百味鮮辣蟹專門店 (已結業)

西環是個尋覓好吃的好地方，環境帶點清憂寧靜，但好多人以為西環也只有西餐可選擇，然而中菜的也有好選擇。 沿著電車路堅尼地城德輔道西一帶有間叫百味鮮的中菜館，在晚餐時段大排長龍，也引起我的注意看看有什麼特別之處。 那天就相約了幾位好友一嚐西環的百味鮮了。 百味鮮後面有「辣蟹專門店」的連接，對不少客人來到百味鮮也會嚐嚐他們的蟹，不過朋友還在戒口，為免「有得睇冇得食」之苦，那我們幾個就陪伴他，這次就不點蟹吧。 先來個前菜，在青瓜和牛柳粒加上芥末醬，帶點嗆鼻得來也不失青芥的清爽。青瓜的清爽跟芥末醬的配搭是預料之內的味道，但牛柳粒與芥末醬的配搭吃來也不差，挺有驚喜的。平時吃慣的牛柳粒大部分也是配以甜甜的醬汁，這回的芥末醬為說道菜添了不少分數，相當開胃。 中菜和西餐有不同的烹調技巧，不過相比西餐，中菜的炒、煎令海鮮更惹味。同時，醬汁是烹調海鮮的靈魂，像這道咖喱蝦一樣，美味的咖喱醬汁充分地滲入蝦肉內，不但吃到蝦的鮮味，咖喱醬也濃郁惹味，令人回味無窮。若果來到百味鮮，記得點這個咖喱蝦，絕對不會令你失望。 骨腩位是每條魚最好吃的部分，而這道乾煎桂花魚骨腩看似簡單，其實功夫一點也不簡單。要把骨腩部分挑出來，

兩男一女的組合不一定是個"嬲"字, 這晚我們三個吃飯也吃得很開心呀。朋友仔這晚帶我們到了他家附近的一間小菜館, 主打的是避風塘辣蟹海鮮。雖然我們也只是點了幾個普通小菜, 但味道也很有酒樓的水準。餐廳看起來真的是街坊小店, 沒有什麽華麗細緻的裝修。不過我們又不是吃裝修, 最重要還是食物的質素。看到這個不時不煮, 就知道大廚都是有心有堅持的人, 難怪平日近八時半後餐廳仍是十分熱鬧, 不斷有新客人。天氣這麽熱, 吃冷盤最舒服, 先來一碟涼拌豬耳。這兒的豬耳味道調得很好, 咸香中帶點微辣。配料除了有蔥花和芝麻外, 更內裏夾洋葸絲, 令味道更豐富, 多一份搶口清新, 令人忍不住一條又一條的吃。就是加了點心思, 前菜就變得意想不到的好吃。兩位男仕不約而同的喜愛吃內臟, 所以點這個杞子豬潤浸菜芯, 它更是招牌菜之一。豬潤的份量都有不少, 而且處理得很乾淨, 不會有異味, 亦能保持他的肉質, "粉粉地"不會太硬或過老。但我覺得湯底更為出色, 味道清甜。杞子令湯水更有營養, 賣相更加漂亮, 所以菜芯我吃了近半碟, 而湯也渴了兩碗。這個冰鎮咕嚕肉送上來時出晒煙的, 令冰鎮的感覺更為突出。加上賣相精美, 注

鍾意食蟹的好友約我地到西環食辣蟹。特登揸大半個鐘車去到西環。間店門面好光鮮，好易搵。裡面有大冷氣，好闊落乾淨。黑椒蟹煲賣相好靚，有一大隻肉蟹。蟹件先輕輕炸香，再用多種配料炒成。蟹肉厚身鮮香，配料惹味。大廚好細心地先將蟹殼壓碎，除左方面食用，亦都可以令到蟹肉吸收更多香料的味道。四個人除左蟹，另外點左煎豬仔骨同蟹似扒西蘭花。豬仔骨煎得幾香口。西蘭花新鮮爽口，茨汁亦好好食，不過就唔多見蟹肉。最後都點左個海鮮烏冬，有少少驚喜的是佢地用上稻亭烏冬，煙靱好咬口。味道都調得唔錯。但係海鮮種類較少，只有蝦同柱貝。食物味道是真的不錯，但因為價錢都唔平、而且份量不多。我地四人除左一隻蟹，只點左一小份涼菜，兩款小菜同一個烏冬。最後發現唔多飽添！

