霜瀛 (已搬遷) 新店位置

好耐冇見鐘意食日本料理嘅朋友突然相約，問我有咩想食，心諗串燒、居酒屋同燒肉成日食，建議不如食下Omakase🍣。耐冇見就揾間好D餐廳試下，約定日期同地方之後上網就搵到哩度。餐廳位於蘇杭街AKVO酒店二樓，開業冇耐裝修新淨光猛，一入鋪就見到U型吧枱，窗邊兩張枱，隔離仲有VIP房可以三五知己有個私人空間。訂咗吧枱位坐定定等食先。Omakase有度好唔使諗乜都有，揀選自己食物偏好同份量，講低自己有冇食物敏感就可以。😋不過隔離組客人就好有要求，又話自己成日食開乜食開物講到成個食神咁款，要求師傅要厘樣轉嗰樣成個menu轉曬咁濟🙅‍♂️🙅‍♂️🙅‍♂️，我心諗你都自己發板曬唔使嚟食Omakase 啦！🤣🤣🤣食物分兩部分，上半部冷盤前菜賣相精緻，日本白粟米，水母刺身同以色列蕃茄，味道清甜開胃。刺身蠔新鮮肥美，仲有濃濃味道嘅當造秋刀魚正👍🏻。茶碗蒸熱辣辣夠香滑。另外熱食仲有鵝肝，燒鱈魚白子，同埋有一樣唔記得左哈哈哈😂😂😂，不過味道清甜可以清清口。第二部份開始壽司，不過食到呢度已經飽飽地，好在揀咗最少嗰個。😆金目鯛腩位、銀鱈魚、赤鯥、大Toro新鮮肥美 ，石垣貝爽彈鮮甜，海膽香濃好味道。 最後魚湯雪糕同果物飽

平時都食唔少お任せ，今次呢間想特別介紹下。因為當中有幾樣菜式，我覺得真係特別高質，想推介一下。👍首先環境方面，當然係闊落寧靜。裝修上，上面有個架放咗唔同嘅日本酒我覺得幾特別，令到成個氣氛更提升一層次。🥰首先想特別講下蘋果木煙燻鰹魚。紅色嘅色澤已經係十分吸引，上面有啲黃色金光閃閃仲帶有少少翠綠，所以淨係外觀都做到相當精緻。其實佢上面嗰啲係薑蓉同蔥碎，一整塊放入口, 會試到淡淡煙燻蘋果味，同新鮮薑辣味同新鮮蔥嘅口感。🥰其次想講下太刀魚。佢一份有兩件。未食已經聞到魚皮嘅香味，因為佢係將魚皮燒香，所以食個皮會有少少脆口。然後配合薑蓉一齊食，味道更能夠提升。而魚嘅鮮甜味亦十足。🥰然後再講下新鮮八爪魚。新鮮係基本啦，然後整體係煙韌有口感，特別係個吸盤好脆。佢特別之處係配上柚子皮同竹炭鹽，所以食落會有少少酸同埋鹹味，呢種配搭其實幾清新。🥰最後講下鮫鰈魚壽司。魚嘅質素不容置疑，係細嫩鮮美。想一讚最上面嘅北海道特產，三升漬，係一種要發酵嘅調味料。佢味道柔和、微辣帶香，咀嚼耐少少就會feel到醬油嘅醇香散發出嚟。所以當鮫鰈魚遇上三升漬簡直係最佳組合。

如果一個人想食下Omakase又想靜靜地，呢度都係唔錯嘅選擇。今次就揀咗呢個名為“霜”嘅套餐。呢度環境好闊落，裝修非常舒適，主要係淺啡色嘅色系。枱面亦都放好咗應有嘅餐具。其實呢個餐好多食物都非常高質，不過我重點推介以下幾個：🦪有幸食到「海中牛奶」仙鳳趾生蠔，肉夠肥美，味道鮮甜濃郁似奶。再配上酸汁啫喱，蔥及菊花，剛剛好中和到肥膩感。🌋繼而比較特別嘅係岩手縣石垣貝壽司。見到師傅將石垣貝放低，隨即以手一拍。原來拍打一下可以讓肉質收縮，所以口感會更上一層樓，比起原本嘅味道更加清甜更加爽脆。🍣呢度嘅中拖羅壽司係青森大間野生嘅。食落軟綿綿嘅感覺，仲有新鮮野生嘅味道。上面仲配有魚子醬，鹹鹹哋嘅味道同拖羅嘅鮮味互相配合，有畫龍點睛嘅效果。🐟自家製鯛魚湯夠鮮夠白，飲落去相當濃郁冇腥味。而魚肉保持到堅實有彈性。

