鼎家喜筷 (已結業)

啲嘢食幾好食高水準, 本身諗住再嚟, 點知食之前同朋友諗住輪住去洗手間先, 留喺度講個電話, 個四眼中女服務員係眼超超要我畀咗錢先, 人哋講電話都未走已經收埋人哋杯水清曬枱面, 信用卡就咁劈返喺我枱面, 明明仲有成個幾鐘先收店仲有其他人食緊嘢都要趕我走, 本身食完嘅好心情都冇曬. 係咁嘅當次餐廳, 我想同你講一句, 今時今日咁嘅服務態度係唔得㗎!

自己鵝脾自己燒！今日完全感受到燒味嘅創新食法，呢個Gimmick勁！食到我好滾動🤩叫咗碟四寶飯同原條燒腩肉飯...燒味飯伴菜一般都係放兩條菜心或者小棠菜啫😅呢間用胡麻醬沙律菜！燒肉除咗見人拜神會免斬，呢度原條上，仲比埋刀叉要你切嚟食！四寶飯跟咸蛋就常見...呢度配隻溫泉蛋，係咪勁呢😎新事物算不上，但絕對係新配搭，令到食燒味飯不再麻甩🤣🤣鼎爺出名燒鵝，梗係要叫返隻左脾啦！明火原隻燒鵝脾🤩竟然比個爐我自己燒！想食幾燶就燒幾燶完全由自己控制，一邊燒我就一邊吞口水，油香香到爆炸🤤個秘製柑橘醬取代普通酸梅醬絕對係完美🤗飲品叫咗我鍾意芝士奶蓋馬騮摵烏龍茶，仲食埋甜品係即製窩夫配北海道5.0牛奶雪糕！呢餐真係食得好癲🥶

今日喺荃灣開完會，就過咗嚟試呢一間名氣好高嘅燒味舖。之前試過佢嘅私房菜，味道唔錯，希望佢呢間都唔差！一入到黎佢嘅設計係好特別，以可愛路線吸引食客。食物以燒味為主，除咗有特色嘅燒烤方法之外其他食物都普通，冇乜特別獨特的感覺。至於價錢就比想像中平～既然佢嘅招牌菜係燒鵝，梗係要試吓啦！外型同普通嘅燒味並無異樣。不過同我食開嘅燒鵝脂肪比例冇咁多。而肉質就有一種骨香味，應該係在燒燒鵝的時候加上的。令到整個味道不會太漏。相比於燒鵝，我覺得飯的質素比較有驚喜，不但只彈牙更有飯香味👍🏻我諗過個燒腩仔飯係成條燒腩！不過我覺得燒得不夠香脆。但脂肪和肉有分層，幾好。另外我哋仲叫咗佢個招牌叉燒。雖然非常好食而且有一個火整熱佢，但非常肥。我食咗兩舊就放低咗另外都要咗杯芝士奶蓋！我反而覺得呢杯台式飲料手沖得十分好！芝士和茶味好配合得10分好最後要咗個甜品，蜜糖味非常足料，配埋個雪糕食非常出色。食完真係跑返三個圈都唔掂！！

海之戀商場的餐廳基本上裝修都很新，而且不少也富有特色。找機會也想逐一把它們試勻。今天和朋友便來到鼎家喜筷短聚一下。這是鼎爺開的一間茶餐廳，全店設計全部用了鼎爺的Q版 logo頭像，多了一身鬼馬活潑的感覺。餐牌選擇走茶餐廳的路線，可是菜色設計上，看得出花過心思。我們點了招牌的原隻金橘燒鵝髀飯，麻辣蒜香涼拌手撕貴妃雞撈丁，外加了這裏打卡的火焰黑豚腩叉燒。想不到跟餐有沙律，先來清新一下。撈丁很惹味，撈丁乾身，食到絲絲雞肉，那種入口帶麻辣富雞油香就似食緊四川涼拌小菜。令人追住食！這裏的招牌燒鵝脾也没有令人失望，燒得金黃帶油光！鵝皮不算肥，但肉真的又滑又嫩，入口多汁，鵝皮蘸上果醬一齊食，那種酸甜帶柑香的味道，送飯一流！                        火焰黑豚腩件件色大肉厚，顏色橙中帶金黃，脂肪和肥肉層次分明，大大件厚切，用明火網燒燒至滋滋作響，入口爽而不膩，有別於一般叉燒，肉香比醬油香更為突出。這裏的飲品也有驚喜，烏龍芝士奶蓋，奶蓋滑而且茶味夠，我的熱奶茶泡沫豐富，而且造型精美，茶奶比例恰到好處，飲完滿口茶香。茶餐廳有得食心太軟，又是另一驚喜，心太軟鮮即焗，切開有流心朱古力，味道

