雅 ‧悠蔬食

营业中

休息中

大時大節，日日大魚大肉，所以食少餐肉，殺少餐生，食下齋。上次情人節同老婆食左銅鑼灣果間分店，好好食，今次食尖沙咀呢間。前菜有紅菜頭沙律，烤夫同埋薯仔沙律，分開係好食的，不過夾埋有啲奇怪，可能烤夫同沙律不太夾。仲有香芒牛油果手卷，有點海膽手卷的感覺。湯係菠菜忌廉湯，濃滑，唔知點解有黑松露味。主菜係忌廉意大利飯同埋黑松露螺絲粉，香濃。跟忌廉飯的有個腐皮卷，好似骨付腸的樣子，幾得意；跟螺絲粉的係天婦羅甜薯，雖然對蕃薯興趣不大，不過佢炸很個皮好脆，有驚喜。最後甜品係班蘭椰汁千層糕，都不錯。埋單五百幾，抵過食buffet！

聖誕前夕，為免夜晚食飯多人，所以選擇左下午同媽媽去預祝聖誕，我地各自叫左個set lunch,媽媽叫左個芋頭菇類豆腐配糙米飯加10蚊配熱朱古力咖啡，本人淺嘗個媽媽既餸，芋頭好粉好淋，菇類好入味，送飯一流!而我就叫左蕃茄湯麵配4色點心，4色點心味道唔錯，最令我感嘆係素叉燒包好似真叉燒包!麵屬軟身，適合鐘意食淋身食物既人!食完好飽!餐飯我就叫左咸吉仔飯，呢d乾燥天氣飲一流!食到咁包其中一個原因係主菜黎之前，仲飲左餐湯，湯有中西選擇，我同媽媽都選擇西湯，係南瓜蘿蔔蘋果湯，熱辣辣，好好味，除左餐湯仲有沙律，沙律有菜同車里茄之餘，仲有哈蜜瓜，少有配搭，最重要係個沙律係室溫，而唔係雪到冷冰冰!最後仲叫左個抹茶紅豆千層糕，如果你問我，我就覺得佢呢個甜品係成餐中最令我失望…無抹茶無紅豆味，用叉一切又散左…真心覺得甜品唔係呢間食店既拿手項目…

對於我來說，素食離我很遠，作為一個肉食主義者，吃多了菜也會覺得渾身不舒服悠蔬食是朋友推介之下偶然發現的，因為剛好在附近工作，所以試一下。餐廳中還巧遇陳志雲在拍攝！餐廳的裝潢還滿歐風少女的，白紫色為主調，座位也非常舒適前菜是藜麥沙律，藜麥是超級食物，膳食纖維跟蛋白質都十分豐富，亦十分昂貴，感覺加左沙律上加重了草青味，但吃慣的人：像我就吃得津津有味從蘋果南瓜甘荀湯開始每道菜都非常特別，南瓜甘荀湯底超濃郁而且富南瓜甜香，亦沒有生荀的青味，蘋果不止加了一些咬口，更豐富了整個湯的層次感，級數比得上$500以上per set的高級西餐廳主菜中，蕃茄鮮菇杞子麵先上桌，湯底帶酸，富鮮番茄味，濃度適中，無多餘的糖份，超開胃！香菇用料上佳、吃得出味道起濃縮。杞子麵硬度適中，是低升糖指數的澱粉質良伴！點心拼盤中我最愛的一定是燒賣，他們用的大豆纖維十分似肉，仔細說就是午餐肉的feel！芋絲春卷口感非常rich，因為芋蓉填得滿滿的。豆苗餃的味道非常濃郁，採用的豆苗上佳，是個人十分喜愛的蔬菜素叉燒包用料亦十足，不過豆乾的味道有明顯豆味，未及燒賣般彷肉彷得有驚喜本來沒打算點甜點的我，忽然變得很想試試這裡的甜品，點了

