蟹慶 (已結業)

蟹痴的我又出動了。今日午餐一於來一個蟹逅。蟹慶位於銅鑼灣中心點，非常方便。午市套餐多款選擇，當然要揀選以蟹為主啦！蟹御膳 $198蟹肉蒸蛋蒸蛋滑溜無比，蛋香濃郁。配襯蟹肉和魚籽。蟹肉鮮美，滿口腔內充滿著鹹香魚籽，配襯一流。蟹膏豆腐淡綠色的豆腐賣相雅緻。濃濃甘香蟹膏，夾雜了豆香，滑如絲。忌廉蟹肉薯餅又綿又滑，外層內軟，惹味十足。松葉蟹甲羅高質的松葉蟹己拆肉，入口鮮美，帶點海水鹹味。蟹膏更添味道層次之感。天婦羅蟹棒烏冬蟹棒即叫即炸，夠脆口，漿衣不會太厚，沒有油膩感。烏冬普普通通，略嫌不夠煙韌感。

最近疫情期間只可以lunch日間堂食，所以好珍惜和朋友共聚午餐的時間，就相約好耐冇見的朋友到銅鑼灣享受蟹宴lunch。知道朋友鍾意食蟹肉，這裏佈置很特別，甚至乎食物都是以蟹為主題，簡直就啱晒我朋友，見到蟹公仔即刻同佢影相。店員服務態度殷勤，先比兩杯熱茶我哋濕濕口。估唔到午市套餐都有幾多選擇，有10幾款咁多，我朋友一見到餐牌就即刻order人氣推介 - 蟹御膳$198，賣相夠晒吸引之餘，入面仲有六款食物！我本身都好鍾意食刺身，特別就是海膽刺身，隨即order左一個海膽蔥吞拿魚蓉丼$198，仲可以追加不同款式的小食。這個海膽蔥吞拿魚蓉丼真係好吸引，有成版海膽咁多嘅份量，海膽唔需要點豉油Wasabi都係咁鮮甜，加上滿滿的吞拿魚蓉配上洋蔥粒，好新鮮嘅味道好Creamy，連埋玉子+白飯一齊食更加滿足！最後還有好美味嘅雲呢拿雪糕糯米糍作為甜品，食飽飽捧住個肚出門口，好滿足呀！兩人消費午市套餐只係$450有找，性價比確實很高，下次會encore再試吓！

六月中的時間，我一個到達銅鑼灣崇光白貨買點東西，中午的時間來到附近的澳門逸園中心地庫吃個午膳。日本菜餐廳是我喜愛的之一，所以是日我便一個人到此光顧午膳。壽司定食壽司定食是因應日本供應的食材而每天有所不同的，由廚師發辦每天的壽司定食內容，今天就分別有油甘魚、鯛魚、目仁奈、三文魚、赤蝦、帆立貝、海膽、蟹子卷以上八款。油甘魚柔軟細滑，魚油香濃，入口即化。鯛魚肉質紮實彈牙，甘甜鮮嫩。目仁奈口感軟韌濃郁，充滿魚油。三文魚結實飽滿，爽滑甘香，魚油豐盈。赤蝦肥美鮮甜，爽口彈牙。帆立貝厚實滑嫩，彈牙香甜。海膽細膩綿軟，甜味豐厚。蟹子卷厚實香濃，清脆鮮甜。麵豉湯 麵豉湯色澤清澈，呈現啡色，攪拌後便可飲用，湯底味道鹹香濃郁，配料放有豆腐粒，口感細緻軟嫩，綿密滑溜。稻庭烏冬 稻庭烏冬口感煙韌彈牙，扁長細滑，湯底味道清新微鹹，配料的日本魚蛋柔韌爽口，再配上昆布、紅蘿蔔、蔥花這些食材，口感更為豐富。蟹慶海之幸卷 蟹慶海之幸卷食材層層分明，用料甚是豐富，分別有軟殼蟹、吞拿魚蓉、海膽、三文魚籽、蟹肉、青瓜，入口鮮味十足，軟殼蟹香酥柔軟，吞拿魚蓉甘香軟綿，海膽細膩鮮甜，三文魚籽鹹香飽滿，蟹肉香甜鮮美，青瓜脆爽清甜，整

