FUMI (已搬遷) 新店位置

香港人尤其愛食日本菜，我亦不例外，點選廚師發板無非都是想品嚐新鮮特色食材，與其等運到，近日我興起積極找尋，今晚到來文 Fumi，全因為這期間限定宮崎八道菜套餐。 八海山 黑梅酒 和歌山縣 $60 八海山黑梅酒亦酸甜美味，唔加冰慢慢品嚐亦好。 獺祭50 $85 清酒方面，我推薦獺祭50 ，冰涼香甜，一口刺身一口酒，變化奇妙。 前菜 燒宮崎佐土原茄子塔塔、宮崎迷你蕃茄 第一道的燒宮崎佐土原茄子已經不能看小，2000年時只僅存四粒種子，幸得有心人重新培植，入口果然與別不同，帶著果肉之香的茄子你試過未？ 刺身 宮崎縣津本式神經締熟成魚 葡萄鱆紅魚、深海池魚、＂西米良＂三文魚 三款津本式神經締熟成魚：葡萄鱆紅魚、深海池魚、「西米良」三文魚，肉質密度相比一般高，魚味濃郁。 壽司 平兵衞酢柑橘鰤魚 柑橘鰤魚壽司奇妙以酸薯蔔包著，酸甜的鮮魚味。 蒸物 宮崎地頭雞配大蒽生薑汁、宮崎青瓜 地頭雞肉嫩皮爽，吃得出走地雞的肌肉，肉質完全不同，而且別富清香之味，宮崎青瓜亦特別爽。 炸物 宮崎丸美豚黑醋汁、日本青椒、日本洋蔥 丸美豚黑醋汁又是另一番風味，蒜香的黑醋汁，令豚肉更加鬆軟而輕盈，配菜

Fumi宮崎限定八道菜套餐已經到訪了兩次，兩次的用餐經驗也非常愉快，今天晚上來試一試新的menu，日本的黃牛當然不會令人失望，今天晚上試在九州最享盛名的「宮崎牛」，在宮崎多數能夠吃到黑毛和牛，但只有最高等級才能稱之為「宮崎牛」。。11月5號至11月18號供應。真的很欣賞這間餐廳的用心，不時會推出限定菜式，根據食材，設計出具心思的菜單，往往給食客帶來新鮮感。。這天晚上還有一個和平常不同的地方，在餐廳入口的旁邊，有一位歌手整晚為我們獻上日本歌，為這一餐添上了不少情調呢。想不到在日式高級餐廳，也能夠欣賞到現場歌手為我們獻唱呢。包括前菜燒宮崎佐土茄子塔塔，宮崎迷你番茄這一道菜，一上枱已經聞到很香的麻油味，番茄非常特別，乍看以為是提子呢，因為他的外皮並不是鮮紅色。經過醋醃製，非常醒胃。茄子帶有微微辣椒味道，酸中帶辣未，非常特別。宮崎縣樽本式神經締熟成魚葡萄章紅魚、深海池魚、(西米良)三文魚這個三文魚最特別之處，師傅說三文魚是沒有經過掙扎底下自然死去，所以肉質較為結實。平常我們吃到的三文魚，總是覺得肉質有點鬆散，但是這款三文魚，真的和一般吃到的略有不同，口感結實。這三款刺身，新鮮無比，非常鮮甜，個

呢個周年紀念日經朋友介紹呢間日本餐廳之下過得好美好之前係OpenRice度睇Menu時候覺得好吸引去到更加鍾意高級餐廳嘅感覺仲有all u can eat sushi set隔離嗰個特別開心店員帶咗我哋坐高枱位，之後就介紹Menu入面嘅嘢食我哋嗰日Sunday Set Menu，包括前菜、串燒、天婦羅、特上壽司、壽司放題、湯和甜品既然食餐好嘅，當然加埋飲品放題飲品我地點左當日既cocktail-Rose de cassis入面有vodka, sake, rose syrup, lime, pineapple juice淨係聽店員推介已經即刻決定飲呢個最後一飲encore左三次味道甜甜地，酒味唔算太重，酒量好差嘅我因為而家好多冰同埋好多梳打水，所以我都飲到三杯，呢款嘅好處係自己加酒嘅份量同埋梳打水嘅份量男朋友就要梳打水都唔得直接飲酒比我想像中好飲玫瑰味同菠蘿味都突出然後陸續上嘢食頭盤係當日是廚師推介嘅海膽三文魚子吞拿魚蓉壽司三文魚子大大粒一咬就出汁海膽夠鮮甜夠凍再配埋吞拿魚茸食，一啖放哂入口一級嘅享受特上壽司我哋每款揀咗一件：吞拿魚腩、吞拿魚中腩、三文魚子壽司和海膽壽司🍣我就揀咗吞拿魚腩

