拉麵台風 (已搬遷) 新店位置

三人同行去到荃灣食依間幾出名嘅拉麵一去到門口有位waiter 好好禮貌好熱情招呼我地入去食店內無記錯係得三隻拉麵選擇我叫左隻第二貴嘅食(伊台風) 因為我咩都加曬.... 所以碗麵可以話係兩人份量尼 麵夠硬 湯夠濃而不油 , 成碗飲曬都ok! 整體尼講真係好過好多尖咀 銅鑼灣嘅拉麵店雖然鋪頭並無特別裝修 但比到一種日本地道ge風味.(最後我真係食曬但飽足成日lol)

第一次試依間拉麵~早已聽聞好味道~但係每次經過都好多人排隊等位, 所以每次都係路過....今次見剛剛有人走, 唔洗等位, 就入去試下~未入去之前, 就俾左張冇圖嘅紙我哋填, 因為我哋都係第一次食, 所以唔知有咩配料, 又冇問店員, 以為同平時啲拉麵舗差不多, 都係兩塊細細塊嘅叉燒, 所以我哋就加左叉燒同蛋, 到碗拉麵上黎到嘅時候已經有啲後悔....一塊叉燒已經有1/4隻碗咁大~原來碗拉麵已經有半隻蛋, 所有配料都重複左.....如果唔太肚餓...記住唔好加肉, 朋友加左肉....啲肉多到就快冇位放依碗係魚介豬骨湯拉麵, 第一次試咁濃的湯底, 好杰身, 魚介放係紫菜度上面, 因為魚介要續少加, 否則湯底會好咸, 所以要去到最後先食到塊紫菜, 已經淋晒喇....如果魚介另上會好啲...已選擇普通麵質嘅拉麵, 但依度嘅拉麵比較硬....至於叉燒方面就肥瘦適中, 不過太厚, 冇入口即溶的鬆軟感~最欣賞係隻蛋同啲筍, 我連朋友個啲都唔放過^^值得一提嘅係~一早填左走蔥, 竟然會補返啲菜俾我哋中和返~真係要加分!!見其他人點左個用火熗燒嘅拉麵, 下次要試下先得~

見openrice 有咁多好評, 於是搵左日放工黎試試夜晚七點半左右黎到, 剛剛好有兩個位即刻入去, 侍應大叔即刻幫我地掛袋斟水, 又問食物如何, 同我地吹下水, 服務好周到魚介豬骨拉面雖然服務好好, 但主角拉面就一般湯:好濃既豬骨湯, 但好油好膩好"漏", 食完好飽滯, 而且湯既份量太小, 未食完麵湯汁已經冇哂比麵索哂, 雖然店家好好咁將魚介粉分開上, 但魚介粉再混落湯唔能夠磯為一體, 好似分開既個體, 建議店家考慮加魚介粉淆湯, 或者放棄魚介粉叉燒: 凍左, , 肉質硬, 連D脂肪都變哂白色, 冇香口既感覺, 大打折扣蛋: 仍然溏心, 不錯麵: 見到係用現成麵, 打折扣, 煮既軟硬度可自己選擇, 質感OK, 但無特別

平日lunch時間去試呢間多人讚好既拉麵, 以lunch黎講$8x係算貴,但係以一間有d講究既拉麵店黎講價錢正常。一入去d櫈好高,朋友細粒,掙扎左一陣先爬到上去,坐得唔舒服,不過都冇諗住坐得耐,冇所謂啦。麵軟硬同份量等我全都選普通,因為未食過冇得預計。包左一罐汽水。個服務員問我地飲咩,朋友打近機,又唔想飲汽水,就應左一句轉頭先。 跟住個侍應就望住我朋友打機,然後係後面哎, 加油,就過關啦,過關啦,努力d。跟住成間舖3個服務員一齊係後面哎加油。想點呀你地!好滋擾啫。個麵好快到, 义燒個樣好肥,碗湯/汁好油, 麵既份量揀普通都好多,但油淋淋咁,麵又多,滯住左,食到誓願咁。 我叫沾麵, 汁係分開上既,本身麵係冇湯,d义燒係凍既,係好凍果隻,我以為係因為我冇湯浸住先咁凍。朋友叫既係湯麵,佢地都話係一樣咁凍。我果碗完全係冷麵(冷氣又大),冷义燒加一碗暖暖地既油汁,食左頭幾啖麵,碗汁已經凍晒。另外,試左朋友稔身同我叫既普通硬度麵,其實冇咩分別。途中個服務員叫我妹妹,但佢只係一個似廿頭既男仔,心諗你隻眼有問題。跟住食食下又聽到佢叫隔離位做妹妹,我一望,係個嬸嬸。無言....