話說昨天諗住同女朋友慶祝三周年紀念食好啲，我一個星期前預先打電話去卜位，接電話個男人態度勁差，我同佢講想坐卡位，個男人聽完無反應，我咪再問多佢一句，點知佢之後個語氣勁差話mark低左架喇。我地當日十二點半去到，叫左個午市蟹慶會席，成餐飯食左三個鐘，最嬲係我地等左個蟹飯最終等左差唔多成粒鐘先送到，而且服務態度極差。第一次，我問待應個蟹飯仲要等幾耐，又話就快，我地都等左成半個鐘啦，分明就漏左單啦，之後第二次我再問個待應，佢話要多5分鐘，點知過左5分鐘都係無送到，要我地問第三次佢先記得送 ，最後連一句唔好意思都無， 我之後問佢咩原因咁耐，佢話人手唔夠。但人地隔離枱話要牙籤餐具又即刻拎比佢地 ，係咪對我地唔公平呀咁，我地叫佢針水佢又話等陣先，仲有見到我地成枱野都唔肯收，叫個女待應幫手收下野，仲要態度好差，黑口黑面咁話你剩係叫我收野姐係咪呀，好似感覺上唔想幫我地咁。都好耐無遇過啲咁差既服務態度，甜品又等左成十分鐘，明明都係預先整好左可以即刻拎到出黎。就算你地唔夠人都唔係咁既服務呀麻，做唔切咪唔好接咁多客囉，係咪真係多生意到唔憂做要咁既態度呀，成餐飯真係食到成肚氣，價錢又唔係平，以後一定不會光顧。

新冠疫情嚴重 七月中尾每日新增過百 政府再度收緊 只準 兩個人用膳 👥經過門口 見到有驚喜🦀🦀🦀外賣八折🦀🦀🦀一只毛蟹 $480 After discount $384 如果加 $100 店員話會劏埋 去除垃圾蒸好基本上去邊度都買唔到 所以好抵食食完午餐即買一隻試吓先水滾大火蒸15分鐘熄火再焗5分鐘 準備手套和 鉸剪拆蟹（蟹殼幾吉手下）最好味係個蟹蓋 啲膏爆曬出嚟又鮮甜個身都好好味 唯獨是啲腳就唔係太實淨有少少散 不知道是否因為買完之後等咗三個鐘到夜晚先蒸 一打開個外賣盒隻蟹都冇晒反應 （因店員說是新鮮的 隨盒附送乾冰一塊）整體係好味 呢啲真係疫情先會俾你外賣自蒸🎈💯下次會再買多隻返家即蒸 睇吓啲腳係唔係都實淨先 👍🏼有靚蟹梗係要配支好味sake (city super $240 720mL 南部美人)好味道好滿足～3:00pm午餐$138 七貫壽司定食+烏冬+麵豉湯+雪糕糯米糍 可加 $20 或者 $30 追加其他小食 今次㨂左$30 追加 蟹肉蒸蛋$98 牛肉壽喜燒定食 跟日本生雞蛋一隻牛肉滑 但食食下覺得好熱🔥湯底偏甜Lunch set 好多款 而且整體都好食

終於試咗呢間嘅蟹慶，當日去嘅時候，晚市都係用返午市嘅Menu，另外外賣會打八折。但就冇服務可言，可能佢哋都預咗冇生意，樓面嘅人都入埋廚房傾偈。而且本來話叫走Wasabi，最後都冇走到。叫咗一個蟹御膳，一個set有湯，有蟹鉗丶蟹膏、蟹肉碎碎以及玉子燒。本來仲叫咗一個蒸蛋，但廚房冇take away,最後退返錢。本身個飯都已經好好食，日本米軟棉得來又有鮮味。加上蟹肉蟹膏嘅鮮味，食起上嚟好清新。唯一不大滿意嘅係蟹鉗，係冇乜味，有啲似係雪藏貨。衷心希望疫情好轉，食肆不至於損失太慘重。

