LAB EAT Restaurant & Bar (金巴利道)

营业中

休息中

最近社會狀況算是平靜了一點，疫情又算受控了，終於可以出外用膳 ，今晚選咗一間氣氛好好嘅西餐廳同老公慶祝生日，位於尖沙咀嘅Lab Eat, 咁啱門口有位，仲可以拍車喺度食飯。我哋叫咗一個二人餐，真係好多嘢食，而且食物質素非常之高。先來左麵包同湯，通有兩款選擇，我哋叫咗北海道牛奶粟米湯，真係非常之香滑，仲有清甜嘅粟米味。幾款前菜中，我最鍾意食係呢款芝麻三文魚卷，煎得剛剛好，三文魚非常嫰滑香口。套餐包四隻生蠔，呢度嘅生蠔非常高質，新鮮帶有海水味。主菜係炭燒澳洲M6牛柳同龍蝦海鮮意大利飯。牛柳燒得剛剛好，生熟適中，有牛脂的香味。甜品亦是相當滿意，雖然跟餐，但絕不馬虎，食到我哋舔舔脷。不能不提，就係套餐包一支細裝嘅名貴法國香檳，物超所值。

當日係星期六晚，我地6:45p.m入坐，全場依然有好多空枱，襯d staff空閒我地好快就叫晒野食喇。先黎個龍蝦湯，我地淨係叫左1個諗住share,個staff 就好貼心幫我地分開左兩細碟餐包有支油同醋可以點，自己就覺得馬馬地，包好似放左好耐咁生蠔有兩款，兩款都係法國蠔，其中一款係我好鐘意既belon ，生蠔好新鮮呢兩杯完全係為影相而叫，藥水味蘋果蓉伴鴨肝海膽黑松露意粉，海膽冇臭味呢個澳洲牛好多筋漏單既甜品，心太軟雪糕呢餐令我覺得好食既係生蠔同埋甜品埋單$16xx建議叫返set

首先唔好俾佢個訂座優惠呃到基本上得一頁可以有訂座優惠本身Menu個選擇都唔多每款肉都係得一樣.2人 晚餐菜單：白酒生蠔半打凱撒沙律飯釀燒春雞西班牙黑毛豬蘋果批埋單1700.酒同生蠔正常發揮.凱撒沙律半塊糖心蛋正常凱撒沙律麵包糠應該碎上好多粒依度比較特別得一塊乾晒嘅蒜蓉包難以分享同埋蒜蓉包咁重味同沙律完全唔夾.飯釀燒春雞冇任何配菜就係有啲飯係雞入面雞殼起左所以雞肉本身都唔多亦都釀曬飯隻雞基本上冇任何味道唔知有冇調味最神奇係飯都完全冇雞味飯得d咸味同辣味所以其實冇必要將d飯釀入隻雞到浪費咗個雞殼同d肉之餘啲飯放旁邊做配菜擺盤可能仲冇咁單調個忌廉汁本身幾好 不過太稀 彌補唔到隻雞本身冇味嘅缺陷 撈得飯又冇汁食雞總括而言我覺得外國超市啲燒雞都好食過佢.西班牙黑毛豬兩件 份量ok配菜有紫薯泥兩條油浸蘆筍同埋三粒油浸車厘茄有芥茉漿 海鹽 同埋果泥生熟剛好 芥末 海鹽 正常發揮冇乜特別記憶點果泥OK 不過作為醬料太淡 當配菜又太甜.甜品蘋果批一上覺得有啲驚喜樣子討好佢類似拿破崙蛋糕兩層酥皮上面同酥皮之間係蘋果果凍不過除咗外表完全冇內在美兩層果凍 太過厚實 味道我都唔記得咗啦因為基本成個批都比塊酥皮嘅

