雅 ‧悠蔬食

营业中

休息中

講起食素 大部份人都會同老土 老餅 好舊式掛勾😵😵不過 今日黎呢間素食餐廳好新派 完全唔似傳統素食餐廳裝修環境以紫色 白色為主 整體俾人好舒服 好明亮既感覺👍🏻餐廳餐牌設計亦好貼心 寫明可以免蛋 或免奶既菜式 無論係素食者 食齋者 或者好似我呢d無所謂人士 都照顧周到❤️❤️今次揀左Dinner Set前菜有三款 每款都好精緻 好開胃 好適合女仔 樣樣都想試少少🤤手卷有種好fresh既感覺 蔬菜好新鮮 完全好似食緊個「農場」咁😀湯品更加值得一讚👍🏻材料選擇好優質 燉出湯料既甜味 唔會似出面d湯品咁加味精主菜擺設好靚👏🏻👏🏻咖哩不會太辣 帶椰香味為主 配合印度薄餅食 好正 飲品方面藍碟花本身味不濃 雪梨味清甜 但飲品外觀已經攞哂分🎉🎉甜品就二選一斑蘭味清新 但椰汁味卻不會蓋過斑蘭 平衡到二者 做得非常好😍😍

小妹由於宗教關係最近開始初一十五都不吃肉。但由於本身唔太鍾意食澱粉質類食物，所以通常只係烚下菜食就算，食足全日，有時都幾慘，但為咗宗教信仰唯有堅持頂硬上。老公唔忍心見我次次都咁慘，所以特意打聽到依間位於尖沙咀〈雅。悠蔬食〉好味得來又有創意，所以今晚帶我去試試。上到去未入門口已經見到餐牌，都幾多選擇而且價錢唔算貴。入到去差不多係座無虛席，好多人喔！！我們點了一個套餐和兩個小食，先介紹小食部分其實即是泰式魚餅，口感雖沒有真正的魚餅那般彈牙，但味道和真的魚餅無異，而且香矛味好香，充滿泰式風味手作小漢堡是老公友人推介必定要點的小食！！小漢堡的麵包好得意，居然係用饅頭麵包但依然無損漢堡的口感，而且咬下去那刻我真的有一絲懷疑自己真的不是在吃肉嗎！！無論口感和味道真的和一般漢堡無異介紹完兩個小食後便到套餐的部分。這個餐前小食有三小類，我特別喜歡紅色邊柚香紅菜頭什果合桃沙律。什果沙律沾滿帶有柚子香味的紅菜頭汁，清甜又爽口，而合桃乾爽香脆，夾埋鮮什果一起食超正！！手卷最令我驚喜的是紫菜真的脆到《索索聲》！！我真係井底之兔，從來係街未試過食過咁爽的紫菜再配上甜甜的芒果和軟滑牛油果，好好食有時我好怕吃好深色

近期愈開愈多素菜店，標榜健康又好味，所以一直心郁郁想搵間高質素食餐廳試下！見呢間雅悠蔬食喺OpenRice咁多，突登book位黎試下！一黎到門口已經覺得無揀錯，報置以紫色為主調，好有西式cafe feel! Set dinner ($228-$238) 十分豐富，仲要有埋甜品，抵過散點好多，我地毫不猶豫決定要兩個set. 主菜有六款，中西泰都有，我地就揀左A啫啫煲同埋F黑松露鏍絲粉。菠菜桃膠忌廉濃湯一上枱仲俾佢個顏色嚇親，綠到hulk咁，點知一飲先有淡淡的黑松露香味，繼而有濃濃的菠菜忌廉味，一d草青味都無，十分好飲！估佢唔到咁正！手卷有好多蓿芽，感覺幾清新！黑松露意式野菜焗鏍絲粉賣相平平無奇，點知入面有大量黑松露醬，每一啖都有濃濃的黑松露，黑松露同野菜亦十分夾，加上有齋肉丸，完全唔會覺得係食緊素。極度推介！加左錢要呢杯香脆五穀杏仁牛乳，入面有好多脆米同麥芽，杏仁牛乳十分潤，對皮膚又好，冬天飲最啱！雖然價錢不平，但絕對與質素正比！