Happy Friday，來左一趟江戶風Omakase。一張大大bar 台配埋舒適皮革凳，Bar又大又寬闊。同朋友坐埋一齊都唔會覺的迫，唔會右手撞左手咁尷尬同破壞氣氛。選擇左$1580 Omakase試下。首推八爪魚刺身，配上柚子皮及竹炭鹽，第一次聽聞竹炭鹽呢個配料，唔會奇奇怪怪反而好驚喜，唔會令到刺身過鹹，反而出奇鮮甜，第一次食到八爪魚吸盤竟然異常脆。其次係岩手縣石垣貝壽司，當季最新造係岩手縣石垣貝，鮮味濃厚，又彈牙配埋醋飯簡直一流。再者係梅酒啫喱蕃茄 ，水母刺身 ，北海道白粟米同埋甜黑豆 ，一次性品賞4樣日本出名食材。首先梅酒啫喱蕃茄，冰凍蕃茄加上啫喱爽口又酸甜。而且水母刺身，新鮮煙靭。北海道粟米軟糯，異常好食😋生食粟米唔會有一種草青味道反而一絲奶味道。總有牡丹蝦壽司，上面有牡丹蝦蝦頭的蝦膏，同埋炒香左的櫻花蝦乾，蝦干脆口配埋牡丹蝦壽司又香又脆。牡丹蝦係大隻彈牙爽口最後係北海道雷電赤肉蜜瓜，蜜瓜果糖度爆燈，入口充滿果香味同濃厚甜度。令人忍唔住立即食第二舊。呢係充滿特色Omakase令人難以忘懷，想一試再試。取材當幾新鮮食材。Jeng👍

位於上環香港嘉賦酒店霜瀛，以日本家庭為主，有一張好大張門簾設計，有bar台位置闊落，總有其他位置可以比食飽後可以閒聊幾句，享受下濃濃日本家庭氛圍。最值得推薦係蘋果木煙燻鰹魚，一大個玻璃罩下充滿住蘋果木煙。鰹魚配上蔥碎及薑蓉再加可食用金箔點綴。蔥碎同薑蓉清可解被燒過鰹魚皮油脂，令到成鰹魚壽司無油膩感之餘，令到鰹魚壽司充滿香口，魚肉味道濃郁。其次，日本赤睦壽司，上面係魚子醬，外皮燒香，魚子醬鹹香配埋燒香左魚皮，口感不會油膩，反而多層鮮味。總有三文魚籽蒸蛋，蒸蛋有種濃濃蛋香味，總好滑身。蒸蛋總有香菇，增添一種獨特香味。加上三文魚籽配合埋香菇蒸蛋，令到蛋多一層鮮味道。最後記憶深刻太刀魚，太刀魚魚皮燒香，撒上芝麻加埋薑蓉一起吃，太刀魚魚味濃郁，加上燒香左魚皮，魚皮爽脆又有濃濃魚味。肉質不鬆散，十分之出色。

Omakase係又名係無菜單日本料理，係由師傅選取當季最新鮮食材比客人品賞。今日真係慕名而來的。映入眼簾係磨砂玻璃印住霜瀛二字。頭盤4款前菜係梅酒啫喱蕃茄 ，凍番茄鮮甜爽口，酸酸甜甜極度開胃一道冷盤。水母刺身有麻油同青瓜配合十分之爽口彈牙，而且添加麻油，令到清淡水母刺身多一份油香味道。北海道出產的白粟米，香甜糯口，細細品賞下有一絲絲牛奶香味停留口腔。甜黑豆十分之軟綿綿，好味。日本赤睦壽司，上面係魚子醬，外皮燒香，魚油滲入魚身及醋飯，令到醋飯有陣魚油香味，加上魚子醬鮮味，令到充滿壽司鮮甜油香。鵝肝蘿蔔係個特色菜。用芼菁蘿蔔係日本一種小型蘿蔔，上面淋左一層紅酒藍莓汁，加上一絲絲辣椒絲。酸甜解膩之餘帶有一絲絲辣味。最後係海膽壽司，係北海道根室松浦水產出品。醋飯上鋪滿一層金黃海膽，真係好吸睛。整體來講，霜呢個set真係好抵，只係1580可以享受咁多出色料理。

