鼎家喜筷 (已結業)

在5月底的一個星期日，曾致電訂位；奈何答案係不設訂坐，最終取消。今晚二人7点前去試吓場，点知我倆係第一枱，心惗小小伏。之後点左是日晚餐～义油雞飯 ＆ 腩仔燒鵝孖寶。首先嚟嘅义雞飯；可以嘅！但嗰碟葱油就奇差，真正葱加油，冇薑不突止仲好臭青，唔知係葱腥定油腥，總之要放棄。跟隨係孖寶，冇乜特別。配嘅係沙律前菜。真唔明燒味飯應配油菜唔係恰當D咩，莫非此乃fusion ! D月鵝真係唔多似鵝，烏卒卒冇相片咁誘人，所以有失望感覺！但晚餐最後都有点兒惊喜嘅～反而佢嘅奶茶～得👍🏻。芝士馬騮搣奶蓋～問心真係好得👍🏻👍🏻另外還点在件日式原味cheesecake, 質感味覺唔錯，睇圖order冇比例，嚟到發覺係mini size。有点唔夠喉囉！埋單結帳後到門前，睇吓D掛爐鵝真身啦！發現掛在高處嘅賣相唔錯，但瞓喺下面嘅就烏卒卒似我哋order同隔離枱嘅款。但其實我眼見店入面，叫鵝肶飯又唔差喎，所以我相信燒鵝有分rank 嘅，朋友想試好嘢呢，下次一定加錢要鵝肶😅總括而言「唔係唔好食、但呢個價錢食燒味飯，就唔外抵囉！」

被商場內的廣告海報吸引, 去試吓呢間主打燒臘的飯店, 並不知是你老鼎開的, 很久沒有食過燒鵝, 都想食吓, 自問平日唔會食超過$150一個人頭價錢的餐膳, 燒鵝髀太貴了, 叫個叉鵝飯 $95.  賣相 ok, 叉燒有點乾硬, 但不算很差, 不過老實講, 大家樂的叉燒好食 d, 期待的燒鵝就很失望了, 份量少預左, 但鵝件切得很薄, 兼且可能我唔好彩, 給我的是 ?背瘠部位, 八成是骨, 只在骨邊有些肉, 相信加 $20 要鵝胸會好 d, 鵝皮不脆, 肉不香 (或許我食到的肉都不夠攝牙罅, 所以食唔出). 雖然間中食燒臘飯都會遇到切咗一堆骨俾你的情況, 但價錢平幾十蚊就當唔好彩, 而家食貴幾十就覺得笨. 結論係幫襯你老鼎就唔好慳住食, 俾多少少佢賺叫鵝髀應該會滿意的. 

未見到個名，剩係睇個嘜頭公仔，就知係鼎爺既餐廳拉（又畫得幾似）餐廳D 杯杯碟碟都以粉紅色或白色為主， 齋睇都覺得好靚雞湯用上烏雞煲餚， 湯渣多過湯好足料，印度椰子偏硬身， 勉強食左幾舊，食到牙骹有D軟放棄左，不過湯確實係濃味，微微帶甜原本我係想食牛排個陣點黑椒汁，誰不知個牛排已經帶有極強既美極味，點左個sauce會似火星撞地球以晚餐黎講，飯既份量好小，只係大過杯檸水小小ja，而且黑松露亦只係點綴，食唔到有松露味

今日行過見到啲燒鵝色水好似幾靚，雖然價錢有啲貴，但見到咁多好評，就試一次先唔好講服務，因為食燒味飯冇諗過會有咩服務，雖然要加一...好，入正題講燒味燒鵝叉燒雙拼飯，$9x燒鵝燒肉四寶飯，$125普通凍飲加$8...話明係燒味燒味，冇燒過既感覺，你對唔對得住燒味？燒鵝肥，皮唔脆，冇鵝味皮同肉一齊食既感覺係好重要，當你個皮唔脆，又冇乜肉，真係唔知食緊乜叉燒又係冇燒或烤過嘅感覺，肉質同整體味道，同普通街市嘅貨仔一模一樣冇蜜味，冇叉燒味叉燒呀！係叉燒呀！我唔係要搵舊豬肉上咗紅色搵個焗爐焗熟佢呀...飯又濕又淋，燒味飯啲飯最緊要係乾，多汁唔緊要，但係啲飯本身已經淋，再加上多汁，湯飯嗎？菜做乜事係沙律菜啊？你係廣東燒味, 唔係fusion燒味呀...好失望

