拉麵台風 (已搬遷) 新店位置

自從今年中一間''一蘭''登陸香港令拉麵熱重新掀起過一陣高潮後, 香港人似乎對數目開得比便利店還多的拉麵店似乎有飽和的跡象. 當然, 間間水準參差亦不無關係. 宅女雖然一向對拉麵有著情意結, 但也不是間間都會番吃, 更莫說那麼掛羊頭賣狗肉的伏店了. 坦白說在香港眾多拉麵店之中, 值得一吃再吃的店真的是五隻手指數得完. 其中這家位於荃灣的台風便是其中一家.其實這家台風巳開業了有一年之久, 不過由於地點在荃灣距離宅女實在太遠以致一直遲遲未去. 期間身邊不少友人都到訪過, 說味道非常不錯更能媲美日本的水準. 因此下定決心找了個周末的下午, 相約拉麵達人一起前去這家店探探路. 出了荃灣地鐵站原來都要走過天橋再徒步5-6分鐘才到, 幸好有達人帶路否則宅女應該找到傍晚都未食到.說起來這家台風主理人伊東遊唄原來曾是個踏遍日本全國品評拉麵的食評人, 因為太熱愛拉麵更曾於當地開了一家同名拉麵店, 獲得不少專業評論家跟雜誌的讚賞, 看來頗為成功. 不過早兩年來到香港視察時, 說發現日本拉麵在香港的水平極低令伊東先生下定決心, 居然結束了日本那家店, 更把整個團隊帶來香港發展, 單單是這份決心和熱誠巳教人佩

成日去荃灣行街經過呢間野都想一試, 所以呢一日就留肚食dinner,我同bf都係叫左魚介豬骨湯拉麵因為第一次食都係想試原味, 坐左一陣有倨職員俾左d髮圈我揀, 好貼心呢:>碗麵真係份量十足, 我已經叫左少1/4麵都係食唔哂, 湯底就ma ma地, 因為好傑同好咸, 可能係我食唔慣啦,叉燒夠大又夠稔, 糖心蛋真係超正, 不過總括黎講 有機會都會再食, 但下次會叫少1/3麵同試下個撈麵:>

第2次黎食 lunch 同dinner menu 一樣。 但今次lunch 有送汽水。 今次拎住一袋二袋勁唔好意思 間鋪細有d 窄。 之前食過魚介 豬骨撈面 今次試蕃茄芝士 真係有幾片蕃茄同一劈芝士架 個人幾like. 量少有得簡2份1 1/3 1/4 簡左四分一 都幾多下 可能本身唔餓 面叫左軟都依然有硬度

不經不覺，台風登陸香港已經一週年了。因為家住荃灣，加上質素好，台風已經成為我經常光顧的拉麵店。早前在臉書留意到，台風為慶祝在香港開業一週年，在12月7日和8日兩天，推出一週年限定的超海蝦拉麵，每天限定300碗，只賣$50。價錢事小，這款拉麵是期間限定才事大！身為粉絲，我當然不會錯過了。可惜這兩天我也很忙，唯獨只有12月7日中午可以抽空來，平常開店12時的台風，我12點20分來到，已經驚現二三十人的長長人龍！由於我不喜歡排隊且住得近，所以我平時來台風通常都不會選擇繁忙時間，看來大家真的很想試試這一週年限定的超海蝦拉麵呢！今天實在不容我多花時間去排隊，本想打道回府，幸好店員看到我，溫馨提示我可以外賣，正合我意，我不用嘆句有緣無份了！超海蝦拉麵的拉麵下單紙也是特別不同的，留意到那一欄「特製蝦油」嗎？還有留意到意見欄的暗水印嗎？那些都是台風的店員，你又認得出多少個呢？外賣和堂食等待的時間差不多，雖然湯和麵分開盛載，但還是趕快回家馬上品嚐吧！別以為只賣$50的拉麵會將價貨，超海蝦拉麵一點都不失禮，一貫份量的麵底，一只溏心蛋，兩款叉燒，超海蝦拉麵特有的櫻花蝦乾，還有那濃郁的蝦湯，一點都沒有偷工減料

