蟹慶 (已結業)

餐廳位處地庫，地方非常寬敞舒適，空間感十足。清新簡約的日式裝修令人感覺舒服。 當然以蟹為主題的飾物也不少呢！餐廳也提供防疫設施及WiFi，方便客人。 食物種類當然除了松葉蟹之外，還有其他不同定食，例如我至愛的《薄燒牛肉定食》$158牛味濃郁，肉質鬆軟而豐腴， 鮮菜伴碟減少油膩感，肉香四溢的牛肉再沾上惹味燒汁及蒜蓉更覺惹味，口感豐富！《極蟹御膳$298》松葉蟹雜菜鍋一睇賣相，已經口水直流！蟹鍋香氣撲鼻，湯頭濃郁香惹，蟹肉嫩滑味美，其他配料亦美味鮮甜，底部還有嫩滑薯粉，吸收了蟹湯精華，啖啖好滋味 !蟹棒炸物丼～外層入口鬆化，食材新鮮，每一口都充滿脆嫩滋味！鰹魚高湯伴蟹膏蟹肉豆腐～ 蟹味十足的豆腐嫩滑無比，入口即溶！松葉蟹肉玉子燒～入口滑溜，蛋味清香追加唐揚炸雞$20～熱辣辣炸雞香口非常，皮脆肉嫩最後以餐廳送上美麗精緻的綠茶布甸 為這晚餐更添滿足 !值得一讚的是餐廳侍應服務殷勤細心， 令客人感到賓至如歸

朋友知道我是海鮮愛好者，所以就向我推介這間「蟹慶」，餐廳地點喺SOGO附近，非常容易找到。進入餐廳時，店員便主動為我們探熱，並且為我們送上餐牌，我們毫不猶豫叫了兩個定食，其中我選了極蟹御膳。極蟹御膳包括了松業蟹雜菜鍋、脆炸蟹棒天丼、鰹魚高湯伴蟹膏蟹肉豆腐、松業蟹肉玉子燒。首先送上的是熱騰騰的松業蟹雜菜鍋，不單是松業蟹蟹肉鮮甜，就連它的湯底也是一樣清甜美味，雜菜和薯粉也完全吸收清甜湯底的味道，總之就是好甜、好味！脆炸蟹棒天丼內的天婦羅非常香脆可口，而蟹棒亦肥大多肉，咬落時脆卜卜，好味得我也忍不住把白飯吃光光呢！玉子燒可能會經常吃，但用了蟹肉製作的松業蟹肉玉子燒，我就第一次吃！想不到加了蟹肉的玉子燒原來與蛋十分搭配，並會多一份鮮甜的味道。鰹魚高湯伴蟹膏蟹肉豆腐亦非常有驚喜，由於加入了蟹膏和蟹肉，所以令到整個豆腐充滿蟹味，實在令人回味無窮。（因為太心急吃竟忘了拍照😅。）總的來說，店舖內所有與蟹有關的食物都十分滋味！而且，以這個價錢能吃到這美味的蟹餐，性價比真的很高，相信我在不久的將來會再來光顧😍😍😍

銅鑼灣shopping完之後攰攰哋，行過崇光附近見到呢間蟹慶嘅Menu裏面嘅壽司好吸引下， 結果入咗去輕食同坐下。第一次一定叫廚師推介果幾樣架啦，魚子海膽吞拿魚軍艦😋一淡放曬入口，D海膽鮮味包住成個口🥰壽司拼好新鮮呀樣樣都係日本直送（menu註明）不過今次吾太肚餓食住幾款，下次再食😋

份工要四圍去，今日正好喺銅鑼湾開工，同事相約放工後去附近講咗好耐好想試嘅「蟹慶亅日式料理店。 澳門逸園中心成幢大廈多食店，「蟹慶亅就設喺地庫。 裏面裝潢光猛舒服，招呼都幾體貼！裝潢好有特色！好多嘢揀，樣樣都想食，好多蟹嘅配搭定食，最後決定食好啲！叫咗個 新款推介；極. 力御膳 極.蟹御膳298元脆炸蟹棒天丼好鬆脆熱辣辣！碗丼份量啱啱好！蟹膏豆腐好滑同埋好鮮甜，下面啫喱狀粒粒柚子味好清新，同豆付好夾！好味！鰹魚高湯伴蟹膏蟹肉豆腐，好鮮，好香滑。松葉蟹什菜鍋啲湯幾鮮味，幾條蟹柳好爽口！湯夠熱都好鮮甜！仲有甜品杧果糯米糍好軟滑好香！食完餐飯再食佢感覺好舒服！ 成日經過門口，今日終於入嚟試過，好滿足！真係好唔錯！會再來！

