蟹仙海鮮蒸氣鍋 (龍崗道)

营业中

休息中

同老友慶生，佢係蟹怪，所以我地去左蟹仙。主打是粥底蒸鍋，有三、四個套餐可以選擇，豐憸由人。望左一陣，我地決定要 $398 的刁鑽海鮮套餐。呢個套餐都幾多野食，有成十款，幾乎全部靚海鮮都可以一網打盡，諗起都興奮。聽店員講，原來佢老闆入行以久，識得好多艇家，可以第一手拿到不少靚海鮮。尤其是蟹，收到最靚最當造的都會第一時間送來呢到。所以佢地既海鮮真係好過外面好多。越南頂角膏蟹 / 罕有大黃奄蟹硬膏的是頂角膏蟹，橙黃的硬膏，啖啖咸香。硬膏的口感真的超級好，越食越有滿足感。而另一邊淡黃的是軟膏，食落蟹肉比較鮮甜。兩者實在各有千秋。你樣你睇，完全爆膏的靚蟹，外面真係難尋，好味到呢澳洲青年龍蝦連龍蝦都要爆膏，真的超驚喜。好大隻，每人半隻都好夠食。肉質鮮嫩，火候控制好好，唔會 over 彈牙又啖啖肉，真的感動了野生瀨尿蝦 大隻又厚肉，仲有專人幫忙拆殼，食得更方便。通常瀨尿蝦都係椒鹽食，今次清蒸都幾得喎，應該夠新鮮先至可以咁煮。野生琵琶龍蝦第一次試的新野，質感似龍蝦，但比龍蝦更爽口，味道亦較清甜。紐西蘭刀貝蚌刀貝蚌好大隻，由於蒸到緊緊熟，食到爽脆的口感。鮮甜又有淡淡的海水味，好 like ! 翡翠九孔鮑

講起蒸氣鍋，吾知大家會諗起咩？新鮮？鮮甜？我想介紹大家去呢間叫蟹仙既蒸氣鍋，食完，會發現另一返風味😍提一提大家，有得訂位嫁👍🏻 同埋只收現金👍🏻佢地而家做緊特價，有兩個餐選擇，可以睇下面張圖。而我同女朋友就選擇左$398果個餐😍坐左一陣，店員就會先為我們整好粥底，都好多料，有排骨，南瓜同埋姜👍🏻開始熱下個鍋，準備蒸海鮮了，全程都係由店員幫手，服務非常之好👍🏻海鮮會一次過放向枱面，每一次食完，都會有店員幫你將殼處理佢，好細心👏🏻先講下呢一碟，新鮮，鮮甜就吾駛講，係一定嫁啦，我想講既係，佢個元貝，蒸完之後，個殼上面既汁，好好味，真係無得輸，我強調，我全程無落過醬料😂我先飲左佢啲汁，好鮮味，再食個元貝，蒸得岩岩好👍🏻👍🏻好食好食😍重點黎啦，呢隻叫琵琶蝦，係野生嫁，吾係人養果啲，所以特別鮮甜。👍🏻👍🏻套餐重有龍蝦，都好好味好新鮮。但我比較鍾意琵琶蝦，因為佢既肉質比較有彈性，多啲肉汁，第一次食到呢個口感，非常好味。另一個重點又黎啦，黎蟹仙食蒸氣鍋，點可以無蟹食。門口已經有活生生既蟹放向到，我地就係食佢地啦🤣老板娘介紹，蟹係佢地重點推介，因為佢地既蟹，出面食吾到，就算食到，都會好貴好貴。點解咁講呢

之前見到個朋友食蟹仙，已經將呢個名記左入腦，今日去開九龍城就要試下佢，去到餐廳見到坐滿人，都好擔心會冇位，好彩等左10分鐘左右就有位餐廳有唔同嘅套餐供應，最後我哋揀咗$398嘅套餐，總共有九款海鮮首先就梗係呢度既主角，蟹！有兩款蟹可以選擇，一款係越南頂角羔蟹，羔較硬身口感似蛋黃，另一款係大黃奄蟹，店員介紹佢有另一個名叫黃帝蟹，因為佢真係好少有，係肉蟹但又有好多腍身既羔，蟹仙既老闆係有30幾年經驗嘅海鮮分銷商，蟹仙既蟹都係由老闆從船家手上直接攞貨，送到舖頭既每一隻蟹都係由老闆親自揀選當中最靚既之後先再分銷出去，唔怪得出面好少食到咁靚既蟹！除左蟹正之外，蟹仙有另一款食材又係出面好少有得食，就係野生琵琶龍蝦，唔係養殖場養出黎，肉質較爽口彈牙，味道有少少似我地平時食緊既龍蝦其他海鮮都好鮮味，食完海鮮之後緊係要食飯個粥，粥先係個精華所在，加入埋菜甫，莞茜同蔥，正！最後仲會送埋糖水，非常滿足

