在重建的舊區，與朋友經過這間拉麵店時有少許驚訝的感覺，心裡一陣意外土瓜灣竟然有地道的日本拉麵店。門面的裝潢與這個舊區顯得有些格格不入，黃金色的鶴在燈箱的影襯下非常高雅，仿傳統的趟門帶點老日本的風味。餐廳內是開放式的吧枱設計，吧枱上擺放了一些著名的清酒作裝飾，個人對於這裡的裝潢頗為喜愛。店員向我倆推薦了主打的活燒蒲燒鰻魚飯，店員介紹鰻魚是該店自家飼養及劏製的，說是招牌之一，一向喜歡鰻魚的我便點了一份。在上菜時試了一口免費的麥茶，味道甘，入口感覺溫和，小麥的味道甚濃，是我喜歡的味道。但朋友平日較少飲麥茶則認為味道有點奇怪，我想各花入各眼吧。鰻魚飯的飯量一般，適合女生食用，店員介紹這個湯是用鰻魚的內臟去熬製的，味道與一般麵鼔湯有所不同。，帶了少許魚香和自然的咸香，非常討喜。最值得關注的鰻魚飯一打開飯蓋，鰻魚的香氣已經四溢，鰻魚的厚度令人驚喜，鰻魚的口感滑嫩，入口隨即化開，配合濃厚的鰻魚汁香，實在令人回味。值得一提的是店員上餐時細心地提醒由於鰻魚是自家劏製的，所以會帶細骨，食用時要加倍小心。另外套餐

今日去試嘅係好多人推介嘅金鶴雞白湯沾麵， 去之前已經10分期待了！土瓜灣間分店 一定要搭Van仔！不過去到嘅時候好熱， 仲見到有啲風扇仔係枱面， 原來佢冷氣壞咗維修緊， 超貼心！呢一本係Menu 好有日本feel！好高尚！ 佢期間有限定《北海道極濃蝦湯拉麵》， 超想試呀！ 一睇相都覺得豐富， 不過今次都係要試個《金鶴雞白湯沾麵》先。 一嚟到見到個份量超大份! 😍雞湯顏色好靚，質地好稠身，好creamy咁！ 沾麵可以配揀肉亦可以揀雞肉或者叉燒，我就揀咗兩份都要叉燒， 食落口感好嫩滑， 隻流心蛋好流心好甜，十分滿意，沾麵質地都好掛湯， 好好食呀！ 店舖還推介鰻魚， 所以就叫多一份《浦燒活鰻魚串》，佢係即叫即燒的， 魚身好滑、外表燒得好香脆， 十分好食！店員仲有推介了手工啤， 我最想試漆黑嗰一款 ， 係黑啤嚟嘅， 帶有咖啡豆及黑朱古力香氣 ， 同埋價錢都係$48好吸引！ 店內環境好high卡士😍😍😍

今次第二次食金鶴，估唔到土瓜灣都有，啱哂九龍人係土瓜灣街市附近餐廳兩大主打，今次一次過嗌哂佢金鶴.雞白湯：自從喺東京食過雞白湯之後，就完全愛上左呢一隻湯底香港好少拉麵店主打雞白湯，上次係金鶴試咗極濃.雞白湯，所以今次試吓佢哋嘅主打金鶴.雞白湯。金鶴.雞白湯既湯底係由赤雞熬製6小時而成，味道濃郁，但係唔會漏。而極濃.雞白湯既湯底則更加濃厚，更加creamy，適合重口味/大食嘅朋友。而鍾意清啲細食啲嘅朋友則推薦金鶴.雞白湯。值得一提嘅係佢哋嘅配菜全部都好好味，雞肉同豬肉都好嫩推薦！活燒蒲燒鰻魚飯：餐廳指明嚴選2公斤嘅頂級鰻魚，喺鋪頭裏面劏同埋生燒，即叫即燒。鰻魚每塊都好厚，外脆內嫩，超級正店舖亦都指明選用日本七星米，配埋鰻魚汁，簡直係一絕一定要去試！飲品餐廳裏面嘅裝修亦都充滿左日式風味，衛生程度亦十分之高