到銅鑼灣SOGO購物完，在軒尼詩道正在覓食之間，邂逅上這間位於澳門逸園中心地庫的「蟹慶」。 被這用蟹裝飾的門面吸引着，看看門前的Menu，菜式多樣化除了主打食蟹，也有其他的選擇如牛肉壽喜燒定食，壽司定食，親子丼定食……等。價格定位不高，與朋友都感興趣一試……經量度過體溫後入座，餐廳環境日式佈置優雅舒適！待應捧上熱茶，再看看Menu上面有兩項~新款人氣推介~各人點一份，我選點了; 蟹御膳 $ 258內容含有;天婦羅蟹棒烏冬，蟹肉蒸蛋，忌亷蟹肉薯餅，松葉蟹甲羅，蟹商豆腐等。這份定食以我的食量，份量剛剛好。先飲這個洋葱湯~味道出奇的清甜鮮美！除了洋葱還有鮮帶子。蟹肉蒸蛋 也不遑多讓！鮮甜滑脫脫， 絲般柔滑。整個松葉蟹甲羅底層全-是蟹肉上面的蟹柳和蟹膏，口感鮮甜。天婦羅蟹棒炸得甘香鬆脆，蟹肉薯餅非常綿滑可口！最難忘的~蟹膏豆腐，口感細緻柔滑，濃濃蟹膏的鮮甜甘香！非常出色的製作！喝一口熱茶……再嚐嚐烏冬~ 湯汁清澈，橙色蟹型甘筍將這碗烏冬 點啜得美麗！除了外表美，烏冬軟滑煙韌更美味。吃過烏冬，待應再換過熱茶捧上甜品~杧果雪米糍濃濃果香，甜而不膩！滿意的一頓晚餐，與蟹慶是一個 回味的邂逅！

以往來到蟹慶都是以廚師發辦料理為主，最近推出了性價比極高的晚餐set。道頓堀風的立體蟹標誌，一如既往地吸引眼球。先來酸甜的涼菜開開胃。極。蟹御膳Set 及 蟹。御膳Set滿枱日式小碟，賣相精緻，性價比很高。鰹魚高湯伴蟹膏蟹肉豆腐鰹魚的甜味被蟹肉及豆腐完全吸收，將鮮味再提昇。松葉蟹什菜煲松葉蟹，加上新鮮的蔬菜，清甜暖胃；而比指頭還大的巨型的蟹鉗亦相當喜人，細膩嫩白的蟹肉充滿口腔，質感一流。湯物忌廉蟹肉薯餅薯餅咬下簿脆，內裡質感綿滑，蘸一點酸汁同食剛剛好。松葉蟹甲羅松葉蟹又怎少得甲羅燒做法，軟綿的松葉蟹膏色澤深濃，香味撲鼻，加上師傅的巧手，滋味不膩。蟹膏豆腐清新的冷盤，豆香味加上蟹膏的鮮味在交集在口腔良久不散。追加唐揚炸雞不夠喉的話店家還有提供額外追家小碟，分量適中，質量亦毫不妥協，皮脆肉嫩。總括而言這兩個晚餐Set都相當抵食，真心希望加進恒常餐牌。