見到好評多多，就同男胖子黎試下啲海鮮係咪真係咁正先～店內感覺好乾淨，店員介紹我地食398套餐，總共有10款野食，當中有唔少時令海鮮，全程坐定定就有專人幫我地蒸，店員又會逐款介紹，感覺似食omakase 咁。越南大虎蝦，好多膏！肉質都算彈牙，美中不足係有腸腸未挑出黎。黎自深海嘅龍躉片，魚油十足，好滑。蚌，蟶子同蠔都好鮮甜，蒸得恰到好處。鮑魚好彈牙，好味。大元貝果然大粒，鮮味十足。炸魚皮好脆，係餐廳自己炸，好新鮮，正。黎到重點-蟹，一邊膏蟹一邊肉蟹，各有特色，滿滿嘅蟹膏食得男胖子好滋味。野生瀨尿蝦，蒸完後仲幫我地剪開，好貼心，肉質非常彈牙。龍蝦啖啖肉。最後食埋什菜同粥，粥底好鮮甜，加少少胡椒鹽好正。糖水無落糖，係木瓜官燕，好養顏。

食海鮮除了要到西貢鯉魚門外，坊間都有很多食肆可以食到的；就如今次我來到九龍城就有一間海鮮蒸氣石煱就可以品嘗各式美食。所有海鮮皆由 老闆親自挑選直接入貨所以價錢經濟實惠。而 整個過程中皆由專業服務員控制火候， 無需客人操心可盡情地享受。食肆有幾種套餐可供選擇，或散叫亦可。我們揀選了$398/人的刁鑽海鮮套餐，內裏包含有十欵美式。越南頂角膏蟹隻蟹唔單止大隻仲好多膏添，肉質結實。野生瀨尿蝦目測有十吋長，腳仔還不停地撐著；味道鲜甜。野生琵琶龍蝦平時很少見到琵琶龍蝦出售，不能錯過。見其外表雖則其貌不揚，但食落確實唔錯。澳洲青年龍蝦鮮甜得嚟仲係啖啖肉，好有口感。翡翠九孔鮑魚肉質煙韌彈牙有嚼口。越南大虎蝦肉質結實又彈牙。深海龍躉片深海嘅魚D肉質係唔同，鮮甜結實。日本大元貝很有睇頭，味道甜美。紐西蘭大蟶子蟶子大隻又厚肉，入口爽脆。韓國慶南蠔初嘗韓國蠔，肥美嫩滑；還有些少海水味。有機蔬菜籃在整個蒸焗過程中，所有海鮮的精華完全滲漏入煱底；混合埋原先服務員擺放了些材料變成美味鲜甜的海鮮粥，雖則大家都很飽但都忍唔到要食多一碗。最後餐館還送上雪耳木瓜燉官燕才結束。

咁多種海鮮既烹煮方法入面👧🏻最中意就係清蒸，因為無添加任何其他調味料就最能夠食到海鮮既原汁原味，蒸氣海鮮鍋就完全滿足到👧🏻既要求啦😊同👧🏻一樣有選擇困難症既朋友仔唔洗擔心，餐廳本身就有配好既套餐，無論中意食魚、蝦、蟹、龍蝦定鮑魚都好，呢到都一應俱全，而且每樣海鮮都有店員幫手蒸，完全唔洗怕會唔知時間蒸唔熟或者蒸過籠😉蒸出黎既海鮮款款都鮮甜多汁，👧🏻最中意既分別係蠔、鮑魚、龍蝦同蟹，平時通常都係食開生蠔或者炸蠔，估唔到蒸既蠔都可以咁juicy而且完全無腥味，鮑魚同龍蝦既肉質都好爽口彈牙，鮮甜到唔洗點醬料都已經好好味，最後就要介紹👧🏻最愛既蟹，店員有教👧🏻分辦奄仔蟹同膏蟹既分別，真係估唔到食餐飯都學到野，袋到錢落袋呀，👧🏻就鐘意食膏蟹多啲，因為結實而充滿油香既蟹膏雖然邪惡，但係個陣香味可以揮之不去，加上肉質都結實啲，對🦀沒齒難忘呀。每次都會透過以下6大方面評分(滿分:30分)味道 : 4.5 / 5環境 : 4.25 / 5外觀 : 4 / 5價錢 : 3.25 / 5服務 : 5 / 5 回頭率 : 4.5 / 5總分 : 25.5 / 30性價比如果用二三百蚊既價錢自己去街市買海鮮、烹煮

