194
1
5
港鐵上環站 A2 出口, 步行約3分鐘 繼續閱讀
電話號碼
31888007
開飯介紹
日式氛圍, 空運高質時令食材,經壽司主廚精心挑選再發辦,每一道菜都是驚喜與美味的結合. 設有多間特色箱房迎合每位客人. 繼續閱讀
營業時間
今日營業
全日休息
星期一至六
12:00 - 15:00
18:00 - 22:00
星期日
全日休息
公眾假期
12:00 - 15:00
18:00 - 22:00
公眾假期前夕
12:00 - 15:00
18:00 - 22:00
付款方式
Visa Master 現金 AE
座位數目
23
其他資料
網上訂座
酒精飲品
切餅費
VIP房
電話訂座
以上資料只供參考, 請與餐廳確認詳情
有關獎賞計劃
食評 (202)
等級4 2023-11-23
973 瀏覽
壽司任食放題Omakase,霜瀛好可能係唯一一間,餐廳都好希望每位客人能品嚐到當季最新鮮食材,當日小編試了白子、秋刀魚、筋子等等其他餐廳比較少見嘅食材,就知餐廳用心,今次二訪仍然冇變餐廳在小編心中極高位置。餐廳現進行優惠,Omakase「醍」原價有折之外,第二位仲半價,非常抵食。࿓ 醍࿓ ◇ 3 𝘈𝘱𝘱𝘦𝘵𝘪𝘻𝘦𝘳𝘴 先付。南蠻漬魚、水雲、蟹膏豆腐+三文魚籽◇ 𝘜𝘯𝘪 𝘚𝘵𝘦𝘢𝘮𝘦𝘥 𝘌𝘨𝘨 うに茶碗蒸し。海膽櫻花蝦蒸蛋◇ 𝘑𝘢𝘱𝘢𝘯 𝘖𝘺𝘴𝘵𝘦𝘳 日本の生カキ。日本蠔,青檸啫喱,海苔◇ 6 𝘒𝘪𝘯𝘥𝘴 𝘰𝘧 𝘚𝘢𝘴𝘩𝘪𝘮𝘪 本日の刺し身 6品。鯛魚 - 肉質通透雪白,口感爽口,配三星漬,青瓜裝成,香並帶微辣。鱈魚白子 - 白子即是魚嘅精巢,秋季當造,口感綿滑,入口即溶,炙燒同加入酸汁啫喱同洋蔥花,味道提升。秋刀魚 - 秋刀魚剌身真係秋季最適合,肉質爽口鮮甜,師傅將它切成花狀,美極了。鰹魚 - 顏色比較深,I肉質比較結實,炙燒過迫油出本來嚟更香滑,配上由紫菜碎、豉油、高湯同糖調裝嘅紫菜漬,仲加入明河同食用銀泊。鮫鰈魚 - 將鮫鰈魚片包住魚邊位,賣相靚之餘亦提升口感,放一些櫻花木煙燻,發出陣陣香味。鮟鱇魚肝 - 將鮟鱇魚肝放入最中餅夾住來食,有解膩效果,如入魚子醬提升鮮味◇ 1 𝘒𝘪𝘯𝘥 𝘚𝘦𝘢𝘴𝘰𝘯𝘢𝘭 𝘊𝘶𝘪𝘴𝘪𝘯𝘦 季節の料理1品。鮑魚 - 鮑魚經過慢煮,肉質非常嫩滑,令味道提升就靠鮑魚肝醬,賣相麻麻但味道極濃郁,非常吸引來到壽司部份,雖然餐牌話6件,其實只要食得落幾乎是任食追加(除咗海膽拖羅),聽師傅講最厲害有食客完成31件,小編只完成13件,差太遠了。◇ 6 𝘗𝘪𝘦𝘤𝘦𝘴 𝘰𝘧 𝘚𝘶𝘴𝘩𝘪 握り寿し6貫。葉血引 - 深海魚,出口量少,十分珍貴所以比較少見,肉質偏深結實,配山葵漬。金目鯛 - 配黑松露醬。活赤貝 - 配青檸汁。金線鯛 - 同香港嘅紅衫魚同科,配三星漬。白蝦 - 一堆細細粒蝦仔,非常鮮甜,每隻蝦仔除殼非常花功夫。黑睦魚 - 魚皮微炙逼出魚油,口感更香滑,配芥茉籽。梭子魚 - 又稱竹籤魚,配白松露醬。銀雪魚 - 銀雪魚一般食法係西京燒銀雪魚,如果夠新鮮原來係可以做刺身,新鮮銀雪魚肉質係綿滑,不會像西京燒一片片,配烏魚子粉。