稻乙日本料理

营业中

休息中

今日放假同老公去尖沙咀行街，原本打算去港威商場買新加坡魚皮，不過可惜賣晒！之後就直接同都老公去食晚餐行行下經過見到呢間餐廳，好似幾正, 就沖上去啦環境好舒適，座位好大坐得好舒服前菜係蟹肉蟹膏沙律, 蟹膏好香!刺身極度高質素，全部都好新鮮蝦好大隻厚肉，好鮮甜吞拿魚絕對唔係普通貨色，食落去有好油脂甘香，我食過好多吞拿魚都係有筯，好霉，但呢間餐廳唔會墨魚嘴好爽，墨魚刺身食得多，墨魚嘴就第一次食, 估唔到咁好食!胡麻醬番茄青瓜, 番茄同青瓜都好清甜, 好開胃燒蝦好大隻, 而且食得出好新鮮, 冇腥味炸天婦羅有蝦, 粟米, 南瓜, 茄子. 炸粉少但依然內軟外脆, 好食!!!燒活鰻魚, 呢個真係必食!! 層皮燒到好脆口呀, 第一次食到鰻魚層皮係脆的, 而且肉質有咬感魚湯好奶白色, 超級好飲, 魚味十足!一D味精都冇到最後有個甜品送, 我叫左個柚子雪芭, 酸酸甜租. 我最愛.老公叫左紅豆雪糕呢間真係好食! 下次要去食!

米奇早兩日訂左檯，由於訂左六點，剛好係晚市開始時間，所以無乜人。我地兩個人坐左六人座，調味料，紙巾均有提供。最先上的前菜是蟹膏蟹肉蘆荀蟹膏同蟹肉都好新鮮，蟹味濃郁。蘆荀好嫩。加埋日式芝麻醬，酸中帶甜，特別開胃！所有刺身都由日本每日空運到港。餐廳職員好有心機咁介紹要由淡味的貝類食到濃味的魚生。貝類刺身好彈牙爽口，但米妮對魚類有興趣多d，平時日式餐廳最愛的三文魚就無啦，其實咁先似日本！日本人比較少食三文魚刺身架！油甘魚肥美彈牙，口感比平時食的三文魚更好，可能因為新鮮啦！Toro 嫩滑冧身，粉紅色見到油脂分佈極平均，微酸的味道更顯得鮮味無窮！仲有馬糞海膽，好鮮甜又有淡淡的海水味，綿密的口感，令人一再回味！西京燒銀鱈魚伴沙律。用貨真價實的銀鱈魚（有d日本餐廳會因為銀鱈魚貴用其他魚扮銀鱈魚）一開始望到我以為煎得老左d，食落先發現岩岩好。西京係咩我就唔知，但感覺係有蜜糖煎。外面甜甜地，配合肥美的銀鱈魚味道甜中帶少少鹹，幾好味。銀鱈魚好滑嫩，大廚整得好好，成舊完整無煎爛（俾米妮煎實碎晒）。伴菜都好新鮮，米奇米妮一人一啖食幾啖就食完。一邊加左蛋黃醬，其實銀鱈魚都夠晒味，再點醬就會掩蓋左本身的鮮味。天婦

稻乙這間餐廳，一個負評也沒有，心感好奇，便邀請朋友同我試一試。先吃罷一頓飯，覺得質素的確很高，第一次大膽嘗試的廚師發辦果然沒有令人失望。廚師發辦，顧名思義，所有的菜式廚師安排，每一道菜都充滿驚喜。首先每人一客◉‿◉汁煮花螺，平時食辣酒煮花螺就食得多，用日式嘅煮法帶點甜味，新奇又好味，又不失鮮味。刺身：冬天果然係食生蠔嘅季節，日本嘅生蠔食法有別於法國、美國生蠔。生蠔配上辣蘿蔔蓉，青葱，灑上青檸汁，雖然冇法國生蠔嘅海水味，不過爽口鮮甜肥美。一般嘅生蠔不沾其他醬料，原汁原味地嚐到生蠔的鮮味，但亦有人喜愛加檸檬汁中和腥味；而法國人喜歡加紅酒醋，添加酸味。兩隻肥美的日本生蠔呈現眼前，今晚嘅生蠔比平常吃到的法國或美國的生蠔更加肉厚，爽口鮮甜肥美。高質素壽司拼盤大拖羅。日本針魚。活赤貝。深海池魚。帆立貝。牡丹蝦。北海道海膽。三文魚子。蔥拖羅卷。玉子活赤背。鮮甜;北海道海膽。肥美鮮甜，好幸福滿瀉既感覺;蔥拖羅卷。食得出啲魚好肥美;玉子，煮得滑，一點也不老，不過唔夠厚，厚切會更好。拖羅，油香四溢，入口即溶。店員仲好溫馨提示我哋要先食八新嘅魚，因為紅魚脂肪較重，味道較濃。所以我哋要先食較為淡啲嘅魚，再食較

