湯煲私房火鍋 (已結業)

要數到最近令我印象最深刻嘅火鍋店，非呢間小店莫屬！位於上環嘅小商廈，絕對係隱世美食！店舖裝修簡約時尚，同男朋友已經10分期待今晚嘅美食！由於我哋兩個都好鍾意飲湯，所以就點左個魚頭湯，順便可以區驅風！湯底十分之濃郁，而且足料，湯底呈現奶白色。鍾意飲魚湯嘅人絕對不能錯過！豚肉餃，對於唔太喜歡食餃子嘅我，呢隻餃子絕對係我食過最好食嘅餃子！皮薄餡靚，絕對唔係平時出街食嗰啲餃子，而係每隻精心用人手去制作！中意食麻辣既我，點左麻辣牛肉餃！食左去，嘩左一聲！點解可以咁好食！半份的安格斯牛，已經十分足夠2人份量！蝦滑 蝦丸 亦都超級出色！冇一樣野令我地失望！超好食！