一諗到第二日係星期一，心情難免會有D失落，所以通常會係星期日晚搵餐好野食，緩衝一下心情!今晚黎到呢間日式餐廳開餐星期日會有Sunset Brunch，呢個套餐係由六點半開始食到九點半，可以慢慢食每位加多$168，可以任飲清酒、紅/白酒、日本啤酒及汽水先黎杯白酒作今餐嘅Welcome Drink店內和式味道裝飾，播住輕鬆音樂，燈光柔和，環境優雅，可望到師傅預備食物首先出場係日由廚師長推介嘅頭盤為三文魚籽海膽吞拿魚壽司事不宜遲，一啖放入口，鮮甜嘅海膽味道首先爆發，跟住就食到脆卜卜嘅三文魚籽咸鮮味，之後到綿滑嘅吞拿魚茸，呢客頭盤有D料到呀!係特上壽司四選二，點了北海道海膽及鮮吞拿魚中腩北海道海膽鮮甜綿滑鮮吞拿魚中腩軟滑無渣跟住到燒到香噴噴嘅串燒拼盤出場，分別有宮崎和牛、免治鷄肉棒、鷄翼及冬菇宮崎和牛肉味幾香，仍帶有肉汁及油份，加埋溫泉蛋一齊食，增加香滑度另外鷄翼亦做得皮香肉唔乾，用黎送酒相當岩數!熱食類仲有呢客天婦羅，包括有蝦、秋葵、茄子等一D都唔油膩，未食已經望到炸醬夠薄，咬落FEEL到薄脆感，之後到蝦肉質感，點少少天婦羅汁就唔怕太過熱氣啦!之後到重點環節 - 壽司放題，提供15款壽司選擇

好耐未食過壽司今晚決定去搵壽司食！朋友介紹呢間fumi有高質壽司放題食，一於去試下Fumi位於蘭桂坊附近好方便裝潢好高級 私隱度高Sunday dinner有set食包左前菜，串燒，天婦羅，特上壽司，壽司放題，飲品，湯同甜品前菜有海膽魚子壽司同枝豆海膽好甘甜，完全沒有苦味，魚子一咬就會爆汁好juicy串燒有宮崎和牛串，牛味好濃，燒得剛好天婦羅皮好薄而且烤得非常香脆特上壽司選了海膽同拖羅壽司拖羅肉質鮮嫩，入口即溶飲品可選紅白酒清酒汽水壽司放題，共有15款壽司可以選擇油甘魚,鯛魚,金目鯛魚,深海池魚,左口魚,三文魚,吞拿魚,八爪魚,帶子,甜蝦,鰻魚,香蔥碎吞拿魚腩卷,加州卷同埋玉子推薦既有帶子，肉身豐厚，食落有彈性，味道好鮮好甘甜鰻魚口感軟嫩，鰻魚汁唔會過重蓋過鰻魚鮮味香蔥碎吞拿魚腩卷有好重既香蔥味加州卷內有牛油果，creamy但係唔會滯膩麵豉湯有好重既鰹魚汁好正甜品係櫻花黑糖雪糕，櫻花味好重，口感細膩但唔會過甜

上個星期日帶左屋企人去蘭桂坊食Fumi既晚市壽司放題一入去就覺得環境超舒服，燈光柔和我地坐低左冇耐就有店員過黎介紹一次呢個all you can eat sushi dinner 態度好好今日廚師推介係佢地招牌《海膽三文魚籽吞拿魚碎壽司》佢地既wasabi係新鮮即磨，更帶出到魚生既鮮味，海膽極鮮甜，成舊壽司放入口感受到四個層次，非常出色！然後到串燒喇！宮崎和牛、Fumi免治雞肉棒、雞翼、冬菇我見有個溫泉蛋連埋一齊上，店員隨即解釋係用黎點個雞肉棒架！溫泉蛋蛋汁沾滿左雞肉，好正，用黎點冬菇都好夾！雜錦天婦羅好有驚喜因為有淮山！第一次食，冇藥材味幾香口添！又黎喇壽司！今次係特上壽司：我地四個人，簡左每款2件，由右到左既係：鮮吞拿魚腩，鮮吞拿魚中腩，北海道海膽同埋三文魚籽最欣賞係鮮吞拿魚腩，有口感得黎又有魚油香味！我最期待既畫面出現了！第一round既壽司會比齊全部，但都可以同店員講唔要某一類，但我地想試曬先：鯛魚、金目鯛魚、油甘魚、深海池魚、三文魚、帶子、八爪魚、左口魚、甜蝦、吞拿魚、鰻魚、香蔥碎吞拿魚腩卷、加州卷、日式雞蛋卷、是日廚師長推介左口魚平時食開火炙，原來刺身仲正！帶子同甜蝦都好鮮

