湯煲私房火鍋 (已結業)

今日到香港島區工作順便約左個舊朋友出黎食飯，經我一番上網搜尋被我發現左呢間私房火鍋，正合我河車，於是馬上登門嘗試一下究竟葫蘆裡賣既係咩藥。隱藏於永樂街與德輔道中小徑內的個座商業大廈內，室內環境明亮潔淨，食物質素相當上乘，他日與到香港區必再品嘗！冬瓜陳皮水鴨煲鮮甜可口，足料份量，首次以水鴨湯黎作打邊爐之湯底，獨別之餘又有下火既作用。蘇格蘭安格斯肥牛亦都係第一次食蘇格蘭出產既安格斯，本地多數食既都係黎自美國，而蘇格蘭既安格斯味道比美國既更味濃，口感更加豐富。爽滑牛脷片牛脷既牛味都好出，質感名副其實咁爽滑，非常好味道！日本白金豚腩肉超級肥美既日本白金豚腩肉，雖然唔清楚白金豚係乜東東，但佢既香味真係非常之勁，食開大陸豬真係無得比。自家製墨魚丸、自家製蝦丸（雙拼）墨魚丸爽口彈牙就必然係架啦，但同平時食開既最大分別係在於墨魚既香味好足，而每咬一口都感覺到有好多墨魚既粒粒係口中。而蝦丸一落口就知道係用左新鮮既野生海蝦去打，鮮味無窮。最後我點左一杯生啤嘆下，呢餐打邊爐係我有史以黎食得最滿足既一次！

今日同左咸蛋去打邊爐🥰雖然依間小店價錢係比較貴但一分錢一分貨🧐啲野食真係勁高質我地兩個平時明明都唔係食到咁多野既人但都忍唔住全部清哂😆🤩1️⃣椰子雞煲🐥🥥首先梗係飲番啖湯先啦😍椰子既清香加上鮮雞既鮮味勁勁勁鮮甜🤯 同埋啲雞都食得出係新鮮雞黎淥左5 6分鐘就食得！仲係好嫰滑💪🏻佢仲要有得加沙薑同青檸落醬料度用來點雞食直程調番d雞嘅鮮味出來🙀我地食哂啲雞同飲左大煲湯先肯開始打邊爐😂2️⃣蘇格蘭安格斯肥牛必食👍🏻雪花紋勁多勁靚碌六七秒食就岩岩好岩岩好熟 非常嫰滑油香味濃🥰3️⃣雙拼豬肉丸&墨魚丸全部丸類都係廚師新鮮做既!粒粒都真材實料墨魚丸食落好彈牙🤤豬肉丸因為我唔係好食蔥🤣所以唔係咁岩我心水4️⃣藍魚雪白帶子平時出去食開個啲刺身個啲多數都係冰鮮!今次難得食返啲新鮮既原來真係非常非常鮮甜🤤而且仲帶有帶子既爽滑質感!推介😽🤘🏻5️⃣川味麻辣牛肉餃見到係麻辣咁得意特登叫左黎試試一上菜賣相非常靚每粒餃子都包到好似一隻金元寶咁🤣食落亦都麻辣味十足!總括黎講質素非常之好❤️而且又坐得舒服😌推介💪🏻💪🏻💪🏻💪🏻💪🏻💪🏻

香港人一向識飲識食，連火鍋都越來越講究，普通的豬骨湯，蕃茄薯仔湯已不能滿足香港人既慾望。適逢友人生日，特意帶佢黎慶祝...這裡最有名的就是以老火湯作為湯底，點了「冬瓜陳皮水鴨煲」$288，味道清潤可口，香濃的陳皮味，功效更是能滋陰養胃、消食化滯、潤腸通便...最適合缺乏湯水的我們，而且份量絕不馬虎，足足有半隻水鴨，真材實料👍🏼蘇格蘭安格斯肥牛 $188光看色澤跟雪花紋理就知道不是普通貨，雖則只是半份，但份量也不少香滑雞件 $118自家製牛肉丸 $98出面食到既自家制肉丸通常都比較迷你，但呢度差不多成粒乒乓波咁大，肉味濃郁還非常彈牙👅味噌大根黑豚餃 $88又是自家制產品，皮薄通透又多汁炸支竹 $68P.S. 店家還自家制了蝦蟹醬，內含蝦膏蟹膏，微辣...有點像xo 醬，釀食物一流😋

