LAB EAT Restaurant & Bar (金巴利道)

营业中

休息中

記得拍拖頭一年多，每個月都起碼有一天會突然想個什麼名堂的紀念日，然後花點心思去找間餐廳吃頓精緻的晚餐，想起都覺當時實在愛得痴纏。一如其他情侶，拍拖時間耐左，這類巧立名目的紀念日開始減少，當然愛的程度不比以前少，只是覺得每日簡單平凡的相處也很甜蜜幸福。這天難得下班下得早，便心血來潮間想來一個難得的浪漫的晚餐。男友便提議尖沙嘴的Lab Eats。想不到它居然高質，簡直是我全年食過最喜出望外的Fine Dining。我們點了二人套餐$1288。先來一杯champagne和餐包。生蠔是法國的吉拉多品種，蠔肉肥美，味道鮮甜。西瓜伴清酒啫喱及蕃茄蕃茄冰凍爽甜，作為前菜非常開胃。另一道前菜-芝麻吞拿魚卷味道層次意外地豐富。將中間小杯裏面的熱情果醬倒一點在吞拿魚面，食落吞拿魚魚肉鮮甜頗豐腴，熱情果獨特的酸甜果味又同時提升魚肉甜味，粗鹽又讓中和了甜度，而鋪底的豆苗的草青味令吞拿魚肉變得清新不膩，還有絲絲芝麻香而且脆脆口感，前菜的多重層次，瞬間激活味蕾！再來下一道前菜-生牛肉他他，將生蛋與生牛肉拌勻，牛肉非常鮮甜，鋪上已經鋪了薄芝士在面的脆多士夾著來來吃。個人覺得若在多士塗上牛油，油香能令味道更添風味。前

一早book左枱同朋友去食餐好，去嘅時候發現同之前預約88折不同，即日75折我就覺得好奇怪，點解會突然有呢個優惠？價錢都差好遠！於是入去就問佢能否有75折，佢拒絕左，話按入座時間計算，我哋話即係出去再book就ok?佢話咁你地再book lor!再問另一個高級d嘅都咁講！我朋友建議去食甜品才回頭食，改book 7:00(當時6:30）點知個系統下一刻就book唔到？！仲直接調去8:30😱Excuse me! 有冇攪錯？可以咁岩失靈？🧐😨我其實諗住佢好full 先咁早book!冇諗過去到杳無人跡，大概係因為咁先即日75折？好似同食評的好評有點出入🧐🧐🧐（更新）到7:12發現佢系列又好返啦😏可以book返7:30😏😏😏我奉勸大家可以諗諗佢d服務態度先去唔去幫襯～但下次想試的話，可以當日先book～☺️

本身我地早兩日book左位，當時係八八折，入到場之後，我地發覺可以有七五折，我地於是問佢可唔可以轉，佢話要以book果時個時間計，唔肯轉，我地再問佢可唔可以重新book，佢話口：「咁你地再book囉！」果下本來見到有得book七點，但之後佢地立即delete左七點個booking選擇，，得返八點半，擺明唔想做我地生意，服務態度相當惡劣，於是激到我地拉隊走人！勸喻大家唔好再幫襯！

約朋友食飯最喜歡出尖沙咀，食物款式多又有質素。今次搵咗間西餐同朋友飲吓嘢傾吓計慢慢食。Lab eat 的環境唔錯，座位舒適服務態度亦好好。坐下便送上口罩套，好細心。下單一會餐包便上枱，外脆內軟，搭配橄欖油同埋醋，唔錯！Menu見到佢既cocktail 賣相幾特別，一人一杯試試。佢剛剛上枱時樣子冇個波波㗎，係上枱後店員再把波波用槍打於飲料上，幾好玩㗎。1-5分幾鐘波波便會爆了。我飲石榴味嘅，味道唔錯。接下來是大份量的香煎鵝肝，厚身，香味撲鼻。兩款醬料給你選，正好中和了鵝肝的油膩感。Blue mussels味道唔錯，煮得好入味，份量也很多。熱熔法國留心芝士配香草烤薯及意大利煙火腿，店員會即場片下車輪大的熱熔芝士，面層是焦香芝士，底層是流心芝士，喜歡食芝士的我感覺好正。芝士份量超多，但也不會太膩。薯仔味道很好，加上醃過的配菜，十分開胃。西班牙黑毛豬扒，非常厚身，表皮焦香撲鼻，內里肉質軟腍，肉味濃郁。甜品係金箔芒果栗子卷，芒果卷上面是甜度剛好的栗子蓉，下面是偏酸的雪芭，還配搭了不會太甜的朱古力及鳥結糖，賣相好之餘味道更好。

