蟹慶 (已結業)

秋風起，又到了食蟹的季節，今次去了銅鑼灣出了名專門食蟹的蟹慶。餐廳環境不算太大，大約可容納三十多人，所以如果想食晚餐的話，相信需提早預約。環境設計得相當精緻，充滿日系設計風，而且有相當的卡座，即使人多也可坐得較舒服。當天店員推介了海膽蔥吞拿魚丼，所以亦點了。由於是新鮮即製，落單後等了大約15分鐘，值得一讚的是，店家使用的是原板海膽，味道十分鮮甜，有淡淡的海膽鮮味，吞拿魚是魚蓉，不太食得出有油脂香，但由於是魚蓉的關係，所以很易入口，質感較腍，相當好食。雖然食材較貴，但午市套餐只需約$198便有交易，較晚市相宜得多。

呢排sogo做緊on sale,,買左好多嘢行到累累地 於是同朋友決定係附近醫肚。黎到秋天天氣涼涼地就諗起想食蟹，呢間蟹慶主打蟹料理，由日本空運食材新鮮到港，餐廳以日式佈置，環境精美，感覺就好似去左日本。午餐有lunch set,,,,每款定食均有漬物吸物/烏冬，落完order後整作時間需時，大約等候25分鐘。蟹御膳$198 (天婦羅蟹棒烏冬, 蟹肉蒸蛋, 忌廉蟹肉薯餅, 松葉蟹甲羅,蟹肉豆腐)蟹肉棒非常厚身，配搭酸梅醬，酸酸甜甜好開胃，而蛋蒸得好滑溜，完全唔鞋口，整體來講，水準不錯，如果等候時間可以縮短少少更佳

相信好多香港人都係好鍾意食日本菜，而我就一個好好嘅例子！我最鍾意就係食海膽呀，吞拿魚啊同埋各式各樣嘅刺身！而我今日藉著午市有時間嘅時候嚟左呢間名蟹慶嘅日式餐廳，睇吓會唔會喺銅鑼灣嘅午市尋找到另一片天地！一入嚟就發覺呢度裝修好靚好日式風情！咁我就急不及待咁打開個餐牌，諗都唔諗就叫咗呢個吞拿魚茸海膽飯！呢個飯果然冇令我失望，海膽10分鮮甜，而吞拿魚茸亦保留住佢原本嘅鮮味！一啖海膽，一啖吞拿魚茸，真係人生一大樂事！依個飯仲有玉子同埋蟹柳相伴，同餐廳 蟹慶 呢個名相輔相成， 10分令人讚嘆！本人強烈推薦大家午市嚟呢間餐廳試吓絕對會令你有驚喜！

這間餐廳位於澳門逸園中心，位置方便，剛好適合我午飯時間和友人到訪。餐廳顧名思義與蟹有關，內裏的佈置都充滿著蟹的味道。這對蟹咕臣特別可愛。餐具的擺設和裝飾很有中國古色風味，但餐牌就是日式料理，相得益彰。桌上還有幾隻小蟹在裏面，可供客人在等待上菜時玩弄一下。午市定食價錢十分親民，但既然是衝著蟹來的，我不加思索地要了一個全蟹宴。全蟹宴十分豐富，從前菜到主食都與蟹有關。 蟹味豆腐十分香滑，吃下有濃郁的蟹味。感覺用料十足。上面還有少許三文魚子，吃下油香四溢，十分有層次。麵豉湯也內藏乾坤，內裏有好幾粒鮮瑤柱呢。來到最吸睛的一定是蟹肉刺身。它還配了一個酸汁可以點蟹肉吃。蟹肉已經把肉起好， 吃起來十分方便，非常適合在午市這種時間不多的時段進吃。上面還有海膽和三文魚子， 鮮味十足。蟹腳天婦羅和蟹味薯餅兩款炸物吃落都挺特別，味道不錯。另外還有蟹肉蒸蛋和烏冬。蒸蛋的底層還鋪了滿滿一層的蟹子，吃落有粒粒口感，相當特別。烏冬上面有一隻蟹的形狀的蘿蔔片，十分可愛。烏冬吃下彈牙可口，實在不錯。整體而言以這個價錢能夠吃到這麼多款的全蟹宴實在是挺划算的。午市若然想豪吃一餐挺推介這間餐廳的。

