百味鮮辣蟹專門店 (已結業)

為了吃到天下美食，真的可以走盡天南地北，這天就來西環，目的就是為了吃炒蟹。已有好一段時間沒有來過西環，不過，交通還是相當方便，由地鐵大學站出，步行約數分鐘就到達餐廳。 與其說是餐廳，倒不如說是小型酒家，店內主打新鮮海鮮小炒，而最耍家的相信是炒辣蟹，故此以辣蟹專店自居。7時許來到，店內已經有不少食客，幸好我們一早訂座，不然，可能要等上一段時間才可入座。新加坡辣椒炒蟹 - 新加坡炒辣蟹，喜歡用上肉蟹來煮，就是因為肉蟹多肉的關係，容易吸收醬汁，而這個新加坡辣椒炒蟹，肉蟹大大隻的，重重有一斤重以上，入口啖啖肉，口感結實，而且它的辣味調得剛剛好，入裏更放了新鮮蕃茄肉，除了令醬汁不會過份杰身，還可以帶出蟹肉的甘香鮮味，令味道變得更惹味。避風塘炒蝦 - 我是海鮮控，自問吃過無數海鮮，但這個避風塘炒蝦真的令我一試難忘，不但賣相吸引，而且蒜香味滿滿，廚師於大蝦上舖蓋大量炒蒜粒，而蒜粒入口香脆，沒有被燒黑，亦沒有辛嗆的辣味，而大蝦的size大得如手掌般，口感爽彈，味道鮮甜，蝦肉融合了蒜香味道，超級惹味，而蝦頭更有味道甘香的蝦膏，吃了一口就停不了下咀來。避風塘二食炒粉 - 不要以為炒粉絲的味道平平無奇，其實

公司今日要係西環開會,一年都無去西環一次聽人講西環多野食,真係好多野食,放工肚餓棋掂黎到就不如食埋先返屋企,小菜價錢又幾吸引,見都多人食,地方都幾大是日小菜雖然人多,但都有位蘋果一口牛蘋果好爽口,好甜,牛肉好淋,好夠味炒得好香好入味,好出色招牌避風塘炒蝦,好好味蝦勁大隻,好夠獲氣,香氣四飄蝦肉彈牙爽口,縠都食得,好方便一餸2食,加$60可以炒多碟避風塘炒粉絲大碟到呢,夠6個人食都有淨,粉絲吸收晒所以避風塘辣味精華,好味到不得了,一條都唔想錯過今餐真係好满意,又食得黎仲要街坊價~~

媽媽約左西環班師奶行街,行完街要接佢返屋行行下又話肚餓,路過餐廳叫左2個小菜,$78櫻花蝦XO醬炒通菜,又炒得幾香~~~無咩油,櫻花蝦好好味,~~~通菜爽口,工功都唔錯~~~~份量都大份,~~~~$168濃湯酸菜泡桂魚片~~~份量都大,2個人根本食唔晒~~~自己再加多2碗白飯,送飯一流~~湯真係好濃,魚湯好甜,酸菜味唔算太酸~味道都幾好,幾開胃~~~~魚片好滑,好新鮮,算係高品質~~~~通常街坊小菜都係信心保證~~而家款色眾多,人多食會開心D食多D~~