Fumi又有新菜單有update，急不及待去試一試，因為11月期間限定只係由5號至18號有。今天是星期六的晚餐時間，餐廳很多人哦。宮崎限定八道菜套餐 每位$68811月5號至11月8號供應包括前菜燒宮崎左討袁茄子塔塔，宮崎迷你番茄是冷盤！微辣、麻油香、帶少量醒胃酸。茄子原本味道是淡淡的， 時令食材配以調味的創意，成為一個很好的前菜開始。刺身宮崎縣樽本式神經締熟成魚 ( 原來這個神經締熟成魚的意思，就是指他們在沒有掙扎的情況下處理)葡萄張紅魚、深海池魚、(西米良)三文魚幸福的感覺， 因為吃到肥美的魚。 喜歡厚切，十分！上菜的時候特別介紹了三文魚的製作方法， 三文魚是沒有經過掙扎的， 師傅說這個肉質會比較紮實。 要順帶一提這間餐廳刺身，永遠都唔會令你失望。壽司平兵衞酢柑橘鰤魚呢個壽司令我有驚喜嘅感覺， 秋天師傅一般都好喜歡用柚子配搭菜式， 去嘗試用酸味去襯托 其他食物。 這個壽司上面有少少柚子皮，外層包了一塊酸味的蘿蔔。 真心欣賞酸蘿蔔、柚有皮、鰤魚及壽司飯，四個可以如此配合。不做作，簡單又平實。 秋天當做的就是鰤魚。蒸物宮崎地頭雞配大蔥生薑汁、宮崎青瓜這個雖然叫蒸物原來也是一個冷盤， 介

Fumi位於蘭桂坊加州大廈，有優美寧靜既環境🎋今次係黎試佢既Sunday All you can eat Sushi Dinner🍣一坐低就有店員埋黎講解下呢個dinner既flow👍🏼首先上場既係是日廚師推介：fumi signature sushi:海膽三文魚籽吞拿魚碎壽司🤑通常呢個配搭都會係軍艦，即係多塊紫菜，但fumi既做法唔同，令到魚生多到滿瀉係旁邊，令人更想一啖放曬入口🤪果然冇令我失望，海膽夠凍而且好鮮甜，三文魚籽味道好搶，吞拿魚碎同醋飯融為一體。跟住上場既係雜錦天婦羅有蝦、秋葵、茄子，淮山，秋葵已經夠特別㗎啦～淮山天婦羅就真係未食過😯估唔到都咁夾咁開胃！之後到串燒：宮崎和牛、冬菇、Fumi免治雞肉棒同埋雞翼和牛入口即溶有驚喜，店員介紹個溫泉蛋係用黎點chicken bar：幾特別既味道😋特上壽司：因為我地4個人所以簡每款2件，由右至左既係：鮮吞拿魚腩、鮮吞拿魚中腩、北海道海膽、三文魚籽最欣賞係鮮吞拿魚中腩，油香超重，好想追加！不過都係留番肚黎試之後既重頭戲🤙🏽All you can eat sushi包括：鯛魚、金目鯛魚、油甘魚、深海池魚、三文魚、帶子、八爪魚、左口魚、甜

今日同朋友去咗中環食Fumi, 食左all you can eat sushi dinner set ! 真係好好味:是日廚師推介：係海膽吞拿魚魚子壽司，入口真係好新鮮，個海膽都好香甜，一啲都唔腥。串燒：串燒方面就有和牛，免治牛肉雞肉棒，雞翼同埋蔬菜。我覺得個雞肉棒最有驚喜，因為佢要點生雞蛋，點左之後真係好好食。而其他串燒都非常好味，特別係和牛，入口即溶。雜錦天婦羅：個雜錦天婦羅都好好食，有蝦有南瓜，個炸皮好薄，而個餡就好新鮮，值得一讚。特選壽司：有大拖羅，中拖羅，海膽同魚子，每一款都唔錯,最鍾意食大拖羅。以上嘅嘅唔係仼食嘅其他壽司放題： 個人比較鐘意三文魚，帶子，左口魚同吞拿魚蓉壽司，每件都細細件。甜品：櫻花味雪糕，我覺得太甜，普通。