果日約左朋友去尖沙咀食飯，我地去到放左工之後去到寶勒巷，有好多選擇，我朋友就建議食日本菜，我地就揀左去稻乙食，初嘗試入到去都幾有日本feel，好似日本居酒屋咁，坐抵就比左條熱毛巾比我地抹手~先黎既就係前菜-凍醬汁煮螺，螺肉好入味，肉質都幾彈牙!刺身中，我地見到佢地有生螢光魷魚(季節限定)，好似幾特別，魷魚就食得多，螢光魷魚就第一次見，第一次食，先點上山葵同少量醬油，入口魷魚非常爽甜同鮮味，細細條，一啖一隻岩岩好。白八爪魚刺身都係第一次食，好爽口又鮮甜，八爪魚吸盤口感較彈牙煙韌，我個人比較鍾意食八爪魚吸盤，兩樣都好好食。食左咁多冷盤，都要食下啲熱食平衡番先~我係一個唔鍾意食魚既人，好多時媽咪叫我食魚我都會say no，因為我已經定型左一個道理-“魚係一定會腥”，今次食西京燒銀雪魚沙律就好驚喜，西京燒銀雪魚唔單只唔腥仲有一份甜味，外皮燒成金黃色，夾開，裡面既魚肉仲係白雪雪，好嫩滑，隔離有沙律醬可以點黎食，但我覺得唔點都已經好好味。銀雪魚仲要無咩骨，岩哂我地啲唔鍾意挑骨既朋友仔。芝麻雞翼熱辣辣送到，入口仲有好多肉汁，外脆內嫩，而且仲好入味，好香口!梅子紫蘇葉炸沙甸魚天婦羅，無睇錯，呢個真係沙

17/3今晚再黎稻乙食飯，之前黎過一次知道他們主打每日空運時令新鮮日本海產刺身，同埋師父及職員都好有禮貌招待之下，個次食完之後就回味左好耐但因為工作繁忙就唔到時間再次來臨，幸好忙既工作終於完結所以早一個星期打上黎預留吧枱坐食一餐丰富晚餐好好慰勞一下自己，因為鋪位間格有两間房,四個個室卡座，一張六人普通枱最重要係吧枱大約只能坐到八個人，之前試過打上黎想留吧枱好多時都已經比其它客人留左，今次預早訂位好幸運地可以留到吧枱坐去一試稻乙<師父發辦>！！職員安排我坐位後就奉上熱茶同毛巾！師父就去詢問我今晚<Omakase>有無邊款食材唔食之後就開始安排今晚晚餐喇！前菜蕃茄青瓜(配胡麻醬汁)刺身真蠔鮫鰈魚薄切樱鱒(3-4月季節限定)池魚碎切針魚配水八爪魚赤牡丹蝦(配海膽蝦膏醬)深海池魚卷(配海膽三文魚子)壽司類拖羅蓉小卷灸燒鮫鰈魚邊壽司鯖魚壽司秘制三文魚子醬油漬壽司海膽壽司灸燒醬油漬大拖羅腩壽司甜品柚子雪杷師父安排了上面既野食比我之後其實已經好滿足，所以熟食類我地就叫師父幫忙安排同埋必食推介稻乙招牌菜。今晚得到師父招待真係感謝感激，師父發辦用料唔需要特別花巧整工之下，

又到每個月慶祝嘅日子依家四周圍都咁多嘢食基本上搵地方慶祝已經唔係一件難事今個月我哋就嚟咗尖沙咀依間日本餐廳度慶祝坐低之後先食呢個松葉蟹肉水菜沙律沙律上面有蟹膏和麻醬醬唔多唔少，岩岩好蟹肉加蟹膏，好鮮味和風目鯛薄切每片都切到好薄同醬汁味道好夾醬汁味道帶點柚子味道但都無蓋過目鯛既鮮味活燒鰻魚廚師用新鮮日本空運到港嘅鹹水鰻魚黎燒外層皮脆爽身，而且油份較重配埋必製既醬汁食，味道一流天婦羅盛合用天婦羅既方法煮既白只真係第一次食外層好鬆脆，入面好軟身，口感都幾得意另外仲有蝦、粟米芯、蕃薯、南瓜每一樣都炸得好好味網燒西冷牛扒呢一樣係我同男朋友既至愛因為佢個西冷牛扒煮到好腍身入味應該係我地食過最腍既西冷牛扒，好正魚湯烏冬黎到梗係要食招牌菜呢個魚湯底用四五斤魚煮成所以飲落非常清甜而且只係用魚煮就可以做到咁奶白色證明真係好足料唔駛再加其他餸，就咁配烏冬已好好味最後梗係要食埋甜品先柚子雪芭，蜜桃雪芭

