百味鮮辣蟹專門店 (已結業)

一大班十幾人敘會食飯要提早book 枱。因為百味鮮大台只有一張。服務員態度好。海鮮新鮮。分量剛剛好。前菜及主菜都很出色。讚讚讚！推介炸豬手。避風塘炒蟹。松露炒飯。

訂位時已FULL, 話要試試walk in, 7點黎到，等左差唔多十分鐘，店內光鮮企理乾淨，入到去侍應有禮貌地主動問茶同介紹食品，選左苿莉綠菜，又幾香喎~ 先黎2 個前菜小食先芥香雲耳，好開胃，有陳醋既味，仲有小小日本芥辣，感覺好似好健行康涼伴三鮮，青瓜，皮蛋，蕃茄，三樣好似唔啦更既嘢放埋一齊，後果出其地好喎，好清新，加埋一個撈乜都好食既日式芝麻醬，幾好食。主角係避風塘炒蟹，個侍應一攞黎已經聞到好香，隻蟹好新鮮，啲蒜炸得夠乾身，我地只係叫左小辣，最後都忍唔住落手食，值得一讚細心位係當我地食到隻手油淋淋時，店員主動攞左一兜檸檬水俾我地洗手，我個人好buy 呢個服務用左避風塘啲劣炸蒜炒左個二食新竹米食，好得，加左蛋絲，唔會太咸，一陣就清晒。金銀蒜蒸蟶子皇，超大隻，好新鮮，岩岩好，唔會蒸到太老，食落口爽口，$48一隻，抵食，記得上次係佐敦樓上鋪食，都要$78隻，相比下呢度抵好多。嘩，呢個直係今餐既驚喜，冰鎮咕嚕骨，原本唔知的，店員話呢個只係閒日先做，咁岩今日係星期四，所以有出，一上枱，不得了，淨係個勢都嬴晒，賣相好靚，用左碎冰粒做底，放左隻招財貓係度噴煙，好迷幻，應該係乾冰，全部人即刻相機先

相約吃個晚飯, 其實也不一定是件容易事。這夜百味鮮店内絶大部份顧客看似附近街坊常客, 甫進入店, 我這個外來人就急不及待四處張望其他枱上的菜色, 看來蝦, 蟹, 海鮮都是不二之選。金銀蒜蟶子皇雖然沒有"皇"的巨大, 但味道鮮甜肉質爽口, 蒜蓉不會喧賓奪主, 而是跟粉絲互相配合。既是辣蟹專門店, 理應嚐個避風塘炒蟹相類, 但友人不大嗜辣, 而我亦較想吃鮮多於辣, 今晚試了薑葱炒蟹。原來每個人心中的薑葱炒蟹都有不同標準, 大抵或多或少來自母親的主理手法。百味鮮的這個並不切合我的期望。 沾了粉走油的蟹件雖是友人的預期之内, 但我卻畧嫌粗糙, 而且薑及葱的香味不能如盡發揮, 吃到的只有那又濃又稠的献汁的鹹味。可取的是煮的時間控制得宜, 蟹肉既熟透亦嫩口。花了—點工夫把蟹吃光, 再點了個蟲草花浸菜心作結。清清甜甜的這個菜, 正好中和了上一個的鹹。滿以為今晩有機會填補那些因前幾次晚飯都未能以甜品作結的遺憾, 但原來總有些計算以外的種種..... 能一起吃個晚飯從來不易, 要好好珍惜。甜品？ 留待下次晚飯。p.s. 店員服務周到, 從主動把適合嬰兒手推車的枱安排給留座顧客可觀其細心。

