蟹仙海鮮蒸氣鍋 (龍崗道)

营业中

休息中

蟹仙既海鮮非常新鮮，根據海鮮大細分開蒸，有專人服務你，幫你蒸同夾俾你。食梗一兩種海鮮，再蒸另一種，好似食自助餐咁食唔停口，又新鮮蒸出黎唔會凍左。比起食九層塔海鮮更好，因為九層一齊蒸食到尾有d太熟。野生懶尿蝦有成隻快子咁長，預先蒸好，店員幫係拆殼同切件。澳洲青年龍蝦，琵琶龍蝦，大蝦，韓國蠔，元貝都很鮮味。我地食得好滿足。大家最愛是越南的頂角膏蟹，呢隻蟹有好多橙紅的蟹膏，量多鋪滿至蟹蓋的尖角，十分肥美飽滿。食一隻等於食人地三隻咁多膏。套餐更有蔬菜和甜品，惟欠了自家製飲品。覺得呢間物有所值，最重要係唔駛自己搬自己洗刷海鮮，呢度既海鮮好乾淨冇沙冇泥。更加唔駛自己去揀海鮮，街市好少有咁大隻既海鮮，通常都係細小d既。

尋日同朋友一行九人去飯聚朋友介紹呢間幾好食，果然冇失望食物非常新鮮，樣樣都爆膏！不過有大食男友人略嫌食物不夠飽老闆好好人，送左碟小食請我地食晚飯又有糖水食，而且糖水不太甜非常岩女仔食！

朋友買左新車，決定去九龍城食海鮮，擦餐勁既好爽。餐廳有幾個set, 又可以散叫，餐位每位$298至 $688都有，豐儉由人。我地揀左398呢款，餐廳話因應來貨，大隻海鮮就俾左398個餐度，細隻會去左299果度，所以要睇返果日有冇食神。今次每款海鮮好新鮮又大隻，我懷疑係因為過左休魚期冇耐所以特別大？翡翠九孔鮑魚vs日本大元貝越南海虎蝦vs韓國慶南蠔野生花尾龍𧄌片vs越南貴妃蚌vs韓國慶南蠔澳洲青年龍蝦越南頂角膏蟹野生瀨尿蝦野生琵琶龍蝦有機蔬菜籃娃娃菜, 生菜, 南瓜, 粟米南瓜粟米咸肉粥甜品精華盡歸粥內，如果個餐包埋飲品就prefect喇

第一次同朋友去食 D蝦大大隻 蝦肉又鮮嫩 非常可口蟹膏亦多而鮮甜 一食難而忘懷其他仲有林林總總珍奇海鮮 當中琵琶蝦 相貌其特 但一食落口 卻為味覺帶來嶄新既衝擊仲帶好多好多難以細數最後粥底 成為幾粒海鮮既精華所在有如帝王饗宴

我好鍾意食海鮮，所以蒸氣海鮮好岩我，今次同大帝同先生黎食，叫左每人$398海鮮餐，好豐富。揀左半隻頂角膏蟹，半隻奄仔蟹，象拔蚌刺身，大蟶子，韓國慶南蠔，仲有每人半隻澳洲青年龍蝦，九孔鮑魚，泰國海中蝦，韓國油蚌，龍躉片，菜籃。每款海鮮都好新鮮，鮮甜，有專人幫忙計時蒸各款海鮮。尤其2款蟹都好正，奄仔蟹膏軟滑香甜，肉嫩帶甜。頂角膏蟹真係滿滿硬膏，2款蟹都好肥美。，食蒸海鮮最緊要新鮮，蟹仙就好新鮮，老板娘亦熱情健談，送即炸魚皮請大帝食。

