鼎家喜筷 (已結業)

海之戀食中式野唔難搵。今日就同呀媽食鼎先😆😆先比呢個餐吸引。成隻鵝髀，當然試試上枱後。靚靚店員介紹下最好燒時分開點。因為會易燶。但一路燒就聞到好香鵝香味。煙燻味，先咬一口。鵝肉彈牙，油份充足。好香，媽咪吃了一口就笑笑口想食。當然無問題啦😊麻辣手撕雞撈丁，一上碟就好香麻辣。麵剛剛好。麻辣味夠。小辣。易上口，雞絲滑，正烏龍芝士奶蓋，烏龍茶味香。不算太濃。再配上芝士。嘩😍😍好飲丁到不得了沙律。中式餐下配上沙律。清新😍😍點了溫泉蛋四寶。樣樣整。叉燒、燒肉，鵝加溫泉蛋。比較特別。但撈埋飯食蛋汁已經滑。再配上飯。感覺好似細佬時感覺。燒肉皮翠。半肥瘦叉簡直一流。心太軟。係，估唔到有。朱古力流心出晒嚟。吃晒飯後再吃呢個甜品。完美的。滿足的。😍😊😊

｛主食｝ 男人終極浪漫”原條燒腩”飯 $99原條燒腩微暖仲好脆口，口感一流，肉嫩汁香，大滿足｛主食｝ 招牌溫泉蛋四寶飯 $128四寶飯有叉燒、燒鵝、燒肉，仲有溫泉蛋，燒肉比燒腩肥少少，但皮仍然香脆；而燒鵝胸都幾嫩；叉燒半肥瘦帶蜜汁香甜味｛飲品｝ 芒果沙冰 +$28 & 田園芳香 +$28芒果沙冰好爽快，沙冰之間有芒果果肉田園芳香是茶底加上芝士奶蓋，個奶蓋好滑好香濃芝士味｛小食｝ 火焰原隻燒鵝髀 $198大大隻燒鵝髀揸住係爐上面燒，微微迫出鵝油，令成隻髀都非常香，果種獨特的鵝油香真係好難忘😋｛甜品｝ 流心朱古力心太軟 配 北海道5.0牛奶雪糕 $58最後當然唔少得甜品，心太軟朱古力味極濃，餅底微脆，上枱極之熱，牛奶雪糕加上心太軟筍直係冰火的口腔衝擊燒味嚟講都係幾出色，將燒味文化提升到高級水平，不錯

經常留連荃灣的我，今次在海之戀找到一間頗特別的港式地道新派燒味餐廳，名叫鼎家喜筷，再仔細看清楚餐牌，原來是著名廚藝專家鼎爺李家鼎所開的餐廳。我們每人叫一個招牌推介，我自己就叫了一個涼拌火山燻蹄海蜇撈丁，我自己就很喜歡吃燻蹄海蜇，這個撈丁的丁麵好爽口，口感非常之好，很乾身，加上少少辣椒油一齊撈勻吃，真是好夾很美味！我朋友就叫了一個人氣叉燒滑蛋飯，雞蛋煮得洽到好處，又滑又軟，沒有過火；叉燒是非常出色的半肥瘦叉燒，所以叫做招牌推介果然名不虛傳！另外，在餐牌看到一個很吸引的火焰之選，我心癢癢，於是叫多一個火焰原隻燒鵝髀。侍應姐姐在我們面前，將一大隻燒鵝髀放上一個細火爐上燒大約兩分鐘，之後再斬開幾份，燒鵝髀皮脆肉嫩，食時配以芥末醬或黃梅醬，份外美味！吃完正餐，我們以一個流心朱古力心太軟作結，心太軟新鮮做好，有美麗的流心效果，又不會太甜，與雪糕一冷一熱交錯，感覺非常舒服！我們這次還有各自有一杯特飲，分別是鐵觀音奶蓋茶和田園水果茶，兩樣也不錯，芝士與鐵觀音很夾；水果茶材料豐富，很大杯，CP很高。總結今次的尋食之行，完全令人有意想不到的味道，大家不妨可以去食下！

