鼎家喜筷 (已結業)

海之戀呢個比較新既商場開左好多餐廳, 其中一間就係鼎家喜筷。鼎爺廚藝就無庸置疑, 之前無機會試到佢既私房菜, 難得呢個餐廳走中價路線, 可以就去試一下.餐廳比一般茶餐廳闊落, 埋邊D梳化位好舒服, 又望住個海。餐廳裝修以Q版既鼎爺配以漫畫風, 簡單得黎又好攪笑.招牌推介既原隻柑橘燒鵝髀飯要178蚊, 我心諗燒味飯點解咁貴, 即管俾次機會佢。 原隻燒髀真係好大隻, 差不多等於出面一碟例牌咁多。 原隻揸住黎食既感覺真係好爽, 首先燒鵝皮真係好脆，食燒鵝最怕D皮軟稔稔，但呢度唔洗入深井就食到咁好味既燒鵝。呢度個醬唔係出面咁用酸梅醬, 而係佢地自己調左個柑橘醬, 味道好清新, 同燒鵝好夾.溫泉蛋四寶飯可以一次過試埋叉燒同燒肉。叉燒肥瘦適中, 有淡淡既玫瑰露味, 入口即溶, 好好味。燒腩仔層次分明,一格肥一格瘦, 個皮好脆, 咬落去卜卜聲。雖然套餐要128蚊, 但正所謂一分錢一分貨，想食好D既價錢自然高D點心拼盤有鮮蝦菜苗餃, 鵪鶉蛋燒賣, 大眼金魚餃。粒粒都用料好足, 金魚餃賣得好得意, 菜苗餃好彈牙, 鵪鶉蛋燒賣好懷舊.飲品方面除左茶啡之外, D特飲都好得。我地叫左杯玫瑰泡沬奶茶, 好有玫瑰