影片
港鐵上環站 A2 出口, 步行約3分鐘
繼續閱讀
電話號碼
31888007
開飯介紹
日式氛圍, 空運高質時令食材，經壽司主廚精心挑選再發辦，每一道菜都是驚喜與美味的結合. 設有多間特色箱房迎合每位客人.
繼續閱讀
營業時間
星期一至六
12:00 - 15:00
18:00 - 22:00
星期日
全日休息
公眾假期
12:00 - 15:00
18:00 - 22:00
公眾假期前夕
12:00 - 15:00
18:00 - 22:00
以上資料只供參考, 請與餐廳確認詳情
相關文章
當我見到呢間餐廳入圍咗2024開飯熱店，我O咗嘴決定寫一篇食評。話說我之前同朋友嚟慶祝生日晏晝食呢間omakase，之前上網睇到有啲明星幫襯過，諗住都唔會衰得去邊啦。由Booking嗰日開始已經feel到騎騎呢呢，喺WhatsApp度問咗佢兩日都冇人覆。只有自動回覆話會盡快聯絡你結果食完嗰餐都仲未有人聯絡我，之後我係打咗電話去餐廳book。咁我覺得如果係咁，你就好心個官網就唔好叫人WhatsApp訂座啦。雖則話嗰陣時餐廳有個優惠，但其實餐飯起碼講緊埋單都三千蚊。其實我食過再平啲都仲好服務同埋好質素過呢間好多。點知啲嘢食唔好食，服務態度更加係差到加零一。由一開始帶我哋入位嗰位女士已經態度唔好啦。一嚟就喺我朋友面前問我優惠嘅嘢，講真講明慶祝生日，佢仲要喺我哋兩個面前兜口兜面問關於價錢嘅嘢，咁尷尬。環境方面唔算大，Weekdays嚟講都算冷清，吧枱只有我同另一組客人。晏晝我哋雖然係最後一個離座，但講真我哋中途其實都冇停過口，間餐廳晏晝山3pm，我哋2：55分食完準時去埋個廁所走人，點知聽到餐廳另一邊有把男人聲以為我哋已經離開咗餐廳大嗌咗句：「終於走啦咩？XX」同我同行嘅朋友去咗廁所聽唔到，事後我同返朋友講，我哋其實都唔知得罪咗師傅啲咩，成餐飯幾乎零交流，頂多都係師傅介紹吓每度餸。我朋友話費事兩個女人唔夠啲爛仔師傅鬥。但結論我係唔會再帶任何人嚟食，同埋都唔會推介任何人去呢間俾錢買難受。
繼續閱讀
見到社交媒體網站有foodie介紹，見啲相正正常常就同朋友試下，點知就出事。再次印證點解會無端端做優惠？因為真係無質素可言，你話佢平又唔係，貴又唔係起碼食到你飽。首先一到餐廳，就見師傅急急子咁上菜，係咪趕收工？可能我地遲咗開始怕我哋唔夠時間追加？個所謂茶碗蒸只係暖，打開見到有堆海膽諗住有驚喜點知海膽都出事，有陣膠味，個蛋仲要蒸過咗火係一啲都唔滑，想點先？雖然有3款生蠔但係佢用好調味啫喱放係生蠔上面掩蓋生蠔既味到上第一舊壽司，我咬左好耐因為有筋，咬黎咬去好似食香口膠咁。啲飯望落似赤醋飯但係又無咩味，然後啲飯又太熱，成件事好怪。有火灸過既壽司大部分都係燶既。。。其實如果趕時間可以唔做omakase，點解要咁虐待啲客虐待食材。做茶仔都未嚐唔係一個好選擇
繼續閱讀
$1500 3位既omakase 其實本身無乜expectation, 嘢食算okay，有螺、生蠔、蒸蛋、刺身再加6件壽司，有埋海膽。 不過睇返之前嘅comment，都好認同佢地既服務態度真係好差。 首先，Omakase 竟然係無問人有冇食物敏感，我地都冇留意，直到上咗一道有蟹嘅熱盤，我哋有朋友對蟹敏感，所以食唔到，佢哋嗰個廚師個反應大到即刻反哂白眼，好躁。之後佢突然收走我其中一個朋友碗蟹，但其實係另外一位朋友對蟹敏感，所以我以為唔食得所以冚返蓋，跟住佢就仲更加大反應話「你地一個人蟹敏感啫，唔係三個都要換麻」。 跟住我叫佢冷靜啲，話我哋冇諗過要換，只係你攞走咗冇對蟹敏感個個人既嘢食。 當然同一個唔冷靜嘅人，叫佢冷靜啲只會更加turn on 佢，所以佢係鬧返我話佢好冷靜，叫我冷靜啲…之前再話換比番2件壽司我地😅多謝恩賜 從頭到尾佢哋都冇講過一句唔好意思，覺得好似冇問題咁。本身已經一早喺OpenRice俾晒錢，但最後走個時要另外俾返服務費，真係唔係好想比😅只可以講 呢餐飯係貼錢買難受，呢餐係唔貴，但唔代表食「平嘢」就要受你氣，基本嘅禮貌都應該要有。講真，平嘢都要五百幾蚊一餐，最基本omakase 都一定會問客人有冇食物敏感，就算唔記得咗問都應該可以冷靜地處理，而家好似搞到係我哋錯冇同你講食物敏感😅唔講仲以為去左茶餐廳去完好明白點解佢成個午餐時間其他客都冇，唔好比佢OpenRice入邊嗰194個好評呃咗🙈如果仲想去既人 要有定心理準備啦…
繼續閱讀
01.03.24My birthday dinner🤤一個超級豐富，食到飽飽嘅晚上第一次食壽司版本嘅阿媽家姐 成日以為食壽司版本一定冇鐵板燒咁飽真係今次唔同晒今次嘅感覺係飽到癲咗真係非常之啱，好似我咁食得嘅朋友一定要過嚟試吓佢嘅壽司版本呢係無限追加你可以瘋狂狂咁樣食鍾意食壽司嘅朋友真係唔可以錯過除咗海膽同埋大拖羅唔可以追加之外，其他你都可以想食幾多就叫幾多我就淨係追加咗兩舊咋，因為本身已經有成13舊壽司食咗落肚所有嘢呢都好新奇好似係你面前表演咁廚師喺面前即場整俾你食有時如果食鐵板燒都要等好耐，但係佢哋嘅手腳真係好快絕對唔係因為你等得耐，所以飽係因為個餐單真係非常之豐富好開心呀個碟仲會寫埋Happy birthday 慶祝生日或者慶祝周年紀念都必推介去到甜品環節，我就最鍾意食嘅薑味雪糕真係好特別未食過呢一個味 鍾意薑嘅朋友真係推介！霜瀛 (上環)上環蘇杭街57號香港嘉賦酒店2樓
繼續閱讀
$1,980一位的「醍」套餐，有：先付海膽茶碗蒸日本生蠔時令刺身6款季節料理1款酒の肴1款手握壽司吸物甜品拼盆omakase晚餐任食手握壽司放題，非常之適合大胃王。刺身新鮮，尤其是日本生蠔，味道鮮美，口感同肉質都好出色，海膽茶碗蒸好鮮甜，雞蛋蒸得好絲滑，每道菜菜式都精緻美味，選擇款式都多，真係食到飽飽離開。餐廳氛圍和風，環境座位舒適，師傅手藝精湛。以價格和品質來說，這是一個值得一試的餐廳。值得推介。
繼續閱讀