今日同媽媽去食飯，見好友介紹尖沙咀一間日本餐廳，我就帶媽咪去試下。前菜：海膽蟹膏玉子豆腐。濃香蟹膏是重點。海膽好鮮甜好清香，配上豆腐好夾，一濃一淡夠match。日本蕃茄配芝麻醬。蕃茄夠清甜，配上酸汁好開胃。刺身拼盤。超鮮甜日本即日空運到港的刺身，牡丹蝦必食，鮮甜夠爽口，大拖羅都係重點。大拖羅夠油香無筋超滋味，針魚是時令魚，清甜夠淡身。肉眼牛排。牛排燒得夠香口，肉質軟腍唔會乾身，牛味好濃好香。雜錦天婦羅。大蝦超爽口，即叫即炸好熱好香。魚湯烏冬新鮮魚湯無加味精超甜，烏冬夠彈牙，超滿足。

居酒居顧名思義係俾人傾計，輕食同飲酒。呢到嘅野食全部都係即叫即整👍🏼 所以所需時間較長但品質會令你覺得值得😊我嗌左個魚湯烏冬，麻醬蕃茄同刺身🤤魚湯烏冬一定要試👍🏼 食落一啲都唔覺有味精，勁鮮甜一啲都唔腥，聽店員介紹個魚湯係有七種魚一齊煮出黎🤓 啲烏冬時間煮得岩岩好👍🏼 有咬口有口感👍🏼刺身好新鮮，雖然價錢唔平，但食落就知值得😋 海膽係一啲都唔腥，好鮮甜👍🏼吞拿魚係冇雪藏味，連我平時係香港一定唔會食嘅時候，呢到嘅拖羅比美得上係日本食👍🏼

今日同朋友去左尖沙咀食飯，好早之前已經想食，朋友今日帶路陪我去食日本菜，好開心。佢知道我鐘意食日本菜，又特別鐘意食刺身，叫左好多我鐘意既食物。我地坐卡位，餐廳裝修好靚好特別，卡位好舒服。海膽玉子豆腐配蟹膏。前菜好吸引，好的的式式，海膽好甜我特別鐘意蟹膏，好濃好惹味。叫左幾款刺身試下。我超鐘意海膽，味道極鮮甜，原來日日都新鮮來貨。牡丹蝦又驚喜，大大隻超爽口超甜美。朋友鐘意食串燒，我地叫左幾款試下。我地超鐘意雞皮，超香脆，牛肋骨好肉汁好爽腍。另外叫左個大蜆清湯，蜆肉大隻又無沙，爽嫩清甜，清湯都好甜。最後叫左鐵板燒蠔，好惹味無腥味。最後仲有雪糕甜品。

天寒地凍去吃日本菜，似乎出師不利。午市定食有一頁的熱食，但始終不及魚生吸引。要吃，就豁出去。喝口熱茶，點了壽司和丼飯。想吃壽司有兩個選擇，八件壽司加一件手卷由師傅發板，或者豐富一點自選13件。每款壽司限定最多點兩件，可以兩個人share。茶碗蒸超滑，但略嫌偏淡，蛋味亦不算濃。沙律新鮮，配日式芝麻醬，但沒甚特別。等了好一陣子，店員送上的不是主菜，而是一碗麵豉湯。飲完暖笠笠，有麵豉味而不鹹，有不同滑溜溜的豆腐和少少爽的海帶。香蔥呑拿魚腩飯呑拿魚腩偏深的粉紅，跟中拖羅的顏色近似，見到都流口水。飯的濕度、硬度、黏度都一流，有些微的餘溫。第一啖覺得醋酸太淡，但由第二口開始，吃到淡而開胃的醋酸，而且襯托出真正的飯香。吞拿魚腩份量很足，讓每一啖飯都拌有適量的吞拿魚腩。軟腍腍的魚蓉，入口後跟飯完美融合，魚的鮮味和油脂平衡，加點蔥花、少少芝麻香、和菇的甜，實在太好吃。手握自選壽司13件賣相超靚，件件都很有光澤，看著來十分新鮮。第一件先吃立魚，較乾身和淡味的白身魚，帶少少爽，有清幽的魚鮮。然後是擠了少許梅子醬的右口魚。跟想像中很不同，沒有常見的浮誇的入口即溶，吃得滿口油脂香的效果，反而是微爽，咀嚼下慢慢滲