繼上一次在銅鑼灣的《悠蔬食》吃過一餐豪華的素菜，這次便來到尖沙咀的《雅 · 悠蔬食》，而這家以粉紫色白色為主顏色，貫徹其輕鬆悠閒餐廳格調。雪梨汁不但賣相漂亮，給人夢幻的感覺，味道亦不假。前菜足足有三款，更是平常很少吃到的。個人很喜歡烤夫和青豆的組合，而藜麥薯仔就可以有多點藜麥，同時把薯仔切細點。菠菜忌廉湯的奶味重，桃膠這種滋潤養顏的貴價材料還落了不少，絕不馬虎。苜蓿芽令手卷的質感提升不少，本身草青味濃但爽口，加上芒果和牛油果即達美味又富口感的效果～大啡菇超大份，上面的薯蓉很多，吃落軟綿綿的～五彩生菜包又豈止五款材料那麼少，其實是集黑木耳、冬菇、白菌、秀珍菇、馬蹄、三色椒等一起，微辣，有辣式的辣風味，再配以新鮮的生菜，口感和味道均豐富。忌廉汁稠得夠 creamy，意大利飯的硬度恰到好處。腐皮卷的外形像雞搥，但內裡的薄薄的腐皮層次豐富～千層糕不算很甜，帶清甜的班蘭味，非常煙韌。這餐飯雖然是吃素的，但也很飽足，食物依序送上，每道菜都非常精緻、用上新鮮上好的食材且服務好，實在不容錯過～

今日同父親慶祝生日🎊🎊爸爸想 生日搞點新意 我就訂左素食餐廳🥒🍆🌽🍎 同佢慶祝生日 希望今年生日可以「特別」d🎉🎉既然係生日 就一定會點壽包啦壽包外型好精緻 裡面蓮蓉香甜 包質感好鬆化主菜方面 點左餐廳招牌菜 焗大啡菇上枱時熱辣辣 大啡菇真係成個手掌心咁大👋🏻👋🏻😱😱 薯蓉加埋黑松露 色香味十足 薯蓉亦食得出有用心調味👏🏻👏🏻飲品方面揀左平時出面少見既五穀杏仁牛乳杏仁牛奶本身已經香濃 加埋五穀一齊 帶點口感特意點左個湯品俾爸爸試下唔好睇個湯咁綠色 咁怪實際好香忌廉味 波菜味完全唔似中湯咁 但有層層「菜味」配合埋桃膠 更加補身👍🏻甜品又點少得呢😘黑芝麻味香濃 好細滑 同時品嚐到芝麻糊既香滑 奶酪既奶味細緻 好滿足👍🏻👍🏻

講起食素 大部份人都會同老土 老餅 好舊式掛勾😵😵不過 今日黎呢間素食餐廳好新派 完全唔似傳統素食餐廳裝修環境以紫色 白色為主 整體俾人好舒服 好明亮既感覺👍🏻餐廳餐牌設計亦好貼心 寫明可以免蛋 或免奶既菜式 無論係素食者 食齋者 或者好似我呢d無所謂人士 都照顧周到❤️❤️今次揀左Dinner Set前菜有三款 每款都好精緻 好開胃 好適合女仔 樣樣都想試少少🤤手卷有種好fresh既感覺 蔬菜好新鮮 完全好似食緊個「農場」咁😀湯品更加值得一讚👍🏻材料選擇好優質 燉出湯料既甜味 唔會似出面d湯品咁加味精主菜擺設好靚👏🏻👏🏻咖哩不會太辣 帶椰香味為主 配合印度薄餅食 好正 飲品方面藍碟花本身味不濃 雪梨味清甜 但飲品外觀已經攞哂分🎉🎉甜品就二選一斑蘭味清新 但椰汁味卻不會蓋過斑蘭 平衡到二者 做得非常好😍😍