之前在舊鋪食過，搬左新鋪，地方大了好多，上次食晚餐的時候，見到有人食私房菜，問下老闆，原來有一啲菜係餐牌無既，要食圍頭，好似私房菜咁，由於平時啲海鮮同小菜都唔錯，於是約齊一班朋友，搵左一日黎試，真係好得喎，食既嘢唔係平時出面有得食既，買相好精緻，由頭盤到生果，非常得!頭盤好開胃，有凍螺，燻蹄，雲耳，車同車厘茄，雲耳落左WASaBi 同陳醋，酸酸地真係好開胃，車厘茄真係好好味，我最鍾意，因為好有心機，車厘茄係粒粒都去左皮，仲有桂花香，甜甜地呢個以蟹肉為主，用左小堂菜整左好似玫瑰花咁做伴碟好靚呀，蟹肉上面的是燕窩同蟹籽，加埋紫洋蔥，顏色豐富又名貴~香檳汁龍伴波菜麵，海鮮中我最鍾意食龍蝦，個汁好特別，龍蝦好新鮮，啖啖肉，第一次食波菜麵，又幾好食喎果皮蒸就食得多啦，乾煎又未試過喎，估唔到味道又OK 喎，絶對唔會晒左啲鮑魚，南非鮑真係好食過大連鮑，配埋啲新鮮既露筍，真睇得又食得。呢個上枱時個鍋己好有氣勢，雲南氣鍋雞聽就聽得多啦，試就真係未試過啦，個湯好清，啲味好出，啲雞腳好似中左化骨綿掌咁，朋友們都對呢個湯讚不絶口~ 冰鎮咕嚕肉，外脆肉暖，好似食拔絲咁，甜酸岩岩好，加埋冰底冰住，令到出面更加脆火

昨天跟男友試剛搬了不久的新店。網上看價錢不太貴，所以便來試一下。我們點了豉椒炒蜆，冬蟲草浸菜心及避風塘炒蟹。先來炒蜆，味道很好，而且蜆多肉，大隻。不會有殼多過肉的情況。另冬蟲草浸菜心，湯不會特別濃，我見差不多每枱都叫了，可算是在其他食物中找點清淡。避風塘炒蟹(中辣)的價錢是我吃過咁多間算是最便宜了，大大隻肉蟹，加上炸蒜，很香口，而且味道很鮮。吃過後還有奉上檸檬水給客人洗手，服務很好。雖然不知為何身邊的食客大都是內地人，可能地點是近香港大學。幸運的是那些內地人一般是細聲說話那種，所以令我們覺得在那裡吃飯的都不會覺得氣氛不好，是一個愉快的晚上。

有日行過見到,有間店好多人等位,應該係新開,就諗住要去試下,打電話BOOK 問邊日8:00有位,接線生話滿座,心諗有無咁多人食呀!要下星期先有,返正住就近,D野食都試過晒,試下都無妨。去到,又係好多人,好彩BOOK 左,好快有得有。D員工都幾有禮貌,幾好笑容。仲好有耐性咁介紹D野食比我地聽,我地4個人,叫左凍鮑魚,隻避風塘炒蟹,,黑松露蛋白炒飯,鮑魚好有口感,D汁好正,如果多D汁更好,之後黎左個豆腐,味道剛剛好,豆腐超滑口,送白飯一流,跟住隻蟹就黎啦! 好新鮮! 我D朋友全都不食辣,我只好配合他們,嘩!但係走左辣都好惹味,真係想食晒成碟蒜,之前食過其他店,走辣無咩味,好少有店,可以合我地不食辣的避風塘都咁好味,下次真係有D想試下辣,應該仲正!唔知有咩秘訣!最後有個黑松露蛋白炒飯,炒得好乾身,不黏,好均勻!總括黎講,服務很好,食材很新鮮,廚師味味都整得好有心思,價錢合宜!有驚喜! 要多D黎試下其他野食先得!

幾日前...放工之與屋企人食個便飯....有時工作難免忽略家人....所以...真。抽時間同家人食飯先...呢間餐廳唔使加一架。。。坐得舒適。。。我要特別推薦梅子豬手，好入味，都係38大元好底食丫⋯⋯