---「超海蝦拉麵」---賣相方面(圖正中) : 一直以黎... 我都覺得「拉麵台風。」係賣相方面做得唔錯~~~ 因為睇賣相會感覺得到師傅係有諗過點擺先靚，毎一樣配菜都清楚睇得到，顏色鮮明~~~讚!!! 麵條方面(圖上中) : 麵條屬「南天製麵」嘅產品，粗幼度為「中」，類型為「曲中麵」。濃味湯底配而「曲中麵」係一個唔錯嘅組合~~~ 硬度方面小弟揀左「硬」...揀「硬」嘅原因係啲麵唔會咁快淋, 食落會爽啲。 掛湯能力唔錯， 麵唔會痴埋一舊舊... 毎一啖都會食到湯同埋麵依附係一齊，唔會出現唔平均嘅情況。 叉燒方面(圖下中,左下) : 小弟一直都好鍾意食「拉麵台風。」嘅叉燒!!! 因為係香港好少有日式拉麵店做到「一味兩食」依個功夫... 「拉麵台風。」嘅「一味兩食」分別有切粒叉燒同切塊叉燒~~~ 「超海蝦拉麵」嘅 切粒叉燒比平時嘅出品有少少唔同... 因為師傅將切粒叉燒輕輕「快炒」，所以食落去會一陣香油味，但係依個步驟應該只限於開店一周年感謝特別活動。 而切塊叉燒肥瘦比例約7:3。依個亦係小弟最鍾意嘅比例!!! 切塊叉燒採用咗豬嘅肩肉部分(俗稱:梅頭肉) ，肉身唔硬而有咬口，稍微浸湯食

已聽聞荃灣有間拉麵店, 因喜歡日式拉麵, 已很想有機會可以試試, 昨天行過此店, 門外只有2個客在等位, 而且門外有椅可坐, 所以便決定一試了 在門外, 已有服務員很熱情的招待了, 他會先派每人一張order紙, 要我們先選好要食之拉麵, order紙好似有好多嘢要填, 服務員好細心講解, 首先選好拉麵品種再選麵的份量, 他說份量較多, 一般選普通的已有 200g之拉麵, 所以女士可選份量少的, 如選加麵便要另加 $10, 最後都選了普通, 之後有口感選, 他說台風的拉麵比較硬, 如希望軟身可選普通或軟, 另醬汁、香油及京蔥也可選擇, 我最後全部都選普通, 因服務員說如果第一次食最穩陣是全部選擇普通好了約10分鐘已經有位, 有服務員帶我們入內, 估唔到入面看不見的角落仍有Bar 枱位, 而且較獨立, 唔錯, 可以靜靜地食, 一坐下, 服務員便說可以將袋掛在他們的枱鈎上, 另坐下後, 服務員會在你後面推你張椅, 並反覆問客人坐位與枱距離是否要推至合適位置才停手, 真係好細心呀!麵好快來到面前, 服務員已知麵是屬於那一位人客, 不須再問是邊位叫的, 因在門外order時, 那服務員已Mar

一行三人,放工路過見到只有8個人等位,比平時少,於是決定試一試,等位既時候有得坐,期間店員拎左點餐紙出黎比我地填,最低消費,一碗最平$78全店只有4款拉麵供選擇,不過麵既份量,口感軟硬,醬汁,香油,京蔥多少都有得揀,點完交返比店員,佢會預先寫低,點呢碗拉麵既客人性別,著咩色衫,有冇帶眼鏡,方便上菜既時候拎比你,等左20分鐘,到我地入去喇,舖位比較窄,坐椅很高,坐位係一排貼埋牆,行入去期間,見到有個盆載住20杯水,就咁放左係收銀處隔離個架,上菜速度很快,坐低唔夠5分鐘就上齊,雖然填左普通份量既麵,但仍然係好多,湯底好杰,十分油膩,魚粉好咸,想飲杯水送下,可惜頭先見到就咁擺係收銀處隔離,已經唔係好想飲,食左4份1已經食唔到落去,埋單走人,出去食其他野