銅鑼灣這幢大廈很多美食，這間位於地底的蟹慶，經過了很多次，今日lunch時間鬆動一點，可以慢慢享受，決定下單了他的人氣推介全蟹食定食。他這個定食包含了大部份的蟹蟹追加小食，所以我們另外追加了他的三文魚，三文魚很鮮甜，加上他的香濃Wasabi，好好味。定食一上枱感覺很豐富，一大個盤都放滿了食物。首先吃了他的蒸蛋，裏面充滿了蟹肉，表面是晶瑩剔透的三文魚子，入口香滑。他的蟹膏豆腐，蟹膏味超濃郁，豆腐超滑，喜歡食蟹的，定食追加這個蟹膏豆腐很化算。他的忌廉蟹肉薯餅，味道很特別，外面炸的香脆，內里包着熱辣辣的忌廉薯蓉，口感很正。這個甲羅燒松葉蟹棒，蟹味鮮甜，配合蟹醋蟹味更突出，還未吃完已經很想多吃兩條。整個定食括有很多款蟹味小食，最後加上湯底清甜的彈牙烏冬，實在很豐富。如果坐卡位你仲會見到一個玻璃樽放着幾隻蟹蟹，好得意。

朋友請食生日飯，大家都想食蟹，立即諗起SOGO隔離嘅蟹慶，坐低見到依家蟹慶會席由 $1976減到 $1776兩位，好豐富，就叫了這個。前菜三點分別有蟹肉沙律、螢光魷魚和牛蒡，食完好開胃精選廚師發板刺身4點唔止4點，係5點，有深海池魚，金目鯛、帶子，蟹肉刺身，牡丹蝦，新鮮肥美蟹肉蒸蛋蒸蛋內有一絲絲嘅蟹肉、三文魚子、菇同銀杏，鮮香濃郁，仲好滑蒸毛蟹呢個係我全晚嘅最愛，用嘅係毛㙰，全隻蟹上，原汁原味，廚師好細心，已經剪好晒，食得好方便，就咁食已經好鮮甜，點埋個由廚師自家製嘅水雲蟹醋，蟹肉更鮮甜，簡直係錦上添花，當然仲有好鮮甜嘅蟹膏。浜燒蟹腳一人選一款，分別有松葉蟹腳同鱈場蟹腳，兩款都多肉鮮甜，如果喜歡海水味嘅可以選擇鱈場蟹海鮮天婦羅盛合有，蟹腳、蝦、南瓜、茄子，食完好滿足甲羅燒 松葉蟹膏加鵪鶉蛋放响蟹甲上燒，蟹膏味出晒，乾乾哋，放在蝦片上，好香口，比多幾片包我都仲得松葉蟹斧飯一絲絲嘅蟹肉，加上蔥花、芝麻、黑松露個飯真係好香口，好野味，仲有少少焦香添最後飲個湯，仲有食埋個蕨餅同綠茶布丁做作甜品，呢餐蟹宴就完滿結束了

之前已經嚟過一次蟹慶食晚餐！蟹肉絲絲分明的鮮甜味道依然令我非常回味。今次再次經過這間餐廳，沒有多想就進去了。午市時段，餐廳有提供不同的日式定食！價錢合理選擇也多，怪不得也有不少白領在這裡用餐！我揀咗一個御膳蟹定食！裡面有炸蟹棒天婦羅，忌廉蟹餅，烏冬，蟹肉甲羅，以及蟹肉蒸蛋！套餐非常豐富。首先蟹肉蒸蛋非常嫩滑，上面舖這鮮甜的蟹肉和魚子，下層夾帶著野菌，柱貝和白果等材料，令蒸蛋的味道非常鮮甜！口感也很豐富.忌廉蟹餅同蟹肉天婦羅可以配烏冬一齊食！忌廉蟹餅味道鹹鹹香香，感覺唔會好油膩，而且可以品嚐到絲絲蟹肉的甜味，蟹柳天婦羅一口吃下，大大舊的蟹肉令我非常滿足！！最後就係我非常期待的蟹肉甲羅，絲絲分明的蟹有上有蟹膏，海膽及魚子！一口放入味道令人很衝擊，首先是魚子爆破後的鹹鮮味道，加上軟綿綿鮮甜嘅海膽配上味道濃郁的蟹膏幾蟹肉！那種不同層次鮮味的衝擊令人不得不細味品嚐，鮮味在口腔久久不散，令人回味

話說我去過逸園咁多次都未試過地面呢間專食蟹嘅餐廳，今日一定要試一下。餐廳位於地庫，不過喺地面已經有一個好大嘅招牌，一定搵得到。今日我係佢云云咁多嘅定食當中揀咗蟹御膳一試。呢個餐首有蟹膏豆腐，佢係用蟹膏同埋豆腐打勻，每一啖都有蟹膏嘅香味同埋豆腐嘢幼滑，呢種口感真係非筆墨所能形容。再黎係蟹肉蒸蛋 ，一般嘅茶碗蒸都唔會太大碗，但係呢度嘅份量相對來講10分充足，而且每一啖蒸蛋都有豐富嘅配料例如瑤柱蟹肉等等，性價比十足。佢仲有松葉蟹甲羅 燒，分別有濃濃嘅蟹膏加上松葉蟹腳同埋飛魚子，每一啖都有蟹嘅鮮味同埋彈牙蟹肉，食多幾件都唔滯。忌廉蟹肉薯餅炸得好鬆脆，唔油膩而家外脆內軟。天婦羅蟹棒烏冬既天婦羅蟹棒有相當份量，一口一件相當滿足，配上一口熱烏冬正式完成這餐豐富晚餐。