餐廳設於地下一層，環境舒適優雅，設有 wifi 方便網絡接收不太好好的食客👍🏻。店員清楚講解餐牌內容 🙏🏻極蟹御膳（廚） $298極蟹御膳）刺）呢個定食嘅蟹鍋蟹份量都唔少，松葉蟹蟹腳同蟹鉗嘅肉都爽口彈口，加入時令蔬菜，湯底都非常富有蟹肉鮮味，鮮甜可口定食嘅湯系洋蔥湯，洋蔥好多，帶有少少胡椒香味。薄燒牛肉定食 $158薄切牛肉，大約是七成熟，表層轉成褐色而帶點微紅，吃起來肉質細嫩不韌同時帶有不少肉汁，而且牛味濃郁。檸檬蘆薈梳打 $58清新可口。紅豆綠茶凍甜而不膩 😋

個weekend 好悠閑,突然想食蟹所以去左哩間食lunch Overall 當然比不上係日本食個D但係香港食都算幾好服務一流，keep 住換碟加水，連水杯都換埋叫左普通set lunch 1 個以及會席1 個（加$250 另有A5 和牛）普通set lunch 如下：右下角個蟹肉豆腐非常清香；蟹天婦羅就冇乜蟹味有點失望；中下個蟹蓋上有膏及海膽，有鮮味唔錯；蒸蛋好滑，而且有鮮甜味，一個人食哩一set 巳好飽另外叫左會席如下（dinner 食.同一樣但貴一百架）總括ok, 1）甲羅燒就暫時在香港我食過幾間中最好味2）燒蟹腳；鮮甜的但相比在日本食佢就燒得不夠耐3）蒸毛蟹；食左好耐，有d 累但累得來值得的！加埋佢個海草汁，酸酸地幾突出鮮味4） 加＄250 A5 和牛；燒得剛好不會過熟，油及牛香滿口最後，每卡位有公仔一隻陪你食及一瓶小蟹

屋企人生日🎂特別book好台去慶生。呢個家庭成員最鐘意食蟹，令我第一時間唸起蟹慶。侍應安排左我地係卡位坐，餐廳上既野食係形形式式圍繞蟹呢主題既餸菜小至前菜壽司大至鍋物丼飯，品種花多眼亂，於是拜托左侍應姐姐重點介紹。嗌左個力二御膳蟹御膳，入面包括：天婦羅蟹棒烏冬，蟹肉蒸蛋，忌廉蟹肉薯餅，松葉蟹甲羅，蟹羔豆腐天婦羅蟹棒烏冬，是有昆布手打烏冬，煙煙靭靭。炸物粉皮都幾薄食既時候，個咀無乜油膩。蟹肉蒸蛋，蟹鮮有層次，包含三文魚子小元貝蟹籽等等，使超滑蒸蛋蟹香提升。忌廉蟹肉薯餅卜卜脆粒子幼細，點了吉列醬食夾一點。松葉蟹甲羅個樣好靚，係成餐飯最新鮮拆左既蟹肉，蟹羔海膽一併交融乳化。蟹羔豆腐上有啲三文魚子，鹹鹹地，使蟹羔豆腐的豆味大大突出。追加了一份三文魚刺身，擺設上幾好睇，鮮味中上，亦算肥美。菜式採用既碗碟盤同上台既食物匹配日本菜就係講夠，連餐具也一絲不苟。家人滿意七月份銅鑼灣食蟹既安排。價性比中上，耐唔耐一次黎食飯都係值得既