呢晚兩個喜歡食海鮮嘅女仔來到西環嘅「百味鮮」 門口貼滿美食雜誌嘅報導 餐廳坐滿人 雖然book咗檯 但去到依然要等一陣 咁好生意 希望唔會令人失望啦等咗10分鐘可以入座 店員即刻開茶 有普洱、香片揀... 提供埋濕紙巾 方便哂食蝦蟹食到變污糟貓嘅朋友 XD原來呢度除咗海鮮 仲有好多唔同嘅中式小菜選擇 小妹超喜歡食中菜 結果無叫飯 一口氣點咗4個餸 XD 首先梗係怒點招牌「黃金蝦」！一客有6隻 全部有手掌咁長 兩隻手指咁粗！伴碟嘅係炸成金黃色嘅鹹蛋黃 細細粒又脆卜卜 可以就咁放入口 又可以蘸蝦食 由於啲蝦炸完都係好乾身 其實唔係好多鹹蛋黃黐住隻蝦... 炸粉好薄 根本一眼就睇到橙紅色嘅蝦肉 蝦並無炸乾水 一咬 依然有蝦汁店員特地提供咗個碗仔放殼 不過記住食埋個香脆嘅蝦頭 就算唔吞落肚都要「妹」哂啲蝦汁同「黃金」呀「蘋果玉桂牛仔粒」都係招牌菜 媒體報導都有介紹過 個牛仔粒好特別 似乎用咗類似燒「叉燒」嘅方法煮成 加咗蜜汁 但整體感覺唔會甜到漏 咬落去好多汁嗶出來 而且唔韌食咁多肉 點都要點煩碟菜 友人喜歡唐生菜 估唔到呢味「啫啫唐生菜」比想像中跟有賣點！（根據網上資料：//「啫啫」係粵菜一

香港大學站自從開通左地鐵後陸續有食店進駐，要搵好野食自然方便得多！今晚約左同事食晚飯，我地公司去香港大學站好近，之前又search 過見到哩間中菜評價不錯，大家都話想黎試下！店員安排我地坐一張卡位，哩間餐廳既座位唔會好擠迫，枱與枱之間有一定空間，同朋友傾計都方便d! 睇完一輪餐牌後就落單，點左4個餸好豐富！第一碟黎到既係冷盆，芝麻醬伴青瓜同蕃茄好感清新，夏天食好岩呀。今晚點既都係海鮮，哩碟豉油皇炒蝦個汁好入味，差d連蝦殼都想食埋！哈！海蝦肉爽，d青蔥爆到好香，好味！哩隻蟶子皇超過一隻水掌咁大嫁！蒸得剛好，新鮮鮮甜，面頭既粉絲同干蒜都好好味！水煮魚我地點左少辣，不太食得辣既記得下單時同店員講呀。桂花魚片好滑少骨，個豆干吸左個湯汁都幾辣但又停唔到口咁食！哩道水煮魚香辣野味，攞黎送飯一流！哩間餐廳食物有水準，服務都不錯，keep住有人幫你加水，會推介俾其他同事。

今天和三五知己約食生日飯局,主角說他住這區附近的「百味鮮」之前食過不錯,所以我們便順理成章在這裏慶生。坐後先點了客酒浸東風螺, 侍應生送來未放枱上已傳來陣陣酒香, 螺肉有咬口很不錯, 拿來配紅酒是很好的配搭, 意猶未盡,真係好想叫多碟,不過要留肚食其他嘢,暫且忍一忍先。這個燉湯用料十足: 妃子、准山、瘦肉和雞腳等,用了長時間燉湯,每口湯也飲到各様材料的精華, 喉嚨很舒服,是心機之作。全晚最矚目必定是這道「冰鎮咕嚕骨」,一出場已被騰雲駕霧的效果吸引,周圍的食客也忍不住望多兩眼,提ㄧ提大家,由於乾冰產生的騰雲效果不會太耐,所以影相放閃要把握時間。到食的時候,原先嘻哈的笑聲突然靜止了,大家都默默地品嚐這道菜,真係好好味,咕嚕骨外皮冰脆,內裏的肉嫩帶暖,有點山渣帶出的酸甜感,食後朋友們一致同意這道菜是全晚精彩之作。問一問侍應先知一般要七天前預訂這道菜,星期一至四先有，星期五六日無緣品嘗，因為煮這道菜前後需時35分鐘,而且先高溫後急凍的製作要有一定的廚藝才煮到外脆肉腍的效果。品嚐後同了解煮法,加埋冇得輸嘅造型,真心的説,下次光臨都會再食多次啊。整體來說,每道菜也有水準,看到餐牌寫的「不鮮不食 不