今晚佳人有約，去到佐敦都未知食咩，有人想俾驚喜我丫～原來食西餐～仲要係比較貴價的！一埋位就見有紙袋裝口罩，好貼心呢。見到manual有一飲品好特別，好似吹了個大波波一樣，好靚呀！其實我想點，但有人已一早點了二人大餐❤️這裡的生蠔好新鮮，有海水味，每人兩隻，如果有半打就好啦。之後食左個好特別既前菜，「輕煎芝麻吞拿魚卷」，黑白芝麻炒得好香，而且好重吞拿魚味，連埋配菜食幾特別。另一前菜係我好鍾意既生牛肉他他，佢特別在有塊芝士係多士上一齊食，有層次感之餘又能提升牛肉味道，好食！再黎粟米湯真的超有粟米味，啖啖粟米、用料十足，真的甜得過份。另一推介係龍蝦海鮮意大利飯。隻龍蝦有拳頭咁大，而且超嫩超彈牙，點解唔俾夠兩隻呢。。？哈哈最後就係甜品啦，蘋果批跟外面食既不一樣，係一層蘋果啫喱一層酥皮，幾特別丫。今晚好滿足，好開心呀！

遲來的食評～ 我和朋友好久沒吃過牛扒，突然想試試新餐廳，上openrice 搜索排名前幾位的西餐廳，Lab感覺好像很不錯。後來就預定了這家餐廳。按照預定日期準時到達餐廳，尖沙咀這家分店位置其實不難找，環境很舒服，適合情侶之間約會，服務員服務不錯，一坐下來就給了我們Menu，由於太多選擇我們都選擇困難症，不知道選擇哪道菜最好後來最終選擇了二人套餐，很可惜當天餐廳說二人套餐openrice訂位是沒有任何優惠和折扣。叫了一支紅酒，紅酒很不錯，有果香味，生蠔很新鮮，雪芭帶子味道很新穎，木瓜沙拉很開胃，最愛忌廉湯，牛扒很juicy，甜品很好吃。總體感覺很不錯！下次有機會試試旺角那家分店。聽說很有露天茶座，應該會別有一番風味

近來終於可以出動食好西，點了間超多好評的西餐廳慶祝結婚周年。兩星期前已book了這餐廳，點二人餐就包齊前菜、餐湯、主菜、甜品及飲品了。餐廳佈置都幾有情調，燈光微暗，感覺舒服。一開始就開了這支香檳🍾️，加上小爉燭，氣氛不錯。香檳當然要配上海鮮，二人餐有四隻生蠔，隻隻都好飽滿、好新鮮，有個夾可以渣檸檬汁、方便又衛生。一會兒就送上餐包，外脆內軟，配上黑醋吃真的不錯。來了一個特別的前菜，西瓜上有蕃茄及啫喱，加上清酒，少少冰涼，好開胃，好有新鮮感。另外值得一提就係這個海鮮湯。超濃龍蝦味，更有大青口同大蜆，真的是用料十足，分量不少。飲完已飽了一半。全晚最令人回味的是這塊澳洲M6牛柳。有成寸厚，但廚師煎得剛剛好，不會外面太熟而裡面太生。熱度必定控制得非常好，值得讚賞。露荀爽脆，與牛柳一起吃非常有驚喜。

朋友預先訂了這間餐廳為我慶生，他極力推介，朋友一致好評。餐廳位置有點偏僻，雖然在尖沙咀，但尾街嘅角位，有啲難搵。去到餐廳，好似一間酒吧餐廳的格局，餐廳位置比較細，睇餐牌開始點餐，侍應介紹佢哋有做promotion, 有幾頁有做discount. 但係我哋想食嘅都冇做優惠。於是我哋就冇理佢嘅優惠，點了我哋想食嘅嘢，食物還可以，未至於好好食，所以冇乜印象食過啲咩，唯有睇返啲相，最特別就係個龍蝦尾飯，煮法特別，味道濃郁。海鮮拼盤，賣相不錯，但有一兩款食落好似假的，只有賣相沒有鮮味。用餐呀時間只有一個半小時，食物價錢偏貴，但係食用時間只得個半鐘，由於過了個半鐘，侍應不停吹我們交枱，但係我們的甜品還未上，搞到我哋好緊張，說真的這個價錢，而得到這個服務，真的感覺不太好。重點是，外面沒有人等位😡餐廳連基本的水都沒有供應，可以order支裝水，或叫其他飲品，我們選了冰茶比較化算，大約$160，3-4杯份量。Fine dining價錢，平民餐廳的服務，其實香港有好多餐廳，質素比較好，海鮮亦都新鮮，價錢亦都會平啲，但係服務態度都好好，真係試過就算。