其實之前已經係中環食過一次金鶴拉麵,  本來都係純粹肚餓求其搵食。點知一入到去坐 發現入面又幾有日本feel , 而冄全部侍應都好好態度好好招呼。個拉麵有幾好食 所以決定今日再食多次！但就去左土瓜灣個間土瓜灣呢間好似比中環仲靚 有上下層 我同朋友坐咗係高枱食嘢 燈光啱啱好。仲可以一路同朋友傾計一路望吓廚師點整嘢食 , 八卦望入廚房仲好乾淨好企理, 真係加多幾分。因為我勁口渴係咁飲茶, 店員亦都好不斷過嚟幫我添茶, 真係覺得唔好意思 我哋叫咗一個期間限定嘅北海道拉麵 入面唔單止有兩塊大嘅肉 仲有龍蝦 ,個湯底味道超級超級濃郁!  而且唔會食到少少口渴,  真係幾好食 !!$138又唔係話好貴, 都值的。而我朋友就叫咗辛味拉麵, 佢覺得偏辣, 不過我覺得還可以😂真的!! 平日食開小辣的朋友絕對可以試試。我哋仲叫咗個餃子 ($38), 不錯!!我覺得最抵食就係佢哋嘅炸雞 亦都只係需要$38, 仲要大大嚿!!不過可惜影唔到相 咁啱我電話冇電⋯⋯朋友個手機鏡頭又跌爛咗😂 但真心推薦！只吃這個小食當TEA 食都幾開心

踢波前既開飯已經演化成每周煩惱🤔九龍城可以一人前既食店大部份都征服😁今日一探土瓜灣呢面, 揀咗「金鶴」拉麵🍜 土瓜灣真心唔熟路, 兜咗一輪係街市另一邊搵番隻鶴🇯🇵門面氣派我以為係OMAKASE或者鐵板燒之類, 玻璃窗上面既白鶴浮雕好搶眼🥰入內更加不得了, 純黑襯黑看不見但卻誘惑, 加埋啲少許金啡色既牆身, 絕對係高格調規格😎一人前都係坐吧枱合理啲, 又可以近距離睇住烹調, 代價係熱囉🔥 餐廳好細心放左兩把芭蕉扇係吧枱比客用🌬️開頭仲以為係上手客留低。店員詢問要凍水定熱茶, 內行既都知要冰水❄️打開MENU, 我確認番我係去咗拉麵, 唔駛驚唔夠錢找數💵 金鶴主打濃雞白湯🐔 係店員力SELL下, 揀咗期間限定既黑松露極濃雞白湯拉麵🍜今日係6點零黎到, 客流唔多, 但都要等番10零分鐘先有麵食🕒 無他既, 真係用心製作需時。突然間, 一陣松露飄到入鼻腔, 食慾引發, 我就知道, Ramen is ready to come😍店員細心咁用托盤送上拉麵, 再介紹番佢地雞白湯底, 同埋兩個慢煮既雞肉🐥及叉燒🐷 可以凍食。賣相同餐牌係完全一致, 松露山肅立係湯麵中央, 砌好晒可以相機食先📸 未搞開座山前

落雨絲濕，想揾個舒舒服服既地方食個晚飯，喺土瓜灣唔係太知有乞野食，好彩有地頭蟲朋友帶我去食正野，不過呢間其實有幾間分店，叫做金鶴拉面。 我朋友叫左個黑蒜油拉面，一送黎就feel到超香既墨蒜油味，但又唔會過濃。我試左佢個湯底，真係好香甜既湯底加香超濃既黑蒜油味，好match，食拉面叫黑蒜油湯底係必定無死。啲配料包括左肥瘦適中既叉燒 兩片滑雞肉，仲有少少筍，最正係有半隻勁流心既糖心雞蛋，好滿足。面質有咬口得黎夠熟冧，但係慢慢食又唔會濕到冧晒，好正。  而我，梗係要食店長推介既超濃白雞湯拉面，一上枱，見到碗白雪雪既湯底就知有幾濃郁豐厚! 一個字，甜! 個湯底feel到係用勁多鮮雞煲煮而成，好稠，好滑，啲湯係完全掛住左響啲面度。配料除左有黑蒜油拉面果幾種之外，最特別係面頭有一堆好長既炸牛蒡，無諗過牛蒡炸完係一啲怪味都無而且係咁香口，無渣。黎食日本拉面點少得鰻魚! 我地叫左串燒鰻魚一齊share，有三件，啲鰻魚好厚肉，一入口係充滿住油香，配合埋燒汁，微脆既外皮而又勁度鬆化既肉身，係極度正!提外話，個waiter好有禮貌，佢係咁幫我地添水，而且呢度環境好舒服，暗淡既燈光照射落個bar枱，好有