期待咗成個星期既海鮮蒸氣鍋今晚終於可以食啦😍 我地今次就揀左$398一位果個Set😬一共有成十款來自唔同產地嘅海鮮，真係抵到爛🥳係蒸海鮮之前，侍應哥哥先幫我地將粥底放落個蒸鍋到😶等蒸晒所有海鮮之後，就會有新鮮滾熱辣嘅粥食啦！值得一提，呢度既侍應哥哥超好service又健談，傾下傾下，佢話我地知，原來呢度既海鮮主要係由菲律賓、越南、泰國、日本、澳洲進口，而呢度嘅老闆每朝早都會去機場揀貨，所以呢度嘅海鮮特別生猛又大隻👍🏻⚠️野生賴尿蝦王可能我孤陋寡聞😂呢個真係我人生中見過最大隻嘅賴尿蝦（蝦身同隔離個鉗一樣長 lol），唔好睇佢咁大隻就以為佢啲肉會好實，但其實肉質仲係好鮮嫩，仲有好多膏添啊🧡⚠️澳洲野生深海龍蝦澳洲龍蝦比新西蘭龍蝦更有名氣，因為得天獨厚的自然環境孕育咗世界頂級的美味龍蝦🤩 今晚呢個深海龍蝦肉質細嫩、滑脆而有彈性，真係停唔到口🤤好記得當晚侍應哥哥問我地食唔食蠔，本來我都有啲抗拒，但憑佢講一句「信我，你哋一定會鍾意食」😎果然冇令我失望，呢個韓國慶南蠔味道鮮甜，肉質都好Creamy🤩⚠️翡翠九孔鮑魚平時食鮑魚最驚就係太un咬唔開，呢度嘅鮑魚絕對冇呢個問題，一咬即分離，肉質彈牙！⚠️越南頂角

前一兩年潮興蒸氣海鮮，以時令嘅海鮮，採用蒸的方法，務求保持海鮮的原汁原味。熱潮過後又靜止了好一段時間。最近發現九龍城有一間新增成員，主打即曰到港的，蒸海鮮。永遠快速行動的我約了友人前往試吓。刁鑚海鮮套餐膏蟹， 賴尿蝦，琵琶龍蝦，澳洲龍蝦，鮑魚，大虎蝦，龍躉，元貝，蟶子， 慶南蠔，有機蔬菜。材料豐富，淨睇都會流口水。每種海鮮都有蒸製時間，店員代勞將每一種海鮮蒸煮恰到好處。不會過老，鮮嫩無比。其中最喜歡頼尿蝦，真係好鮮甜，那種海洋味表露無遺，正！膏蟹也不錯，蟹膏甘香，肉質結實甜美，無得輸。海鮮的精華滴漏於下層的粥內，粥底變得金黃，味道鮮甜，完美的句號。

邊個九龍城淨係得泰國野食架，有好多正正食店！天氣涼涼地，今晚打邊爐部隊出征食蒸氣火鍋！門口棟住大大個牌寫明有咩食，唔洗諗一定係點$398刁鑽海鮮餐！有龍蝦 鮑魚 膏蟹等等，值番晒！老板娘熱情又好傾，送左碟師傅即製非油炸炸魚皮，熱騰騰架，唔咸夠薄又夠脆，好得啊！食左幾舊炸魚皮後海鮮就準備好！呢度可以話係食殘廢餐，因為店員會黎幫你蒸食物，先食蝦 然後蟶子 龍躉 貝殼類等等，店員通通為我地調好最合適時間，食完一樣接住食下一款，時間岩岩好！每檯都設有蒸氣鍋倒數時間，好方便哩！刁鑽海鮮套餐可選食琵琶蝦；象拔蚌刺身或瀨尿蝦，我地揀左象拔蚌刺身，好正好鮮甜，刀功非常了得，每片都切得好薄！高潮位黎啦，係澳洲青龍蝦同埋越南頂角膏蟹！原隻飽肉龍蝦，好鮮甜⋯店員仲話唔太識食龍蝦頭可以放入粥底繼續煮！又係喎，一陣仲有個海鮮粥底喎！越南頂角膏蟹超爆膏，真係睇見都流口水！就算自己去街市買蟹都未必買到咁正既膏蟹，呢度既蟹係爆膏，係甘甜，真係好正！好似好少野食？No laaa, 食埋個充滿海鮮鮮味既粥底包你飽飽，粥底綿綿，添加蔥花同菜甫，有一丁點口感哩！以為食飽飽原來仲有甜品，係木瓜雪燕燉官燕，為今晚畫上完美句號。