Lab eat 已經唔係第一次食，之前係旺角既分店都食過一次，感覺唔錯，今日放工係尖沙咀行街，經過附近就決定再去食多次，餐廳入面唔算太多人，所以唔洗等位就入得去，餐牌食物同旺角分店有啲唔同，咁一場黎到，當然要試下新野，我地前菜叫左海膽多士、龍蝦湯、主菜叫左芝士輪carbonara 、seabass 、最後叫左杯特製cocktail 同mocktail 。食物冇等好耐，由前菜到主菜依次序送到，當中最大驚喜莫過於carbonara 同龍蝦湯，carbonara係用成舊Cheese wheels 攪拌而成，本身賣相已經好吸引，你仲會見到成個製作過程，整體味覺嗅覺視覺都有享受到，唔錯。我本身係鐘意食carbonara 既，自己有時都會係屋企煮黎食，略有心得咁，有時仲覺得出面既都冇我整得咁好食，但今次呢碟carbonara 我心服口服，我知道要做到餐廳咁既水平始終有段距離，意粉入口軟硬適中，本身最討厭煮到意粉‘淋’哂，呢個唔錯，每條意粉都有濃郁既芝士味，同鹹香味，最讓我驚喜嘅就係佢有一股淡淡嘅煙熏味，令到成個carbonara 提升到另一個層次，我自己係十分喜歡，唯一可以被彈嘅係，就係佢真係太多

好耐之前已經睇過呢間餐廳嘅介紹，不過Book 左幾次都因為臨時有事而Cancel，幸好終於約齊朋友一試！餐廳係金巴利街尾，旺中帶靜，門口高掛一個Logo 燈箱，好容易搵！入去點左2杯Soda，分別係柚子同士多啤梨，不過覺得淡口啲，反而之後點嘅Fruit Tea更加好，又因為之後要開工，所以無點到Cocktail。前菜點左海膽多士，好多海膽，非常鮮美，配上脆脆多士，好正，點讚。另外點左蟹肉牛油果沙律同埋一打生蠔，沙律都ok，法國生蠔少見嘅好大隻，肥美鮮味，大家吃得津津有味！主菜係肉眼扒同黑松露意大利飯，兩樣都係我嘅至愛，牛扒肉質好，火喉亦恰到好處！意大利飯好香，不過份量太少，可能係我哋大食卦！最後點左心太軟做甜品，加埋寫字慶祝生日，員工話寫2個人名要點2份甜品，不過最後我哋只要了一份，唔明白點解只可寫一個名，或者餐廳應該送多一份，咁就大家都Happy 啦！