要數到最近令我印象最深刻嘅火鍋店，非呢間小店莫屬！位於上環嘅小商廈，絕對係隱世美食！店舖裝修簡約時尚，同男朋友已經10分期待今晚嘅美食！由於我哋兩個都好鍾意飲湯，所以就點左個魚頭湯，順便可以區驅風！湯底十分之濃郁，而且足料，湯底呈現奶白色。鍾意飲魚湯嘅人絕對不能錯過！豚肉餃，對於唔太喜歡食餃子嘅我，呢隻餃子絕對係我食過最好食嘅餃子！皮薄餡靚，絕對唔係平時出街食嗰啲餃子，而係每隻精心用人手去制作！中意食麻辣既我，點左麻辣牛肉餃！食左去，嘩左一聲！點解可以咁好食！半份的安格斯牛，已經十分足夠2人份量！蝦滑 蝦丸 亦都超級出色！冇一樣野令我地失望！超好食！

去完歐洲 發誓要食米線&打邊爐 哈哈。家姐最鐘意周圍搵食 今次佢發掘左上環一間上樓既火鍋店。小店雖然唔太大 但是坐得幾舒適 光猛又乾淨。店員好好笑容 服務真是唔錯。簡簡單單 叫左個沙嗲拼芫茜皮蛋湯底。沙嗲好香濃 唔會得個甜味 芫茜皮蛋又足料 抵讚。醬料好有誠意 特別是小店自己調製既蟹膏蝦米 好像XO醬 又惹味又開胃 推介！餃子類&手打丸都是自家製 必食。可以雙拼 對於女生們實在太好。麻辣牛肉餃+味噌大根豚肉餃。各有特色 餃子皮都是好薄 餡料好多～ 麻辣餃好有創意 唔會太辣。豚肉餃甜甜地 幾爽口。手打蝦丸拼墨丸。彈牙 啖啖都食到蝦肉 或者粒粒墨魚。正！蘇格蘭安格斯肥牛 即叫即切。厚度剛好 肉味好濃 唔會太肥 入口有點快溶感 靚牛！因為覺得食物好高質 最後再後加了脆肉鯇 一樣新鮮爽脆。如果鐘意飲酒 選擇都好豐富～ 我就揀左好refreshing既青檸梳打～ 家姐果然冇介紹錯 呢間小店食物夠曬高質 如果唔鐘意食任食既 不妨黎試下～

今日朋友帶左我來哩間私房火鍋，地方細細，但環境不錯，乾淨闊落，坐得好舒服。地方挨近中環同上環交界，不算難穩。坐低見到原來鍋底都有好多款好吸引。清香椰子雞煲，冬瓜陳皮水鴨煲，黑蒜松茸脊骨煲，花雕醉雞煲，哩幾個煲都好吸引，因為可以先喝湯再火鍋，可惜我地得2個人，叫哩類煲份量太大，唯有簡單芫茜皮蛋清湯底，不過雖然清湯都好足料，好多皮蛋😍調味配料都好豐富，一定要試距特製xo辣醬，盡香。之後我地點左安格斯雪花肥牛，雪花紋路好均衡，而且大大塊厚厚的。放入水燙一下可以食，雖然屬於厚身，但一點都不硬，而且好濃牛味，推介👍手打墨魚丸併牛丸，各3粒，牛丸同外面一般牛丸唔同，距無染色，而且帶有淡淡陳皮味，墨魚丸非常彈牙，好大墨魚香味。黑柏葉，細細份，但好爽口，配上調味料好野味。雜菇，幾種菇都好新鮮，好爽口。最後叫左個道庭烏冬，好飽。野飲方面我地叫左可樂同青檸蘇打。