冇乜幾可叫到我出香港食飯，但係俾面個朋友，而且聽講話今晚帶我去食蟹，我深感興趣，當然樂於出席。芥香雲耳仔涼菜先食個小雲耳，說起上來，其實呢碟雲耳算幾大份，可以大大口盡情吃，十分之爽口，仲有啲芝麻粒吊下未，幾過癮，話就話係芥末，但係味道微辣，唔會太攻鼻，加了醋所以略酸，幾開胃。蟹肉扒西蘭花：朋友指明要點蟹肉扒西蘭花，本來聽到西蘭花有啲猶豫，但係佢呢個西蘭花煮得好好味，煮得又夠口感又唔會過熟，望落去顏色青翠，賞心悅目，食落其實都好滋味，有蟹肉的鮮甜伴西蘭花的清香菜味，不錯。香煎豬仔骨：好耐冇食煎豬肉，夠火候煎到啲豬肉好香，最正就係啲胡椒粒令到佢更加惹味！香葉黑胡椒炒蟹：重點菜式出現了！加入了芫荽、香葉，同埋各種調味，呢個煲蟹十分之香，勁惹味！將執果汁十分之濃郁，但係都蓋不住蟹肉的鮮甜，兩者產生了微妙的化學作用，造出極佳的味道。

其實一直很想抽時間到西環貨櫃碼頭逛逛，上星期日來到這邊走走順便影影相。下午影完，打算休息一回兒再影，沒法子嘛，大自然就是如此的吸引，而且早午晚的光景都有所不同。在中場休息時間，我們來到這家叫做百味鮮辣蟹專門店的中式餐館， 餐館之中是座無虛席的。 鹵水豬耳 ($38) 平日的我絕對不會點豬耳來吃，沒有的，就是沒有對它有特殊喜好而已。來到這邊，看到幾乎每一台食客均有豬耳在台面上，加上好友極力推薦，所以就「膽粗粗」叫一客來試試。聞落蔥味超香，試一下是用熱油淥過的，有點惹味，也帶點清香，叫人喜歡；豬耳相當爽脆，而且爽雜著蔥的味道，變得十分惹味。 冰鎮咕嚕骨 ($238) 冰鎮咕嚕骨的賣相跟出場模式也蠻吸引眼球的，先來陣陣煙霧，為咕嚕骨添上神秘的感覺，待上了一陣子，煙霧散去，方才見到咕嚕骨的真貌，一顆一顆橙紅色的，好像在對我們招手似的。咕嚕骨看上去很有光澤，食落每一顆都塗上了一層糖醬，感覺似是麥芽糖似的，為咕嚕骨添上甜甜的味道，而且食落會天鬆脆可口，至於咕嚕骨嘛，肉質鬆化，而且酸酸甜甜的，不錯。唯獨有一點，就是這個小菜要是放涼吃的話，面層的糖就會凝結，而且食落會相當黏牙，個人就不太喜歡黏牙

今日下晝去咗堅尼地城辦事，完成後已經接近放工時間，咁順理成章就唔返公司啦去新開嘅一田行咗陣，就約咗老公喺百味鮮開餐。聽住附近的朋友仔講，呢間百味鮮原來都幾受街坊歡迎，佢地有時都會落黎買個餸加料！作為一間街坊小店，百味鮮裝修簡單企理，而且都幾闊落。我哋七點幾去到，差唔多坐滿哂！睇下個餐牌，食物選擇都好多，除咗海鮮以外都仲有好多小菜的選擇，而且價錢仲好親民我哋先叫咗兩隻冰川凍鮑魚鮑魚size都唔細，而且好厚肉的，$68一隻好抵食！鮮鮑肉質軟糯，簡單咁用咗少少蠔油調味，充分食到鮑魚原汁原味嘅鮮味。之後就叫咗個台式皮蛋豆腐。滑溜嘅豆腐上面放咗好多肉鬆同皮蛋！皮蛋獨特的味道加埋少少蠔油調味，啱哂我口味蘋果肉桂牛柳粒果然是的推介！牛柳粒肥瘦均勻，肉質嫩滑，味道濃郁，加入咗蘋果令呢個餸酸酸甜甜，非常開胃，仲可以減低油膩感；而肉桂同蘋果的味道本身就非常搭配，成個餸味道層次好豐富之後仲要咗個濃湯酸菜泡桂魚片桂魚片幾嫩滑，而且起咗骨，食起上嚟好方便，份量仲要頗多！不過個濃湯就唔算太濃，可以再濃味小小。今餐食到勁飽勁豐富，每人都係二百幾蚊，絕對係海鮮小菜抵食之選，下次要叫多啲人嚟試多啲款式先得！