近來工作十分十分忙，壓力大，下班好想好好抖一下，去了老銅買護膚品。很久前已聽過此餐廳名字，今晚去品嚐一下變化多端的蟹🦀膳。晚飯時份，是夜沒有喧嘩吵鬧的食客類型，我們能完全安靜的等吃。店員先附上蟹醋和豉油供沾食。極.力二御膳極.蟹御膳鰹魚高湯伴蟹膏蟹肉豆腐底下是柚子啫喱，豆腐加了蟹籽，吃時爽口，有些咸鮮。松葉蟹肉玉子燒賣相平庸，但入面的蟹肉不少，令普通的玉子食味增加，甜又鮮。松葉蟹什菜鍋材料豐富，什菜索了蟹肉甜，蟹腳原味道最真實還原，很少調味。菜餚中的蟹肉和海鮮湯汁挺夾，有徐徐鮮蟹清香。一絲又一絲的蟹腳，和時令配料均在嘴巴綻放各自和諧的鮮味，無窮精彩。脆炸蟹棒天丼炸得香口，蕃薯和蟹棒的粉漿下得薄，沾天婦羅🍤汁食，酥脆滋味。吸物是麵豉湯，湯內還有元貝和豆腐呢！即炸的忌廉蟹肉薯餅，炸粉也是超薄，但外層有點硬，薯蓉入口軟綿綿，帶有少許蟹肉味，沾微酸吉列汁吃，彷彿沒那麼油。食後感：食材新鮮，擺盤美觀，打卡一流。P.S. 位置方便就腳，一定會再光臨。

靚女舞友七月壽辰，限聚令一放寬XO仔就好有心地請佢食佢最愛嘅蟹蟹，地點由壽星妹揀咗去雙方都咁就腳嘅「蟹慶」。置身於地牢嘅餐店面積寬廣，餐桌與餐桌間嘅距離足以騰出兩條通道，滿座都唔覺迫。不過最夠私人空間就係圍繞著牆邊嘅獨立式卡位，大家訂座時記得講明想坐卡位呀！店子四周擺放出可愛嘅蟹蟹公仔及擺設，簡單貼題得黎直令場內氣氛更為輕鬆。由於飯前已經飲咗幾輪歡樂汽酒，再溝啤酒或日本清酒會好危險，所以就點咗可享買一送一優惠嘅特飲。受到酒精影響下所拍嘅相片焦點明顯同平時唔同，兩口子所點嘅「青森縣蘋果汁」（$58/兩杯）清涼爽甜，屬消暑佳品，最趣緻就係有隻小龜幫忙攪拌。兩頁過膠餐牌附帶有彩圖，簡單易明。其中一邊列出晚市定食套餐。另一邊則為壽司及卷物項目。蟹御膳（$258）：晚餐含蟹肉蒸蛋、天婦羅蟹棒、烏冬、漬物、麵豉湯、忌廉蟹肉薯餅、松葉蟹甲羅、蟹膏豆腐，十分豐富；如果可以加多項甜品就更完美。菜式整份以托盤呈上。蟹肉蒸蛋嘅蛋蛋質感軟滑，內含芳香嘅靚菇，頂面以鮮嫩嘅蟹肉點綴，清甜暖胃。熱烏冬看似細細碗，但份量其實都唔少，麵條煙韌有彈性，師傅仲好有心思地將塊紅蘿蔔片雕成蟹形，賣相當堂生色不少。炸物共有兩款，

很想念日本吃蟹的味道，在朋友的介紹下來到位於銅鑼灣的蟹慶，這家餐廳有比較特別的蟹料理供應！店員安排好座位後，我發現桌上有一個透明的玻璃瓶子，仔細一看下，原來有一隻小蟹在裏面，很是可愛！餐廳有供應晚市定食及手握壽司我就被極·蟹御膳吸引了！松葉蟹肉玉子燒玉子甜甜的，裡面有絲絲蟹肉，還有菜絲在裡面，很特別！蟹膏豆腐伴柚子啫喱這個豆腐有香濃蟹膏味，入口滑溜！配上柚子啫喱味道很清新脆炸蟹棒天丼天丼除了有蟹棒外，還有南瓜及番薯，南瓜及番薯味道很甜，天婦羅的炸醬也很鬆脆，厚薄適中，珍珠米飯沾上醬汁後甜甜的很好吃松葉蟹雜菜鍋終於來到這個定食的主角，就是松葉蟹鍋！餐廳已經細心地把蟹腳的蟹殼剪開，方便食用！蟹肉吸收了高湯的精華，提高蟹肉的鮮味！今晚這一頓晚餐令我非常滿足