估唔到鼎爺除咗中菜廳連茶記都撈埋，雖然餐廳主打燒味，但無論裝修、環境、去到餐牌都刻意走玩味fusion路線。今日黎到食晚餐，唔知係咪疫情關係好多人叫外賣，見D侍應都非常忙碌～我地2個人叫咗兩個燒味飯定食，個自包一細份沙律同一杯熱飲，不過我地見個特飲menu幾吸引就加咗$28升級做特飲。原隻柑橘燒鵝髀飯 $128燒鵝髀超大件，油脂十足，食完好飽滯男人終極浪漫＂原條燒腩＂飯 $99原條燒腩冇切過就咁啪，真係男人的浪漫XD燒味夾饃雙拼 $50第一次食夾饃，包身比想像厚同乾芒果沙冰 $28鐵觀音芝士奶蓋 $28

鼎爺出晒名... 貴㗎啦，試吓呢間平民版，睇吓佢啲嘢食配唔配得上佢個大名...7:00pm入到去冇乜人任坐，心知伏伏地，侍應介紹是日晚餐，好，就試吓佢個基本盤，招牌蜜汁叉燒拼貴妃雞飯！飯到，外觀ok啦，先試一口飯，係軟熟嘅，亦係熱嘅，算係本人喜愛嘅口味！再試叉燒，第一啖咬落去，又幾淋喎，不過食落去，又發覺其實似一舊本身乾柴嘅肉，然後用方法令佢啲纖維變鬆軟，好唔好食？見仁見智啦，本人就較喜歡真正的半肥瘦叉燒喇！貴妃雞被分配雞背及雞胸位置，相信雞髀或已留給肯加錢轉脾的人，部位不是我杯茶，味道又冇乜特別...整體而言，唔可以話唔好食，但呢個價錢絕對係唔抵食

上次試了午餐後，對他的燒味好期待。今次就用報紙上的優惠券去買燒味，滿150送燒腩仔在餐牌上沒有符合價錢的，叉燒只有半斤（119）或者1斤（238），最後決定試多款-佛山燻蹄（例牌）。就可以享用優惠券送的燒腩仔外賣盒還是一樣的精美。叉燒的份量沒有令人失望，一個盒滿哂部份還是邊位，最好味了。燻蹄數量都多 - 因為可以凍食，所以最後才品嘗了。燒腩仔有16塊，皮脆肉厚，真是好好食店員的服務態度良好。👍👍👍

好少睇電視，但鼎爺煮野食係我少數會睇，因為佢真係有真功夫，對食物亦都有追求今日我就慕名黎到呢間燒味店，果然冇失望鼎家柑橘燒鵝孖寶飯我就點左燒鵝併叉燒燒鵝皮脆肉嫩，肉身食落有鵝香叉燒偏瘦但唔會鞋口，蜜汁食落甜甜地又惹味另外佢仲付上左柑橘醬，如果怕燒味會太膩既可以點黎食因為甜味會中和返油膩感幾特別，亦幾有心思招牌溫泉蛋四寶飯四寶包括燒鵝、叉燒、燒肉同溫泉蛋燒肉皮勁薄，令佢完全唔會硬而且燒得勁脆肉身肥瘦度岩岩好，而且食落咸香味十足火焰黑豚腩叉燒黑豚腩叉燒油脂非常豐富未燒就咁食可能會膩但係燒過之前會令佢油脂焦化令佢油膩感大大下降之外最重要係令佢多左一份勁濃厚既焦香有Ｄ似食ＢＢＱ咁而且因為本身呢舊係腩黎食落勁鬆化，入口即溶芝士奶蓋馬騮搣烏龍用馬騮搣呢種傳統中式茶黎做台式飲品仲要加芝士奶蓋，真係未諗過估唔到味道又幾夾柚子乳酸沙冰柚子味香濃，食落好清新，似食緊甜品咁鮮果窩夫　配5.0牛奶雪糕估唔到係到食既窩夫會比得上出面既甜品店窩夫食落外脆內軟而且仲有陣陣蛋香，腫蛋更香而不腥牛奶雪糕奶味香濃，口感軟滑成個甜品都好高水準

難得去到荃灣海之戀食飯就去到馳名的「鼎家喜筷」食晚餐餐廳的環境佈置好開陽牆壁上有很多特別的圖畫及文字這裏的感覺是以年輕時尚風格將傳統燒味活化提供新式燒味定食概念提供不同特式食品成日見到身邊朋友網上打卡過嚟食特製燒鵝、叉燒夾饃及火焰系列今次我一定要試吓先得！餐牌大大本而且上面圖文並茂實在太吸引啦先食酸酸甜甜的沙律開一開胃火焰原隻燒鵝髀簡直就係打卡必選呢一隻鵝髀有我兩隻手板咁大呀同平時坊間食嘅鵝髀Size爭好遠自己喺爐上燒一燒就已經好香一大啖咬開撕開鵝髀脆口嘅外皮配上鮮嫩嘅鵝肉非常Juicy又美味然後就是溫泉蛋四寶飯當中的燒腩仔細細件一啖放入口已經有幾重口感香脆可口的皮食到爽爽聲而且燒鴨是半肥瘦的好啱我嘅胃口麻辣蒜香涼拌手撕貴妃雞撈丁夠晒大碟入面有好多配料好有份量公仔麵好入味而且有少少辣令我們食得好滋味呢佢哋嘅飲品都好有特色我哋就order咗柚子乳酸沙冰以及鐵觀音芝士奶蓋我杯柚子乳酸沙冰飲到粒粒柚子而且味道好濃郁最後點少得甜品時間鮮果窩夫配5.0牛奶雪糕即叫即整為呢一餐豐盛嘅晚餐畫上句號