筋子 - 筋子係冇去除薄膜嘅三文魚籽,冇經過醃漬成一整串,味道清甜不會像醃漬過偏醎嘅三文魚籽粒,小編第一次試,非常喜歡。大拖羅 - 大拖羅比較肥美,特別在配上淡雪鹽,不像一般死鹹越食越鹹那種鹽。北海道馬糞海膽。帆立貝。赤蝦 - 配魚子醬◇ 𝘚𝘰𝘶𝘱 吸い物。舞茸菇◇ 𝘋𝘦𝘴𝘴𝘦𝘳𝘵 𝘗𝘭𝘢𝘵𝘵𝘦𝘳 デザート。開心果、薑味雪糕 - 雪糕全部來自日本,特別之處係除味道之外仲加入果粒,開心果味係有開心果粒,而小編極力推薦薑味,一定要試呀 繼續閱讀
(以上食評乃用戶個人意見 , 並不代表OpenRice之觀點。)
等級1 2024-03-20
186 瀏覽
$1500 3位既omakase 其實本身無乜expectation, 嘢食算okay,有螺、生蠔、蒸蛋、刺身再加6件壽司,有埋海膽。 不過睇返之前嘅comment,都好認同佢地既服務態度真係好差。 首先,Omakase 竟然係無問人有冇食物敏感,我地都冇留意,直到上咗一道有蟹嘅熱盤,我哋有朋友對蟹敏感,所以食唔到,佢哋嗰個廚師個反應大到即刻反哂白眼,好躁。之後佢突然收走我其中一個朋友碗蟹,但其實係另外一位朋友對蟹敏感,所以我以為唔食得所以冚返蓋,跟住佢就仲更加大反應話「你地一個人蟹敏感啫,唔係三個都要換麻」。 跟住我叫佢冷靜啲,話我哋冇諗過要換,只係你攞走咗冇對蟹敏感個個人既嘢食。 當然同一個唔冷靜嘅人,叫佢冷靜啲只會更加turn on 佢,所以佢係鬧返我話佢好冷靜,叫我冷靜啲…之前再話換比番2件壽司我地😅多謝恩賜 從頭到尾佢哋都冇講過一句唔好意思,覺得好似冇問題咁。本身已經一早喺OpenRice俾晒錢,但最後走個時要另外俾返服務費,真係唔係好想比😅只可以講 呢餐飯係貼錢買難受,呢餐係唔貴,但唔代表食「平嘢」就要受你氣,基本嘅禮貌都應該要有。講真,平嘢都要五百幾蚊一餐,最基本omakase 都一定會問客人有冇食物敏感,就算唔記得咗問都應該可以冷靜地處理,而家好似搞到係我哋錯冇同你講食物敏感😅唔講仲以為去左茶餐廳去完好明白點解佢成個午餐時間其他客都冇,唔好比佢OpenRice入邊嗰194個好評呃咗🙈如果仲想去既人 要有定心理準備啦… 繼續閱讀
(以上食評乃用戶個人意見 , 並不代表OpenRice之觀點。)
01.03.24My birthday dinner🤤一個超級豐富,食到飽飽嘅晚上第一次食壽司版本嘅阿媽家姐 成日以為食壽司版本一定冇鐵板燒咁飽真係今次唔同晒今次嘅感覺係飽到癲咗真係非常之啱,好似我咁食得嘅朋友一定要過嚟試吓佢嘅壽司版本呢係無限追加你可以瘋狂狂咁樣食鍾意食壽司嘅朋友真係唔可以錯過除咗海膽同埋大拖羅唔可以追加之外,其他你都可以想食幾多就叫幾多我就淨係追加咗兩舊咋,因為本身已經有成13舊壽司食咗落肚所有嘢呢都好新奇好似係你面前表演咁廚師喺面前即場整俾你食有時如果食鐵板燒都要等好耐,但係佢哋嘅手腳真係好快絕對唔係因為你等得耐,所以飽係因為個餐單真係非常之豐富好開心呀個碟仲會寫埋Happy birthday 慶祝生日或者慶祝周年紀念都必推介去到甜品環節,我就最鍾意食嘅薑味雪糕真係好特別未食過呢一個味 鍾意薑嘅朋友真係推介!霜瀛 (上環)上環蘇杭街57號香港嘉賦酒店2樓 繼續閱讀