炎炎仲夏，理應步入冷氣充裕的大型商場進行晚膳，但抵不住邊爐瘾，此夜拉著男朋友的手，登上了這家私房火鍋 - 湯煲店內裝潢簡約潔淨，冷氣亦相當足夠，絕對不用擔心會“湯有湯滾，汗有汗滴”的情況。食材的品質非常優秀，湯底製作亦相當用心，值得推薦！冬瓜陳皮水鴨煲以半隻水鴨配合冬瓜餚製的湯底，味道濃厚清甜，冬瓜與陳皮香味令整個湯底帶著清新的感覺，在炎炎夏日中打邊爐必選此湯！蘇格蘭安格斯肥牛比美國安格斯更為專貴，血統更為純正的蘇格蘭安格斯，竟然罕有地出現在餐牌之上，獨特而濃郁的味道，配上豐富的油脂，實在令人讚不絕口。爽滑牛脷片牛脷厚度恰到好處，在熟透後不過出現過份收縮的情況，口感爽中帶嫩，郤保留著重重的牛香。

朋友是食家，今日帶我到上環永樂街的私房菜食火鍋。餐廳裝修精緻。煱底有多款，有天麻川芎白芷魚頭煲、花雕醉雞煲、黑蒜姬松茸脊骨煲...等，及還有鴛鴦鍋可選擇，還有多款的調味料，可自行調味。鴛鴦鍋芫茜皮蛋加四川麻辣鍋$158由朋友選擇了個鴛鴦鍋，芫茜皮蛋加四川麻辣鍋。我和朋友都喜辣，所以差不多全程都用了四川麻辣鍋。安格斯肥牛半份$180安格斯肥牛面上放了一朵小黃花，顯得很精緻，切得厚薄適中，大大件，肥瘦均勻，可比美日本和牛，入口覺得比和牛味道還要濃郁，質素不錯。脆魚片$98脆魚片切雙飛，廚師手工非常好，切得很薄，灼約10至12秒，剛剛好熟，入口帶少少脆口，麻辣鮮甜的湯底令脆肉鯇更加惹味。鱔片$148鱔片切得也是很薄，不過切得長長的都算大件，不用灼多久，帶鮮味的麻辣鱔片就ok啦。油麥菜$68平時食火鍋都會要一個青菜，今日就揀了個油麥菜。

好耐冇打過邊爐，今日忍唔住同老公去試下新野，去左朋友介紹嘅「火鍋私房菜」，由上環站行過去大約兩分鐘，入囗喺一條巷仔入面，地點好方便，搭𨋢上4樓就到左呢間「湯煲」。我地係平日放工大約六點半左右去，目測大約七八成滿，座位與座位之間空間都算足夠！湯底我地本來打算點椰子雞湯，不過見隔離枱椰子雞湯嘅雞件份量好多，怕食唔到其他野，所以點左「芫茜皮蛋」拼「沙爹」。湯底味道正常，食完唔覺得口渴，唔錯！火鍋醬料一大盤，餐廳特別推介呢款蟹膏蝦米醬，非常鮮味，用黎點所有配料都好食！今日冇本地手切牛，所以點左平d嘅「蘇格蘭安格斯肥牛」半份，份量比想像中多，肥牛嘅油脂分佈非常平均，肉眼已經睇得出，淥兩淥就可以食，牛味不單止非常濃郁，而且入口十分嫩滑，絕對高質素！蝦丸亦十分推介，超足料，又彈牙又鮮甜，非常正！墨魚丸食到一粒粒墨魚，亦係高質素之選！脆鯇骨腩非常新鮮，爽脆鮮甜，魚味十足一啲腥味都無，超級好食！每次打邊爐都會點餃子，我地叫左比較特別嘅「川色麻辣牛肉餃」同埋「味噌大根黑豚餃」。牛肉餃皮薄，又麻又辣，牛味濃，夠惹味！黑豚餃味道甜甜地，加上蘿蔔絲嘅爽口同黑豚肉嘅甜味，好味得黎仲好特別！蔬菜拼盤大大兜，款式多、