早輪食得多打邊爐，食滯咗今日再要出去同朋友食飯，於是揀咗清清地嘅素食以前嘅素食，大多數都係豆腐，青菜，麵筋， 又或者係齋鹵味原來而家嘅素食係可以有多嘅款式，素食都可以中，西，意，日。。。。。。門口睇到嘅menu，都已經好想即刻試朋友一早就訂咗枱，開頭我總覺得。。。星期二啫，使乜book 呀 點知來到真係爆曬，有人想walk in攞位 ,門口reception都話冇訂位嘅今晚冇位所以提醒大家，要食就要預先book位喇頭盤：紅菜頭合桃雜果沙律，四喜烤夫， 藜麥新薯露筍色香味俱全， 味道清新香芒牛油果苜蓿芽手卷， 好日本feel呢 但入面嘅唔係飯，而係苜蓿芽真係好特別，紫菜脆口，苜蓿芽清爽好正！菠菜桃膠忌廉湯， 好特別嘅組合 菠菜打爛咗之後，啲湯好creamy好滑 ，仲有粒粒嘅桃膠係喺湯裡面，yummy 牛肝菌栗子芋頭什菇煲， 夠曬鑊，氣夠曬火候藍蝶花雪梨汁 ，顏色鮮豔，小小甜，好清潤！套餐仲有埋甜品： 班蘭椰汁千層糕，黑加侖子乳酪蛋糕！ 一人套餐都係二百二十八，其實兩個人食都夠飽因為唔知道個分量係咁大，所以我哋另外仲叫咗， 黑松露薯蓉焗大啡菇 ，小小嘅黑松露喺蒜蓉上面，已經吊出佢嘅香味 ！

今日約咗食素既朋友行街，佢知食慣肉既我太齋未必啱，就話帶我去商業大廈食fusion素菜，嚟到7點已經坐滿人，好彩一早訂位可以即時入座~餐牌可以揀套餐或散叫，飲品選擇都好養生，見有啲喉嚨痛就揀咗杯洛神花生薑茶（$38），清雅粉紅加幾片黃薑點綴，清甜少辣飲落好潤喉睇到招牌菜就覺得好吸引，唔洗諗一於叫晒三個，黑松露薯蓉焗大啡菇（$148），大啡菇真係無敵架，釀埋薯蓉都係第一次食，而且焗既時候面頭既薯蓉又鎖返住啲水份，咬落爽口多汁，但就食唔到松露既味道大啡菇白松露薄餅（$148）有淡淡既松露香味，食到除咗大啡菇仲有新鮮菠蘿，三色椒同洋蔥，面頭既火箭菜唔會太濃味可以接受，餅底都好鬆脆，係唔知點解放多一陣成個底都係油黑椒猴菇扒伴意式薯菜（$168）塊扒做得好迫真，切開中間粉紅色，唔講以為食緊五成熟牛扒，薯菜係我食過最多蔬菜款式既一次，色彩配搭繽紛又新鮮淮山米湯浸有機時蔬（$118）廚師好細心，蔬菜味道營養都配合得好平均，呢款就有齊黑色雲耳、白色淮山同青綠菜苗，菜苗用米湯煮過去除草腥味，米湯放耐咗會變杰身，但都唔會影響味道

在尖沙咀一帶跟朋友食午餐因佢好喜歡食素菜，仲介紹左一間有素食、點心、甜品、特式飲品....於一身的餐廳 “雅•悠蔬食",裡面裝修以白、紫為主, 感覺很舒服，抽看餐牌後，大家好好奇，非一般的素食。扁豆藜麥蔬果沙律 ‚用藜麥配製沙律很新鮮。 湯品可選蘋果南瓜甘筍忌廉濃湯很香甜及霸王花栗粟米雪耳花生湯能清熱潤肺。且非常健康。點心耕盤，跟酒樓的點心外型及味道差不多無分別，例如：叉燒飽的餡料，再配蕃茄鮮菇紫淮山飯。韓式拌飯見到綠色蔬菜，加入幾種醬料攪拌在飯中，味道好味似是韓式可頭飯的一種。