近排太陽伯伯好勤力成日出來攪到天氣相當熱，在荃灣逛了幾個商場之後搵間餐廳醫下肚先。知道這裡又有鼎爺蹤跡，一於去刷餐勁啊！點了一杯芒果沙冰解解渴先，超濃芒果打成蓉再打成冰非常鮮甜，令口腔即時涼快。馬騮搣烏龍芝士奶蓋，全新登場新產品味道很幼滑茶底香醇濃厚，芝士綿綿的而茶與芝士混合非常之夾。主角出場——{火焰原隻燒鵝髀}超大隻燒鵝髀很吸睛，像炭爐般燒烤皮脆肉嫩，啖啖肉很多汁用橙酒醃製非常講究。沙律很清新，日式胡麻醬配疏菜很醒胃。男人終極浪漫原條燒腩飯，被這句說話吸引住，燒腩皮很鬆化香脆，一層層腩肉帶少許肥膏很爽口。招牌溫泉蛋四寶飯，平時吃四寶飯是跟咸蛋，但這裡是用溫泉蛋很特別。而醬汁都有兩款，柑橘醬是配燒鵝而黃芥末是配燒腩肉。甜品時間又到啦！鮮果窩夫配5.0牛奶雪糕，超濃超幼滑的牛奶雪糕很香甜，軟綿綿的很治癒，窩夫即叫即做非常鬆脆有蛋香配合朱古力醬真是絕配。

荃灣商場愈開愈多食店，齋係最新呢個海之戀商場已不斷有餐廳進駐。今次嚟到食燒味，一入去令人驚喜係除了有招牌燒味，更有唔同fusion嘅食品項目供應，好似奶蓋茶、心太軟等。平時燒鵝相當出名，而呢間新店更創意地將柑橘融合燒鵝，當然要點碟原隻柑橘燒鵝髀飯試試個實力。用上鮮橙、檸檬、青檸等鮮果去醃製，食落燒鵝肉係相當軟腍鬆化，唔會柴！仲可配以柑橘醬，清新嘅果香幾有新意又特別！除咗燒味飯，撈丁都加入涼拌元素。麻辣蒜香涼拌手撕貴妃雞撈丁係凍食概念，手撕雞份量都唔少，麻辣加蒜香好惹味。跟餐更附送沙律，飲食均衡讚啊！兩者相較我地更愛燒味飯，所以加碼點上一客火焰黑豚腩叉燒。驚喜嘅presentation供食客自己燒叉燒至喜歡嘅焦脆度，油份好足，仲帶點玫瑰露香。飲品方面芝士奶蓋茶相當有新意，幾款奶蓋茶中我地揀咗馬騮搣烏龍個隻，茶味都幾出。另外清爽啲嘅選擇一定係柚子乳酸沙冰，配合燒味都幾夾亦會解膩。最後點埋個甜品作結，朱古力心太軟係呢度都食到啊！內餡部分都好夠流心，配埋重牛乳味嘅雪糕就剛剛好。

