影片
更多
2014-04-21
3990 浏览
第二站，回到主場荃灣！！對於一名土生土長的荃灣人，說到拉麵店一定要這間拉麵台風吧~~記得它剛剛開業時還是小貓三兩，那名到今天還是很多野講的服務員在剛開業時同我講“我地老闆識豚王個老闆，係佢介紹係荃灣開鋪！“ 當時我還覺得很古怪。。。點會介紹黎呢個完全唔係拉麵熱店既地方家。。？ 係都尖咀或者銅鑼灣吧？ 但事隔咁耐，證明這個地點選擇是成功的。它，成為了荃灣拉麵店的奇芭，就是因為四圍都無得佢，造就左佢既突圍。講完廢話，食麵去！去了店小小，20個位左右，但有成20幾人等緊，諗住都要等一陣。點知又係一個人既好處，有一個位！！！所以就比我一下子跳過晒啲人入左去相信食過這麵店的食客印象最深刻都是那位由朝講野講到晚的帶位員吧！！沒錯，由試業初期這裡的帶位員已經好鐘意同食客有interaction, 今次重多左個新玩法，叫你坐上椅然後推你埋bar台。。 再加埋指定動作女士們有手袋會提供一個掛袋既鈎，同一條比你紮頭髮既橡筋，呢度既服務真係有夠特別點左最basic既魚介湯拉面最裡的特別之處就是紫菜上的魚粉，當年又是那位店員同我講係用魚骨磨出黎。。anyway， 撈埋落個湯度確實係同出面既拉面味道唔同湯底是很
對於一名土生土長的荃灣人，說到拉麵店一定要這間拉麵台風吧~~
記得它剛剛開業時還是小貓三兩，那名到今天還是很多野講的服務員在剛開業時同我講“我地老闆識豚王個老闆，係佢介紹係荃灣開鋪！“ 當時我還覺得很古怪。。。點會介紹黎呢個完全唔係拉麵熱店既地方家。。？ 係都尖咀或者銅鑼灣吧？ 但事隔咁耐，證明這個地點選擇是成功的。它，成為了荃灣拉麵店的奇芭，就是因為四圍都無得佢，造就左佢既突圍。
講完廢話，食麵去！去了店小小，20個位左右，但有成20幾人等緊，諗住都要等一陣。點知又係一個人既好處，有一個位！！！所以就比我一下子跳過晒啲人入左去
相信食過這麵店的食客印象最深刻都是那位由朝講野講到晚的帶位員吧！！沒錯，由試業初期這裡的帶位員已經好鐘意同食客有interaction, 今次重多左個新玩法，叫你坐上椅然後推你埋bar台。。 再加埋指定動作女士們有手袋會提供一個掛袋既鈎，同一條比你紮頭髮既橡筋，呢度既服務真係有夠特別
點左最basic既魚介湯拉面
最裡的特別之處就是紫菜上的魚粉，當年又是那位店員同我講係用魚骨磨出黎。。anyway， 撈埋落個湯度確實係同出面既拉面味道唔同
湯底是很“傑“的，而且越食好似越少湯咁（比麵吸晒？！）講真不是我杯茶，我會覺得太膩，只是加左魚粉會有點提鮮的感覺
麵身是粗麵，同一般拉面店用既幼麵又係好唔同。個人覺得成碗麵變成用沾麵上效果會更好。
叉燒很厚很足料，但不算很軟身，同成碗麵大大碗既形象都係match的。
最後溏心蛋不算很流心，8成熟到，而且因個湯太傑，個蛋都好似有啲漿漿地既感覺。。尚算合格
食完飽到上心口，因為真的很多面同埋個湯好“傑“
這種拉麵或許不是個個也喜歡，但作為一名荃灣之友，點都要支持下呢間大膽嘗試的小店。畢竟香港標榜正宗，原味的拉麵店已經太多了，它以服務，另類的風格殺出血路也未嘗不可！
张贴