今天朋友叫我去食素菜, 意識上以為是以素菜為主的那種餐廳 ‚去到尖沙咀金馬倫道中國保險大廈3樓有一間門面很優雅的餐廳 “雅•悠蔬菜”。我叫了個北京風味野薄脆薄短午市套餐 ‚朋友叫了個芋頭厚子燘豆腐煲配珍珠糙米飯午市套餐。前菜是蔬果扁豆藜麥沙律，口感清新煙韌。主食選了芋頭栗子燘豆腐煲配珍珠糙米飯, 比白米硬的糙米飯吃落口感較軟, 再配上芋頭栗子燘豆腐餸飯非常野味。北京風味野菜薄餅, 餅皮薄口感香脆, 餡料用素菜製成是一個很好的素食。

臨近聖誕節，約朋友的聚會一浪接一浪，體重也會跟住上升，為了減低自己的罪惡感，好友聚會就選擇了食素菜啦！今次選擇的餐廳位於尖沙咀，地鐵站步行約五分鐘，十分方便呢！而且這是有別於傳統齋菜得餐廳，真的十分期待！餐廳用上溫柔的紫色為主！晚餐原來有套餐選擇呢！菜色以西式為主！我們叫了兩個套餐及一些小食、甜品！露筍素香鬆苜蓿芽手卷～十分清新的選擇，紫菜包著露筍、青瓜及苜蓿芽！椰菜花露荀忌廉燴意大利飯配脆腐皮卷～十分濃郁的菌香味，意大利飯軟硬度適中！而且腐皮卷的做形模仿了雞腿，十分神似！黑松露意式野菜焗螺絲粉～同樣有濃郁的黑松露香氣，內有多重蔬菜與螺絲粉併在一起！天婦羅迷李甜薯～新解炸起，內裡既甜又軟棉棉呢！黑松露薯蓉焗大啡菇～這是侍應推介我們的招牌菜，原隻大啡菇加上薯蓉壤在菇內，而且配上蕃茄汁，令我們更加開胃！斑蘭椰汁千層糕（前）及黑加倫子乳酪蛋糕（後）斑蘭味十分香濃，而且暖暖的十分有口感！另外黑加倫子乳酪蛋糕就像cheese cake 一樣，酸酸地不會過甜，充滿幸福感覺！鮮磨腰果露配湯圓～亦是驚喜的選擇，充滿腰果香，十分濃郁而且不只會有死甜的感覺！今次對素菜有另一個新享受，原來也可以有不少變化，

Monday night 要green 一下，來這裡食素食晚餐。看過餐牌後，發覺這裡的素食，不論名字和賣相都有別於傳統的素菜想試多點不同的菜式，最好是點Dinner Set ，我們倆人叫了兩份套餐，每人還可以選擇不同的組合！前菜：柚子紅菜頭什果合桃沙律、四喜烤夫及刁草醬拌藜麥新薯蘆筍最喜愛是柚子紅菜頭什果合桃沙律，蘋果配上紅菜頭汁，味道清甜，加上合桃酥脆，很和味！香芒牛油果苜蓿芽手卷，味道清新，開胃前菜🥣湯品可選中式或西式，我選了菠菜桃膠忌廉濃湯老公選了蟲草花竹笙黃耳百合雪蓮子燉湯主菜：牛肝菌栗子芋頭野菌啫啫煲配珍珠糙米飯，上枱時香噴噴，滋滋作響，菌味香濃，素菜原來都可以這樣的型，食落都覺得很激！墨西哥辣菌醬紅腰豆鮮豆包焗千層麵，完全感覺不到是素食，濃稠豐美，面層的芝士燒至焦香，裡面有一層類似腐皮的東西，軟軟的，和千層麵非常的夾，不錯甜品有兩款，當然要試試！一般水準，試過便算！還是點多個泰式奶茶焦糖燉蛋，奶茶味道香濃，幾特別的最後再加飲品，good ending 這餐不一樣的素食，讓我對素菜有一個新的認識，下次再來試試其他東西！