本身小妹是蟹迷，最近才發現原來銅鑼灣有間專門食松葉蟹的日式餐廳！ 在地底一層，充滿日式風格的裝潢！ 卡位好大好舒適，有好得意的蟹公仔！ 枱上面有個玻璃瓶子，仔細望下，有一隻蟹仔在裡面，好得意！ 除了有蟹為主的定食，還有其他丼飯，壽司等。 因為一心想食蟹，這天我點了極.蟹御膳。 定食每款食物都好精緻！立即食慾大增！ 麵豉湯除了有豆腐和昆布，還有小元貝，幾鮮甜！ 鰹魚高湯伴蟹膏蟹肉豆腐 第一眼看不出這是什麼，原來是加了蟹膏整的豆腐，好特別！滑嘟嘟，有香濃蟹膏味！下面還有清新的柚子啫喱，酸酸地，好有心思！ 松葉蟹肉玉子燒 玉子好鬆軟，裡面有一絲一絲的蟹肉和菠菜！松葉蟹什菜鍋材料好豐富，湯好甜，蔬菜吸了蟹肉湯精華，好正！蟹腳啖啖肉，好像去日本吃的一樣！鍋下面還有薯粉！脆炸蟹棒天丼吃蟹棒天婦羅好滿足，大大口，還有南瓜和蕃薯，都很甜，天婦羅的炸漿也很鬆脆，珍珠米煙煙韌韌！

📍蟹慶📍 Kani Kei 🇭🇰香港銅鑼灣軒尼詩道525號澳門逸園中心地庫🇭🇰B/F, Macau Yat Yuen Centre, 525 Hennessy Road, Causeway Bay, HK🌐銅鑼灣人均消費: HK463味道: 👅👅👅👅賣相: 👀👀👀👀價格: 💰💰💰💰環境: 🌹🌹🌹🌹服務: 👨🏻👨🏻👨🏻性價比: ⭐️⭐️⭐️⭐️回頭率: 🔆🔆今晚又試咗間一直想試嘅蟹慶✅ 一直都俾佢嘅蟹宴吸引，加上佢個蟹御膳晚餐都係$300樓下，真係好吸引😍位於銅鑼灣SOGO附近的澳門逸園中心地下，十分方便，都爆爆地要排隊，好彩一早訂好枱環境都唔錯，有啲居酒屋Feel 🏮餐牌選擇都尚算ok，定食都好多款揀，價錢有平有貴，今次揀咗兩個蟹御膳加其他單點❣️📜極·蟹御膳 （極·力二御膳）🍱$298極·蟹御膳 就係好吸睛嘅蟹鍋，兩個個小食+兩個主食+一碗湯，$298真係幾抵食✅⭐️吸物🥣吸物即係清湯，佢又唔係麵豉湯，裡面有少少菇同豆腐入口清甜，微微帶喊，好好味！⭐️鰹魚高湯伴蟹膏蟹肉豆腐🍲超濃湯底嘅豆腐！豆腐一共有4粒，每粒都吸滿晒鰹魚高湯，脹卜卜又入味👍🏻不過可能高湯蓋過咗蟹膏蟹肉未，食落蟹味唔太重，但都夠好

朋友介紹了一間位於銅鑼灣地庫的日本居酒屋，裝修充滿日式風味，食物有水準之餘價錢又很化算。餐廳主打”蟹”主題美食，我們便點了蟹御膳：有天婦羅蟹棒烏冬、蟹肉蒸蛋、忌廉蟹肉薯餅、松葉蟹甲羅及蟹膏豆腐，雖然是全蟹午宴但一點也不覺濟。蟹肉蒸蛋用料足，啖啖雞蛋也充滿濃厚蟹味。忌廉蟹肉薯餅配搭特別，新鮮脆炸餡料美味。甲羅燒的松葉蟹棒跟蟹膏是絕配，最驚喜的卻是蟹膏豆腐，外表平平無奇的，入口卻似在吃蟹膏多於豆腐，因為蟹膏味實在太濃郁了😋另外又點了牛肉薄燒定食，牛肉份量相當多，肉質嫩滑且帶有肉汁，旁邊的沙律配菜也相當爽脆。我們更追加了多一客蟹肉蒸蛋及三文魚刺身，刺身非常厚肉，新鮮好味👍🏻 員工服務態度友善有禮，整體用餐體驗非常滿意。

