蟹仙海鮮蒸氣鍋 (龍崗道)

营业中

休息中

黎到九龍城，係離地鐵好遠，近海呢邊，就有唔少好食既餐廳，揸車黎既話，就十分方便。咁次黎試呢間蟹仙，食落都唔錯，唔會海鮮價，定價十分均真。黎到舖頭，就見到隻蒸爐，蒸爐size夠曬大，蒸條海魚都夠曬位呀～另外，爐既火喉十足，唔似有d店咁，個爐功率唔夠大，好似燜熟d海鮮多過焗熟咁。今次試左佢個套餐，份量都算幾多，兩個人食就岩岩好，呢個價錢都算合理。琵琶龍蝦，普通街市都好難揾到，聽講係老闆每朝親自去西貢買返黎九龍城，真係做得幾有heart，龍蝦夠曬鮮味，有唔少膏，幾正下。甲殼類方面，最驚就係有沙，今次食佢個硯，吐沙吐得夠曬乾淨，呢d基本功真係好重要，唔係既話，幾新鮮都無用粥方面，佢唔係d綿既粥，似客家人既粥咁，你當粥水咁喇，幾鮮味。