又來香港大學站，中環來都幾快，10分鐘就到，我的搵食地圖亦跟地鐵地圖一樣日漸擴大。呢個食蟹專門店原來海鮮都唔錯，食了個很久都無食過的螺，雖名叫蒜香凍螺($68)，但蒜味不濃，食完不會口臭，醃制用的醬酒很清，帶甜。胡麻醬煎牛仔粒 ($98)，固名思義是用胡麻醬煎，喜歡胡麻醬的人應該會十級喜愛，因為都用上頗多胡麻醬。牛仔粒煎完後都很林，無根，約7成熟。濃湯桂魚片($168)，桂花魚切片後放湯，再放入粉絲、豆卜加以索湯，湯底奶白色，是可以當魚湯飲的，只是可以湯不是太多。桂花魚很滑無骨，是很啱一家大小吃的一道菜。櫻花蝦炒飯($68)，用上大量櫻花蝦，櫻花蝦香口脆卜卜，加上蝦仁雞蛋，令平日普通的炒飯變得吸引，而且$68的價錢超貼地，must點。

約了朋友在香港大學站附近拍照，影了一整天都是時候慰勞一下朋友的幫忙，於是在B2出口找了一間餐廳吃晚餐。留意到如果叮叮車可以在石塘咀落車，剛好在下車位置附近！餐廳講究不鮮不食、不時不煮，甫入座，已經被問及有否訂枱，原來是有私房菜，而且晚市比較多人，最好先預訂，就不會摸頭釘！茶品可選綠茶/普洱，茶芥收取$5/位，不收加一，難怪吸引到一家大細，當晚觀察也比較多大枱...台式皮蛋豆腐 $48先來一個前菜，是我最愛的肉鬆豆腐。用上簡單的蔥和芝麻去配出台式口味，豆腐軟滑，夾上入口酥脆的肉鬆，也很美味！蟲草花浸唐生菜 $68這個清淡的蟲草花菜湯最適合喉嚨有點痕癢的朋友，配搭薑絲會多一份辣勁，很清淡但也很保健。黑松露蛋白炒飯 $68黑松露炒飯散發陣陣香噴噴的黑松露香味，裡面有大量蔥、蛋和冬菇，滿有家庭便飯的感覺！剛巧天時暑熱，最不想下煮的就最好去餐館吃飯，與家人朋友一起享受聊天說地的時間。豆酥蒸白玉龍躉 $168 龍躉豆腐用蒜粒炒香，惹味非常，有點香辣味道。底下也有豆腐，好似有點重覆，但兩道菜式的煮法不一樣，蒸豆腐的口感也會比較軟身和滑，與肉質鮮嫩的龍躉都好夾。

好耐都冇食到一間會令我質素滿意，會捧起碗食飯既地方。（只限中菜）再睇埋價錢，絕對係坐的士泥食，再坐的士返屋企都好值得。兩個男人，四個餸，有蝦有蟹，有豬手，有碳水化合物。飽餐，而且只係480-，十份抵食。因為開會遲放工，一坐低朋友已經叫好菜。先泥一個迷你炸豬手(拌泰式甜醬)。剛剛炸起，豬手皮脆卜卜，熱辣辣。食落去有肥膏，唔太肥。肉身微咸香，肉香，炸得偏乾。但食入口，熱力加埋豬手既皮下脂肪在口入面跑出泥既油，平衡返瘦肉係乾身咸香，整塊豬手肉就變得好平衡。全完符合廣東人食飯，餸菜要盪熱先最好食。雖然迷你，但絕對夠3-4人做飯前開口醒胃菜。再泥一個十分令我impress既 冰川凍鮑魚。建議叫人頭，一人一隻就最好。出色在於鮑魚既應該係叫裙邊(一針針沿住邊果啲)，十分之好食，有洗乾淨，但冇洗爛。而咬入面，唔會有太UN-身既問題，可以一口clear cut 咬入去。食到鮑魚心，好明顯既糖味，係貝類肉感系海鮮獨有既清甜味。事後同廚師傾計，問到原來係用南非鮮鮑，所以味道唔係一般屋企自己蒸鮑魚可以比。而且冰川鮑魚，係唔加其他糖或者其他野，只係鮑魚自己煮自己，再俾個煮鮑魚水去浸住鮑魚自己，雪住。所以鮑魚作為