荃灣海之戀3樓有一間「鼎家喜筷」，餐廳設計很有格調，而且還有很多打卡位， 燈火通明， 環境寬闊 ，是一間很有品味的燒味店。來到梗係要叫燒味啦~超有氣派的「原條燒腩飯」，又厚又肉地夠實，口感嫩腍，入口油脂分明，豬皮燒到脆卜卜，而且以原條上可用刀叉切開，十分優雅。「原條靚叉飯」 叉燒質地鬆化， 有燒烤風味及蜜糖甜香，啖啖肉，送飯吃一流。「火焰原隻燒鵝髀」使用橙酒， 全部由店內即燒，還即在用小火爐燒著烤熱。 這是他們的招牌柑橘燒鵝，用了鮮橙、檸檬及青檸等鮮果嚟來醃製，入口果香味十足，外皮香脆，每口都有鵝油香，鵝肉結實有肉香， 超滋味。「 鐵觀音芝士奶蓋」 鐵觀音茶清香微甘甜很清純， 芝士奶蓋鹹香非常邪惡， 感覺像天使與魔鬼兩者混合一起。「 凍薄荷青蘋果蘆薈茶」新爽涼快，味道微甜，加上粒粒蘆薈增添口感。「 抹茶芝士蛋糕」芝士香滑，有新香的抹茶甘香，用這甜品作結，非常完滿。

原來鼎爺係荃灣開左間鼎家喜筷，専門食燒味!未食過佢開既私房菜，試下佢既燒味都好!!坐位都約有50個，地方都算大!第一眼吸引我既係火焰原隻燒鵝髀，呢個當然必食喇!!!另外就點了溫泉蛋四寶飯同涼拌麻辣蒜香手撕貴妃雞撈丁~~每款套餐都跟一碗沙律菜，沙律菜夠新鮮! 溫泉蛋四寶飯: 有叉燒， 燒肉，燒鵝配溫泉蛋；點了瘦叉（本人鐘意) , 有燶邊，夠香口；燒肉皮脆卜卜，唔係太鹹；燒鵝夠滑又入味，一次過試晒佢d 燒味，底食涼拌麻辣蒜香手撕貴妃雞撈丁: 麻辣香口，又夠辣，麵底彈牙唔太諗，雞肉嫩口又滑，整個配搭無得輸火焰原隻燒鵝髀：真係整隻髀上枱，仲跟一個爐仔比客人自己燒脆外皮，有得食又有得玩自己拎黎燒芝士奶蓋烏龍茶: 茶底夠清香夠滑，好濃郁既芝士味道而且夠厚身，能同出面台灣珍珠奶茶店媲美，佢絕對唔差芒果沙冰：有好多果肉，天氣咁熱，直得一試👍🏻心太軟：熱辣辣朱古力，甜度適中，再配軟雪糕，好味道

今次嚟到呢間主打食燒味嘅餐廳😚我一向都鍾意食燒味飯😍呢間又唔係行傳統燒味舖嘅路線，菜式會加入少少新元素，而且仲有西式甜品叫，質素仲要唔差添🥰🥰整體都幾滿意！.我叫咗原隻柑橘燒鵝髀飯，朋友叫咗溫泉蛋四寶飯。其實價錢上都幾進取，我個飯178蚊，朋友個飯係128蚊。朋友四寶飯嘅燒味份量都幾多，而我隻燒鵝髀都幾正😌另外我哋仲叫咗橙酒火焰原隻燒鵝髀😍😍呢個係我今餐至愛😍😍其實唔使燒好耐，燒到個皮脆返就得😚呢隻火焰燒鵝髀食落個皮真係好香脆，點埋醬食就更正！話說燒鵝髀嘅醬唔係平時見到嘅酸梅醬，而係柚子醬，都幾新穎。燒鵝髀係原隻咁上，有需要都可以好似我哋咁，影完相之後叫佢哋幫我哋切開🤪.另外呢到竟然有窩夫叫！而且食落係好味嘅窩夫🧇可惜佢個底整得有啲燶🥲如果唔燶嘅話，係有質素嘅窩夫呢！雪糕可以多啲就更好啦🤣.整體都幾高質，不過價錢就真係中上水平。