由於抗疫疲勞，又係食好D時間，去了尖沙咀一間很有驚喜的餐廳。在門口先量體溫， 在枱上已預備好紙製口罩套，窩心又放心。內在環境燈光柔和，氣氛浪漫，牆上的畫和menu的插畫是同一系列，看得出悉心佈置。先來餐前飽上枱還有微熱，外脆內軟， 加少少醋和橄欖油， 醒神開胃。香煎鵝肝煎得外脆內軟， 有無花果和香梨蓉作配搭， 能夠有中和作用。 Purple Rain & Pink Perfume怪不得此餐廳有好玩的感覺，本身酒的顏色已經好靚，調酒師在我們面前玩玩把氣，不出一陣產生了化學作用，浮起一個大泡泡，超得意呀。雜菜加芝士如果是芝士控就有福了， 店員在我們面前把厚厚的芝士刨在雜菜上面。 雜菜本身也非常豐富，有炸薯角，蘆筍，酸雜菜等，芝士豐富了整碟菜的層次。 白酒煮青口份量十足，青口汁也很鮮甜。西班牙黑毛豬黑毛豬厚厚的， 食材新鮮， 烹調得剛剛好，也有香梨蓉和紫薯伴碟，加上芥末醬， 中和番啖啖肉的感覺。金箔芒果栗子卷隻碟上枱時也是冰冰的， 能夠保持甜品的溫度。 芒果蛋糕外面脆脆，內面creamy，上面放了栗子蓉， 有朱古力和鳥結糖伴碟， 配搭得天衣無縫。

上星期為朋友慶生，特意訂了這一間之前來過感覺非常良好的餐廳環境舒適，食物質素高特意點了一杯創意cocktail pink perfume, vodka味不太濃郁，適合女士，而且內裏的氣體帶有青檸香氣，氣泡穿破後青檸的香氣融入酒精之中，非常新鮮法國鴨肝配紅酒蘋果蓉，先說鴨肝油香濃郁，切一小口放入口腔之中，油香味道依然填滿整個口腔，配搭清新的蘋果蓉，充滿化學作用，十級推薦西班牙紅蝦意粉，同樣是一道驚喜十足的pasta, 本以為意粉醬底只是普通的番茄醬，結果蝦味異常濃郁，相信是混合料蝦膏作醬底，令到每一條意粉都充滿着鮮蝦香味，另外蝦肉部份爽口彈牙，同樣是高質素的紅蝦甜品點了蘋果批，有別於坊間的普通蘋果批，他們是將蘋果蓉放於底面，中間才是餅底，蘋果蓉淡淡清香不會過甜，開胃滿足

周年紀念，另一半想吃豐盛西餐，想起了這一間位於尖沙咀的高質素西餐廳，幸好閒日訂枱還有位置，結果當天晚上餐廳十成滿，看來訂座是正確抉擇餐廳菜式選擇不多不少，但是每一種都屬於不同類別先來他們的打卡cocktail, 點了這一杯purple rain, 煙霧帶有檸檬香氣，把泡沫穿破的時候方向會帶到酒精之中，味道不太強烈酒精味道，果味較重，適合女孩子頭盤點了兩款生蠔，產地同樣來自法國，可是帶來不同口感，一款軟滑一款結實，結實的那一款礦物味更重，配白酒一流澳洲BB羊扒，高度推薦！羊肉重羊味不大羶味，點了五成熟剛好，肉質鮮嫩多汁，配搭他們的薄荷醬，非常有質素的主菜！

留家抗疫都有一段日子，在家煮飯都不知道煮什麼好，到最後都是出一出搵個西餐食個飯。去尖沙咀搵個不算太多人既地方又多食店撰擇，到最後選了LAB EAT 這個高格調的餐廳。黎呢個麵包熱下身，麵包又香又軟熟，不錯。【Pink Perfume - Blaster (蕃石榴味) mocktail 】這杯飲品帶給我們一點驚喜！mocktail 非常有新意，賣相真心不錯，店員用了一個似火槍的工具將一股熱氣 衝擊出一個奶白色煙霧球狀在飲品上面， 非常有視覺效果！入口有蕃石榴清香的味道，非常甜美！不錯不錯【法國生蠔】4隻蠔非常新鮮，帶點海水味，可加少少檸檬添加鮮味。【炭燒法國羊扒配香草烤薯仔】$348羊鞍肉質非常嫩滑，食落帶點炭香味，又不會有好勁的騷味，再點埋薄荷醬簡直一流。【蘋果批】到最後甜品，蘋果批跟其他店食既不一樣，係一層蘋果啫喱加一層酥皮，又不錯。