早幾日食完醬家的蕃茄拉麵，意猶未盡。想起拉麵台風也有蕃茄拉麵，就是伊台風，便躍躍欲試。別誤會哦！這碗不是伊台風，是魚介豬骨湯麵，之前每次來我都點這碗。未試伊台風前，就先回惜一下魚介豬骨湯麵，好作個比較吧。由於本人重口味，偏好濃稠湯底，這碗湯麵我認為是香港數一數二的美味。第一次吃，就不用提有多興奮了。由於湯底濃郁，夾麵很容易就掛起湯底，比我吃過的某些沾麵更似沾麵。麵條結實有嚼勁，荀乾爽脆有微辣，叉燒又大又厚，整碗麵份量十足，每次吃完都會拖著肚皮，和對身形歉疚的心情離開呢哈哈。美中不足處，是叉燒。大則大矣，厚則厚矣，但味寡肉鞋，似一片大瘦肉，沒有日式叉燒常見的軟稔與肥腴。你可以當這叉燒口味是本店的特色，百貨應百客，也許有人喜歡。若不是這叉燒，拉麵台風就是我心目中的香港第一了。試了這麼多次魚介豬骨湯麵，終於要搞新意思了。未上菜前，我見香港學徒用噴火槍噴我碗麵，滿令人期待呢。上菜後，原來麵上鋪了一層芝士，芝士面又焦了一層黑皮。除此之外，碗邊攝了四五片蕃茄，湯低也由橘黃變了朱紅，是蕃茄湯底的緣故吧？好啦要開動了！由於時間關係，我早就吃完了。簡言之，伊台風是魚介豬骨湯麵的加強版，多了芝士和蕃茄，落

(未食過的朋友可直接拉到最底看)第二次食了，第一次食完對它的印象一直不太好，原因是第一次食什麼都不懂直接把魚介粉與湯攪勻了，結果是太濃了今天放學自己一人到來台風，一向都只有煩忙時間(1800-2100)才要等位，原因大概是荃灣太偏僻了吧，不過對於我這些住荃灣的拉麵發燒友來說實在是天堂一進去店員問我喝甚麼，原來是「午市優惠，飲品免費」，太好了，炎熱的天氣我馬上點了雪碧先喝喝解暑本是衝著「伊台風」而來的，既然大家都說台風服務好，我即管向店員請教一下吧，他向我解說伊台風是甚麼，但我一聽到「蕃茄」二字就打消念頭了，好吧，還是點我的最愛普通豬骨湯算了，大食的我選擇了「普通」份量的「硬」麵，到選「醬汁」的時候，我又行使顧客權利了，問一問店員「醬汁」多少是甚麼意思呢，她說就是湯的濃度，有鑑於第一次的經驗，我馬上選擇了「少」，最後加了蛋。不出五分鐘，麵就來了，我先試一口湯，不俗，有濃濃的豬骨味，還能感受到其他(好像是海鮮)的味道，然後到麵了，十分粗，對於我這些喜歡幼麵的人不太理想，但掛湯力很強，(我食到shi shi聲，好像好無禮貌，但也不顧了，因為麵條吸進口腔的感覺太棒了)，接下來我'筆'了少量魚介

 從小到大我也對拉麵的喜好程度一般，但自從跟喜愛吃拉麵的他去過日本尋訪各大大小小的拉麵店，我也開始變得愛吃拉麵了。到底是美食改變了我的口味還是人改變了我的口味，我也不太清楚，但最重要是可以滿足果腹之欲就好了。這晚他看過網上的推介，提議來這家台風拉麵試試。幸運地今晚沒太多人來吃，我們不用等候便可進去，店子的裝潢很有日本特色，座位包圍著拉麵師傅的煮食空間，桌邊有小掛勾供客人掛衣物或袋子，桌上有自助的檸檬冰水飲用和生蒜可加入拉麵吃。拉麵有四款，沾麵一款，我們挑選了最出名的魚介豬骨湯拉麵和骨膠原拉麵。魚介豬骨湯拉麵的湯底很濃厚，還有種膠膠的感覺，但吃完後沒有吃過味精後的口渴感，混入魚介粉後多了一份鰹魚香，我很喜歡。拉麵是粗身的黃色拉麵，口感彈牙有嚼勁，麵的軟硬度可供客人選擇，我今次選了普通硬度，我想我下一次會選偏軟。麵的普通份量亦很多，我身旁的男子吃完也覺很飽，所以女生若非很肚餓，麵的份量選減量便好了，免得浪費。溏心蛋軟綿綿，不過不失；豬肉塊份量十足，但略嫌有點乾身。骨膠原拉麵其實是撈麵，起初我也很擔心會很杰身，但原來當拌勻骨膠原球和拉麵後，麵身會變得油潤，一點也不乾杰，味道跟魚介豬骨湯有點像

