，突登book位黎試下！
一黎到門口已經覺得無揀錯，報置以紫色為主調，好有西式cafe feel!
Set dinner ($228-$238) 十分豐富，仲要有埋甜品，抵過散點好多，我地毫不猶豫決定要兩個set. 主菜有六款，中西泰都有，我地就揀左A啫啫煲同埋F黑松露鏍絲粉。
菠菜桃膠忌廉濃湯
一上枱仲俾佢個顏色嚇親，綠到hulk咁，點知一飲先有淡淡的黑松露香味，繼而有濃濃的菠菜忌廉味，一d草青味都無，十分好飲！估佢唔到咁正！
手卷有好多蓿芽，感覺幾清新！
黑松露意式野菜焗鏍絲粉
賣相平平無奇，點知入面有大量黑松露醬，每一啖都有濃濃的黑松露，黑松露同野菜亦十分夾，加上有齋肉丸，完全唔會覺得係食緊素。極度推介！
加左錢要呢杯香脆五穀杏仁牛乳，入面有好多脆米同麥芽，杏仁牛乳十分潤，對皮膚又好，冬天飲最啱！
雖然價錢不平，但絕對與質素正比！