尋日下午有約，有人表示要慕名而去朝一朝，我隨手打開openrice睇一睇，掂啦，禁多笑笑正評。 坐低10分鐘，先知新開，再感受下現場成手野既伏，實在令我驚嘆如何做到一面倒116個正評？（可能我唔好彩啫）首先，服務係近乎零，我四位唔該，「掃左未呀？！」嘩 我以為我做錯事，衰過茶檔。詳情唔想講，基本形同自助。 全程黑面，隔離兩檯都係員工用膳，無問題既，企緊既同事得閒過去吹兩句禁解。食物無咩好提，唔熱，一般，真心未去到難食，但唔會叫好食。基本唔會回頭，你預同區citywalk中庭間中式野再之下...裝修同坐整體似客記，連同個open bar不停勁大聲打野飲，嘈到呢，邊位設計個open bar用呢啲機打野飲，但做中餐，比個叻！ 見啲客人埋單要自己行出去，但收加一。食完既野又無人收，下下要叫，服務費個費去邊既呢？ 其實荃灣西既客，唔算係個類比50$話貴要投訴個隻。但唔好下午茶近700$4位，差服務，常溫食物，同嘈吵環境。唯一亮點有個男服務員肯主動幫我哋埋單。同埋間野開左半年都未有，荃灣西做區內客既三樓，有百幾個笑笑既食評，即係未有半年有百幾人去慕名誇區去食，食既人又會人人都知你有另外間餐廳叫咩名

鼎家起筷係藝人李家鼎鼎爺開嘅燒味餐廳，係荃灣海之戀岩岩新開冇耐。呢度嘅招牌係柑橘燒鵝，主打唔添加色素，用鮮果的天然香味滲入鵝肉鼎爺招牌當然要試下啦。燒鵝髀皮脆肉嫩，肉汁豐富，油脂味濃，而鵝肉因為用鮮橙、檸檬和青檸等新鮮水果來醃製，過程中，鮮果味慢慢滲入鵝肉中，所以鵝肉味道零舍不同，再加上呢個火焰原隻燒鵝髀就連埋火爐一齊上，可以即時燒熱返，令多餘油脂迫埋出黎，令燒鵝髀冇咁油膩味道更加好。烏龍芝士奶蓋溫泉蛋四寶分別係燒鵝，燒腩仔，半肥瘦嘅叉燒，再加上一隻溫泉蛋脆香蜜糖吐司配5.0牛乳雪糕芒果沙冰炎熱的夏天吃特別有感

**鼎家喜筷**聽到呢個名大概都估到邊個開,TW行完街就過黎食睇落都好乾淨企理,MENU都好吸引即刻有選擇困難症!2個女仔叫到成台都係火焰原隻燒鵝髀 HKD148有個炭爐仔比我地自己燒,D油滴哂落去,好正丫!!熱辣辣烏龍芝士奶蓋HKD28 ; 凍荔枝蘆薈綠茶HKD28個杯同食用花都有心思 讚!麻辣蒜香涼拌手撕貴妃雞撈丁 HKD80唔太辣，但食落條脷好痺,好搞笑,幾香口,如果手撕雞多D就好..蜜汁叉燒飯 HKD92 定價都算高,叉燒有少少un 脆香蜜糖吐司5.0牛奶雪糕 HKD62竟然有埋甜品食,好似係最出色既一樣令成餐飯好滿足

又係星期三去荃灣A字頭超市入貨嘅日子, 隨住附近樓盤嘅mall相繼開張, 一定係食埋飯先返屋企. 今日去左”海之戀”嘅鼎家喜筷Dinner, 純粹俾佢嘅新派光猛又帶點ig-able嘅裝修吸引左先.🥢原隻柑橘燒鵝髀飯(HKD178)燒鵝髀好大隻😮! 食落仲帶清新果香啖啖肉, 但唔heavy, 零羶味. 隻髀意想不到咁juicy+鵝香十足, 燒得恰到好處, 個皮好好味. 附上嘅mustard同柑橘jam一定要dip黎試試原來好正, 推介👍🏻.🥢百搭靚抽葱油飯•生炸雞髀(HKD80)又黎勁大隻炸髀啦. 即叫即炸啲邊皮位脆到不得了, 雞肉嫩滑唔乾柴, 生炸零舍好味, dip啲甜甜地又杰杰地嘅”靚抽”perfect. 由於大隻髀, 就咁食li碟飯都好飽.🥢火焰黑豚腩叉燒(HKD168)聞到好香嘅燒叉燒味喺廚房飄出黎, 原來已經燒好俾我地, serve喺個小火”炭”爐點火後燒一分鐘左右就食得, 最貼心個點係staff會留意住提我地燒好食得啦! Li個叉燒真心正, 每一粒都好多層肉, 豬肉同脂肪分佈得好均勻, 唔會成層脂肪要咬走個隻, 而且真係好香, 隔離枱都望望下!! 俾我li個大師級最後燒到佢有