前排小妹迷上食海鮮蒸氣鍋決心要食晒全香港既海鮮鍋先係壹蒸鍋、鍋心，然後就蟹仙本來我條list仲有幾間想去，點知食完蟹仙，返唔到轉頭，我就無法去第二間，連食咗3次！我推介398套餐 & 298套餐 （每位）海鮮好靚好新鮮，老闆係選貨高手！仲平過去街市自己買！398 比 298 多隻勁巨型、鮮甜賴尿蝦王店員可代為剥殻，非常貼心！一次食有羔，一次食全肉，都正！主角係隻越南頂角羔蟹，真係正到不得了爆糕爆到成隻都係羔，橙羔甘香、黃羔香甜！甘香可口！啖啖羔食半隻都好足夠！拆開睇，蟹身同蟹殻全。部。都。係。羔！（我食過3次，每次都一樣爆羔！）澳洲青年龍蝦：好好味，真係澳洲龍蝦，味道比波士頓好吃好多，仲要有羔，掂！其他海鮮都鮮甜好味食完海鮮仲有蔬菜 同埋 粥底仲送甜品養生燕窩木瓜糖水（第一次食之前怕唔飽，點知飽到粥都未必食得落）店員好好，會細心介紹各種海鮮總括好掂！不愧為「蟹仙」！100分推介！一定要試！Ps 要book枱呀！

海鮮用嚟蒸係嘅最佳煮法，有見及此，市面上就越來越多蒸氣海鮮食店，呢個簡直係一大發明呀九龍城蟹仙老闆係做海鮮批發，香港大部分嘅蟹都係經呢個蟹仙老闆出售的，既然老闆有第一手靚貨當然要益下食家啦，所以蟹仙每日嘅蟹都係經老闆精挑細選的，就咁講已經好期待今晚嘅靚蟹啦呢個係$398/位套餐共十款海鮮越南頂角膏蟹有圖有真相，睇下呢隻膏蟹爆晒膏呀完全唔會水汪汪，蟹身好肥美多膏、橙黃色嘅蟹膏顏色，好邪惡呀。呢度有專人幫我地控制時間蒸野，只需幾分鐘就蒸好了。蟹膏好似流緊出嚟咁呀，啖啖蟹膏，食落滑溜，濃郁鮮甜甘香蟹膏。野生琵琶龍蝦琵琶龍蝦好多肉呀，蝦頭都有膏好鮮甜，肉質好彈牙，好味呀當然仲有海蝦、鮑魚、帶子、龍躉、蟶子、生蠔九孔鮑魚好彈牙，好鮮味蟶子蒸得恰到好處，爽彈鮮甜除左蒸海鮮，又點會小得刺身呀，象拔蚌刺身真係好好味呀鮮甜爽口，絕對吸引一眾海鮮迷炸魚皮送酒之選，香口脆卜卜最後仲有蒸氣鍋嘅精華，仲有加啲南瓜粒、咸骨加海鮮汁滴晒落去，食埋就剛剛好啦。仲有糖水食添呀

終於完成人生大事 一身鬆自然要食嘢本來目標是高級自助餐 大擦生蠔海鮮想起自己減肥後小鳥胃 都係食靚嘢好身為蟹痴 找到這間口碑超好蒸氣海鮮超級驚喜呀 好食到下次要捉哂全家嚟-選了 $398 一位的海鮮餐 有十款海鮮職員會幫忙蒸及介紹海鮮 服務幾週到環境正常重點係食物 準備看千字文啦-（以下按我個人喜好順序）🦀越南頂角膏蟹 & 菲律賓大黃奄未蒸已見超爆膏 但只爆半隻深感奇怪對不起我是我煩膠 不懂就問增長知識原來是鴛鴦拼 令食客試齊奄仔同膏蟹據職員講老闆是批發商 挑了卅年海鮮香港七成蟹經佢手 每天選最靚二百隻留在自己店 其他全部賣去各高級食府蒸嘢食材最講究 信心十足便賣蒸海鮮講到咁巴閉 萬一唔好食小心被打臉喔點知一食真係無話可說 超級無敵正呀膏蟹的硬膏厚實又夠香 拍得住大閘蟹蟹蓋能挖出大塊膏 而蟹肉亦結實鮮甜以前覺得媽咪街市買蟹蒸都得 抵好多原來唔係 因為靚蟹根本不會流入街市好食到詞彙匱乏 總之齋食超甜超新鮮另一邊蟹是大黃奄 因胖兔沒偏愛硬膏偷食少少似乎蟹肉更甜更多 各有風味-🦞澳洲青年龍蝦龍蝦睇上去唔算好大 但味道一樣驚人據講是深海的水壓高 所以運動量特多咬落 的確比其他品種龍蝦更爽口彈牙