荃灣西新式美食🤩 中等價位 品嘗到各種主食甜點飲品 極多選擇!火焰原隻燒鵝髀（使用燈酒）$198食過最好食既燒鵝髀!😍外皮香脆🤪一咬落去 肉嫩多汁 爆汁既狀態下 好食到令人難以置信😋性價比高🥳招牌溫泉蛋四寶飯$128一個選擇 可以食到店舖著名既燒味系列😙叉燒唔肥 健康之選😉仲有燒肉燒鴨+溫泉🥚涼拌麻辣蒜香手撕貴妃雞撈丁$80麻辣味好香好麻 食辣人士必定會中意🥰手撕貴妃雞 雞肉好滑 質素保證☺️撈埋個岀前一丁 好開胃好味🤤脆香蜜糖吐司 配 北海道5.0牛奶雪糕 $62估唔到 仲有埋甜品😈 蜜糖吐司🍞 好大件😳味道偏甜 幸好🍦唔甜 兩樣夾埋 就剛好😘咖啡沙冰$28烏龍芝士奶蓋$28

睇報紙知道荃灣開了“鼎家喜筷”，到門外已見有很多人，店內看似地方唔太大，所以決定買外賣試試。包裝盒都分開了2個包裝。咖哩吉列豬扒飯的外賣盒長條裝，原來是豬扒剛好放入的長度，有心思豬扒的粉漿很薄，唔乾。雖然有點貴，但是吃後覺得值。腩仔拼油雞飯的油雞是去骨的。腩仔唔太肥而且皮下的脂肪層比街外買的薄跟餐的飲品其中一杯選了齋啡，雖然杯仔細細，但是取外賣至開餐的前，沒有停止過聞到咖啡味。總括而言:好食，會再來幫襯。因為想試試其他燒味。

繼鼎爺私房菜之後，鼎爺又係荃灣開多間鼎家喜筷，主要係賣燒味既，招牌係佢既柑橘燒鵝。見到好似幾有特色咁，就搵日去試下。個人覺得燒味黎講，佢既定價太高，食落又唔算好驚喜，所以我應該都唔會再食。  1️⃣鼎家柑橘燒鵝飯（$82）（轉秘制豬骨瀨粉+$10）黎到緊係要食佢既招牌菜啦🤩呢度既燒鵝主打無添加味精，而且用左鮮橙🍊檸檬🍋同埋青檸等等既鮮果黎醃製，同出面其他燒鵝好唔同！食落油脂感好香，肉質唔會鞋，再加埋佢配上既以鮮橙熬煮而成既柑橘醬，食落有淡淡既酸甜果香，感覺幾開胃。不過個人覺得其實佢既柑橘味係真係好淡，啲柑橘味主要都係靠加落去啲柑橘醬帶出黎。  另外加左十蚊將個飯轉左瀨粉，瀨粉既湯底唔會好鹹，幾清幾好味，份量都幾多。  不過個人覺得用成九十幾蚊食燒味好唔抵。   2⃣️蜜汁叉燒拼豉油雞飯（$60）呢個係佢既午市套餐黎，叉燒幾香蜜香味，但係偏瘦左啲。油雞就唔錯，好滑好厚肉。不過覺得佢既燒味份量有啲太少。  3⃣️豉汁鳳爪排骨飯（$60）呢個都係午市套餐黎，即叫即蒸，上到黎既時候好香🤤排骨蒸得好嫩滑唔會太鞋太韌。不過個人覺得都係正常點心店或者酒樓既質素，呢度賣六十蚊有啲貴，同埋佢都幾細兜。  4⃣️燒味夾饃