小妹由於宗教關係最近開始初一十五都不吃肉。但由於本身唔太鍾意食澱粉質類食物，所以通常只係烚下菜食就算，食足全日，有時都幾慘，但為咗宗教信仰唯有堅持頂硬上。老公唔忍心見我次次都咁慘，所以特意打聽到依間位於尖沙咀〈雅。悠蔬食〉好味得來又有創意，所以今晚帶我去試試。上到去未入門口已經見到餐牌，都幾多選擇而且價錢唔算貴。入到去差不多係座無虛席，好多人喔！！我們點了一個套餐和兩個小食，先介紹小食部分其實即是泰式魚餅，口感雖沒有真正的魚餅那般彈牙，但味道和真的魚餅無異，而且香矛味好香，充滿泰式風味手作小漢堡是老公友人推介必定要點的小食！！小漢堡的麵包好得意，居然係用饅頭麵包但依然無損漢堡的口感，而且咬下去那刻我真的有一絲懷疑自己真的不是在吃肉嗎！！無論口感和味道真的和一般漢堡無異介紹完兩個小食後便到套餐的部分。這個餐前小食有三小類，我特別喜歡紅色邊柚香紅菜頭什果合桃沙律。什果沙律沾滿帶有柚子香味的紅菜頭汁，清甜又爽口，而合桃乾爽香脆，夾埋鮮什果一起食超正！！手卷最令我驚喜的是紫菜真的脆到《索索聲》！！我真係井底之兔，從來係街未試過食過咁爽的紫菜再配上甜甜的芒果和軟滑牛油果，好好食有時我好怕吃好深色

近期愈開愈多素菜店，標榜健康又好味，所以一直心郁郁想搵間高質素食餐廳試下！見呢間雅悠蔬食喺OpenRice咁多，突登book位黎試下！一黎到門口已經覺得無揀錯，報置以紫色為主調，好有西式cafe feel! Set dinner ($228-$238) 十分豐富，仲要有埋甜品，抵過散點好多，我地毫不猶豫決定要兩個set. 主菜有六款，中西泰都有，我地就揀左A啫啫煲同埋F黑松露鏍絲粉。菠菜桃膠忌廉濃湯一上枱仲俾佢個顏色嚇親，綠到hulk咁，點知一飲先有淡淡的黑松露香味，繼而有濃濃的菠菜忌廉味，一d草青味都無，十分好飲！估佢唔到咁正！手卷有好多蓿芽，感覺幾清新！黑松露意式野菜焗鏍絲粉賣相平平無奇，點知入面有大量黑松露醬，每一啖都有濃濃的黑松露，黑松露同野菜亦十分夾，加上有齋肉丸，完全唔會覺得係食緊素。極度推介！加左錢要呢杯香脆五穀杏仁牛乳，入面有好多脆米同麥芽，杏仁牛乳十分潤，對皮膚又好，冬天飲最啱！雖然價錢不平，但絕對與質素正比！

早輪食得多打邊爐，食滯咗今日再要出去同朋友食飯，於是揀咗清清地嘅素食以前嘅素食，大多數都係豆腐，青菜，麵筋， 又或者係齋鹵味原來而家嘅素食係可以有多嘅款式，素食都可以中，西，意，日。。。。。。門口睇到嘅menu，都已經好想即刻試朋友一早就訂咗枱，開頭我總覺得。。。星期二啫，使乜book 呀 點知來到真係爆曬，有人想walk in攞位 ,門口reception都話冇訂位嘅今晚冇位所以提醒大家，要食就要預先book位喇頭盤：紅菜頭合桃雜果沙律，四喜烤夫， 藜麥新薯露筍色香味俱全， 味道清新香芒牛油果苜蓿芽手卷， 好日本feel呢 但入面嘅唔係飯，而係苜蓿芽真係好特別，紫菜脆口，苜蓿芽清爽好正！菠菜桃膠忌廉湯， 好特別嘅組合 菠菜打爛咗之後，啲湯好creamy好滑 ，仲有粒粒嘅桃膠係喺湯裡面，yummy 牛肝菌栗子芋頭什菇煲， 夠曬鑊，氣夠曬火候藍蝶花雪梨汁 ，顏色鮮豔，小小甜，好清潤！套餐仲有埋甜品： 班蘭椰汁千層糕，黑加侖子乳酪蛋糕！ 一人套餐都係二百二十八，其實兩個人食都夠飽因為唔知道個分量係咁大，所以我哋另外仲叫咗， 黑松露薯蓉焗大啡菇 ，小小嘅黑松露喺蒜蓉上面，已經吊出佢嘅香味 ！