香港有多間日本知名品牌嘅拉麵店進駐左, 不過台風拉麵依然係我最喜愛嘅拉麵店，最吸引我嘅除左係個碗美味拉麵之外，就係佢地嘅窩心服務態度，記得第一次去唔知食邊隻拉麵佢地會好有耐性咁向我逐一介紹,之後我又要求佢地教我點樣食(其實佢地張枱已經有個食用方法係度), 不過就萛係客人多佢地都唔會冷落我呢個問題少女，而且每次食完都唔會擺出一種要你立刻走人嘅態度，所以定時定候我都會幫襯一次。果日都係叫番我食開嘅魚介豬骨湯拉麵。上果次食覺得好似冇乜湯，所以今次特登叫佢地加多些湯，糖心蛋都係my favourite, 好可惜我整唔見之前嘅收據，因為憑3張收據就可以換一隻糖心蛋，由於佢地嘅拉麵比正常普通嘅拉麵密度高d,所以次次都係食唔哂成碗拉麵，今次我學精左，lunch特登食少d，比個肚留番d位去食哂成碗拉麵！雖然有好幾個月冇來食，但係拉麵水準仲可以keep得住咁好，湯低好濃郁和有層次感, 果幾塊日本叉燒都係厚切, 糖心蛋亦恰到好處, 入口即溶, 其實每次進入店內都好有日本拉麵店嘅感覺!希望佢地繼續用心經營,祈待佢地12月嘅兩週年慶祝! 唔知到時會用乜野拉麵慶祝呢? 祈待ing!魚介豬骨湯拉麵 

途經荃新天地攞衫，於是哩試下「拉麵台風」。晩上9點，剛有人走，不用等位！地方不比大，吧枱設計要排排坐！大概26個位左右！剛被安排坐正中間位子！Nice! 櫈比較高，你坐定後，店員會係後面幫你推前一下，正常都真俾佢嚇一嚇！哈！其實成日幫客咁推法（尤其有D肥客人）應該係幾倦！何解用咁高既櫈？奇怪！苦了自己！之後幫我將手袋以掛鉤掛起。另外，長髮會俾條橡筋你束起（避免頭髮被湯黏到）！真週到！叫咗「魚介豬骨湯拉麵」〜「湯底」有別於一般的湯底，為豬骨湯底加入了其他醬料！湯本身比較杰、濃但不太膩！魚介粉好多！魚介要續少加，不然會好咸！「麵」屬於粗身、偏硬！麵型呈方型、色澤比一般拉麵淺色，不太彈牙！一般！「叉燒」有二大塊，及一些細嚿切條的叉燒！頗厚、肥瘦適中，口感比較乾、無乜味！一般！「半熟蛋」已硽過，夠味！不錯！配料D筍好好味！個人覺得加入黑楜椒及蒜蓉，感覺比較好味！店員用火槍制作伊台風上面的芝士。店員好風趣，態度好！好識講說話！令到氣氛不錯！

今晚太熱，點唔落有湯的拉麵，所以點了骨膠原撈麵。醬汁超濃！好香、好味，係咸咗少少全店只有4款拉麵，下次要試吓其他。偷嘗了男友的魚介豬骨湯底，一樣好濃，好足料對比之下，撈麵的醬汁仲要咸d份量好足，食完爭d飽到行唔到

今天來到拉麵台風一試「伊台風」「出發」和「降落」麵店是長高桌和高椅的設計，店員為我們拉開高椅，當我們跳上椅子後，店員隨即一推大叫一聲「出發」，把我們推往桌邊。挺逗趣的，哈哈，幸好我們不是太重，沒有做成尷尬場面點餐紙和多數日式拉麵店一樣，大家都能選自己心水的麵條軟韌度、份量多少、有蔥沒蔥加料等等今次我們點了伊台風－蕃茄湯底加芝士的叉燒拉麵（下午茶時段送汽水~~）在等候其間，店員遞上一盒彩色的橡皮圈說：「送的，選一條吧！」原來是怕我們的長髮沾到湯，除了”出發”，在香港我們都是第一次遇到這樣細心的服務，而且每個人都很有禮貌。麵來到了! 嘩，好大碗! 我猜我們兩個女生分享一個「普通」份量的伊台風也能吃飽飽。蕃茄湯濃郁、滿滿的叉燒塊和拉麵，八十多元一碗果然不是開玩笑的，很足料。我們很聽話，依照店內提供的食法，我覺得魚粉味道像蝦籽(但其實是什麼?)味道方面，拉麵+燒過的芝士+蔥一起吃味道不錯，流心蛋好好吃。叉燒就是像煲完湯的肉(不過我一直對日式叉燒都沒有好感，但此店配料的選擇不多。) 麵吃到一半就已經飽飽。環境和裝潢讓人有旅行小店的感覺。當日冷氣很大，它把我的麵都吹涼了。哈哈準備走的時候，店員要我