疫情之下真係少咗出街食飯🤣今日難得gathering，梗係要食餐好嘅慰勞自己😍雖然外賣自取有折，不過食蟹都話喺舖頭食有風味😋二人餐好抵食，分量多到我覺得三個女仔都食得到😍首先有蟹肉沙律，醃製牛蒡，櫻花鯊魚魚骨超爽脆，淡淡櫻花🌸香味，酸酸甜甜勁開胃嘅前菜。精選當造刺身有金木雕、赤蝦、帆立貝、深海池魚，蟹肉，見見新鮮尤其係赤蝦，鮮甜黏口。蟹肉蒸蛋你真係不得不驚訝連個蒸蛋入邊嘅蟹肉都分量十足，絕無欺場。終於到期待已久嘅主角毛蟹出場😍啲蟹膏睇相都見到多到瀉出嚟，濃郁甘香，我自己食毛蟹會鍾意將啲肉起晒，再加蟹膏撈埋一齊食，佢哋嘅折法係非常簡單將蟹肉完全起出，啖啖肉勁滿足。加入左鵪鶉蛋嘅甲羅燒，優勝之處係蟹膏幼滑，唔會似其他地方得個鹹字。濱燒雪場蟹腳，燒完仲keep住入邊嘅肉汁唯一係今日隻雪場蟹腳唔夠上次肉厚美中有點不足。最後喺松葉蟹釜飯，呢個簡直係全晚好驚喜part，個釜飯加咗黑松露完全係錦上添花，成個味道嘅層次再提升，飯嘅軟硬度亦啱啱好。

今天老婆寶寶和她的閨蜜打麻雀，我只好獨個兒在銅鑼灣逛逛街。晚飯的時候，便來到位於澳門逸園底層的蟹慶吃個晚飯。銀鱈魚西京燒銀鱈魚外層燒製至色澤金黃，入口香濃脆口，魚肉內層雪白，片片分明，口感嫩滑鮮美，加入白味噌做醃料，令魚肉增添淡淡的甘甜味。蟹慶海之幸卷用料有軟殼蟹、吞拿魚茸、海膽、三文魚籽、青瓜，食材層層分明，軟殼蟹香酥可口，柔軟香甜，頂層的吞拿魚茸香滑軟綿，海膽嫩滑鮮美，三文魚籽飽滿咸香，青瓜爽脆清新，正好緩和膩滯感。鰻魚壽司鰻魚與白飯比例恰到好處，鰻魚入口鮮甜，肉質飽滿厚實，細嫩柔滑，頂部加入芝麻，味道更香口惹味。牡丹蝦壽司牡丹蝦蝦肉晶瑩剔透，肥美飽滿，口感彈牙黏稠，嫩滑鮮美，味道濃郁甘甜，配上煙韌飽滿的醋飯，味道相配可口。三文魚籽壽司三文魚籽色澤亮麗，晶瑩剔透，呈現橙紅色，味道香濃鮮美，帶有豐富的魚油味，配搭紫菜及醋飯，口感味道更豐富。北鹿 天祿光臨 大吟釀這款大吟釀是採用低溫發酵技術釀製而成的，味道容易入口，其酒質清雅，細緻芳香，韻味深長。總括而言，食材新鮮，製作出色，環境舒適衛生，裝潢富有日本風格，下次必定和老婆婆寶寶再來吃個蟹料理二人會席。

心情好，特別想食得好啲當然就係食日本菜喇見到個menu，每人700幾蚊就食到兩款日本蟹喎真係好抵所以就決定左要個2人前套餐！前菜：蟹肉沙律+梅味鯊魚軟骨+牛蒡蒜子第一次食鯊魚軟骨，原來口感很好正架好爽脆，好有驚喜茶碗蒸蛋有三文魚籽、蟹肉、珍姬菇！最鍾意食茶碗蛋，夠哂滑呢度既蒸蛋好足料，蟹肉好蛋，令呢個蒸蛋增添左鮮甜味刺身5款金目鯛、蟹棒、深海池魚、牡丹蝦、帶子啲刺身好新鮮呀我最鍾意牡丹蝦、蟹棒&深海池魚蒸毛蟹 with 水雲蟹醋呢隻毛蟹超多蟹膏蛋黃色的，超滿足呀，鮮甜味十足，完全無得輸蟹腳肉沾左水雲蟹醋之後，味道更提鮮蟹甲羅味噌燒浜燒鱈場蟹腳鱈場蟹肉質比毛蟹既肉質實淨，更有口感，味道同樣好鮮甜一次過食到兩款蟹真係超級滿足松葉蟹釜飯呢個釜飯加左黑松露架有好多蟹肉洋蔥湯整碗full of 洋蔥洋蔥味道係好清甜架大愛綠茶布甸+蕨餅呢個甜品完全係我最鍾意食嘅嘢布甸好滑溜蕨餅更加無得輸**原來而家蟹慶外賣自取一隻毛蟹300幾蚊咋