(以上食評乃用戶個人意見 , 並不代表OpenRice之觀點。)
等級1 2024-02-26
147 瀏覽
$1,980一位的「醍」套餐,有:先付海膽茶碗蒸日本生蠔時令刺身6款季節料理1款酒の肴1款手握壽司吸物甜品拼盆omakase晚餐任食手握壽司放題,非常之適合大胃王。刺身新鮮,尤其是日本生蠔,味道鮮美,口感同肉質都好出色,海膽茶碗蒸好鮮甜,雞蛋蒸得好絲滑,每道菜菜式都精緻美味,選擇款式都多,真係食到飽飽離開。餐廳氛圍和風,環境座位舒適,師傅手藝精湛。以價格和品質來說,這是一個值得一試的餐廳。值得推介。 繼續閱讀
(以上食評乃用戶個人意見 , 並不代表OpenRice之觀點。)
[ 霜瀛 ]網上見到介紹上環呢間刺身壽司廚師發辦,晚市omakase可以免費追加手握壽司🆓🍣,而且有同行優惠👯‍♂️,2人同行1人半價、3人同行1人免費,值得一試。✿ 醍 $1980/位款式豐富多元化,有3款先付(前菜)、海膽茶碗蒸、日本生蠔、6款時令刺身、煮物、手握壽司(免費追加)、吸物及甜品拼盆。先付當晚開胃前菜係湯葉(日式豆皮)、蟹膏豆腐三文魚籽及瑩光魷魚。海膽茶碗蒸🥚茶碗蒸表面放上日本北海道馬糞海膽,用料高級。日本生蠔🇯🇵🦪岩手縣米崎生蠔,配以柚子檸檬啫喱及沖繩海葡萄,蠔肉爽口肥美,海水味重。時令刺身6款 🇯🇵🐙🐟日本空運時令刺身,視乎貨源款式每日不同。每款刺身都以不同調味配搭,而且擺盤精緻。1.新鮮八爪魚 配柚子鹽2.鱈魚白子3.赤鯥魚 配北海道三升漬4.鰹魚 以日本蘋果木煙燻5.北海道帆立貝 以日式燒汁炙燒6.鮟鱇魚肝最中餅 配魚子醬煮物是日熟食係慢煮鮑魚,煮得入味,配甘香嘅鮑魚肝醬及山椒葉等調味,味道層次分明。手握壽司🇯🇵🍣以日本空運時令刺身即做嘅手握壽司,用料新鮮,調味方面每款壽司各有特式,某啲刺身更係矜貴食材👍。晚上9點前仲可以免費追加壽司(海膽、拖羅除外),食咗十幾款壽司超級飽呀😂🤣!當晚魚壽司有伊佐木、金目鯛、魴鮄魚、赤血引、深海池魚(配白松露)、灸燒黑鯥魚(配黑松露醬)、炙燒銀鱈魚、炙燒梭子魚、拖羅;其餘有活赤貝、新鮮北寄貝、白蝦、北海道馬糞海膽杯。吸物🥣舞茸菇清湯,加入日本蓴菜,口感滑嘟嘟好特別。甜品拼盆🍈🍮生果有鮮甜多汁嘅日本赤肉蜜瓜。甜品係烘焙茶法式焦糖燉蛋,焦糖脆而不太甜👍。總結🫦 餐廳以現代和風裝潢,席前有10個座位欣賞師傅手藝,晚市omakase有同行優惠好適合約埋朋友去食餐飯。✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿霜瀛地址:上環蘇杭街57號香港嘉賦酒店2樓電話:3188 8007✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿ 繼續閱讀
(以上食評乃用戶個人意見 , 並不代表OpenRice之觀點。)