霜瀛 (已搬遷) 新店位置

慶祝媽媽生日🎂 帶佢來享受美食😎霜瀛餐廳主要以淺木色系為主調，加上磨砂質感玻璃設計，令人可以在舒服和放鬆嘅環境下為美食錦上添花。其中自家製鯛魚湯，真係令人回味無窮。濃濃奶白色湯，將魚肉味道逼曬出來，每一啖品賞下都充滿住魚鮮味。再者，牡丹蝦壽司，上面有牡丹蝦蝦頭的蝦膏，同埋炒香左的櫻花蝦乾。兩者混合，令到壽司口感更為豐富。蘋果木煙燻鰹魚，鰹魚用蘋果木煙燻過，不會蓋過鰹魚味道，反而越食越濃郁魚味。總括嚟講呢間餐廳完全適合節日慶祝嘅首選。因為每一樣出品都令到人視覺同味覺帶來享受。