由於疫情影響經濟，很多食肆都推出不同的折扣或套餐，在網上看到，這裏推出了平價的晚市套餐，便來到了這裏。優惠套餐有$98至到$298，有刺身、天婦羅、烏冬、牛肉和豚肉定食。極蟹御膳$298。鰹魚高湯伴蟹膏、蟹肉、豆腐，松葉蟹肉王子燒、松葉蟹雜鍋、脆炸蟹棒天丼、吸物。松葉蟹雜鍋，松葉蟹肉質鮮甜美味，而雜菜鍋的材料亦很豐富，熱騰騰地吃松葉蟹，味道更加鮮甜。鰹魚高湯伴蟹膏、蟹肉、豆腐，鰹魚湯的香甜味道，混合了蟹肉的鮮甜和蟹膏的鹹香，變成了一道出色的豆腐。松葉蟹肉王子燒，蟹肉的鮮甜味道混合了蛋的香氣，果然是一道美味的玉子燒。脆炸蟹棒天丼，除了蟹棒之外，還有紫薯和南瓜，吃完這個丼飯，已經很飽了。吸物，是麵豉湯混合了蟹肉，因此味道更加出色。最後送了雪糕糯米糍，吃完這道免費甜品，就很完美了。

朋友說銅鑼灣的蟹慶有晚市定食套餐，十分抵食。今晚特別安排時間來會一會蟹慶。裝修有日式東洋風味，座位闊落。可以招呼 30位客人，而且有獨立間隔。私隱度十分高。來到蟹慶當然要食蟹啦，便選擇了定食料理，蟹御膳$258蟹御膳 $258，天婦羅蟹棒烏冬、蟹肉蒸蛋、忌廉蟹肉薯餅、松葉蟹甲羅、蟹膏豆腐。天婦羅蟹棒烏冬，脆漿不會過厚，亦不油膩，如果脆一點更好。烏冬爽口彈牙，湯頭味道清淡，不過不失。蟹肉蒸蛋，蟹肉的鮮甜味道，滲入雞蛋內，以雞蛋嫩滑，稱得上是精美的蒸蛋。忌廉蟹肉薯餅，外脆內軟，忌廉味道十足，香脆可口。松葉蟹甲羅，從業蟹腳的肉味道鮮甜可口，配上蟹膏及海膽，味道層次更加豐富，絕對超值之選。蟹膏豆腐，蟹膏味道香甜，混入豆腐中更覺鮮嫩美味，如果蟹膏份量，再多一點更好。

趁著疫情稍緩，呢日就約咗一段時間冇見嘅閨蜜出來食飯。我倆都鍾意食蟹，網上見到呢間『香港版蟹道樂』－－蟹慶提供多道蟹料理，價錢又合理，就訂咗枱晚飯。我哋6pm左右到達，顧客尚未算多，店員非常細心地安排我哋坐卡位，非常方便我哋傾計。每人座位旁仲放咗一隻蟹cushion，非常可愛，我倆當然少不免要打一打卡！認真一望，其實餐廳裝潢都幾有心思，到處都可以見到蟹嘅蹤影，不但麵豉湯有蟹形蘿蔔，原來桌上嘅玻璃樽仲擺咗幾隻小活蟹全晚陪住我哋食飯！久未外出用膳，對自己好一點，點咗呢個最豐富嘅極蟹御膳其實都不過$298。飲品仲有買一送一，同朋友都點咗青森蘋果汁。鰹魚高湯伴蟹膏蟹肉豆腐豆腐超濃郁蟹膏鮮味，一小口已經齒頰留香，配上粒粒晶瑩爽口嘅蟹籽，口感豐富！松葉蟹肉玉子燒玉子燒中夾著絲絲蟹肉，既有蛋香，又有蟹鮮，入口仍然保持微溫，太好食啦！松葉蟹什菜鍋重頭戲來了！松葉蟹份量比想像中多，有蟹腳同蟹鉗，肉質鮮甜彈牙，用料新鮮。湯底比較清淡，更加突出蟹嘅原汁原味。什菜鍋除咗有時令蔬菜外，仲有口感滑溜嘅薯粉，好驚喜。脆炸蟹棒天丼天丼有兩條大蟹棒，外層炸漿略嫌比較淋身，唔夠香脆，不過蟹棒好粗身，肉質豐厚啖啖肉，非常滋味