今晚決定跟老公好好拍拖浪漫，一於決定book間西餐廳享受一下。先叫咗杯cocktail - Purple Rain-Blaster餐廳新加入的分子料理cocktail ,用槍打入煙薰氣泡在酒杯上，等煙薰味慢慢慘入酒中，等大約2-3分鐘氣泡就會破掉，整個過程非常吸睛，cocktail 荔枝香氣十足，香甜美味，非常適合女士們。自家製麵包條麵包外脆內軟，沾少少黑醋已經好好味。Sea Urchin Toast海膽creamy 軟滑，加上少少法國蔥仔調味，味道多了一份層次感，而多士烤到外層脆卜卜，一脆一嫩，非常之夾。Carabinero Prawn Spaghetti 西班牙紅蝦色擇通紅而且大大隻，肉質鮮甜彈牙，意大利粉用上比較粗身的，可以充份掛上蕃茄醬汁，酸甜度恰到好處。

慶祝生日，由於仲有2人限聚令，所以餐廳都唔多多人，環境燈光偏暗，挺有情調，而且每張枱都有一定距離，所以好適合情侶談心我點左個set dinner,最可惜係生蠔售罄，轉左帶子併三文魚子杯比我，好在都好新鮮前菜-西瓜蕃茄青酒啫喱，酸酸甜甜的，好開胃。海鮮湯味道好濃郁，有一隻青口&蛤,好足料。意色生牛肉他他+生蛋，意想不到既好味，同麵包好夾炭燒澳洲M6牛柳，5成熟既牛柳，牛味好濃，好正龍蝦海鮮意大利飯，味道都唔錯。總括是值得推薦的西餐，可以再去

睇到標題，咁我直接點評食物: 生蠔 - 我諗大家睇相都睇到呢幾隻蠔有啲單薄，可能未啱時候食，冇咩鮮味，不過應該係新鮮嘅，佢啲蠔肉都好白淨。利申:好怕腥，都唔係生蠔愛好者海膽意粉 - 呢個正!!大家一定要試吓!個海膽汁好濃郁，又creamy又rich! 味道好夾!牛扒 - 我已經唔係好記得呢一塊係咪和牛，但係好食嘅！上面啲燒烤紋都做得好靚，有牛味，而且啲肉好軟。甜品 - 如果飽飽，可以唔食 因為冇咩特別...總結: 支持下係應該嘅，希望會有更出色嘅食物。

訂位時沒發現這家餐廳和旺角那一間是同一名稱，旺角的分店水準非常不穩定，最近已經很少去光顧。想不到尖沙咀的主店餐點水準非常高，環境也舒服浪漫，特意登入寫文推薦一下。基本上會選西餐都是為了吃生蠔。這天餐廳只有一款法國品種的生蠔，按照侍應解說應該是Fine de Claire 芬迪奇（抱歉聽不清楚如果有錯請指正），屬於比較爽口海水味重的一款，但也不會太濃烈味道，初食者也容易入口，size也屬於中至大的，肉質飽滿，加一點點檸檬汁就夠了，千萬不要加雞尾醬會蓋掉本身海水味。海膽多士必點，海膽超滿的一口其實吃不完，口感肥厚鹹香不會腥，非常新鮮配上脆脆的法包非常開胃。黑松露蘑菇湯的松露味道不明顯，蘑菇味道比較出，也可以吃到滿滿的蘑菇肉（我一度以為裡面有海鮮肉去煮）的鮮美。但相比之下，龍蝦湯更出色，鮮甜的味道感覺就像真的用龍蝦本人煮的（我有喝過某些龍蝦湯感覺很厚的，喝個兩三口就受不了），濃郁味道夠，同時口感清爽不會口渴，而且龍蝦肉配料也不少，非常爽口感覺新鮮。大大隻龍蝦意大利飯 － 應該看照片就知道多大一隻龍蝦吧，呵呵。擺盤是把龍蝦肉整份起出來放在蝦殼上拿去焗烤的，表面少少焦但內裡還是彈牙，賣相超級漂亮