鼎爺有新店開左係海之戀商場3樓，餐廳logo都直接用左佢個樣，好得意🤣 呢間主打食燒味，菜式都比較新穎。溫泉蛋四寶飯: 四寶包括燒肉，燒鵝，叉燒，同溫泉蛋。燒肉皮脆肉嫩，質素不錯。燒鵝又係皮脆肉嫩有脂香，叉燒就偏瘦，肉質鬆軟，好夠汁。仲有兩款醬汁送飯，都幾豐富。麻辣蒜香涼拌手撕貴妃雞撈丁: 堂食見到好多人食🤣 個味真係調得好好，有麻有辣有蒜味，十分惹味，貴妃雞肉塊皮比較爽，肉好嫩，撈丁口感好好，值得推薦。燒味夾饃雙拼有兩件，分別夾燒鵝同叉燒，加上燒汁同青瓜，份外好味。跟主食有沙律同餐飲熱飲，沙律加了醋，有點開胃。烏龍芝士奶蓋個奶蓋都幾厚，奶蓋咸咸地，幾香芝士味，烏龍茶都幾重茶味。熱玫瑰泡沫奶茶有陣淡淡的玫瑰花味，奶茶滑得黎又有茶香，都算有誠意。

#荃灣 終於有時間同家姐見見面, 之前實在太忙喇….(佢)! 今日難得可以一同食個靚飯, 當區居民提議去鼎爺新開的餐廳…gogogo…我最喜愛食燒鵝! 成間餐廳充斥住鼎爺Q版公仔, 由牆身至天花都係…好有創意! 當望住個 menu 比呢個名吸引住…”男人終極浪漫 - 原條燒腩 飯” $99送沙律! ~ 原條…係原條燒腩唔斬….第一次係原條上, 無理由唔嗌啦, 雖然唔知點食! 上枱嗰刻堅震撼, 真係原條! 影完相忍唔住問攞刀切…皮超級超級脆, 著實係有點肥, 可能同一般男人應該比較喜愛偏肥燒腩有關, 人哋又點諗到我哋係2個女仔食丫…麻辣蒜香涼伴手貴妃雞撈丁 $80送沙律! ~  好香啊,…..於我屬於BB辣, 麻辣味好香, 丁亦煮得好好, 唔會過硬及過腍, 真正軟硬適中! 手撕雞份量不少, 雞絲嫩滑, 配有青瓜及甘荀絲, 味道好平衡! 火焰原隻燒鵝髀 $148 ~ 見到 menu 張相…我諗唔到一個唔 order 嘅理由…連燒鍋上, 每邊燒約2分鐘至香脆, 油脂不斷流出, 好玩又好食! 燒鵝有濃濃的炭燒香味, 肉質厚實而嫩滑, 肉汁豐富, 皮香脆而不油膩, 肉與皮中間唔會夾著厚厚一層肥膏

聽聞鼎爺喺荃灣又開咗一間特色燒味餐廳，今日特登嚟試吓🥳環境舒適闊落，坐得舒服，而且十分時尚，位置方便，西鐵站行過嚟唔使5分鐘👍🏻火焰之選係我今次你嘅主要目的😬終於決定都係要一試佢呢個燒鵝髀，燒叉燒留返下一次👌🏻嘩！大大隻嘅燒鵝髀，本身已經甘香無比，再加埋直接喺火爐上面明火燒烤，燒鵝髀嘅脂肪慢慢被融化掉，香氣隨之撲鼻而來，果然別具特色👍🏻之後廚師再為你斬件送上，當然你亦可以原隻享用，悉隨尊便，入口齒頰留香，正！烏龍茶奶蓋，別具特色，原條燒腩仔，絕對不簡單，冇花冇假😄鍾意食幾大件，自己話事，原條豬腩肉，就交比我自己用刀叉享用，零舍不同😬溫泉蛋四寶飯，誠意之作，真水果茶絕對是絕配，水果茶極力推薦，大大杯，估唔到會咁夾👍🏻唔好以為燒味餐廳甜品會係一般，真係估唔到呢度嘅甜品，好味過好多甜品餐廳，朱古力蜜糖吐司，甜味啱啱好，麵包軟熟，朱古力香濃，正👍🏻