海之戀呢個比較新既商場開左好多餐廳, 其中一間就係鼎家喜筷。鼎爺廚藝就無庸置疑, 之前無機會試到佢既私房菜, 難得呢個餐廳走中價路線, 可以就去試一下.餐廳比一般茶餐廳闊落, 埋邊D梳化位好舒服, 又望住個海。餐廳裝修以Q版既鼎爺配以漫畫風, 簡單得黎又好攪笑.招牌推介既原隻柑橘燒鵝髀飯要178蚊, 我心諗燒味飯點解咁貴, 即管俾次機會佢。 原隻燒髀真係好大隻, 差不多等於出面一碟例牌咁多。 原隻揸住黎食既感覺真係好爽, 首先燒鵝皮真係好脆，食燒鵝最怕D皮軟稔稔，但呢度唔洗入深井就食到咁好味既燒鵝。呢度個醬唔係出面咁用酸梅醬, 而係佢地自己調左個柑橘醬, 味道好清新, 同燒鵝好夾.溫泉蛋四寶飯可以一次過試埋叉燒同燒肉。叉燒肥瘦適中, 有淡淡既玫瑰露味, 入口即溶, 好好味。燒腩仔層次分明,一格肥一格瘦, 個皮好脆, 咬落去卜卜聲。雖然套餐要128蚊, 但正所謂一分錢一分貨，想食好D既價錢自然高D點心拼盤有鮮蝦菜苗餃, 鵪鶉蛋燒賣, 大眼金魚餃。粒粒都用料好足, 金魚餃賣得好得意, 菜苗餃好彈牙, 鵪鶉蛋燒賣好懷舊.飲品方面除左茶啡之外, D特飲都好得。我地叫左杯玫瑰泡沬奶茶, 好有玫瑰

去海之戀商場購物後看到這間新開燒味店茶餐廳-鼎家喜筷，是鼎爺，李家鼎先生開設的餐廳，電影上見他刀法如神，相信他開的餐廳應該也不會差。餐牌選擇非常多，主打燒味，另外有小食，甜品，台式飲品都有，相信對象是年輕人。火焰原隻燒鵝髀原個火爐上的，要眼明快手去燒，轉眼已經聞到燒鵝香味。皮脆，肉汁豐盛，鵝香撲鼻，但比較肥，吃得多會覺得油膩，幸好有鮮橙製成的醬汁中和一下。原條靚叉飯叉燒肉質好淋，非常軟熟，雖然偏瘦卻不會粗榎，如果燒得有少少燶邊更香。麻辣蒜香涼拌手撕貴妃雞撈丁撈丁微辣，口感彈牙，加上手撕貴妃雞，青瓜絲籮蔔絲梨絲，帶點清甜，中和了麻辣的味道。套餐有沙律和飲品 特飲加$28可以試到不少的台式飲品。我點了水果茶，用火去保持溫度，茶味夠濃，水果味也不錯。 另外有最近熱門的芝士奶蓋，有3款茶底，但當我問店員甚麼是田園芳香，他竟然回覆是田園芳香味道，令人無言。最後我點了這款田園芳香，我個人覺得是偏淡的茶，有點像綠茶，感覺清新。店員的服務態度有待改善，不會為你推介食物，又不會提點你，你問問題也是沒有用心回應，除了當中一位年紀較大的男士面帶笑容外，其他人都是黑口黑面的。