餐牌每一個廚師發版有好多選擇，今次我選擇左霜呢個主題。主要包括而呢個主題主要有一個前菜，茶碗蒸1款，時令刺身4款，季節料理1款，手握壽司6件，湯同甜品各1款。由頭盤到甜品，都滿足各種心思思自己。首先新鮮八爪魚，配上柚子皮及竹炭鹽，吸盤好脆，八爪魚魚頭同鬚部位煙韌，十分之得意。蘋果木煙燻鰹魚，用蘋果木煙燻過鰹魚，鰹魚帶有一陣蘋果木清香，鰹魚皮被燒過，入口帶有蘋果木同油脂香，蘋果木清香解膩左鰹魚魚油油膩感。真係好驚喜一道料理。鮮鳳趾生蠔，係選取北海道出產，厚身生蠔配上酸汁啫喱，蔥及菊花。令到生蠔酸酸甜甜，生蠔非常飽滿，creamy配上酸汁，唔會飽膩感覺。加上海膽壽司，師傅選擇係北海道根室松浦水產出產海膽。呢款海膽十分之鮮甜，creamy口感。呢個set 真係滿足好多人嘗試其他料理。而且選材十分之新鮮，加上師傅用心配搭十分驚喜。

首先呢間餐廳裝修環境帶入左日本文化與現代裝修。成間餐廳主調係淺木色，加上柔軟皮革高凳，令人好放鬆心態。今次真係好幸運可以book到bar檯啦，可以視覺享受到師傅處理食材，還可以請教下師傅處理食材知識。先付係梅酒啫喱蕃茄 ，水母刺身 ，北海道白粟米和甜黑豆。凍番茄清甜多汁，加上啫喱係用番茄汁整成，酸酸甜甜極度開胃。總有北海道白玉米。香甜可口，而且呢個白玉米唔同普通玉米，食落竟然有陣奶香味道。總有個甜黑豆，個黑豆煮到好淋，一入口立即融化，充滿黑豆味。唔似普通黑豆咁硬同一陣草味道。其次三文魚籽蒸蛋，蒸蛋非常滑，裡面有香菇，令到蒸蛋有陣香菇味道，非常香。。三文魚籽勁大粒配合埋蒸蛋非常鮮甜。總有岩手縣石垣貝壽司，時令貝類壽司，非常鮮甜同爽口。鵝肝蘿蔔，鵝肝煎得非常香口，配上芼菁蘿蔔爽口清甜。而且鵝肝入口滿滿油脂味。加上蘿蔔清甜，令到整體無咁油膩，再加上紅椒絲微微辣，令到味道非常之夾。呢次Omakse非常之驚喜，師傅熱情分享，令到我獲益匪淺。

成日見到有人係度介紹上環呢間Omkase啦今日終於比我book到位品賞下。今次我選擇霜呢個廚師發板。原來都幾抵食下，個set都係1580。首先個先付係個梅酒啫喱蕃茄 ，個翻起清爽多汁，酸酸甜甜。幾開胃。令人十分之驚喜，竟然有水母刺身 ，水母刺身爽口彈牙，師傅加左麻油，令到水母刺身多層油香味。香口得又爽脆。搭配埋北海道白玉米，北海道白玉米，又爽口又香甜，無一絲絲草味。慢慢品賞下竟然有陣奶味湧出來。十分之驚喜。總有甜黑豆，黑豆香甜糯口，無普通一般黑豆硬同帶有一絲絲草味道。總有充滿師傅心思蘋果木煙燻鰹魚。師傅係我地面前點著蘋果木，然後玻璃罩裡面充滿濃濃蘋果木煙。當蘋果木燒完後，師傅等一陣，打開個玻璃罩，撲面而來係蘋果淡淡木清香味道。 鰹魚皮層被炙燒過。配埋姜蓉同蔥粒。鰹魚帶有非常非常濃厚蘋果木煙燻味，越食越有濃濃魚味道。牡丹蝦壽司，上面有牡丹蝦蝦頭的蝦膏，同埋炒香左的櫻花蝦乾。一口下鮮甜爽脆。炒香左櫻花蝦乾非常脆，完全係香脆可口。鵝肝蘿蔔，非常之好味😋，煎香鵝肝油脂滲入蘿蔔，增添蘿蔔油香味，令到蘿蔔有另一種品賞味道。每一個食材小心思都是有師傅用心設計下，帶給我地一次又一次驚喜。掂吖！