西環對我來說是非常陌生，香港大學朋友話有間小菜及辣蟹非常出色,貨源新鮮。我們一行三人開開心心去聚餐😋未到7:00已經高棚滿坐，大部份人點麻辣野或海鮮為主食。餐牌第一頁標榜不鮮不食，不時不煮為座右銘，我更有興趣嘗嘗美食。前菜：麻辣豬手（$38）豬手是涼伴小菜最配合夏日炎炎夏天食，豬手十分清潔及無毛，再配合秘製麻辣汁無得彈。我朋友送啤酒最愛。水煮滑手切牛肉（$198），好彩我們叫小辣剛剛好，牛肉肉質鮮滑有好重牛肉味，花椒香再配麻子麻辣好嘢味。寶物沉歸底在碟底原來有薯粉。和薯粉一起進食真係回味無窮。 XO 醬海鮮烏冬（$88），朋友驚無主食，又點了個海鮮烏冬都有好多粒海鮮係碗底，再加上道庭烏冬不錯，但賣相不夠靚。避風塘炒蟹（$380），這個真的不能講少，用飽滿肉蟹，蟹本身新鮮，食落多汁美味。再加上多功夫炒香生熟蒜頭及辣椒和䓤斷非想重味，在家一定食不到這種複雜烹調手法。我們這群年青人愛不釋手。綜合來說，我們下次相約食其他不同菜式😘

在西環一田百貨Hea逛過冷河後，去了附近的「百味鮮辣蟹專門店」吃晚飯。肚子不太餓，故點來三碟小食淺嚐。餐廳除了辣蟹和各式海鮮外，還有不少的小食和粉麵飯提供，選擇多元化，也歡迎客人預訂特色海鮮小菜。茗茶$5/位，且全日不設加一服務費，挺經濟實惠的。 夏日炎炎，這一款以酒入饌的涼菜話梅醉豬手$48，豬手質感爽滑彈牙富嚼勁，夾雜幽幽的梅香和酒香，酸酸甜甜，挺清爽開胃的，且骨膠原豐富。此外，豬皮上的幼毛也清除得挺乾淨的，值得一讚。 台式皮蛋豆腐$38，也是挺有驚喜的一道小食。除了嫩滑凍豆腐和Q彈且無鉛味的皮蛋外，大廚還放上了大量香脆惹味的肉鬆、白芝麻和蔥粒，再混入鹹香醬汁，口感層次十分豐富多變，教人一吃上癮，欲罷不能﹗ 生菜包食得多，通常都是用豬肉或雞肉做饀料，餐廳的混醬鴨鬆生菜包$108就用了鴨肉入饌。大廚把鴨肉切成粒狀，混入豆角粒、冬菇粒和醬汁以大火同炒，即成香濃惹味且鑊氣十足的餡料。吃時，把適量混醬鴨鬆放在清脆爽口的生菜上，然後微微包上。一口咬下去，既冷又熱，既淡又濃，既脆又腍，無比滿足的享受。

今次食既呢間係食蟹屆都幾出名，出名在當然就係食蟹！！所以今次特登點左有避風塘炒蟹！！等我推介兩款我最愛既菜式啦！！ 重頭戲：避風塘炒蟹，份量唔算十分大，但都夠我地4個食，店家好細心咁會比埋工具我地開蟹肉，但係其實唔太需要，因為D殼好易搞掂！！輕輕鬆鬆咁就拆左D蟹肉出黎了！非常鮮甜可口！而且D肉係好爽滑！ 蟲草花浸時蔬，個菜汁好似湯一樣咁鮮甜，我拎左D汁黎撈飯食，味道好MATCH，完全唔會覺得怪，而且菜心好新鮮下，食落又爽口！！