環境5分：地下室餐廳响銅鑼灣崇光旁邊，位置方便，地方都好大，Ｄ枱夠梳，有卡位坐所以非常寬敞，梳化有蟹形cushion畀你挨住特別舒服，可以畀五分。衛生4分：枱面乾淨企理，畀四分。服務4分： 一埋位就有成壺熱茶，效率好高。服務員落單，上菜，埋單都十分之爽手，唔囉唆，態度好，可以畀四分。味道4分：1)     杯檸檬蘆薈蜜梳打甜甜地，一D都唔酸，入面有蘆薈粒，飲落特別清爽，最抵係買一送一。2)     晚市定食極蟹御膳套餐非常豐富，有蟹同粉絲同什菜火鍋同埋天婦羅飯。火鍋熱住上熱辣辣，Ｄ菜好新鮮好爽脆，蟹肉好鮮甜。天婦羅有兩件蟹柳同兩件南瓜同兩件番薯，天婦羅蟹柳啖啖肉，又甜又脆，非常吸引。兩舊香草蟹肉夾住蛋卷好得意，香草味好出，同蟹肉非常夾。仲有桂花啫喱前菜同湯，一定飽肚。3)     加錢叫左個三文魚刺身，顏色淺淺地，但食落非常肥美，好三文魚腩feel。抵食4分：餐牌前後兩邊，圖謀並論，非常簡單。300蚊有咁多款式食，唔錯唔錯，可以畀四分。

同事最近向我推介位於銅鑼灣的蟹慶, 今天完成工作後便來試試餐廳的裝潢都偏向日式風格, 店員安排了圖中的座位給我座位上還有螃蟹的布偶, 十分可愛店員奉上餐牌, 第一眼我就被蟹御膳吸引住了所以二話不說就點了這個定食這個定食包括了天婦羅蟹棒烏冬, 蟹肉蒸蛋, 忌廉蟹肉薯餅, 松葉蟹甲羅及蟹膏豆腐蟹膏豆腐這道菜很特別, 在製作豆腐的過程裡已經加入了蟹膏所以豆腐裡有濃濃蟹膏香, 而且豆腐更滑, 配上三文魚籽更為鮮味蟹肉蒸蛋蛋香味濃, 口感很滑溜, 配上蟹肉及三文魚籽令味道更豐富忌廉蟹肉薯餅蟹肉薯餅新鮮製作, 淡忌廉味道混合薯蓉味道剛好不會太膩松葉蟹甲羅這個是我最喜歡的一道菜, 將香濃蟹膏跟蟹肉混合, 配上水雲蟹醋吃令蟹肉味道更鮮!天婦羅蟹棒烏冬最後吃上熱湯烏冬, 將天婦羅蟹棒沾上湯汁, 熱呼呼的感覺很棒!這個套餐大概300元, 吃到這樣精緻的料理, 物有所值

今日約咗成半年冇見嘅朋友去銅鑼灣蟹慶食晚餐，上網睇咗佢嘅食譜，同啲圖片已經令我好期待，果然佢真係冇令我失望。餐廳位置非常方便，連路痴嘅我都一下就搵到啦，一入門口就有侍應幫手噴搓手液同量體溫，令我哋食得好安心，而且每一張枱都好闊落，坐得好舒服，亦都可以保持適當嘅距離。我哋叫咗一個蟹御膳，真係好值得一讚，令人一食難忘，下次一定會再叫。呢個餐好豐富，有天婦羅蟹棒烏冬、蟹肉蒸蛋、忌廉蟹肉薯餅、松葉蟹甲羅同蟹膏豆腐。天婦羅蟹棒烏冬，個烏冬湯有濃郁嘅蟹味，天婦羅又炸得好香脆。蟹肉蒸蛋係我嘅最愛，軟滑嘅蛋入邊滲透着蟹肉嘅鮮味，簡直係絕配。至於忌廉蟹肉薯餅同松葉蟹甲羅，就會食到一啖淡嘅蟹肉，簡直令人食完一啖想再食多一啖。最後個蟹肉豆腐都令我十分驚喜，因為豆腐香滑，配埋一啖蟹膏，一清一濃嘅味道配合搭簡直係天衣無縫。呢間餐廳係我一定會再去嘅首選。