呢晚來到上環食omakase 🍣.食omakase緊係飲清酒🍶有得揀靚靚清酒杯開心🥳仲有壺裝住好有儀式感🥰.➡️前菜擺盤真係好靚😍 幾款開胃前菜好精緻，土耳奇番茄下面係啫喱凍鮮甜多汁，海哲刺身加埋青瓜食落爽口清新，黑豆好特別甜甜地幾好食！.➡️ 茶碗蒸細滑蒸蛋上係鮑魚和三文魚子，再散上柚子粉，味道濃厚好好味😋.➡️時令刺身我想講全部都好好食😋大愛生蠔🦪，上面舖上白桃啫喱和沖繩海葡萄，比平時食清新！另一碟鮫鰈魚加上菊花瓣和三文魚子食相當特別有種淡淡清香😌 再來用玻璃罩住鰹魚超igable，一打開就煙霧離漫😂🤩好厚身味道甜甜地，上面仲有上面七色芝麻和金箔！最後大大粒新鮮帆立貝，包住紫菜食好鮮味😋.➡️季節料理鵝肝下面係白蘿蔔第一次呢個組合🤩加埋紅酒藍莓醬超級好味😋.➡️手握壽司六件🍣都超級正正😋 深海池魚上面係北海道三升漬，味道辣辣地🌶 金目鯛上面係柚子味道清新，石垣貝上面係竹炭鹽，好爽口有啲似厚肉版赤貝，赤睦魚，上面係魚子醬，重魚油仲有灸燒的味道好幸福🥰大拖羅再加少少淡雪鹽超級棒，最後係我讚不絕口的海膽紫菜杯😋.➡️湯好足料的鯛魚湯！鮮味又唔腥，好好飲，飲落暖胃岩哂食完咁多刺身壽司後飲.➡️甜品最中餅

搵一間好食Omakase 真係好難，伏唔係個個都想中。朋友食過對呢間餐廳好評如潮，讚不絕口。首先環境簡潔，比人感覺好優雅。頭盤梅酒啫喱蕃茄，水母刺身，北海道玉米同甜黑豆。個水母刺身真係好出色，首先水母刺身係香港好少見，食落去非常爽口，師傅總加左麻油同青瓜，非常清新同香口。加上青瓜更加jeng，食到chok chok聲。梅酒啫喱番茄，啫喱應該用番茄來住，食落一陣酸酸甜甜番茄味，再加上梅酒清香味，令到番茄咁簡單食材鮮味，提升多一個檔次。令到人清甜同開胃。令人印象深刻係日本赤睦壽司，上面係魚子醬，外皮燒香，魚油滲入魚身及飯。因為魚外皮燒過，入口魚油好豐富，肉質鬆散，反而煙韌 。鮫鰈魚壽司，鮫鰈魚魚油非常豐富，輕輕燒魚皮，更加令到魚魚油逼出來，加上最上面係北海道特產，三升漬。令到魚肉食落非常豐富，香味可口。掂！總之，呢次Omkase非常完美，無論食材新鮮定係舒服處理食材手法都非常之勁，將食材鮮味提升一個高度。👍