位於尖沙咀的稻乙日本料理，是一間高質曰本料理餐廳。今天相約媽媽來吃晩餐，餐廳的刺身食材大多是飛機貨，媽媽也說好新鮮呢。石垣鯛刺身$175刺身可選半份或一份，客製化選擇，非常貼心。石垣鯛切成薄片，片片晶瑩剔透，邊位帶粉，肉質爽甜，沾一沾辣蘿蔔蓉香蔥酸汁，味道更鮮更甜阿。刺身拼盤$488店員再三强調的飛機貨刺身，即是由日本直送的刺身。刺身包括: 車海老，針魚，赤貝，活帶子，深海池魚。車海老肉質結實肥美，非常彈牙爽囗，好好吃呢。針魚魚肉鮮甜，質感爽味道甜。赤貝同樣新鮮，海水味重，爽囗脆彈。活帶子沒經過急凍，肉質更軟嫩肥美，鮮甜不己。深海池魚較其他刺身最肥美，脂肪豐盈，入囗有油脂溢出哦。網燒西冷牛扒$168看樣子也知道好好吃的西冷牛，囗水要流出來啦。西冷牛扒賣相討好，亮晶晶的非常吸引，牛扒肉色澤粉嫩，脂肪豐富，醬汁色夠濃吧。牛扒肉質非常軟嫩，味道濃郁，腍滑可囗，脂肪位油香豐腴，超級滿足阿，我要哭啦，哈哈哈。這份牛扒是最近最值得推介給大家的食物，一定要點阿。魚湯稻庭烏冬$130/碗 260/2碗用上四五斤魚肉煲出來的魚湯，大慨每次只有七十碗，奶白色的湯頭，濃香無比，非常吸引阿。魚湯呈上時己香噴噴

表妹生日話想食啲特別既野, Openrice 見呢間餐廳既食料有些較少有, 於是訂枱同佢撐枱腳.  話晒一年一次,一於唔好按住荷包.不過我倆表姊妹都有選擇困難症,當我地苦惱之際,員店就同我地講其實可以選擇由廚師發辦, 當時聽到可以咁ORDER, 喜歡至極, 可以坐定定等食~  餐廳裝潢好新而且乾淨, 一問之下原來開左唔係好耐, 店面雖然唔算好大, 但坐位寬敞舒服私隱度高~   一來就是驚喜 – 雪魚白子, 真係咁大個女都未食過, 即時上網查了一下, 原來白子係魚類既精巢, 含有豐富既蛋白質, 被奉為補身極品 ^^ 雖然外表有點醜, 但為左靚靚, 一於放膽一試! 原來白子口感滑腻, 質地Creamy, 好似食緊豆腐花咁軟綿綿, 而且一啲都唔會腥, 再配埋廚師特製既汁, 蔥, 海藻等等, 味道更有層次!  前菜蕃茄併青瓜, 食材新鮮, 溫室青瓜夠爽脆, 蕃茄香甜~ 唔好睇佢簡簡單單咁, 廚師將個汁調得超好味, 酸酸地再點埋胡麻醬黎食, 倆表姊妹唔駛一分鐘就極速清左!!! 好味又醒胃~  再來表妹至愛既刺身拼盤要來了~~~! 新鮮唔在講, 仲各有特色  左口魚薄切: 切得好薄, 晶瑩剔透,