鼎爺廚藝高超係人都知，今晚就約左朋友黎試試呢度主打既燒味😇兩個人叫咗溫泉蛋四寶飯，燻蹄海蜇撈丁，火焰原隻燒鵝髀，鮮檸檬薏米水，鐵觀音芝士奶蓋同埋朱古力心太軟配雪糕🙊溫泉蛋四寶飯岩晒三心兩意既人😁 有齊腩肉，叉燒，燒鵝同溫泉蛋，份量有返咗上下👏腩肉好有層次，皮超級脆，配埋芥末食好夾好開胃👍👍叉燒燒得幾靚，而且唔會太甜太膩，不過略嫌肉質乾左少少～溫泉蛋非常流心，送飯一流😋無諗過係呢間主打燒味嘅舖頭都食到咁出色既川味菜😮燻蹄海蜇撈丁既麻香味同辣味調較得perfect！👍撈丁麵質剛剛好唔會太淋，佢既海蜇同平時食開嘅口感幾唔同，呢度係比較膠質豐富似jelly口感，幾特別👍👍跟住輪到呢度主打既火焰原隻燒鵝髀出場！登登登登🎉🎉🎉🎉店員講解話只需要燒返香同脆塊皮就可以，所以大約燒左半分鐘，但一路燒果陣已經聞到好香同見到啲油脂流晒出黎，勁吸引！😍 塊皮超級香脆鬆化，肉質十級嫰滑兼滲透住淡淡果香，超好食！！🤤🤤🤤配埋鼎爺自家製手工柑橘醬酸酸甜甜超正！😋 (因為太好食所以問店員拎多左碟黎撈飯🤣)鮮檸檬薏米水好大壺😯 有另外上既黑糖可以自己按喜好調味👍鐵觀音芝士奶蓋茶底好香，奶蓋夠厚而且順滑～朱古力心太軟配雪

鼎爺又開新餐廳，今次行貼地同年輕路線，潮煮燒味創番新味道。第一次黎，必須食d招牌野先，先黎原隻柑橘燒鵝髀飯。上碟勁靚，Feel到啖啖肉嘅滿足感。手殘嘅我係切嘅時候有d困難，如果不顧儀態成隻撕住食應該幾正，哈哈。切個陣流出左唔少清澈油脂出黎，但鵝髀食落又唔會油咖喎，我諗就係果個火喉控制做成呢個效果。同平時燒鵝髀好唔同，唔係個種炭火味，燶燶地感覺。而變左係嫩身，專注係番淡淡柑橘味嘅鵝肉到。火焰黑豚腩叉燒（使用玫瑰露）呢個係相當有驚喜嘅，叉燒非常好食同離譜，排住一層肉一層油脂，重疊幾次後再即場火焰燒，所有美味油脂都索曬落叉燒肉入面，呢個真係大滿足！涼伴麻辣蒜香手撕貴妃雞撈丁朋友愛新，覺得呢個幾開胃，仲解左上面肉嘅油膩感，佢特別鐘意陣花椒味。脆香蜜糖吐司配5.0牛奶雪糕呢個又係驚喜之選，首先無諗過咁大份，更無諗到蜜糖做到咁入曬成個厚多士，真係每一啖都滿滿邪惡蜜香味。立馬後悔之前食左d飯用左d quota！！野飲方面熱鮮檸檬蒠米水誠意之作，勁足料仲一路熱住，分量都夠飲成餐飯。鐵觀音芝士奶蓋朋友無表示不滿，所以應該好ok 嘅！