今日因為參加公司event所以2點才可以去食lunch, 到銅鑼灣澳門逸園中心地下蟹慶，好彩仲有lunch set. 我和另一同事也點了蟹御膳（$198+1） , 賣相精美，忘記了影滑滑的海鮮蒸蛋，蟹膏豆腐配魚子，忌廉蟹肉薯餅，松葉蟹甲羅（超多蟹肉），天婦羅蟹棒烏冬，沒有去日本旅行的日子，平平地食個蟹宴頂住先🥰

因為疫情關係，已經半年無去日本，亦一段時間冇出街食日本菜啦。呢日咁啱出去SOGO thankful week，就同老公去sogo 附近嘅蟹慶食日本蟹，滿足口腹之慾。一入門口，已經見到缸入面有幾隻活蟹喺度游水，非常新鮮生猛。店員安排我哋坐係包廂，私隱度甚高，每個座位又放上一個可愛嘅蟹仔咕臣，我倆都忍不住要攬住影相！餐枱上仲有一個玻璃樽載著兩三隻小活蟹，裝潢上實在有心思。我點咗蟹御膳($258)，套餐十分豐富，有天婦羅蟹棒烏冬、蟹肉蒸蛋、忌廉蟹肉薯餅、松葉蟹甲羅、蟹膏豆腐。先飲碗熱湯暖暖胃。蟹膏豆腐整磚都係用上蟹膏去整，所以入口真係超濃蟹膏鮮味，上面仲有粒粒三文魚子，更添鹹鮮！蟹肉蒸蛋蒸蛋好嫩滑，除咗有慷慨嘅蟹肉及三文魚子鋪面外，入面仲有帶子、魚肉，非常足料！蒸蛋吸收不同海鮮嘅精華，啖啖鮮味！忌廉蟹肉薯餅薯餅炸漿好薄，完全唔厚粉，口感香脆，入面薯餅軟綿細滑，雖然食唔到絲絲蟹肉，但味道真係唔錯。松葉蟹甲羅賣相非常吸引！蟹蓋盛滿蟹肉，然後上面放兩條蟹棒，之後鋪上蟹膏和海膽，最後淋上三文魚子，咁樣嘅配搭點會有得輸？海膽色澤金黃，入口鮮甜無腥味，蟹膏味道濃香，三文魚子一咬就迸發鮮味，混和啖啖肉嘅蟹

四月第二個星期一晚上，銅鑼灣。其實很久以前已經耳聞這家專門吃蟹的餐廳，卻苦無機會嘗試，朋友知道後就訂了位置幫我補祝慶生。從入口走下樓梯的仿漁船佈置，轉角處到包廂，到處都找得到螃蟹裝飾，連每一桌上都養有一隻呎蟹——長大了體積有一呎的蟹，營造一個吃蟹的天堂。朋友選了$788二人前的蟹慶會席料理，來一個全蟹宴。加茂錦純米大吟釀，我們都愛喝辛口的清酒，於是點了這瓶生詰原酒，即是只經過一次加熱處理，且於儲藏罐中貯藏時加熱的清酒。吟釀香氣撲鼻，入口帶點水果的甜味，平衡度很高。前菜三點，蟹肉沙律裡面有蟹肉，蟹子，爽脆新鮮的生菜加上帕馬火腿，更添鹹香；牛蒡漬，是我最愛的漬物之一，高纖清爽的下酒菜，開胃有益，鯊魚軟骨充滿骨膠原，微辣脆口，加入蟹子口感豐富。雞泡魚乾，烘乾後清香四溢，沾上沙律醬，佐以清酒一流。五點刺身，有鮮甜滑嫩的松葉蟹棒、肉厚飽滿的帆立貝、甘香爽口的赤蝦、肉質結實的油甘魚和油脂適中又細膩的金目鯛，精緻非常。茶碗蒸，一份小小的細緻嫩滑在桌上飄香，裡面有三文魚子，蟹肉，菇菌，底下還有干貝，美味又健康。千年一花之大吟釀，為兵庫縣千年一酒造的出品，以100%山田錦釀製，入口清爽流暢，酒體純淨，很