今日又返嚟土瓜灣呢一間金鶴拉麵，相比起其他拉麵店，我覺得佢哋喺裝修嘅心思十分之細緻，餐廳環境非常之好。 招牌慢煮雞肉雞湯拉麵，成功俘虜到好多回頭客。而我亦都比這個拉麵吸引番黎。仲有佢哋嘅服務態度，非常之nice！餐廳更提供冰水或熱茶，十分貼心。至於食物方便， 今次點咗明太子雞翼，燒黑豚肉，鰻魚飯，同雞湯拉麵。明太子雞翼好大隻，裏面蟹仔同埋蝦膠十分足料又唔多粉。燒黑豚肉帶有少少蜜糖,燶燶地香脆可口。 鰻魚飯又係鎮店之寶，唔食返一次真係對唔住自己，真係用新鮮白鱔魚製作，仲要係一條骨都食唔到，咬落去嗰種魚油香味，真係要親身試過先知。至於金鶴雞白湯拉麵，雖然有兩塊豚肉，但係我覺得佢哋嘅雞肉先係精髓，又香又唔嚡口， 雞湯濃郁，有種骨膠原感覺。

朋友話網上介紹土瓜灣有拉麵店想試下，咁等今日放假就一齊去試下啦，門口是木框趟門配圓形玻璃窗，窗面有鶴和海浪的圖案，好有日本FEEL，旁邊有一張好大嘅banner展示出唔同款式嘅拉麵同埋招牌菜式。一入去便見到簡潔既開放式廚房，坐在吧檯處可以觀賞廚師處理食物的每一個步驟，一舉一動如煮麵，放湯，放餸，攪拌食物，烤焗炸都一覽無遺，盡收眼底，其實除了吧檯外，裏面也有一些二人枱位置，私隱度高，非常適合閨蜜談心或者情侶撐枱腳。至於選菜，來到這裡一定要試試招牌菜式既雞白湯拉麵，上枱時最吸睛既係炸牛蒡，外形充滿藝術氣息，一圈一圈有點像花的形態放在拉麵上，慢慢咀嚼會有清新樸實又甘甜嘅味道，拉麵的軟硬度適中，夠滑又夠彈牙，而且份量足，非常飽肚。溏心蛋軟綿綿，蛋黃滑溜溜，讓人感覺好享受，日式叉燒同埋白雞肉也好嫩滑，用低温慢煮方法而成，配合現代人追求健康美味既方程式。朋友點了黑蒜醬油湯拉麵，我也試了一點點湯底，黑蒜味和醬油味濃郁，喜歡濃味既朋友會好喜歡，另外午市優惠可以特價28元要一個小食，我們要了日式餃子和炸雞，餃子是菜肉餡料，外面煎到金黃色配上醬汁是可口美味嘅小食，炸雞外皮香脆配上口味清新的檸檬鹽，食落別有