同朋友諗住去九龍城食晚餐，正在相討中，見到蟹仙海鮮蒸氣鍋，朋友立刻說要食蒸海鮮，其實我已經入店登記了，來蟹仙店真係忍不住要食佢地D蟹。因為老闆是蟹的批發商，每天從越南運來的蟹中挑選一部分最上乘的留店用，大部分海鮮都是野生的，也是品質一定要好才出售。食海鮮前先將南瓜、排骨和米放入鍋，用蒸氣邊蒸海鮮邊煮粥。越南大肉蟹，肉質結實，味道鮮甜。澳洲龍蝦，肉質鮮嫩，口感彈牙鮮甜。紐西蘭大蟶子，因為這店是由侍應為客人蒸海鮮，時間掌握得好好，所以咁大隻蟶子，一D都吾靭，重爽口鮮甜。越南貴妃蚌、日本大元貝大大隻，肉質鮮美，鮮嫩彈牙。韓國蠔，鮮味鮮甜。龍躉片嫩滑。海蝦鮮甜彈牙。九孔鮑魚肉質爽彈，鮮甜美味。野生大隻瀨尿蝦皇，除了大隻外，因為是野生，所以鮮味十足，呢隻重係有膏，真令人回味不已。食埋鮮甜的有機蔬菜，就可以食粥底了。因為收集了蒸海鮮時流下的精華，粥底好鮮甜，排骨醃過，又林又夠味。奉送的甜品也很有份量，木瓜雪燕燕窩，味道清甜。

蟹以食為鮮！眾所周知，食海鮮一定要新鮮先為首，海產類不似肉類，急凍後先味盡失，難以復回，尤其係以清蒸烹調，絕對要用料新鮮才可保證質素。最近天氣轉涼，又是打邊爐、蒸氣火鍋的季節，朋友是海鮮專家，今晚他帶我走訪九龍城隱蔽食店，九龍城是美食天堂這點眾所周知，中西日韓泰咖啡廳火鍋小炒應有盡有，要立足在九龍城也不容易，這店除了用了新鮮，食材也很講究。海鮮套餐有幾款，由$298-千多元都有，是乎海鮮份量和種類。我們點了$398套餐，套餐的海鮮豐富，而且品種矜貴，像深海琵琶龍蝦、大黃蟹、賴尿蝦等等。套餐大概有12款，包括海鮮累、蔬菜類、粥㡳，這個價錢來說真超值。最喜歡的是深海琵琶蝦，蝦肉很飽滿! 肉質是爽彈非常! 鮮味香甜! 老闆娘說是做批發的老闆親自挑選，而且熟人才可以有貨，所以來貨不易。　正正是吃膏蟹的季節，好多膏好多肉 超正！ 膏蟹既膏濃味，非常回味！這個套餐還有幾款貝殼類，聖子王真的不愧稱王， 將手臂那麼長，而且蒸海鮮的秘訣是在於時間和火力，這裏有專人服務，每款海鮮蒸煮的時間有不同，但他們很有經驗，每一款我們都吃到肉質最嫩滑，所以特別爽甜。到最後就是整個蒸海鮮的精華，每滴精華都留在粥底裏面，