由於本人係一個瘋狂嘅日本狂迷一年都要去幾次日本啱啱去完東京同埋沖繩返到嚟已經要即刻再食日本野於是就係尖沙咀搵咗到稻乙呢一間日本料理呢間日本料理嘅老闆同埋員工都好Nice同埋好有禮貌完全符合晒係日本食嘢嘅感覺我哋比安排坐係吧枱可以睇住廚師為我地準備每一道菜絕對係食慾大增第一道菜係咪我哋準備咗日本嘅魚肝其實我咁大個人都未食過魚肝呢一啲咁high卡士嘅食物魚肝配上師傅特製嘅醬汁完全去咗魚肝本身嘅腥味酸甜嘅感覺更加突顯左魚肝嘅鮮味第二道菜就係手掌咁大嘅生蠔生蠔嘅鮮味同埋甜味完完全全咁樣融合喺口入邊就算食幾多隻都十分之滿足足以令我回味加埋青檸汁配搭都可以話一絕第三道菜又點可以少得日本新鮮空運嚟到香港嘅魚生拖羅入口即溶邊有得輸帶子同埋海姥嘅鮮甜呀難以形容一定要試食咗幾味新鮮嘅冷盤之後取消我哋安排左一個酸甜汁嘅沙律雖然只係簡單嘅番茄同埋青瓜足以去除咗口入邊嘅海鮮味準備迎接下一道熱葷第五道菜就係蒜片安格斯牛柳粒牛柳粒入口鮮嫩味道帶甜知道係好牛嘅人士唔可以錯過其實嚟到呢個時候已經好飽但係廚師推介嘅菜式都仲有好多第六道菜在我最期待嘅鰻魚鰻魚唔係配照燒汁我都係第一次食估唔到啲皮可以咁酥脆啲魚肉仲可以咁鮮嫩可

我親親好朋友快要變做新娘la , 要嫁去外國, 真係令人悲感交集r。o係佢臨走前, 諗住請佢食飯, 同佢送行同祝福佢, 一於請佢食豪d同回味去日本旅行食到ge好滋味。好為食ge公司同事介紹我食lei間日本餐廳, 話食物質素好。新娘子上網睇完comments都話好期待好想試。餐廳位於寶勒巷, 好就腳又易去, 方便!!門面已經好有日式feel!!!餐廳空間唔算大, 但都設有2間可以打通嘅日式房間, 而且有吧枱位同卡位。想同師傅交流ge可以坐吧枱, 想同朋友仔隱蔽d傾下計當然選擇卡位la。食豪d當然要食廚師發辦la, 佢地有3款set可以揀ga, 比起其他餐廳, 稻乙ge omakase價值好公道同實惠lei。餐廳有好多唔同款ge日本酒, 愛酒ge人應該好like !!富士山造型ge酒好得意。另外, 有好多唔同ge靚靚酒杯俾你簡去品嚐美酒。首先送上前菜, 醬油煮花螺, 係冷盤泥ge, 花螺煮得好入味, 咸咸甜甜, 花螺冇沙, 肉好爽彈, 送酒一流r!!!之後食鮫鰈魚刺身, 白肉魚刺身切得薄透, 店員介紹食法, 仲講解o係日本白肉魚刺身係點酢ga, 因為點酢可以提升鮮味, 而且又開胃。鮫鰈魚刺

天氣一凍令人少選擇左食日本菜，但腦海一諗起刺身壽司，日本癮就返哂黎，所以收工即刻約朋友聚一聚兼食日本料理做晚餐。黎左依間位於寶勒巷樓上店既餐廳，一入店內店員就安排我地到私人包廂坐，又大又舒服，可以容納六至八人，非常寬敞，一共有兩間包廂，所以都幾啱大班人黎食飯兼有個私人空間。餐牌當中有廚師發辦同散點食物，我地就叫左散點食物一齊share食日本真蠔大大隻真蠔配柚子醋汁，上面有蘿蔔蓉同蔥花粒，入口肥美鮮甜，爽嫩得黎蠔味又夠濃郁，好新鮮好好食刺身組合中有活青海老，係花竹蝦黎嘅，店員話依款海老係空運送到，新鮮保證，食落爽滑質感，咀嚼時有粘牙口感，比一般嘅牡丹蝦更甜！活赤貝質感爽口嫩滑，鮮甜味十足，幾款刺身都係厚切嘅，拖羅、深海池魚、油甘魚同帆立貝同樣入口肥美豐富，完全無雪味。而平時少食嘅石垣鯛，比其他刺身較為爽韌口感，魚味十足又鮮，正呢網燒美國肉眼扒肉眼扒以網燒燒女，牛肉味道濃郁，燒汁味雖然好濃，但鹹度適中，有咬勁活燒鰻魚鰻魚搽左燒汁，質感爽韌，而且完全無骨，燒得剛剛好，食個陣又啖啖燒烤香，唔錯喔雜錦天婦羅當中有茄子、蝦、秋葵、蕃薯、南瓜、白子同冬菇，每款都炸得香脆且夠薄粉，又唔會太油，依然食到