今日約咗食素既朋友行街，佢知食慣肉既我太齋未必啱，就話帶我去商業大廈食fusion素菜，嚟到7點已經坐滿人，好彩一早訂位可以即時入座~餐牌可以揀套餐或散叫，飲品選擇都好養生，見有啲喉嚨痛就揀咗杯洛神花生薑茶（$38），清雅粉紅加幾片黃薑點綴，清甜少辣飲落好潤喉睇到招牌菜就覺得好吸引，唔洗諗一於叫晒三個，黑松露薯蓉焗大啡菇（$148），大啡菇真係無敵架，釀埋薯蓉都係第一次食，而且焗既時候面頭既薯蓉又鎖返住啲水份，咬落爽口多汁，但就食唔到松露既味道大啡菇白松露薄餅（$148）有淡淡既松露香味，食到除咗大啡菇仲有新鮮菠蘿，三色椒同洋蔥，面頭既火箭菜唔會太濃味可以接受，餅底都好鬆脆，係唔知點解放多一陣成個底都係油黑椒猴菇扒伴意式薯菜（$168）塊扒做得好迫真，切開中間粉紅色，唔講以為食緊五成熟牛扒，薯菜係我食過最多蔬菜款式既一次，色彩配搭繽紛又新鮮淮山米湯浸有機時蔬（$118）廚師好細心，蔬菜味道營養都配合得好平均，呢款就有齊黑色雲耳、白色淮山同青綠菜苗，菜苗用米湯煮過去除草腥味，米湯放耐咗會變杰身，但都唔會影響味道

在尖沙咀一帶跟朋友食午餐因佢好喜歡食素菜，仲介紹左一間有素食、點心、甜品、特式飲品....於一身的餐廳 “雅•悠蔬食",裡面裝修以白、紫為主, 感覺很舒服，抽看餐牌後，大家好好奇，非一般的素食。扁豆藜麥蔬果沙律 ‚用藜麥配製沙律很新鮮。 湯品可選蘋果南瓜甘筍忌廉濃湯很香甜及霸王花栗粟米雪耳花生湯能清熱潤肺。且非常健康。點心耕盤，跟酒樓的點心外型及味道差不多無分別，例如：叉燒飽的餡料，再配蕃茄鮮菇紫淮山飯。韓式拌飯見到綠色蔬菜，加入幾種醬料攪拌在飯中，味道好味似是韓式可頭飯的一種。

今天朋友叫我去食素菜, 意識上以為是以素菜為主的那種餐廳 ‚去到尖沙咀金馬倫道中國保險大廈3樓有一間門面很優雅的餐廳 “雅•悠蔬菜”。我叫了個北京風味野薄脆薄短午市套餐 ‚朋友叫了個芋頭厚子燘豆腐煲配珍珠糙米飯午市套餐。前菜是蔬果扁豆藜麥沙律，口感清新煙韌。主食選了芋頭栗子燘豆腐煲配珍珠糙米飯, 比白米硬的糙米飯吃落口感較軟, 再配上芋頭栗子燘豆腐餸飯非常野味。北京風味野菜薄餅, 餅皮薄口感香脆, 餡料用素菜製成是一個很好的素食。