朋友介紹呢間黃店,當然要黎支持下,係門口量完體溫後先有得入座,絕對食得放心!同朋友揀左個二人餐,享受一下呢間高質黃店!先黎呢個麵包熱下身,麵包又香又軟熟,高質!2人餐有支香檳,酸酸甜甜,開胃!頭盤:生蠔海水味重,唔洗落檸檬汁同辣椒仔都好夠味!又夠大隻又夠新鮮!前菜西瓜清酒啫喱及蕃茄,好有新意既一道菜,酸酸地既蕃茄配甜甜地既西瓜,好有特色!輕煎芝麻吞拿魚卷,吞拿魚好有咬口,而且香味十足,配上芝麻令味道更出眾!意式生牛肉他他,同隻蛋撈埋一齊食,超香滑,加上脆脆既麵包,每一舊都好滿足!北海道栗米湯&馬賽海鮮湯同朋友一人一碗可以交換試下,兩者都好出色,栗米湯似係手打,啖啖都好香栗米受同有口感;海鮮湯香味濃郁,仲真係有海鮮果陣鮮味,絕對足料!炭燒澳洲M6牛柳,5成熟既牛柳,口感一流,濃濃既牛味,每一口都將肉汁擠哂出黎,超正!龍蝦海鮮意大利飯,飯粒粒分明,墨魚醬份量岩岩好,唔會太水又唔會太乾,無論賣相定味道,定係100分!甜品係自己揀,就同朋友揀左心太軟配雪糕,朱古力心太軟都係焗得岩岩好,切開外層就有勁多朱古力醬流出黎,配埋雪糕食係一流!

Lab Eat  Restaurant & Bar 在尖沙咀 區, 感覺高尚, 約朋友飲酒食餐最好. 個環境真係幾唔錯, 舒舒服服既感覺,睇下食咩先 , 有前菜、主菜、意粉、飯、甜品和飲料，可以散點亦有套餐供應,  套餐選擇不算多, 所以我們就決定散點.一開波就試下個  Purple rain blaster 及 Pink perfume blaster .店員好殷勤替 我們打氣, 杯上出現了圓形的球, 比燈膽更大. 兩個球体在震動, 女友即時許個願, 情況好 Sweet !那時前菜送到.  煙燻法國鵪鶉脾,  鵪鶉脾好好肉, 煙燻味道濃郁, 入口留住香味,  配菜有車厘茄及橄欖, 食得很開胃, 佐酒一流.店員又送來 自家製麵包, 暖暖的軟麵包,  蘸上意大利黑醋橄欖油, 酸酸地好開胃.再喝一口龍蝦湯,   這湯入口細滑,  富濃郁的龍蝦味, 湯內有彈牙龍蝦肉,  好鮮味, 充滿龍蝦香氣 .黑松露焗法國田螺黑松露香味極為濃郁, 香氣撲鼻, 田螺肉嫩滑, 配搭埋下面的忌廉薯蓉, 口感一流, 大家食得津津樂道.兩款主菜:  海膽黑松露忌廉意粉好好味的一個意粉, 特別用了海膽做主角,  還伴

麵包熱辣辣，外面烘得脆脆😋😋白酒煮藍青口($198)青口尚算肥美，但係個sauce一般，有啲似蔬菜湯(洋蔥，西芹)嘅感覺，但係冇咩白酒未味意大利西西里島蕃茄意粉($158)意粉太軟身，番茄sauce唔算太吸引，味道似茄膏，比較單調，冇乜層次感，唔太推介荷蘭彩色車厘茄水牛芝士沙律($138)Cherry bocconcini 配 cheery tomato，又好睇又好食，車厘茄好甜，加上basil sauce，外面係Parmesan芝士餅，如果再脆d會更好燒西班牙八爪魚配新鮮蒜蓉及烤粟米($278)八爪魚幾鮮味，肉質爽口又唔韌，唔錯，令我諗起去希臘旅行食嘅八爪魚美國肉眼斧頭扒(36oz)配薯條 ($1088)如果唔係超級食肉獸，其實夠5至6個人食，叫左medium，鍾意夠厚身而且都幾𣺉，不過偏肥，以價錢黎講，我覺得幾好食，不過朋友覺得一般好食指數: 6/10餐廳環境舒服，而且服務態度好好，雖然味道唔係100分，勝在價錢平民化