最近蘭桂芳非常熱鬧，因為以 Cool Japan 為主題的「蘭桂坊日本嘉年華」正進行得如火如荼；在接下來11月10至11日，日本秋祭市集將會登陸蘭桂坊，從下午1點舉行至深夜，最適合派對動物！愛靜的老饕們，則可到訪環境優美寧靜的 FUMI，享受令人回味的宮崎期限美饌～ 最近日本市面回復平靜，不少港人（包括我）的旅遊心又開始不安分；特別見到網友的日本遊記分享，更加心癢難熬啊！知道 FUMI 推出以宮崎直送食材炮製的「宮崎限定八道菜餐單 Miyazaki Special Tasting Menu」，每位不過$688，馬上預訂來吃！ 一進店已經見到宮崎牛、宮崎市的易拉架，連同日本卡通等特色佈置，連同店內本色彩鮮明亮麗、濃厚日本風情的佈置，感覺還真似去了日本一趟～ 事不宜遲，馬上介紹美食：前菜是 燒宮崎土原茄子塔塔、宮崎迷你蕃茄 Grilled “SADOHARA” Eggplant Carpaccio, Mini Tomato；起初，對這茄子沒有太在意，但一吃口感特別嫩滑柔軟多汁，味道甜美有如蘋果，十分特別，再追問之下才知這茄子可巴閉了！ 佐土原茄子由江戶時代開始盛行，但因易病而難以種植

上網睇先知道原來呢度有壽司放題而且環境仲好靚咁當然要同男朋友試吓啦逢星期日佢就會有壽司任食除咗壽司之外每個餐都會跟返串燒天婦羅同埋特上壽司另外仲有支豆好適合送酒食每人加多$168仲有大吟釀可以飲添！個餐有炸蝦天婦羅炸粟米炸茄瓜等等全部都係高質食得出係用新鮮油炸而且非常香脆啲蝦都好新鮮跟住仲有佢嘅是日推介就係一個海膽壽司上邊仲有三文魚子啲飯硬碟度都剛好食落去口感非常豐富用料亦非常新鮮三文魚子食落博博趣當然唔少得仲有串燒啦有和牛雞翼等等和牛入口溶化而且有非常香濃嘅肉汁令人回味無窮特上壽司方便就有幾種可以選擇我哋就揀咗吞拿魚中腩魚脂分布均勻入口即刻成口充滿咗魚香再加埋軟綿綿嘅飯簡直係舌尖上嘅極上享受跟住就到其他壽司啦個種類都有好多有成十幾款有三文魚啦下蝦啦帶子吞拿魚等等全部用了都好新鮮而且啲飯嘅份量剛剛好唔會話好大舊個人來講就最鍾意食蔥吞拿魚腩卷同埋吞拿魚吞拿魚食落去非常新鮮唔會好似一般餐廳咁有血腥味而係淡淡的魚香！真係令人一食難忘另外仲有鰻魚都好吸引人我哋都有encore最後仲有個櫻花雪糕係自家製嘅味道有淡淡的花香清甜而不膩

今日去左LKF一間日本野食下壽司放題先。首先有一份蟹子海膽壽司，兩野樣擺埋一齊好夾。之後個set亦都有海膽軍艦，D海膽真係好豐富，成口都係。然後有D炸物同天婦羅。個雞肉串可以點溫泉蛋，之前都冇試過咁食，點知一食難忘，兩樣野真係好夾。D天婦羅亦好高質，個皮好薄，D料好新鮮。最後當然係任食壽司既部份啦，二話不說當然全部都點一款試下先啦。其中油甘魚同鰻魚就最令我印象深刻，材料新鮮不在話下，個種肥美同油膩感真係好正，講真香港出面唔係一般都會搵到咁既質素。然後有位日本人(疑似店長)好nice，見我地好似分唔清每種魚打邊種魚，佢竟然逐款同我地介紹返個邊隻，唔會食完都唔知食左D咩。話明壽司放題，食完當然再嗌啦，total食左3 round先停。然後就飲面豉湯，係我飲過最好飲既面豉湯，絕對唔係開粉沖個D。最後就係雪糕，係櫻花味，雖然個味好甜，但都幾特別同幾香。值得一提呢到服務真係一流，由入門口到走成個過程都好舒服，好滿足。

朋友生日話想食壽司，我哋成班人就捨命陪君子，一齊去到蘭桂坊附近試下呢一間fumi。適逢假日有一個壽司放題套餐，配上前菜串燒 ，同埋壽司放題 ，感覺上都幾豐富，而且環境都幾靚，成班人聚會就最適合不過。周圍佈置都好靚不過 ，可能我哋去嘅時候尚早， 客人未算好多，但過咗一陣都幾乎滿座。由周圍嘅佈置，以至食具都非常有日本風味，而且 好別緻， 令人更加期待之後嘅食物。壽司放題方面我哋都嗌咗好多嚟食，不過必須推薦呢度嘅帶子同埋金目鯛，非常新鮮，帶子肥美肉厚，好甜， 至於金目鯛食落就好香魚味， 清淡得嚟 都好好食。最後仲有一個櫻花雪糕 ，食落比較多焦糖味，但係好有花香。