兄弟外國返黎帶左三支美酒， 所以我就專登訂左呢間餐廳品嘗佳肴！炎炎夏日，先來四個冷盤消消暑，開開胃！「麻辣豬手」，「蒜香凍螺」， 「芥苿雲耳」，「冰川鮑魚」強烈推介！增加食慾！！！！主菜：1）金銀蒜茸粉絲蒸聖子皇，超新鮮！2）避風塘炒蟹，料頭超足，勁野味！！3）BBQ 豬扒！4）豬潤浸菜芯， 個上湯好好味， 我飲左成碗！5）黑松露蛋白炒飯， 松露的香味令人難忘！十分滿足的一晚！！！見到隔離枱食炸鱔 ， 上枱成條龍咁， 下次黎一定要試一下！！！

西環近來變得更方面，有了地鐵之後去邊度揾食都更就腳，今晚朋友就約左我係大學站b2出口步行幾分鐘就到既餐廳食中菜。辣味年糕蝦~相當吸引！！辣既程度可以悉隨專便同店員講。蝦係屬於大隻類~份量亦唔少，蝦肉吸收哂d辣味好正，蝦頭有膏好邪惡~至於配襯既年糕好煙un有咬口~~成件事match埋好食！Bbq風味豬仔骨醬汁惹味得黎帶點甜~豬仔骨啖啖肉，旁邊既洋葱亦炒到好香口。櫻花蝦xo醬炒通菜，通菜爽口夠入味~櫻花蝦d咸香味溝埋xo醬。。。yummy呢！！

喜歡濃香惹味的菜式？你應該試試西環的這一間「百味鮮」，大學站B2出口，只需走4分鐘左右即可到達！ 九層塔胡椒蝦 ($148) 必試的是這款九層塔胡椒蝦，除九層塔之外，還有洋蔥、辣椒等作調味，用熱鍋炒香上桌，熱力把蝦的香味都逼了出來，非常惹味，如果你不怕失儀，吃完一定要吮吮手指，連最後一滴蝦汁都不要錯過！ 乾煎豬仔骨 ($78) 另一惹味菜式是乾煎豬仔骨，雖說是「骨」，但主要是半肥瘦的豬肉，沒有多少骨。肥豬肉吃來爽口，加入了黑椒粒和蔥段去乾煎，好香！ 杞子豬潤浸菜芯 ($68) 吃完兩個濃味菜式，不妨加一個清淡的湯。菜芯翠綠腍甜，豬膶厚身，沒有加多少調味，令湯頭更顯清甜，是不錯的選擇。

約左朋友西環影日落同天空之境，影完行出黎係電車總站對面既呢間餐廳，聽佢講堅尼地城除左樓價之外，餐廳都堅離地，呢間食物水準同價錢都算貼地，所以一早訂左位，行出黎唔使等位就可以入座。冰川凍鮑，口感一流，上面個個唔知咩汁，冰底塾住，買相好嘩嘩嘩，呢個一上，第一時間相機食先，上枱時隻貓識噴煙，應該係加左乾冰，外脆內暖，值得一試。黑白芝麻雞，呢個呢，好似比較少地方有得食，成隻雞外面沾滿晒黑白芝麻，但食起黎好香，雞都唔會太乾，好味道。主角黎啦，避風塘炒蟹，啲蒜蓉勁好食，我用黎餸飯，食完先知有二食可以炒米粉，蟹好大隻實肉，加埋枝ASHAI ，爽爽爽。由於同行有人唔食得辣，所以叫左隻薑蔥傳統既味道黑松露蛋白炒飯，飯乾身，雖然齌齌地，只有菇粒菜粒同蛋白，但加埋啲黑松露醬又幾好食喎，上枱已經聞到好香了。成枱呢個比較遜色小小，唔係因為唔好味，係因為佢一上枱個賣相差左少少。總括黎講，味道好好，價錢都唔算好貴，下次再黎希望可以保持到水準。