如果你同大部分人一樣。未必捨得食鼎爺的私房菜，而家位於荃灣海之戀嘅鼎家喜筷就可以一戰。 可以食到鼎家出品，而且係年輕嘅輔線，啱晒一班相對唔會食私房菜$1000位起錶嘅年輕人，同我三年前食嘅私房菜相比，呢度輕鬆casual得多。 剛巧去荃灣行街，聽過朋友I小姐介紹呢度嘅火焰原隻燒鵝髀，非常有興趣，晚餐又唔使點樣排隊，仲使考慮？ 最喜歡係呢度嘅裝修理同平時嘅中餐廳唔同，好多漫畫化嘅裝修同裝飾，食燒味飯仲要有沙律餸，都幾得人鍾意。 本身諗住食呢個火焰燒鵝髀，但其他餐牌都好吸引，最終放棄。 先點了燒味夾饃雙拼，一個係叉燒做主角，一個係燒鵝做主角，吃到嘅係大漠嘅風情 ，估唔到咁有風味。 沒有叫火焰燒鵝，反而食嘅係原隻柑橘燒鵝髀飯，全因嘅就係佢嘅柑橘醬，雖然冇火焰咁搶鏡 ，但係味道絕對一流取勝，市面亦都少見，燒鵝皮充滿着金橘嘅香味。 加點左涼拌麻辣蒜香手撕貴妃雞撈丁做主食，呢個絕對係夏天首選，辣辣地，又有麻辣香，最重要個撈丁，同貴妃雞一樣搶鏡，大家鬥彈牙。 呢度嘅飲品都唔錯，叫了芝士鐵觀音，加上一杯花茶，你完全冇諗過做燒味為主嘅茶餐廳，可以有呢啲

疫情之前好想試鼎爺嘅私房菜，但一路都book吾到😏知道鼎爺開左間餐廳喺荃灣，今晚就即刻去試下～睇openrice 食評嘅相，心目中已經諗定食咩喇😅先點個爆脆金沙魚皮，名符其實，真係爆脆，再加上香濃嘅咸蛋黃，滋味無窮😍必試嘅就緊係火焰燒鵝脾啦～未食先打咭🤩曬下俾啲friend 睇下隻燒鵝脾😝賣相真係好正👍顏色均勻，經炭爐燒一燒，外皮相當香脆啖啖油香，肉質嫩滑，肉汁香濃，再蘸上秘制嘅柑橘醬，特別滋味😋😋😋男人終極浪漫：原條燒腩飯，用刀义食燒肉，都係第一次😛燒肉皮烤得脆脆，外皮脆卜卜。燒腩肥瘦均勻，層層相間。肉質腍但唔鬆散，有豬肉香卻沒有豬臊味， 味道醃得剛好，唔會太鹹搶走肉味。燒肉飯係餐，所以有沙律菜。加$28就有特飲，芒果沙冰，真係好吸引，又係我打咭嘅佳選😅烏龍芝士奶蓋，一層芝士忌廉奶泡，浮游在杯頂上，茶奶分離，喝一大口，綿滑芝士泡泡內，摻雜着濃茶的甘香，食左燒味，飲返啖，無得輸🤩鮮果窩夫，窩夫新鮮焗製，即叫即整，加埋軟雪糕同鮮果，味美👍Happy Ending😋牆上佈置，得意有趣，我緊係吾會錯過同佢合照啦～

同朋友仔行開荃灣DONKI 經過見到間幾有特色嘅燒味茶餐廳見到個logo都已經認得係鼎爺門口仲有大大個窗掛滿燒味入面餐廳嘅設計有好多Q版鼎爺餐牌特別推介燒味飯當然要試吓鼎爺做招牌會唔會真係特別唔同呢？「男人終極浪漫‘’原條燒腩‘’飯」$99我覺得食燒味飯一定要食燒腩仔依度嘅燒肉原條上，打卡一流真夠盞鬼😂我問店員應該點樣食佢笑說影完相就可以攞返去幫你切件外表就幾吸引啦味道都真係唔錯喎肉質軟嫩，調味唔會過鹹外皮微脆，最緊要裏面脂肪足夠旁邊配嘅芥茉醬有特別調配味道有啲似蜜糖芥茉同燒肉都幾夾「火焰柑橘燒鵝髀」$198燒鵝唔係得個名，呢度真係俾埋個火爐你燒用火爐快速加熱燒鵝髀出晒煙滴晒汁，燒緊都已經好想食影好相之後店員就可以幫你切開當然如果自己食最好就梗係成隻揸起咬啦🤣呢度嘅燒鵝標榜無添加味精用鮮橙、檸檬等醃製食落肉質又真係軟滑好多而且食完唔會覺得口渴加上呢一隻髀真係幾夠大隻食落啖啖肉👍🏻旁邊配左鮮橙做嘅手工柑橘醬入口有天然嘅甜味簡直就係想將全個醬撈落個飯度食「招牌溫泉蛋四寶飯」 $128呢度燒味選擇咁多又想樣樣都試到叫返個四寶飯咩都有啲呢度入邊有包括燒肉、叉燒同燒鵝同一般出邊食到嘅四寶飯有啲唔