今日同女兒去九龍城做按摩，之後帶左佢去龍崗道食蒸海鮮，之前在新蒲崗食過蟹仙海鮮蒸氣鍋，海鮮極之美味。得知九龍城有分店，一早訂定位同女兒品嚐一番。九龍城分店有二層，地方比新蒲崗分店大一些。數款套餐，我們依舊選了共十款的套餐。同樣海鮮餐的款式，有機會因當日來貨海鮮的種類及價格，供應稍有不同。準備中，侍應送上小食，炸魚皮脆卜卜，好香口。所有材料準備妥當，首先將粥底材料放入鍋底內，再加上有孔的蒸盆，讓蒸海鮮的！精華流入粥內。之後侍應會因不同的海鮮，用不同的時間為我們蒸海鮮。野生瀨尿蝦皇，瀨尿蝦好大隻，已預先整熟，拍照完後，侍應便將之去殼，好好彩，呢隻有膏(吾係每隻都有)。啖啖肉好鮮甜，有埋膏更香甜。越南頂角膏蟹，女兒見到了膏蟹嘩的一聲叫了出來的，超多膏啊！連蓋邊都有膏，橙色膏有口感又鮮甜，是真正的頂角膏蟹，整隻蟹無論膏或肉都鮮味無窮，齒頰留香。澳洲青年龍蝦，不大不小，這size的龍蝦肉質最鮮嫩，因為是野生，比養殖的鮮甜好多。翡翠九孔鮑魚、泰國海中蝦彈牙、紐西蘭大蟶子、日本大元貝鮮嫩、韓國慶南蠔，蠔味濃郁。深海龍躉片嫩滑。全部鮮味十足。有機蔬菜籃清甜。到食粥啦！粥有已有排骨、南瓜甜味，再加上蒸海

出外工幹一星期冇啖好食。回港後即刻約左好朋友食好野！ 老友推介九龍城區這間「蟹仙海鮮蒸氣鍋」。喜歡這間蒸氣鍋的生猛游水海鮮，而且蒸海鮮可以保留食物的原汁鮮味，味美又健康。-平時出外食海鮮最怕金玉其外，敗絮其中。老友說這間餐廳老闆經營海鮮批發，每日都會親自去機場挑選空運到港的海鮮，確保質素及能以抵食的價錢讓客人品嚐海鮮。所以今晚很期待呢🤤-套餐有十款海鮮，全部真材實料不加味精熬製。 先在鍋底加入米粒、排骨及南瓜去煮粥底。然後在上面的有孔蒸架烹調海鮮。在不加任何水份的情況下進行蒸煮，鍋底食材完完全全吸收所有海鮮精華，非常鮮甜。-難得好友聚舊，我們點了一枝白酒配海鮮。白酒的清香能提升海鮮的鮮甜。-首先出場的海鮮是「越南海虎蝦」，蒸4分鐘。赤紅色的蝦身肉質鮮嫩富彈力，不需薰點醬汁已能品嚐其鮮。-接著是「紐西蘭大蟶子深海龍躉片」蒸兩分鐘。蟶子爽彈、魚肉質細緻口感軟滑。-同樣蒸煮時間恰到好處的還有「日本元貝、韓國慶南蠔、翡翠九孔鮑魚」蒸三分鐘。最吸引的是那元貝那澎湃的湯汁！ 無比鮮甜，而且元貝口感爽彈！生蠔及鮑魚蒸煮完亦沒有縮水，夠鮮味濃。-驚起一浪接一浪，「野生深海瀨尿蝦」夠哂生猛。職員好不容易

其實我都幾鍾意食蒸海鮮，不過食一次都唔平所以總不能經常去，今個月要同友人慶生，又有藉口去食好嘢啦！今次就黎九龍城既蟹仙，聽聞D海鮮好新鮮，好期待呀！餐牌由$398-688不等，我地就揀中間的$498餐，有成13款材料！開始前當然先把粥底材料放入，有南瓜，粟米、芋頭、排骨和珍珠米等，應該會好甜！跟住就開始啦！先黎一人一隻大黃奄，D膏真係又黃又多！超香呀！蟹肉細嫩，真係齒頰留香！另外有野生琵琶龍蝦一隻，未聽過咩叫琵琶龍蝦，個樣同一般龍蝦好唔同，但食落都幾好好味，而且好多肉，肉質彈牙爽甜，不錯的嘗試！跟住到日本大元貝，大隻又肥美，鮮甜又唔韌。越南海虎蝦同樣爽口彈牙，非常新鮮！同樣來自越南的「佳麗」仲有貴妃蚌，一樣咁美味！食完海鮮就食番D肉，美國安格斯靚牛之選，牛味濃郁且肉腍！黑毛豬肉片同蟲草花雞件都不錯！另外仲有丸類包括「芝心小籠包」、「星爺醬爆瀨尿牛丸」、「海鮮蝦棗」、「墨汁墨魚丸」，海鮮蝦棗好好食，好似是人手打，所以好彈牙！而芝心小籠包好流心，正！最後點都要食番D蔬菜，仲係有機添！！全部都好鮮嫩！蒸哂咁多道菜就可以食埋個粥底，估唔到咁綿又有海鮮鮮味，好滿足的一晚！