香港食齋嘅餐廳不多，出名好味的，更是寥寥可數。最近驚朋友介紹雞胸肉一間食齋嘅西餐廳，菜式10分精緻，標榜無添加， 10分住家菜feel ,於是一家大細去試吓。「紅菜頭合桃沙律」酸酸甜甜，好醒胃。水果新鮮，合桃脆卜卜，好味。「栗子芋頭啫啫煲」熱辣辣，香噴噴，冬日必點之選。食完成個人暖笠笠。「菠菜桃膠湯」菠菜濃，桃膠滑 doo doo，唔漏，好味。「紫蝶花雪梨汁」賣相好吸引，紫色好浪漫，雪梨汁味濃，飲完好滋潤。餐廳有B.B. Chair , 不過唔係 high chair, 攜嬰幼兒家長要注意。食完一餐覺得好滿足，餐廳職員表示聖誕節有特別餐單，詳情可留意 Facebook。

原本西式嘢都係覺得一味醬醬汁汁太膩，但見哩間幾好評都要嚟試一試。結果食物有驚喜唔膩夠fresh, 服務好好又不斷添加暖水(有少少檸檬味); 收碟亦快。非常光猛潔淨，難怪情侶大伙兒一家大小咩客路都齊。黑松露薯蓉焗大啡菇 - juicy. 非常juicy, 粟米薯蓉上面加上芝士一啲唔膩，撈埋啲番茄汁，好fresh手作小漢堡 - 包係中式包，豆品漢堡素肉加啲沙律醬菜，中西合璧，好味大啡菇白松露薄餅 - 加咗松露油非常香，芝士亦唔膩特濃朱古力暖布甸配雪糕 - 朱古力布甸濃味偏苦正呀，其他vanilla 雪糕呀cream 呀正常味道，ok鮮果拿破崙 - 餅鬆化，cream 幼滑淡淡甜味，討好

這一陣子吃得過油膩，想兩男兩女先點兩個套餐。前菜的「柚香紅菜頭什果合桃沙律」清甜，「刁草醬拌藜麥新薯蘆筍」清爽，而「四喜烤夫」則香口。湯品中，「菠菜桃膠忌廉湯」綿密，「蟲草花竹笙黃耳百合雪蓮子燉湯」很滋潤。手卷有「蘆筍素香鬆苜蓿芽」和「香芒牛油果蓿芽」，前者清鮮，後者醒胃。來到主食，「松子椰菜花蘆筍忌廉燴意大利飯」做到飯軟綿餸豐富，「黑松露意式野菜焗螺絲粉」使味濃的黑松露焗出幼滑螺絲粉；配碟的「脆腐皮手卷」香脆，「天婦羅迷你甜薯」鬆甜。我們另外叫上招牌菜「黑松露薯蓉焗大啡茹」，啡茹大薯蓉綿；輕食「手作小漢堡」賣相趣緻，「泰式香煎如餅」煎得輕油不膩。套餐的「班蘭椰汁千層糕」和「黑加倫子乳酪蛋糕」兩個甜品有一定水準；而另點的「鮮磨腰果露配湯圓」蓉而不過甜，「焗蘋果酥皮盒」皮脆香腴。今次是特別的素食體驗呢！！

晚餐有6款，定期會改變下。因為我之前睇到既到左我上去食的時間已經唔到左～餐廳會保持新鮮感係一種好事。晚餐 $238 /個 （+$10-$15就會有唔同款式的飲品）以下就要加$15，外表已經好吸引，味道甜甜酸酸咁。下圖為菠菜桃膠忌廉湯 / 另有中式燉湯可以揀前菜有3款，叫一個餐就有啦～以下係6人份量最好味係中間的紅菜頭前菜，第一款係菌款但醬汁較為濃味，最尾的是由藜麥做醬汁配菜前菜後就係小食 - 小食係手卷，無飯係內面，有芽菜芒果&牛油果，分開食係好既，但一齊食既時候芽菜過多，每口都變得無咩味道。主菜 - 中式既栗子🌰馬蹄、芋頭素肉意大利飯（多菇）芝士雜菌三色瓜羅絲粉配天婦羅小甜紫薯甜品 - 千層糕 / 草莓芝士蛋糕服務甜有主動加下水/放多張椅俾得地放下袋/褸，又會主動落菜時講解下咩菜式/有啲咩材料。整體味道🌝🌝🌝🌚🌚整體食物賣相🌝🌝🌝🌚🌚整體餐廳服務🌝🌝🌝🌝🌚整體抵食🌝🌝🌝🌚🌚