今日黎上環打個靚邊爐，呢度最出名既就係老火湯煲，當中既天麻川芎白芷魚頭煲了同花雕醉雞煲都相當吸引，打邊爐最緊要係個湯底！但朋友唔想食太補，所以我哋就揀咗清香椰子雞煲，價錢亦都較平易近人。呢度有齊打邊爐應有嘅配料。雞肉份量都相當慷慨，三至四個人分享都冇問題。豉油除左生蒜、芫荽、葱，青檸都係一個唔錯既選擇，為醬油加點清新氣息，微酸更開胃。個湯滾起，陣陣椰子香氣撲面而來。店員會先奉上一碗椰子雞湯，頓時清甜既椰子味道溢滿口腔，絕對唔會淡如水，濃得黎飲落係好舒服，唔膩既，值得一讚！雞件好香滑，湯底同肉類互相配合，咬落去甜甜地，十分滋味。肥牛既色澤同紋路賞心悅目，口感唔鞋口，都有肉香。羊肉羶味並不重，薄薄一小片，淥一淥就食得。墨魚滑口感爽口彈牙，墨魚香如果再濃啲就 perfect

2019年6月17日。上環。雨。呢排天氣成日時晴時雨咁，呢晚就約咗朋友打邊爐，一解悶氣朋友之前食過呢間私房火鍋，話質素唔錯，於是呢日再帶大隊上嚟～位置有啲隱蔽，雖然就喺永安對面，但係入口嘅大廈喺巷仔度，要落足眼力搵下上到去舖面唔大，有五、六張枱，不過好闊落，坐得舒服餐具都幾有質感～落單紙分類唔錯，選擇五花八門醬料，$30醬料每位$30，必試個XO醬，食到絲絲瑤柱，非常惹味！莞茜皮蛋＋沙爹鴛鴦鍋，$158呢兩個湯底配合得天衣無縫！莞茜皮蛋清清地，沙爹湯底香濃得嚟帶啲甜味，正！西班牙黑毛豬梅肉（半份），$128肉質腍滑，唔會有豬羶味，唔錯～鮮滑牛肉，$168牛肉有番咁上下厚度，所以食落唔會好似肥肉咁一啖就冇晒肉質滑溜，但有嚼勁，襯沙爹湯底一流～脆肉鯇魚片，$98魚片份量算多，仲有粉絲墊底，幾抵食～魚肉雖然薄切，但肉質非常爽脆～自家製蝦丸，$108大推呢個蝦丸！！超級彈牙，仲會食到大大隻蝦，好好味！味噌大根黑豚餃，$88呢個餃子嘅配搭好新奇，而且味道鮮甜！值得推介～唐生菜，$68另外仲嗌咗個蔬菜拼盤，$108有四、五種菜，蔬菜新鮮即炸響鈴，$88一試難忘，即炸即上枱～兩種食法，即食又得，淥下

琴晚放工之後同幾個朋友去左打邊爐～去左呢間位於上環嘅樓上火鍋店。我地叫左鴛鴦湯底，分別係沙爹湯同莞茜皮蛋湯，兩個湯底都真材實料～沙爹湯好濃味，而且唔太辣，非常惹味～莞茜皮蛋湯就好清甜，一啲味精味都無！火鍋料方面我地就叫左西班牙黑毛豬梅肉、頂級本地手切牛、脆肉鯇魚片、蝦滑、味增大根黑豚餃、即炸響鈴同蔬菜拼盤～黑毛豬肉片帶油香，肉質嫩滑；手切牛都幾有牛味，而且唔會醃得過腍～魚片好鮮味，肉質非常爽脆！蝦滑爽口彈牙，食得出好新鮮；至於黑豚餃亦非常美味，而且好特別，餡料食落鮮甜，餃子皮夠薄夠滑！即炸響鈴炸得好脆，但一啲都唔油膩，蘸上沙爹湯就更惹味！蔬菜亦非常鮮甜～呢間住家式嘅火鍋店環境舒適，而且無論湯底定火鍋料嘅味道都相當唔錯，值得一試喔！