蟹不嬲都係我既最愛，今次特登揀左間食蟹既專門店食因為我地冇預定到菜既關係，只能夠點現有既菜，有點可惜，不過下次可以先訂好再食！今次嗌左既有芥香雲耳仔，櫻花蝦XO醬爆龍躉球，木魚清酒煮鮮鮑，避風塘炒蟹，蟲草花浸時蔬 首先上菜既係芥香雲耳仔，係一道前菜，係雲耳上面有少少芝麻同香草，估唔到原來呢道菜係有點辣的，但食落又幾開胃，送茶食真係一流 然後上既就係櫻花蝦XO醬爆龍躉球，龍躉球下面就有豆角，龍躉球半煎炸的，帶點微辣，而口感爽脆，同櫻花蝦既味道非常MATCH!! 而豆角雖然係放係下面，但都冇整到豆角變得太淋，仍能保持爽口！ 木魚清酒煮鮮鮑係一人一碗的，入面有齊哂所有材料，非常方便食客就咁一口食落肚，用左清酒煮反而帶出左原本既鮮味，而清酒又唔會太濃搶走左鮑魚既鮮味！鮑魚仔非常入味！

自西營盤站、香港大學站、堅尼地城站開通後西環這一帶陸續有不少食店進駐，選擇自然多了很多。住西環的朋友提議今晚到百味鮮辣蟹專門店晚飯，心想也不便宜，但他說性價比一流，當然要去試試。《蟲草花螺頭燉雞湯(鍋) $98》一鍋足夠4人份，最欣賞的是沒有雞油於湯面，非常清澈，入口雞味香濃且沒有味精，喝到蟲草花香很足料很滋補，雞腳好腍。《濃湯泡桂魚片 $168》魚肉好鮮甜彈牙，胡椒湯清甜闢腥，配菜青瓜、粉絲、豆卜好入味。《蒜蓉菜心 $60》菜心鮮嫩無渣，用作調味的蒜蓉碎由原粒蒜蓉拍打切碎而成，非現成蒜汁，所以炒起來更重蒜味和香口。《豉椒炒蜆 $68》鑊氣十足，蜆肉夠大隻肥美，蜆用豉椒炒製的確是最好的配搭。《避風塘炒蟹 $380》主角避風塘炒蟹來了，不但賣相吸引，蒜香味撲鼻，蟹上舖滿大量炸蒜粒，入口香脆帶微辣。蟹一點不小，蟹肉肉質鮮味沒有變乾，融合蒜香味道，非常惹味，這裡的避風塘炒蟹的確別有一番風味。平民價錢，有質素的出品，有驚喜真難得，下次再來試其他菜色。

平時很少到西環的我, 由於最近有好朋友搬到很懷舊的石塘咀住, 所以上星期我也來到此地走一趟, 順便與她到一田入入家品, 暢談一下近況~ 放工后上她家坐坐都到晚飯時候, 大小姐不喜歡入廚的闗係, 故我們決定落街看看有什麼好吃的, 也探一下路, 好讓她更熟悉附近的路~ 大小姐想吃小炒, 路過這間裝修很骨字, 門面大大的"百味鮮" , 我們都覺得不錯, 探頭入去幸好客人不是太多, 地方乾淨企理, 服務員看來都很友善, 所以就來這裡吃了~ 百味鮮主打海鮮, 而辣炒蟹 更是重點, 我看到每枱都有點海鮮, 龍蝦, 魚, 辣炒蟹看來挺美味新鮮似的,好,讓我們也點一個,順便來點些小菜試一下~ 小菜方面, 點了醬爆豬腩片 -這菜給我的感覺是很惹味!!!雖然是豬腩肉, 但入口一點都沒有肥膩感, 而且每片肉都黏着些肥油花和軟骨, 每一口都是三重享受!不會太咸但不論調味弄法都恰到好處! 富士茄子酥- 非常美味too~~~ 茄子瓜很甜很香, 入口有一點焦香, 混着芝麻和醬油, 相當清新的餸菜!! 論到主角出場了! 新加坡辣椒炒蟹 - 一看就知上桌多麼香多麼惹味! 磅蟹真的很大隻, 份量十足! 磅蟹淡