朋友最鍾意打卡，所以趁放假，帶佢來打打卡。呢間餐廳每一樣出品，無論擺盤，定係食物擺放位置，都充滿住師傅用心設計。完全係視覺享受之餘，總係相機食先啦。當然順便慰勞下辛苦自己🤣印象深刻就係蘋果木煙燻鰹魚，鰹魚配上蔥碎及薑蓉再加金箔點綴。完全係低調奢華，好吸睛。其次打卡like爆海膽壽司，醋飯上塞滿海膽。好似山泥傾斜咁咁洶湧。細問師傅海膽出產地，師傅都熱情解答問題，總普及好多知識👍原來海膽出處於北海道根室 松浦水產 。難怪咁鮮甜啦。😍再者日本赤睦壽司，上面鋪左魚子醬，再加上外皮燒香，魚油滲入魚身及飯，每一粒醋飯充滿住魚油香味。令人回味無窮。新鮮八爪魚刺身，師傅完全係擺盤高手，用心切歌八爪魚吸盤親託埋一朵置中小玫瑰花，完全吸睛到不得了。相信每位女士包括我自己，收到師傅用心設計，真係開心到不得了。🤣簡單來講，呢間餐廳除打卡一流，食物一流，師傅用心設計排盤打卡更加更上一層樓📷

今晚嘗試咗上環香港嘉賦酒店2樓霜瀛Omkase。首先呢間餐廳裝修環境糅合日本文化與現代裝修，令我有種返鄉下［日本🇯🇵］感覺。係忙碌工作過後，可以在舒適的環境下享受廚師發辦帶來視覺同味覺帶來享受😎。今次選擇左霜Omkase主題。而呢個主題主要有一個前菜，茶碗蒸1款，時令刺身4款，季節料理1款，手握壽司6件，湯同甜品各1款。首先，三文魚籽茶碗蒸，蒸蛋配上三文魚籽，蒸蛋非常之滑，而裏面有香菇，三文魚子和蒸蛋非常之夾。三文魚子為蒸蛋添上一層豐富鮮味口感。令人回味無窮。北海道出產鮮鳳趾生蠔，口感豐滿和軟滑。令人食指大開。其次中拖羅壽司，配上魚子醬，令到中拖鮮上加鮮。最後印像深刻岩手縣石垣貝壽司，一個字鮮，令到口中鮮甜味久久不散。好味！😍 呢個set 真係好抵只係1580+1咋

慶祝媽媽生日🎂 帶佢來享受美食😎霜瀛餐廳主要以淺木色系為主調，加上磨砂質感玻璃設計，令人可以在舒服和放鬆嘅環境下為美食錦上添花。其中自家製鯛魚湯，真係令人回味無窮。濃濃奶白色湯，將魚肉味道逼曬出來，每一啖品賞下都充滿住魚鮮味。再者，牡丹蝦壽司，上面有牡丹蝦蝦頭的蝦膏，同埋炒香左的櫻花蝦乾。兩者混合，令到壽司口感更為豐富。蘋果木煙燻鰹魚，鰹魚用蘋果木煙燻過，不會蓋過鰹魚味道，反而越食越濃郁魚味。總括嚟講呢間餐廳完全適合節日慶祝嘅首選。因為每一樣出品都令到人視覺同味覺帶來享受。

男朋友求婚，同我食omakase, 真係識咁耐最最最豪的一餐🥰😍！訂咗位去上環蘇杭街香港嘉賦酒店2樓一間叫＂霜瀛＂的日本餐廳。Omakase的刺身有4款，每款都好精緻！蘋果木煙燻鰹魚刺身完全係視覺同味覺的享受；北海道出產的鮮鳳趾生蠔🦪好鮮甜；太刀魚的魚皮燒香左，配合薑蓉一起吃，口感爽脆，鮮甜味十足。季節料理係鵝肝蘿蔔，用芼菁蘿蔔做底，上面放左鵝肝，配紅酒藍莓汁加乾的辣椒絲，蘿蔔的清新十和左鵝肝的油膩，配合得天衣無縫！壽司有6款，好開心呀！有海膽壽司，中拖羅壽司，岩手縣石垣貝壽司、日本赤睦壽司、鮫鰈魚壽司和牡丹蝦壽司。海膽係北海道根室松浦水產的海膽，夠曬鮮甜。仲有湯和甜品都好好好好味！全個omakase都非常之好味呀！今日真係好開心呀🥳🥳🥳