成日覺得食燒味好麻甩的話今日黎呢間由鼎爺開既燒味店就可以完全令你呢個想法反轉原隻柑橘燒鵝髀飯燒鵝可以話係燒味中既珍品，又點可以唔叫呢呢到既燒鵝皮超級薄，令你咬落唔會好似咬柴皮咁而且又香又脆，食落仲有啖啖鵝油香必出黎擔心食落口感覺油膩既，可以點呢個柑橘醬酸酸地甜甜地令佢成個味道平衡返，好有心思招牌溫泉蛋四寶飯呢個四寶飯同一般食開既有少少唔同燒味有常見既叉燒同燒肉，而燒鵝就替換左一般常見既燒鴨，夠晒高級甚至連一般既咸蛋都換左做溫泉蛋四寶飯都可以咁有新鮮感，都真係唔容易燒肉層次分明，有少少肥膏但肥度適中，令你食到油脂香既同時唔會膩特別一提呢到既燒肉皮勁薄，比一般燒肉可能薄一半都唔止，應該係因為用左較年幼既豬肉黎整令佢既外皮又脆又唔會硬叉燒半肥瘦，食落勁送飯燒鵝皮又薄又香脆，仲有啖啖燒鵝香估唔到用溫泉蛋黎配燒味又幾夾怕膩既一樣可以點呢個柑橘醬火焰黑豚腩叉燒見到隔離台有點呢個，傳黎既香味令我都忍唔住跟佢叫左而個香味就係來至於放係個爐上燒佢，令佢既油脂被燒而出黎亦因為咁令你食落口會食到好似食ＢＢＱ咁既焦香令成個味道既層次都昇華左雖然舊叉燒略為肥左少少但係食落勁軟熟，成個口感都好正又邪惡芝士奶蓋馬騮

鼎爺煮食節目大獲好評，節目中經常分享鼎家獨門手法與心得，往往隔著電視的我看到食物也觸不到、聞不到、嚐不到。那日海之戀商場逛街，遠處看到卡通鼎爺嘜頭的光亮霓虹燈，隨即想起鼎爺節目中烹調的美食，便進內試試餐廳光亮開陽，座位闊落舒適，枱與枱之間有足夠空間走動，每枱亦整齊放好餐牌與餐具，整體感覺企理整潔，霓虹燈裝置更由餐廳外伸延至餐廳內，不但砌出特色金句，抬頭還看到用霓虹燈砌出的餐廳名字與圖案，簡約帶點活力餐廳主售燒味菜式，但咋看餐牌的燒味配搭與製法，卻一改傳統對「燒味飯」的刻板飯盒印象，充滿好奇心的友人與我必點試試，除了燒味外，還提供其他中式食品，例如燉湯及點心小吃。出奇地在一堆傳統美食中，發現了現時流行的甜品及特色飲品，不知燒味配特飲，再上甜品會是怎麼樣的味道體會？那麼新奇的舌尖旅程，我想鼎爺應該是個開通的老人家將貴妃雞手撕成雞肉絲，與蘿蔔絲、青瓜絲及出前一丁撈均，雞肉成絲後仍嚐到其嫩滑質感，雞絲連皮更能帶出雞汁雞油香。靈魂之一的醬汁油份剛好，足夠令麵條甚至所有食材順滑易入口之餘不覺過於油膩，辣度屬中等，有愈食愈辣趨勢，若蒜味再可突出點會更惹味，麵條屬偏硬企身，爽口度與瓜絲相約，口感完全無