有日去左西營盤一帶，本身對呢一區唔熟悉，到咗食晚飯嘅時間，就喺電車路附近睇吓啲餐廳，俾我哋發現咗有一間辣蟹專門店，跟住喺門口望下個餐牌，辣蟹價錢好合理，再望下入邊，每一台都叫咗碟辣蟹，我哋一行三人就決定咗揀呢間餐廳喇。我哋首先揀咗個凍嘅小食-麻辣凍豬手$38每次食親呢類凍嘅豬手，首先我覺得最緊要嘅係，D豬手要清理得好，無曬D毛。呢間店絕對合格。而且效果做得十分爽脆，又夠凍，再配合埋麻辣香味，呢個小食，絕對值得一試。第二道小菜-水煮手切肥牛黎到食辣既地方，當然想試下佢地既'水煮'，今次揀左手切肥牛。哈哈，因為手切肥牛多數都係打邊爐，趁呢次試下其他食法除左面頭見到既配料，裡面係用左薯粉墊底。呢個菜式個辣度剛剛好，豆卜同薯粉又索到D汁，好配搭。跟住就係主角出場-避風塘辣蟹 $380一放上枱，已經聞到陣陣嘅蒜香。避風塘炒蟹，當然要夠乾身，夠熱氣，夠香，呢碟樣樣到位。除咗呢啲外在野，最緊要梗係隻蟹本身要靚啦。呢隻蟹，可以望到啲肉係一絲絲既，已經可以知道係新鮮啦。再加上啲肉係黐實個殻既，可想而知佢幾飽滿。值回票價我哋仲有叫咗一個XO醬海鮮烏冬，係個烏冬上面加上咗啲芝麻，令到食嘅時候，除咗食到XO醬

謝謝友人邀約，我來到客人如車流輪轉的百味鮮！店內不大，位置之間並不擠逼，環境乾淨整潔，最緊要冷氣夠，即使食辣野出汗也不怕。侍應們好快開了茶，餐牌選擇頗多。它主打是蟹，但我們就偏不叫蟹，就食咖哩蝦，應該點都唔會輸掛？價錢貴嗎？跟出面差不多，以食海鮮黎說已叫過得去的價格。 這邊餐廳小菜不是純中式，有少許fusion，不知道大家認不認同。芥末雲耳：平時食酸辣口味，它卻用了芥末，什有清新感，也不像沒有四川那款油油的樣子，不過口味各不一，朋友就不喜歡了菜心：清炒好味，𣊬間光盤了芥末青瓜沙拉骨：這小菜帶點驚喜，應該是大人小朋友都喜歡食，滿滿沙律醬有點邪惡。咖哩蝦：咖哩好好好食，蝦是大大隻，加點香茅及辣料，非常香口好撈飯，不對日！是撈粉！！！主菜：侍應特別重點推介，主以桂魚腩肉部份（所以至少要幾條魚先做到呢道菜），加入青蔥、辣椒及醬汁一齊炒，所以吃下去時味道香濃，魚質厚滑，有鑊氣，我個人覺得唔點汁都夠味！不過，如有人不喜歡有骨的魚，這道菜有點考起他們了白飯太齋，叫埋炒米粉就冇得頂！可惜味道有點淡，幸好有咖哩蝦的汁，兩者配夠夠惹味3個人都食唔哂架，飽住個肚回家去了

一聽店名百味鮮辣蟹就知道是以蟹出名，好期待長途跋涉去西環，因為本人住新界。誰不知去到蝦蟹已經賣晒，失望，只好點小菜食。欖菜生菜包，有欖菜、冬菇、豬肉等醬汁味道真係不錯，幾惹味，脆身的生菜包著爽口的欖菜材料，有生菜中和不會太肥膩。皮蛋豆腐，上面佈滿肉鬆，醬汁太少，所以覺得豆腐、皮蛋較乾，又不算太入味，ok la濃湯酸菜泡桂魚片 $168最底下有粉絲吸收湯的精華，不過不夠酸，而桂魚片肉質都算滑，但整體味道不過不失。