朋友介紹往拉麵台風試拉麵，真的好吃！味噌豬骨湯底好濃郁，拉麵彈牙，日式叉燒是拉麵店自行製作，味道較淡，但肉質嫩。在午餐時候惠顧，有免費汽水送贈。值得一提，餐廳內好有氣氛，所有員工好有禮物，服務是由心而發

第二站，回到主場荃灣！！對於一名土生土長的荃灣人，說到拉麵店一定要這間拉麵台風吧~~記得它剛剛開業時還是小貓三兩，那名到今天還是很多野講的服務員在剛開業時同我講“我地老闆識豚王個老闆，係佢介紹係荃灣開鋪！“ 當時我還覺得很古怪。。。點會介紹黎呢個完全唔係拉麵熱店既地方家。。？ 係都尖咀或者銅鑼灣吧？ 但事隔咁耐，證明這個地點選擇是成功的。它，成為了荃灣拉麵店的奇芭，就是因為四圍都無得佢，造就左佢既突圍。講完廢話，食麵去！去了店小小，20個位左右，但有成20幾人等緊，諗住都要等一陣。點知又係一個人既好處，有一個位！！！所以就比我一下子跳過晒啲人入左去相信食過這麵店的食客印象最深刻都是那位由朝講野講到晚的帶位員吧！！沒錯，由試業初期這裡的帶位員已經好鐘意同食客有interaction, 今次重多左個新玩法，叫你坐上椅然後推你埋bar台。。 再加埋指定動作女士們有手袋會提供一個掛袋既鈎，同一條比你紮頭髮既橡筋，呢度既服務真係有夠特別點左最basic既魚介湯拉面最裡的特別之處就是紫菜上的魚粉，當年又是那位店員同我講係用魚骨磨出黎。。anyway， 撈埋落個湯度確實係同出面既拉面味道唔同湯底是很

來到荃灣睇樓, 先來充一充飢補充氣力和眼力!! 上Openrice search, 見拉麵台風那麼多好評, 就來吧!進入店內, 環境及裝修都不似日本拉麵店...... 但店員說有日本師傅座鎮, 才給我一點信心。座下後, 店員醒目的拿出掛鉤給我排手袋，服務超讚!!! 經他們介紹下點了每日限定的沾麵，對於「每日限定」, 「季節限定」, 「期間限定」標題, 都沒有抵抗能力啊! (笑)沾麵一到, 賣相不算討好。然後試吃, 麵是南天製麵, 沾麵的話, 麵不夠粗身彈牙。再來沾一下醬汁, 麵掛汁能力尚可，但是醬汁卻非常港式, 一點都不像日本來。魚介粉, 醬油的味道, 感覺都不像日本的味道。而切碎的叉燒粒是凍冰冰的。麵份量是超多的，絕對可以填飽肚子。總括來說, 失望啊! 只是港式拉麵店。

今日瞓得晏，起身想食麵暖下胃，就想起呢間人氣拉麵店⋯去到已經差不多兩點，但仍然要等一陣。小店沒有太多位置，一張吧枱坐滿人，倒也充滿日本風味。在等位的時候已經可以在點菜紙上選擇拉麵，連麵量及口感也可以選擇。一入店，非常nice的店員就為我們拉椅及掛手袋，真的未食麵心已經好暖^我選了魚介豬骨湯拉麵，朋友選了伊台風。因為未食嘢而加了麵底及叉燒，之後先知大件事⋯麵一到先發現甘大碗，比平時的拉麵量多左成倍，但一飲個湯就覺得非同凡響！個湯好濃，好似每一啖也充滿骨膠原。我聽從指示，喝左好幾啖湯才加入魚介粉，魚介粉令湯更鮮，而且越食越感到不同的香味，香味濃郁由蔥、胡椒粉、魚介粉引出不同味道。唯一美中不足是叉燒有點硬，尤其在入口溶化的豬骨肉比較之下。朋友的伊台風未到，已經先聲奪人，因為師傅用火槍把麵上的芝士燒溶，平凡的拉麵也突然變得特別。朋友話口感很好，麵很彈牙。之後見到原來師傅用的是小麥拉麵，而且煑每一個麵也會用計時器計時，難怪口感甘好。由於朋友食嘢比我更慢，我就在開揚的廚房中更加留意到師傅怎樣用心做好拉麵，師傅會用熱水為每一隻碗加溫，為免麵的溫度會因碗而改變，從而影響香味。食完之後，店員竟然為我們調