昨晚響上環一間上樓舖打邊爐， 個名叫🎈湯煲私房菜🎈上到去環境都唔錯，座位寬闊，仲有少少街景，很開揚，舒服👌這間店舖的主打菜都是新鮮食材為主， 價錢方面就都算合理，跟服務員聊了一下，推介了✨椰子雞煲（$288） 這個煲的特點是比較滋潤，唔會好燥，啖湯都是用椰子水，椰肉，杞子，紅棗等 煲，所以打邊爐之前，可以先飲一飲啖湯，滋潤一下😋， 另外這個煲，雞都有半隻， 佐料沙薑也很有風味，幾飽😁再配一個✨西班牙黑毛豬梅肉（$128） 肥瘦適中，唔錯， 也自製造了一個，✨水餃菠菜麵（$88+88）， 這個水餃麵,不需要任何佐料， 因年易吸收了 因年易吸收了窿窿的湯汁 因面已吸收了湯汁，帶椰子香味 ，很好味，水餃也很真材實料😋這裏的✨自家製蝦丸（$108)也是一絕， 大大粒的蝦丸內藏原隻蝦，彈牙非常，很有口感。💪再配了一些菜及飲料等，兩個人平均470蚊左右 ，都算合理👌 ，還有一點這裏的客人，都是附近寫字樓人，所以環境都比較清靜，靜靜傾下偈，食下嘢的一處好地方， 會再幫襯，👌👍😁

去完永安買嘢，又落雨😓、有d凉凉地，食打邊爐最啱。上網揾到一間精品手工火鍋店係附近，馬上過去攞位。餐廳不算大，但座位闊落、若坐到窗邊仲可以睇到少少海景添😉餐廳主打老火湯底、手打手工丸，當然要點啦🤣🔸醬料每位$30🔸清香椰子雞煲($288)🥥🥣湯底係用上椰青水煲的，配料仲有椰子肉、紅棗、杞子等。上枱時有非常香嘅椰香味♨️，椰青水滾後侍應哥哥會幫忙放雞入湯，大概5分鐘左右就可以飲喇👏🏻一碗香噴噴又清甜，好有椰子香味嘅雞湯就在👀前🤩，雞肉好嫩滑，雞味仲幾濃噃!👅飲咗兩碗湯先開始打邊爐。用附上嘅青檸🍋和沙薑點雞，將鮮味更突出，另有一番風味👍🏻🔸西班牙黑毛豬梅肉($128/半份)豚肉油脂分佈十分均勻，放入湯內滾一滾就食得，豬肉味都幾濃郁😋🔸自家製蝦丸 $108有別於一般🦐丸，認真的真材實料，食到原隻蝦🦐係粒丸入面，爽口、咬落去有回彈嘅感覺😍🔸鳳城水餃 🥟$88一份有六隻，每隻漲卜卜，大大粒，皮薄餡靚，鮮豬肉餡加入鮮蝦，爽口木耳絲，真喺必食👅🔸菠菜麵🍜🥬 $88本以為平平無奇，放入湯內灼一陣就可以食喇，嘩！不得了，d麵吸晒d椰子味，十分香👏🏻👏🏻🔸唐生菜 $68🔸青🍋梳打 $38青檸味清新，不會甜，

每次食野都不會先看這餐廳的餐牌食乜野。這次太太話我地去食私房菜。一般都以為係食一尐fusion 菜， 一係牛扒一係中菜。 一去到餐廳， 原來係打邊爐。這間在上環的一個商業大廈4樓，裝飾很特緻很光鮮，與一般傳統打邊爐店不一樣。這個地方好適合約埋三五知己，或節日慶祝黎chil 下。講明私房菜，點都要有d手工野的。 所以我地點了份牛丸，味道很好，有牛味及彈牙。當然少不了火鍋必備，響鈴，這裡的響鈴應該即叫即炸， 因為廚房拎出黎既時候係熱騰騰的， 及有2個食法，一點醬食，二， 放落個鍋度幾秒後食。重中之重的火鍋肥牛，無理由唔點既， 點了個安格斯牛， 太太係牛魔王，佢不斷讚尐牛好食好食， 當然真係好食啦。最後最後，想講既係佢個湯底（沙爹湯底）,一般湯底都係好稀的。當這個很濃郁，很入味。 不用另加醬汁已經令食物好入味了。