我好少寫劣評，呢間真係值得我用少少時間去提醒其他人呢間伏店。👎🏻👎🏻👎🏻👎🏻1. 味道強差人意👎🏻御蟹膳 - 無味的急凍貨，上枱都仲係凍既。天婦羅既蟹柳仲要超市仿蟹柳。完全無鮮味，份量又好少，男仔一定食唔飽2. 出菜時間有問題👎🏻落單起計1個鐘先上菜，老細同侍應愛理不理。當時無咩客，真係無咩藉口話人多漏單。呢度都有foodie話呢個出餐時間有問題，相信唔係個別例子。肚餓唔好幫襯，緣分到了先有野食。3. 服務態度好差👎🏻尤其係個貌似老闆既男人，戴住口罩都feel到佢黑面，對著個個客連基本禮貌都無，好D客欠左佢咁。野唔好食、服務態度差，比錢買難受👎🏻👎🏻👎🏻👎🏻後記：門口魚缸已經無養蟹，自己衡量下D蟹係咪全部都係急凍貨。

因疫情關係，大家都唔可以外遊，需要留港渡假；今日係中秋連假嘅第2天假期 (10月2日，追月)，我們去咗銅鑼灣一間日本餐廳叫「蟹慶」食Lunch，午市定食有十多款選擇；一場嚟到這間專門食蟹嘅餐廳，一於試吓人氣推介嘅午市定食「蟹御膳」$198套餐包括：1️⃣ 天婦羅蟹捧烏冬2️⃣ 蟹肉蒸蛋3️⃣ 忌廉蟹肉薯餅4️⃣ 松葉蟹甲羅5️⃣ 蟹膏豆腐整體來講：蟹好味😋價格💰：$436 ($198 + $198 + 加一服務費$40)味道😋：OK

一轉眼， 2020年的秋天就來到了，秋風起，又到了食蟹的季節，在疫情還在繼續的時候先吃一道普通的蟹宴為這個秋天的味道打開序幕。這家餐廳的裝修十分別緻，在座位上都放了蟹的毛公仔，成功吸引了很多年輕情侶及一家大小來打卡。蟹御膳($198)由於是午飯時間，這道蟹御膳已經是午餐套餐中最豪華的，分別有：- 蟹膏蟹子豆腐- 蟹肉蟹子蒸蛋- 松葉蟹甲羅- 蟹棒天婦羅及蟹肉可樂餅- 湯烏冬- 味噌湯- 漬物：水雲及青瓜柴漬蟹膏蟹子豆腐作為前菜的豆腐有驚喜，本來看到這個賣相有點懷疑，為什麼蟹膏豆腐會是綠色的？一吃就知道，這個豆腐是混合了日本蟹膏醬，蟹味濃郁，口感接近玉子豆腐，雖然蟹子是以飛魚子魚目混珠，但仍然算是不錯。蟹肉蟹子蒸蛋蒸蛋上桌時仍然熱辣辣，應該是剛剛蒸好，蟹肉只有在蒸蛋表面上，是蒸好後直接放上蒸蛋的。蒸蛋材料豐富，還算滑溜，吃到底部時有很多飛魚子，爽脆又鮮味，不錯。松葉蟹甲羅這款是凍食，賣相最吸引，滿滿的蟹肉及蟹棒。底下有一片海膽，不過份量太細，沒什麼存在感。始終是冷凍蟹，鮮味不能和新鮮蟹相比，特別是蟹棒，大大片很吸引，不過冷凍過咬下去水水的，鮮味欠奉。為了改善味道，我把蟹膏及蟹肉拌勻一起吃

目測呢個「蟹御膳」係餐廳內最多人點嘅 lunch set。HKD198 就有個用蟹做主要材料嘅午市套餐，再加上午市時間有10% off (我問過姐姐佢話星期一至日都有九折喎)，所以賣單時嘅價錢為$198。呢個蟹膳包羅萬有，只欠一個甜品😂▫️天婦羅蟹棒烏冬 - 天婦羅跟烏冬係分開上，唔怕蟹棒浸喺烏冬裡面會腍晒。▫️忌廉蟹肉薯餅 - 蟹肉薯餅口感幼滑，一啲油膩感都冇。▫️蟹肉蒸蛋 - 有蟹肉、元貝、魚籽，材料非常豐富。滑蛋蒸到剛剛好，極之滑溜。▫️蟹膏豆腐 - 用了蟹膏做嘅豆腐係呈現淺綠色，味道極濃😋。▫️松葉蟹甲羅 - 附帶了海膽、蟹膏和數粒魚籽。成個蟹殼都載滿蟹肉，跟海膽/魚籽一起食有另一番風味。▫️麵豉湯 - 呢個冇蟹肉但有元貝粒。其實$198有個蟹肉套餐而且質素唔差已經算幾好😝。有人問我夠唔夠飽？我覺得夠飽呀，有冇其他人食過呢個餐後覺得唔飽呢？🤣🤣