今日放假日子， 梗係就同朋友一齊去睇嘢行街啦 ，因為我朋友鍾意食素食嘅關係，所以我哋盡量都會搵一啲素食嘅餐廳。今次我哋就嚟到尖沙咀一間素食餐廳，冇諗過裝修幾靚而且坐得十分之舒服 ，我哋今次每人嗌咗一個午餐 ，整體嚟講味道都唔錯，而且份量都不少添。蔬果扁豆藜麥沙律，藜麥係我同朋友的最愛，配上菜一齊食增加吾少口感而且仲十分健康又開胃。蘋果南瓜甘筍忌廉濃湯 和 霸王花粟米雪耳花生湯， 冇諗過湯會咁足料，朋友叫的南瓜湯好清甜而且仲有少少嘅南瓜肉係湯入面，而我叫的中湯 ，雪耳 份量唔少而且好濃郁 ，十分好味道。芋頭粟子燜豆腐煲 配 珍珠糙米飯, 呢個煲雖然煲仔細細都幾多材料, 有芋頭, 露荀, 豆腐, 秀珍菇, 蘑菇, 醬汁味道都幾好, 而栗子亦好夠香, 食得到芋頭有煎香先再燜, 唔會燜完後就溶哂, 而豆腐都燜得好入味。韓式五色鮮蔬牛蒡拌飯, 好有驚喜嘅韓式拌飯, 有冬菇, 金菇, 菠菜, 芽菜, 紅蘿蔔絲, 豆腐卜, 上面仲有紫菜, 全部撈起上唻再加埋, 兩種醬料, 又唻到枱熱辣辣咁, 真係好滋味! 鹹柑橘蜜 和 檸檬蜂蜜 味道堅足料吾太甜味道剛好。

阿媽成日話好掛住個黑芝麻包。今日放假，就帶佢再黎食，還佢心願。阿媽望住個餐牌，好似患上左選擇困難症，情況仲好嚴重 ，成半個鐘都未決定食乜，樣樣都話想食。唉，佢開心個樣同小朋友去麥當當冇分別。為左阿媽，我將成份menu 影底左，等佢返屋企慢慢睇，順便公諸同好職員之後好細心咁為阿媽介紹餐牌上既食物。不過最終都係我發板。橫點阿媽樣樣都想食，叫乜俾佢都冇所謂啦蘋果南瓜甘筍忌廉濃湯，南瓜煮到溶晒，所以完全唔似飲湯，似食糊仔多D。菜乾蓮藕甘荀什豆湯。好足料，有好多白菜乾同豆豆，但媽咪話食唔到蓮藕喎。前菜好食。同上次有小許唔同，今次用左雪梨，好清甜，配埋藜麥和有機扁豆，感覺好實在。仲有小量沙律菜和蕃茄仔，好開胃。好食，好食，好食。賣相俾人感覺已經好舒服，青青緑緑，好有田園feel。青汁加忌廉係絶配，味道清新，唔覺肥膩，意粉煙韌糯口，面頭更被撒上左一層芝士粉，非常creamy.呢個杞子麵媽咪話第一次食。佢一聽到話可以明目養肝，就話好好食，佢又真係清晒成碗麵喎。阿媽個餐仲包埋個點心拼盤雖然只得四件，但每件都係精心製作。阿媽話最鐘意食翡翠豆苗餃，豆苗新鮮爽口，外皮又薄身個素燒包都好好食喎，夠熱，包身軟，餡