好唔好食?又睇落去? 第345回: 香港日本拉麵道場小戰爭(10) 荃灣台風拉麵湯底水質與別不同! (哇! 咁抽像?)!地址: 荃灣大河道81號寶成樓地下7號舖(以下圖片可以按圖放大作最佳輸出)拉麵味道好唔好, 係好睇個人口味! 拉麵既粗幼、湯汁既濃度、配料如何...各人食落都有唔既感受, 所以好難一概而論好唔好食。所以呢一篇拉麵食記, 純粹個人觀感呢! 好唔好食? 又睇落去? 黎緊我會為每次食既拉麵作一個連載, 名為 "好孩子香港日本拉麵道場小戰爭"! 個名夠哂低能! haha...而今次食既係... らーめん台風!拉麵小戰爭集中銅鑼灣區尖沙咀區, 其他比較冷門既新界區例如呢次食既 "らーめん台風" 就位於荃灣。話說七點黎到門口有五六人坐喺門口排隊! 店員遞上一張點麵紙, 揀好進店開餐, 好唔好食?又睇落去?門 口用透明膠篷分隔開街外同食店, 因為對出面係小公園, 無玻璃門相隔其實衛生方面會有點兒那個...走入店內, 目測約可容納十多人, 反 "L" 字形座位。帶位店員非常殷勤細心, 全店職員亦好有熱誠, 真係感覺到! 值得一讚! 所有食客都踏上高凳既一級就座, 然後由店員推食客高凳

係等位的時間,先點左菜,我點知最普通o個個佢個面本身已有叉燒同半熟蛋,可以再追加,咁可以揀醬汁同香油的濃度,咁我兩樣都揀左濃,可能因為醬汁濃,可以個湯底變到好杰身,有少少難夾,講返個面先,幾滑身,掛湯能力不錯,亦吸收到汁味,至於佢個湯底加左魚粉,但唔算話魚味好出,始終都係似豬骨湯,叉燒大大塊,但不算好林身,不過都唔差的,佢個面底本身好多,食到好飽.呢個價錢,都算平理

一開始要係出面等位 有椅坐有點餐紙填 都唔係等好耐 入到去好驚喜 埋位有人幫你掛袋上位起機 好好態度 d野食好快黎 仲好細心送條橡根俾我札頭髮 真係第一次遇到呢d staff, 成餐食面個氣氛好好。 食物方面拉面叫左普通size都有d多左, 見佢落2個面團，下次會叫少面。 撈面果個d肉好咬d 但比較咸。 *服務比野食更好。

說到新界區的拉麵代表，很多人都會推薦荃灣的台風。是晚七時左右來到，門外只有幾個人在輪候。侍者先給我們點菜紙，加快拉麵上枱的速度。不消十五分鐘，便到我們進入。我們被安排坐在開放式廚房前的位置，可以看到師傅的煮麵過程。店子的位置不大，大約可容納二十人左右，牆身畫滿日本風景壁畫，看得出相當有心。台風的侍應們相當細心，除了提供掛勾讓食客掛袋子外，更為每位女性客人送上一條小橡根，束起頭髮免被湯頭沾污，而且有助散一散吃麵時的熱氣。拉麵台風的選擇不算多，我不太吃辣，對蓄茄湯的興趣亦不大，就選了定番的魚介豬骨湯拉麵。這裡可以自由選擇麵質和濃淡口味，愛吃硬麵的我就選了硬口感和重味的多醬汁。至於香油，我怕太油膩，所以只選了普通。另外，因為小妹眼大睇過龍，不知道本身拉麵已包括半隻半熟蛋，又另外多追加了一隻。落單後，聽到店內拉麵師傅和侍應的叫聲此起彼落，原來他們是用日語來說明拉麵屬於哪座位的客人，他們的發音比一般本地日式連鎖食店的標準。大約五分鐘，拉麵便來到了。雖然只要了普通份量的麵條，但單看賣相是相當具份量的一碗。（吃至尾段時覺得非常飽）拉麵面頭鋪上大大塊的叉燒、蔥段、筍條、半熟蛋、紫菜及魚粉，配料的份量多

