霜瀛 (已搬遷) 新店位置

首先呢間餐廳裝修環境帶入左日本文化與現代裝修。成間餐廳主調係淺木色，加上柔軟皮革高凳，令人好放鬆心態。今次真係好幸運可以book到bar檯啦，可以視覺享受到師傅處理食材，還可以請教下師傅處理食材知識。先付係梅酒啫喱蕃茄 ，水母刺身 ，北海道白粟米和甜黑豆。凍番茄清甜多汁，加上啫喱係用番茄汁整成，酸酸甜甜極度開胃。總有北海道白玉米。香甜可口，而且呢個白玉米唔同普通玉米，食落竟然有陣奶香味道。總有個甜黑豆，個黑豆煮到好淋，一入口立即融化，充滿黑豆味。唔似普通黑豆咁硬同一陣草味道。其次三文魚籽蒸蛋，蒸蛋非常滑，裡面有香菇，令到蒸蛋有陣香菇味道，非常香。。三文魚籽勁大粒配合埋蒸蛋非常鮮甜。總有岩手縣石垣貝壽司，時令貝類壽司，非常鮮甜同爽口。鵝肝蘿蔔，鵝肝煎得非常香口，配上芼菁蘿蔔爽口清甜。而且鵝肝入口滿滿油脂味。加上蘿蔔清甜，令到整體無咁油膩，再加上紅椒絲微微辣，令到味道非常之夾。呢次Omakse非常之驚喜，師傅熱情分享，令到我獲益匪淺。