放假前，食餐好既，係FACEBOOK 知道有啲預訂既菜，早2日已經訂左龍蝦，蟶子，由於訂左位，去到都唔係使等。 我地只係得三個人，開頭只係叫左啲，但真好好味，樣樣都想試下，叫下叫下三個人食左8個餸，真係有啲誇張，食完真係飽到想再去食糖水都食唔落芥香雲耳，好開胃既前菜，酸酸地加埋WASHABI，都幾過癮上湯龍蝦煎米粉底，呢個餸預定既，不得了，龍蝦食得出好新鮮，彈牙爽甜，伊麵底食得多，煎米粉底都係第一次食，我覺得仲好食，米粉煎到脆香，加埋啲汁，正到爆濃湯桂魚片，桂魚滑得黎無泥味，我地連個湯都飲埋，有小小胡椒味，下面仲有啲粉絲同豆卜，吸晒啲味，更加入味。呢度食既蟶子皇比我之前食既大隻，粉絲都比較多，金銀蒜蒸係我覺最好食既，蟶子鮮甜爽口，無蒸過籠，食完真係想ENCORE 多2 隻因之前有煎米粉底又有粉絲，本來無諗住叫既，但因為見到隔離叫，聞到好香，問下係乜東東炒飯，原來係黑松露蛋白炒飯，係已經好飽既情況下，我地每人都再食多2碗仔.....仲有個菜樹菇雞湯無影相, 哈哈食埋個飯，真係飽到上心口啦，好滿足，攞左咭片，見到有好多預訂菜式都好吸引，下次約多啲人一齊再黎食過。

黎到見到門口已經係度排隊，好在一早訂左位，所以黎到都唔使等，之前約左好耐，所以大家都好期待呢一餐，叫左啲前菜小食，話梅豬手同凍螺，好好味，但唔記得影相。由於我地個個都好鍾意飲湯，所以叫左2鍋，好正蟲草花頭燉雞湯，雞去左皮，所以唔係好多油，岩晒，成個湯好清澈，雞味好出，同一般例湯好唔同。菜樹菇燉雞湯，啲個有啲菇味，個味比較濃郁，好香，但我就鍾意蟲草花個個多啲。主角黎啦，避風塘炒蟹，嘩，啲炸蒜香到不得了，忍唔住係咁挾黎食，隻蟹好大隻，好鮮，已經唔理儀態落晒手了。不嬲都鍾意食瀨尿蝦架啦，見到係推介個度，一於點黎食，由於我地已經叫左一個避風蟹，所以個侍應好好咁問下廚房，幫我地轉成黃金，黃金就食得多啦，黃金瀨尿蝦都係第一次食，出呼意料之外，又幾夾幾好食喎，最重要係上枱個陣已經剝左殼，啖啖肉，岩晒我呢啲懶鬼~BBQ 風味豬仔骨，好似豬扒咁，但肥瘦均勻，加埋啲BBQ 醬好惹味，餸飯一流。避風塘炒米粉，呢個係食完避風塘炒蟹必食既，將啲蟹既炸蒜攞去炒米粉，好香好惹味。薑蔥霸皇雞，呢個就平凡左啲，但啲雞唔會過熟，加埋啲蔥油，正~食飯一定要有碟菜既，金銀蛋西洋菜，個湯好濃好味，加上西洋菜係時菜，效果也不錯。