臨近聖誕節，約朋友的聚會一浪接一浪，體重也會跟住上升，為了減低自己的罪惡感，好友聚會就選擇了食素菜啦！今次選擇的餐廳位於尖沙咀，地鐵站步行約五分鐘，十分方便呢！而且這是有別於傳統齋菜得餐廳，真的十分期待！餐廳用上溫柔的紫色為主！晚餐原來有套餐選擇呢！菜色以西式為主！我們叫了兩個套餐及一些小食、甜品！露筍素香鬆苜蓿芽手卷～十分清新的選擇，紫菜包著露筍、青瓜及苜蓿芽！椰菜花露荀忌廉燴意大利飯配脆腐皮卷～十分濃郁的菌香味，意大利飯軟硬度適中！而且腐皮卷的做形模仿了雞腿，十分神似！黑松露意式野菜焗螺絲粉～同樣有濃郁的黑松露香氣，內有多重蔬菜與螺絲粉併在一起！天婦羅迷李甜薯～新解炸起，內裡既甜又軟棉棉呢！黑松露薯蓉焗大啡菇～這是侍應推介我們的招牌菜，原隻大啡菇加上薯蓉壤在菇內，而且配上蕃茄汁，令我們更加開胃！斑蘭椰汁千層糕（前）及黑加倫子乳酪蛋糕（後）斑蘭味十分香濃，而且暖暖的十分有口感！另外黑加倫子乳酪蛋糕就像cheese cake 一樣，酸酸地不會過甜，充滿幸福感覺！鮮磨腰果露配湯圓～亦是驚喜的選擇，充滿腰果香，十分濃郁而且不只會有死甜的感覺！今次對素菜有另一個新享受，原來也可以有不少變化，

Monday night 要green 一下，來這裡食素食晚餐。看過餐牌後，發覺這裡的素食，不論名字和賣相都有別於傳統的素菜想試多點不同的菜式，最好是點Dinner Set ，我們倆人叫了兩份套餐，每人還可以選擇不同的組合！前菜：柚子紅菜頭什果合桃沙律、四喜烤夫及刁草醬拌藜麥新薯蘆筍最喜愛是柚子紅菜頭什果合桃沙律，蘋果配上紅菜頭汁，味道清甜，加上合桃酥脆，很和味！香芒牛油果苜蓿芽手卷，味道清新，開胃前菜🥣湯品可選中式或西式，我選了菠菜桃膠忌廉濃湯老公選了蟲草花竹笙黃耳百合雪蓮子燉湯主菜：牛肝菌栗子芋頭野菌啫啫煲配珍珠糙米飯，上枱時香噴噴，滋滋作響，菌味香濃，素菜原來都可以這樣的型，食落都覺得很激！墨西哥辣菌醬紅腰豆鮮豆包焗千層麵，完全感覺不到是素食，濃稠豐美，面層的芝士燒至焦香，裡面有一層類似腐皮的東西，軟軟的，和千層麵非常的夾，不錯甜品有兩款，當然要試試！一般水準，試過便算！還是點多個泰式奶茶焦糖燉蛋，奶茶味道香濃，幾特別的最後再加飲品，good ending 這餐不一樣的素食，讓我對素菜有一個新的認識，下次再來試試其他東西！

香港食齋嘅餐廳不多，出名好味的，更是寥寥可數。最近驚朋友介紹雞胸肉一間食齋嘅西餐廳，菜式10分精緻，標榜無添加， 10分住家菜feel ,於是一家大細去試吓。「紅菜頭合桃沙律」酸酸甜甜，好醒胃。水果新鮮，合桃脆卜卜，好味。「栗子芋頭啫啫煲」熱辣辣，香噴噴，冬日必點之選。食完成個人暖笠笠。「菠菜桃膠湯」菠菜濃，桃膠滑 doo doo，唔漏，好味。「紫蝶花雪梨汁」賣相好吸引，紫色好浪漫，雪梨汁味濃，飲完好滋潤。餐廳有B.B. Chair , 不過唔係 high chair, 攜嬰幼兒家長要注意。食完一餐覺得好滿足，餐廳職員表示聖誕節有特別餐單，詳情可留意 Facebook。