鼎爺好似越來越多餐廳，聽講佢啲私房菜好正好難book，今次我就去咗佢一間新嘅，而且比較大眾化嘅餐廳，喺荃灣海之戀商場，都算係幾就腳。餐廳光猛整潔，天花板仲有一啲好得意嘅Q版鼎爺同埋燒鵝公仔。店員介紹佢哋嘅芝士茗茶系列，有驚喜！揀咗馬騮滅烏龍茶，真係有茶香、茶味，好清新，而且奶蓋好濃郁，幾好飲！值得推薦。涼拌火山燻蹄海蜇撈丁全部食材聽落好似好普通，但係食落就知道係好有心嘅配搭。首先個面上面有一隻溫泉蛋，而其他配料都係比較爽口，所以口感係非常豐富，仲有d沙葛，爽爽地，估唔到係咁惹味😋😋燒鵝髀超級大隻會有一個迷你火爐，比你自己燒一陣間，香氣撲鼻，即刻食慾大增😁😁不過就要小心啲，始終有火，如果有小朋友就要留意住。一路燒，啲油係咁流出嚟，都幾治癒~~佢哋有個香橙果醬，甜甜酸酸，一定要點👍🏼👍🏼燒味真係好有水準,自家製，果然唔同啲😛屋企人叫嗰杯飲品好靚，好似幅畫咁。味道清清地難得嚟到鼎爺嘅餐廳，所以連甜品都食埋，哈哈😄本身以為係好普通嘅一個多士，點知佢中間真材實料，超多蜜糖醬，而且厚切嘅多士，非常香脆，雖然已經食到好飽，但係都食晒😆😆

今日同女朋友放工黎左荃灣donki入貨🤣行完順便係商場食埋晚飯，上openrice搵商場有咩食肆，見到鼎家喜筷，諗起之前睇介紹係鼎爺開既餐廳，價錢又唔算貴，就決定過去試一下！裝修好光猛企理，咁岩未係食飯最忙時間，人唔算多~我估中間個光頭logo應該就係鼎爺😂比較特別佢隔離有個台飲bar，幾貼地佢呢道主打新式燒味，加入佢自己獨門秘坊，比起出邊既燒味更加獨特，燒鵝係我望到特別想試既野~最後我地一人叫左一個招牌推介，加上呢個好吸引到我既火焰之選😂鼎家柑橘燒鵝孖寶飯呢個飯，燒鵝係重點，佢用左好新穎特別既做法去醃製呢隻燒鵝，用唔同既新鮮水果如鮮橙、檸檬和青檸咁，食落d鵝肉幾嫩滑，同埋佢個手工製柑橘醬真係一絕，同出邊個d普通酸甜醬比，差好遠，好夾又好味得多，下次想試下燒鵝髀！涼拌麻辣蒜香手撕貴妃雞撈丁麻辣味幾惹味🤣首詩貴妃雞口感嫩滑，同撈丁好夾，辣得幾過癮，而且望落去色彩幾繽紛，幾開胃火焰黑豚肉腩叉燒黑豚肉叉燒，肉質厚實，咁貴係有原因，有得食，又有得自己燒，幾特別，不過要自己小心控制火候，因為有蜜汁，少少焦都ok，幾香口鐵觀音芝士奶蓋茶味好香好濃郁，加上芝士奶蓋，唔會太油膩，配搭幾好，我覺得好飲過

凍薄荷青蘋果蘆薈綠茶 @$28: 圓圓的透明玻璃杯子超級可愛, 淡淡的青蘋果果香配上微甜綠茶, 加上新鮮薄荷葉和粒粒蘆薈, 清新消暑, 讚!!!... 烏龍芝士奶蓋 @$28: 淡淡的鹹芝士奶蓋真的很很很幼滑, 配搭微甜的馬騮搣烏龍茶, 一口喝下去, 既有茶香也有芝士鹹味, 鹹鹹甜甜的雙覺味覺衝擊, 原隻柑橘燒鵝脾飯 @$178: 燒鵝脾的外皮燒得非常脆香, 但此鵝絕對是一隻非常豐滿圓潤的鵝, 因為此鵝脾的脂肪與瘦肉的比例, 鵝油與鵝肉分佈幾乎50% vs 50%... 火焰黑豚腩叉燒(使用玫瑰露) @$168: 此叉燒是用一個火爐盛著上桌的, 它讓我們烤到自己喜歡的焦香感, 再馬上熱辣辣的享用, 滿滿的創意感!!!... 但不知道是否當天比較特別的關係, 此叉燒和彼鵝脾都是油脂分佈旺盛, 如果可以於落單時讓客人選擇瘦叉或肥鵝, 能夠迎合不同人的喜好, 此餐廳就變得更貼心了... 涼拌麻辣蒜香手撕貴妃雞撈丁 @$80: 此撈丁是凍食, 少少麻加少少辣, 麵質煮得剛剛好, 爽爽的, 又不會太硬, 拌上雞絲, 青瓜絲, 紅蘿蔔絲... 一起吃, 超級開胃, 炎熱潮濕的夏天恩物, 讚!!!.