今晚選擇了吃法式西餐, 餐廳位於尖沙咀, LAB EAT Restaurant & Bar, 「實驗」美食, 氣氛熱鬧, 我們好仲意 !餐廳有大型酒吧, 專業 Bar Tender 駐場.餐廳食客多, 燈飾美.打開餐牌, Lab Eat Melt your Heart !   犀利吸引, 討人喜歡. 點餐了, 美食實不少..........侍應送來餐前麵包, 十分鬆軟, 配橄欖油黑醋汁, 簡單好食.打開  Wine list,   Blaster Cocktail  有點特別, 要試 !我們各叫一杯, Pink Perfume-Blaster  &  Purple Rain-Blaster.顏色好美, 正準備舉杯,  侍應哥哥話等等酒保來做個實驗..........酒保帶著氣槍向著杯一噴,  瞬息間,  球體出現.......漸漸擴大, 好勁呀!!   約五分鐘, 球體散了成輕煙, 大家即時感覺夢幻 !!Pink Perfume  粉紅色帶荔枝味,  Purple Rain 係石榴味, 酒味清新, 不會濃烈,  Cheers  !!接著頭盤來了~   法式田螺 French Escar

疫情緩和,好想同朋友見下面食個飯，輕鬆一番!朋友係尖沙咀接收工,訂左Lab Eat Restaurant & Bar食個晚餐傾下計!餐廳環境舒適,氣氛輕鬆浪漫適合情侶,朋友及家人聚餐!我個人最怕諗食乜,於是選左個2人晚餐!☺️頭盤新鮮生蠔Size適中不太大,食落新鮮肥美,濃濃嘅海水味好清甜！前菜3款西瓜拌清酒啫喱及蕃茄：好清新嘅配搭,西瓜好清甜而小蕃茄用特別醬料醃製過入口鮮甜配埋啫喱一齊食有驚喜丫!輕煎芝麻吞拿魚卷：魚煎至半生熟再配搭芝麻食入口甘香鬆脆！芝士生牛肉他他：塗上芝士脆法包一齊食,肉質鮮甜多汁,咬落香脆可口!北海道粟米濃湯香噴噴嘅粟米湯,入口好軟滑,好creamy,味道濃郁!炭烤M6澳洲牛柳賣相非常吸引,3層配搭：頂層大啡菇,中間六成熟M6牛柳,底層香脆炸薯餅,各有不同口感!主角牛味香濃,肉質彈牙多汁,薯餅甘脆香口一齊食口感豐富,超滿足!甜品栗子蛋糕🍰好似一件藝術品咁..好靚好精緻,味道不太甜,相當好味!

之前去過旺角分店印象不錯，今次係尖沙咀見到時咁岩想食西餐就二話不說入左去。尼度個格調同裝飾同旺角店好唔同，係昏暗有情調d情調餐廳要配酒叫左2杯特色cocktails，會有staff黎整個波波~整爆波波個下呃like一流啊2杯都岩女仔飲，偏甜酒味淡雖然餐廳有送麵包，但見到個海膽多士都係忍唔住要叫海膽新鮮而且疊到又高又厚，我單食左d再同包一齊食都唔覺少覺得個包唔落蒜蓉更好，反而唔會互搶味之後叫左個龍蝦湯暖暖胃，味道濃郁之餘飲得出用左好多龍蝦膏一齊熬大大粒龍蝦肉，其實都頗大碗，飲完都小飽了然後我地好期待嘅carbonara!!!!!而家好似已經冇乜地方可以食到尼種即撈芝士嘅carbonara，用火槍燒溶d芝士時已經聞到好香，撈完熱辣辣咁上枱芝士味好夠，帶微微煙薰味，d煙肉香口之餘仲要係粗條，口感十足因為我怕膩所以另一個main揀左海鮮，估唔到個seabass咁厚身都煎得好滑，蜆同青口都大隻，不過鮮味淡左少少加埋蕃茄汁就更有風味最後以甜品畫上完美句號，點左個tiramisu chocolate tart share但同我想像中有出入，朱古力元素好多，中間個粒truffle好滑溜，雖然裡面係ma