之前食過天后店，覺得好好味，所以今次再黎食多次，就去左呢間土瓜灣店😋門口和裡面都好有日本feel, open kitchen 與日本的拉麵店相似呢，坐bar 枱就可以睇住師父煮麵了。今次試下其他未食過嘅拉麵先！鹽味拉麵 $88湯底好清甜，用鰹魚高湯混合幾款日本海鹽熬製而成，配上煮得好入味嘅雞肉及豚肉黎食，更突出肉質鮮味。流心半熟蛋與細麵一齊食，更加美味❤️金鶴白雞湯沾麵 $138沾麵麵條煮熟後經過冰鎮程序，令麵條有順滑及彈牙口感，而且麵條較粗身，可增加掛湯汁面積外，也態感受到麵的原味與嚼勁。我比較鐘意此粗身麵條呢😋 而配料的雞肉和豚肉煮得又唸又入味，正！沾麵湯汁裡面都有好多配料，有雞肉和荀，可以連麵條夾著湯汁配料一齊食，口感更豐富。日本明太子雞翼 $48燒得好香又肥大🤤 最驚喜係裡面嘅明太子份量超多，咬落去滿口都喺明太子，雞翼有肉汁，燒得剛剛好呢！飲品日本進口手工啤酒選擇，選擇都有好多，如覺得食一碗拉麵太飽，可以邊吃小食，邊喝手工啤呢！但我就冇試了，因為本身唔飲酒😔 但見種類很多，所以都放圖俾大家參考一下😝此店拉麵好味，湯底又好飲，可以一試再試❤️

喺li間拉麵🍜店新開張時其實已經食過一次, 今日黎到土瓜灣第一時間唸起佢(仲有嗰個勁乾淨嘅洗手間🚾呀!), li度嘅雞白湯係the BEST.>極濃雞白湯拉麵 (HKD138)用赤雞熬製而成嘅極濃雞白湯, 急不及待呷一口奶白色濃湯, 所有精華都吸收哂, 完全唔肥膩. 麵嘅質感非常實在勁掛湯, 而兩大塊慢煮雞肉嫩滑到不得了!! 唔止有雞肉, 佢仲有兩大片日式叉燒好豐富.>煎日式餃子 (+HKD28)午市時段好抵嘅優惠之: 加HKD28就可以加一款小食. 餃子煎得好脆皮而內裡一啲都唔乾.>北海道極濃蝦湯拉麵 (HKD138)切半嘅大蝦好厚肉, 蝦湯真心極濃, 鮮味十足, 鋪天蓋地嘅櫻花蝦更加提鮮, 仲有大量葱粒, 每啖拉麵都一定會食到葱, 木耳絲, 櫻花蝦. 兩塊日式叉燒放湯好正! 好可惜li款拉麵🍜係期間限定架🥺.>好難得個洗手間由開張到而家都keep住咁新咁乾淨✨, 喺同區真係小有嘅高質日式拉麵.

平時食拉麵都係豬骨湯底多，以雞濃湯做為主打湯底既拉麵店，係香港真係少之有少。餐廳環境同裝修都好有日本feel。🍜北海道極濃蝦湯拉麵 - $138依個係限定既，所以要試下。湯底的確又濃又杰，鮮蝦味足。配料方面一啲都吾少，荀，木耳，紫菜，櫻花蝦，仲有兩片簿切大叉燒。🍜極濃雞白湯拉麵 - $138依個係餐廳既主打。雞湯濃度真係冇得頂，飲落一啲都吾油，而且雞味十分鮮明。炸牛蒡都係第一次試，好特別的口味，甘甘的。另外雞肉嫩口，簿切叉燒肉質細緻。🍵抹茶軟凍 - $33口感煙韌，吾會話好甜。

這天來到土瓜灣這家拉麪店吃飯，我大概6點半來到，時間尚早所以那時候店裏沒有人，只有一台客。 我坐下之後店員問我需要溫水還是冰水。我要了冰水店員也給了餐牌。他還主動推薦了餐廳的新品-極濃雞白湯拉麪。有點心動，不過我看見了鰻魚飯，還是想吃鰻魚飯呢我叫了燒雞泡魚干，這個先上來了，配上蛋黃醬吃起來很香。然後主菜來了，這個是活燒蒲燒鰻魚飯，一個餐還有湯和芥末八爪魚粒。 湯的話比較淡，而芥末八爪魚挺夠味不過有點少。而鰻魚飯整體真的不錯。 這個鰻魚與我一般吃的有點不同，很厚身，口感非常好，彈牙。而油脂也比較多，吃起來很香很滑。鰻魚有點骨，但醬汁方面也是很出色，一開始看起來有點干，但醬汁和鰻魚，是夠吃完一整碗飯的。 總的來說推薦給喜歡鰻魚的朋友哦～