閒日去吃晚飯，慕名去了新開不久的新派高級燒味餐廳，試試他們的 “鼎級” 燒味。餐廳位於荃灣西鐵站上蓋的海之戀商場，非常方便、就腳。餐廳裝修新潮，尤其是天花上的有趣燈飾，鼎爺個 icon好趣致，好得意。說它是 “新派”，絕對沒有說錯，看這杯中式 fusion 的 【烏龍芝士奶蓋】，就可見一斑。這杯fusion tea，芝之混和烏龍一起飲，是好香滑的，甜甜地又可以帶出烏龍茶的茶香味，好好飲，值得一試。【熱田園水果茶】也很不錯，裡面有熱情果、士多啤梨、藍苺等鮮果，甜度可按個人喜好加黑糖調節，飲落清新、舒服。【鼎家點心拼盤】精緻的點心賣相可愛，大大粒的金魚餃、鵪鶉蛋燒賣、鮮蝦菜苗餃，材料新鮮、豐富，熱辣辣食，真係好享受。主菜係無得輸的【原隻柑橘燒鵝脾飯】、【原條金牌靚叉飯】。燒鵝脾外皮脆，啖啖肉，滲出特別的柑橘果香味，好食到不得了。原條叉燒一睇就知係頂級，用刀叉來品嚐才不會辜負佢，入口又軟又腍，味道一流。甜品係【鮮果窩夫配5.0牛奶雪糕】，格條餅窩夫好香脆，啲格仔放咗藍苺，再加上牛奶雪糕，一冷一熱的口感，真係無得鼎!

一直都想食餐廳既燒鵝髀，夾咗好耐終於同朋友嚟食！餐廳偌大舒適，我地個位仲望到海景，好寫意！首先當然要講火焰原隻燒鵝髀😋 鵝髀食落完全冇羶味，加上係喺店入面燒，非常新鮮！叫「火焰」係因為上碟既時候會比我地烤一烤，等我地因應自己既喜好嚟決定燒鵝皮烤到幾脆。烤完之後會幫我地切返一件件，好貼心！鵝髀燒完當然即刻趁熱食，咬落油香四濺，皮脆肉嫩之餘肉汁亦豐腴🤤 醮埋柑橘醬嚟食的話又多一分酸甜，少一分油膩感，食落好滿足！另外同朋友一人點咗一個套餐，每個套餐都跟新鮮沙律同飲品。招牌溫泉蛋四寶飯既燒腩仔都好正，外皮脆卜卜，肉質鬆化，而且肥瘦適中，層層相間，同柑橘醬好夾。叉燒偏瘦，朋友好鍾意食。第一次食四寶飯係配溫泉蛋，估唔到食落冇咩違和感👍🏻朋友本身食開小辣，初時見到海哲燻蹄撈丁上面既辣椒都有少少擔心太辣，好彩食落接受到。嗰麵有麻香味，加埋海哲同燻蹄，好開胃。麵上面仲有隻溫泉蛋，蛋黃漿撈埋落啲麵度更美味！蜜糖多士賣相一流，大大個成個磚咁。成個多士金黃色，再有朱古力醬同小小士多啤梨。多士磚烤到嗰皮好脆，入面十分鬆軟，一切開超多蜜糖，多士跟嘅雪糕係5.0牛奶雪糕，所以牛奶味超濃。單食同夾多士食都好好味。奶蓋