適逢老公放假接我放工，一於過吓二人世界，之前好友介紹過尼間西餐廳，就去試吓，餐廳氣氛浪漫，裝修有格調，打開餐牌很多選擇，最後都係揀了$1288的套餐，有一支小香檳，頭盤，三款前菜，二個分別不同的湯，二款主菜和自選甜品mini Moët champagne, 入口香滑，果然係最正的香檳頭盤6只生蠔，即叫即開，入口味重，肥美又厚肉，先將味蕾打開前菜先來個西瓜伴清酒啫喱及蕃茄，夏天吃西瓜就最適合不過，呢排天氣咁熱，用西瓜做前菜就最消暑解渴生牛肉他他，牛肉香滑可口，連不喜歡吃生嘢的老公也讚不絕口，放在乾麵包上，吃落更有層次感芝麻吞拿魚卷，入口肉質柔軟，淡淡的吞拿魚味加上芝麻微香，美味可口老公喝是馬賽海鮮湯，而我喝了北海道粟米濃湯，一入口一股濃郁的粟米味已充滿口腔，喜歡吃粟米的我， 十分喜愛這個湯主菜是炭燒澳洲M6牛柳，牛柳雖然厚身，但廚師拿捏的時間燒得剛剛好，切落肉質很軟，入口很嫩滑鬏軟，非常味美，連配菜的蘆筍也很好吃第二度主菜是龍蝦海鮮意大利飯，份量不算太大，兩人食剛剛好，龍蝦爽口彈牙，蜆同青口也很鮮味，意大利飯用的是正宗意大利米，粒粒飽滿甜品是自選的，選了金箔芒果栗子卷，芒果卷質地軟熟，底

生日梗係要食餐好嘅，已經好一排冇出街食飯，難得呢排外面情況好啲啲，梗係要搵一間餐廳好好慶祝一下。家人一向鍾意食西餐，今次一於去尖沙咀Lab Eat，呢間無論食物同環境都係非常高質素。生蠔非常新鮮，完全唔需要加檸檬汁及任何醬料。配上法國香檳，配搭一流。馬賽海鮮湯內的海鮮非常豐富，濃湯鮮味非常。配埋高質素麵包，一流。幾款前菜都好啱心水，特別係個西瓜小吃，清新開胃，爲之後嘅主菜打開了胃口。燒吞拿魚亦非常出色，中間半熟嘅吞拿魚肉鮮味嫩口。另一款前菜係生牛肉他他，太太唔太喜歡全生牛肉，益咗我一個人食曬！主菜嘅海鮮意大利飯非常有特色，原來係墨魚汁飯，雖然會食到個咀黑晒，但係滋味非常。個澳洲和牛肉質鮮嫩，燒得剛剛好，五成熟，正合我心意。個甜品拼盆絕不馬虎，我哋揀咗呢款蛋糕帶有柚子味，酸酸甜甜好開胃，仲有幾件馬卡龍，阿囝至愛，一件不留。

同好姊妹傾開計，大家決定限聚令前豪飲豪食一餐，於是揀了這一間食物水準高，又有格調的餐廳店員先拎出一支mini Moët champagne, 一支兩杯，份量剛好，用來點綴食物，令食物更上一層樓新鮮生蠔，蠔有光澤感，一看便知新鮮，入口蠔味重，加上一點海水味，餘韻留口腔久久不散，蠔大隻又肥美，配上香檳更出色西瓜伴清酒啫喱及蕃茄，清新之作，西瓜甜而清，配上微酸的小蕃茄和特色的清酒啫喱，用來做前菜最適合不過，消暑怡人生牛肉他他，將他他牛和雞蛋撈勻，入去口更香滑，雖然是生牛肉，但一點腥味也沒有，將牛肉放在小麵包加上薄片芝士，好吃到停不了口芝麻吞拿魚卷，吞拿魚切成薄片，四邊沾上芝麻，入口先是吞拿魚的香味，繼而是芝麻味，肉質柔軟吃完頭盤，就來一個馬賽海鮮湯，賣相吸引，青口大蜆再配合濃郁的湯，令海鮮湯更鮮甜味美主菜來了，炭燒澳洲M6牛柳，外層燒到微焦，切開肉質軟熟，一看帶微紅的肉已經感受到那種鮮嫩感，入口柔軟，做得出色龍蝦海鮮意大利飯，這個飯像太極炒飯，因為用上兩種不同的煮法，一邊是墨汁飯，一邊是高湯，較喜歡墨汁飯，比較出色，龍蝦食落爽口彈牙，其他海鮮也很鮮味最後黎個甜品金箔芒果栗子卷，軟綿綿的芒果卷