去荃灣做野做到過左食飯時間，去左新開的日本拉麵點試食，2點幾，完全不用等位，去到門外，有些嚇窒，因為外觀並不吸引，殘殘地，又話新開？入到去，全是BAR檯，只有20個位，Bill Tai Tai 都係高妹一族，爬上去個BAR SEAT都吊吊地腳，唔係太方便著得太斯文的女士、老人家同小孩，可能佢地唔係麵店的TARGET 呱？小店只有5款麵，我地4個人叫4款，淨番一款番茄麵無咩特別。店舖指明”沾麵”係每日限定30碗，就叫”沾麵”$83試下。等左8~10分鐘，沾麵來啦！好大堆頭！一睇就知食唔晒！我仲叫多左個半熟蛋添，賴野… 雖然店舖有指引教人吃”沾麵”，但係麵條不是太”索”到湯，好似”麵”’湯”分離咁，點都沾唔勻。個湯方面係非常濃郁，濃到非常”杰”身，呷一口係gel住個口那種，唔似”一蘭”豬骨湯可以一飲而盡。個湯加左魚去煮，有朕魚腥味，魚類愛好的Bill Tai Tai完全沒有問題，同行朋友就唔係太接受。另外麵條非常粗身，拍得住中式油麵，但係卷曲版本，沒有咁油。大概吃了2份1 ，我已吃不下去，太飽了！塊叉燒有女人手掌咁大，完全沒有吃過，除左因為完全沒有味之外，係因為叉燒以外，仲有4~5大粒叉燒

新手剛加入，以拉麵台風作為第一帖。近年不少日本拉麵店均進駐港九新界本人特別鍾情於當地常見，地道又近距離與拉麵師傅有互動的小型拉麵店點了紅色暴雨 (普通辣度)對本人來講，辣度剛剛好平日怕辣的開飯友們，選前先考慮自己能應付的辣度啊普通辣 = 平日其他麵店的中辣至大辣叉燒大塊，軟硬適中， 烹調得'林'之外，又不失口感糖心蛋滷得好入味，有d淡淡甜味，正！！！湯亦唔會覺得油膩店長態度認真，睇得出用心製作店員有禮丶親切店裏氣氛不錯

其實我覺得真係麻麻地...d拉麵較粗身,本人覺得幼身好食d叉燒有d'鞋",隻蛋整得熟得制,咬落去怪怪地,湯底比較普通其他配菜就正常d ge本人是晚比較肚餓,所以加左麵底,但佢竟然一次過兩個麵落哂個碗度比我攪到碗麵勁迫,再加上麵較粗身,食三四啖就無0麥意欲想食落去我相信無下次了

雖然只開了一段很短的時間，可是門口已經大排長龍了，店內的位置不多，不過只吃拉麵，所以客人們等待的時間不會太久。而且在等待的時候，侍應已經叫我們先落單，其實餐單只有幾款選擇，簡單又直接，沒有太花巧的東西，這間「台風」拉麵店有點仿效日本的拉麵店特式。一進內，就聽到員工們熱情的歡迎，雖然只有數位員工，不過那個氣氛比起名牌拉麵店的員工敷衍叫囂來得更親切。侍應很貼心地用勾扣掛起我們的隨身物品，還因為拉麵店老闆是日本人，希望仿效日本的風俗，就是女生吃拉麵時會把頭髮紮起，免得頭髮弄污，所以還特意遞上橡根供使用，真的很有心思耶！坐在座位上，可以清楚看到師傅們製作拉麵的過程，師傅們非常熟練又俐落的手勢，實在讓人看得很入神。其中一款還要用火燒的，很特別呢！我一直看著師傅在製作，看見他們在執料的時候毫不吝嗇，少了一份計較，多了一份心意，值得讚許。這就是我的伊台風拉麵，也就是需要用火燒的那碗呢！經火燒過後的芝士非常香，而且口感很濃郁，整碗拉麵也充滿了芝士的濃厚味，不過黏黏的非常飽肚，而且湯底也很不錯，值得一試！而同行的朋友就叫了魚介豬骨湯拉麵，哈哈這是加底的份量，所以看起來特別大，他也說味道很好，而且可以自行