早兩星期喺新蒲崗食完蟹仙,一直念念不忘，今日又發海鮮癮，於是拉住為食好友陪我去刷餐勁照樣叫咗個$398 共十款嘅套餐，先黎大大隻蝦味濃郁嘅海中蝦打開味蕾，再黎一隻肉厚彈牙半隻手掌咁大嘅翡翠九孔鲍鱼同蠔味鲜甜冇腥味，肉質柔軟嘅韓國慶南𧐢，之後再來一個龍躉片，非雪藏貨，食落鲜甜，肉質彈牙，唔係淋pat pat 美食繼續來，野生琵琶蝦，啖啖肉大大嚿，新鮮彈牙，真係鮮甜到不得了，食完真係令人回味再回味跟住再嚟澳洲龍蝦，打開開邊龍蝦，見到蝦頭充滿滿滿的蝦膏，店員話我地好幸運，因為好難得遇到重皮龍蝦，只要輕輕拉開蝦殼，半邊蝦就連軟軟的皮完整拉出，蝦皮入口煙韌，口感有趣菲律賓大黃奄，一打開已經見到黃黃的蟹膏鋪得滿滿的，蒸熟後，真係不得了，蟹膏大爆炸，忍不住立即夾一口，膏香濃得很，最厲害係整隻蟹所有位置都是肉，連蟹腳蟹拑關節位都係肥美嘅蟹肉同店員傾開計，原來呢度嘅老闆係專門批發海鮮，每次海鮮到港後，老闆會親自挑選頂級貨送到店鋪，CP值咁高，以後唔駛係屋企嘥錢嘥時間整餐懵最後食埋個有機雜菜同南瓜粥，今餐真係食得如痴如醉，回味又回味

位於九龍城龍崗道2至4號地下的蟹仙海鮮蒸氣鍋，主打蒸氣火鍋。用膳到七時多，餐廳爆滿，有些客人要在門口等位。所以建議預先致電留位，抑或選擇較為少人的時段用餐。點了每位$398的套餐，共有九款海鮮加蔬菜籃，提供時令的海鮮，所以每天的款式也有點不同。今次吃的是中價的套餐，可以選其他的套餐，豐儉由人。職員首先在鍋底放少許白米、南瓜粒和排骨，最後便可以吃到味道頗鮮甜的海鮮粥。。約十五分鐘後，海鮮來到了，第一盤有 翡翠九孔鮑魚、泰國海中蝦、越南貴妃蚌、日本大元貝、韓國慶南蠔、深海龍躉片。另外一盤有越南頂角膏蟹 和 澳洲青年龍蝦。每人各有半隻膏蟹 和半隻龍蝦，頗為豐富滿足。龍蝦肉質十分爽口，可見用料頗為新鮮。用餐當天可以選 野生琵琶龍蝦 或 象拔蚌刺身，選了前者。琵琶龍蝦蝦肉新鮮彈牙，肉質一點也不霉。整體各種海洋都十分新鮮，肉質爽口彈牙，味道鮮甜。個人最喜愛吃日本大元貝，啖啖肉，十分滿足。蟹膏十分充足，滿得快要溢出來，頗為吸引。泰國海中蝦的尺寸也頗大，蝦肉肉質爽口。鮑魚的口感彈牙，一點也不韌。順便一提，如果坐在卡位的位置，有一個小抽屜，可以把蝦殼和貝殼丟進去。接近尾聲，職員會把各樣蔬菜蒸熟，個人最喜

【海鮮盛宴】向來喜歡吃海鮮，因為海鮮鮮甜彈牙，而且蛋白質高，脂肪低，係健康之選，食多d都無咁罪咎感。蒸氣海鮮鍋更是健康選擇，無油無調味，食出海鮮原味。今晚同朋友去左九龍城搵食，選擇了每人398元的套餐，有龍蝦，鮑魚，琵琶蝦，海中蝦，蠔，膏蟹，龍躉片等，非常豐富。最愛龍蝦蝦頭超多膏，夠曬鮮甜。店員話，老闆做左30幾年海鮮生意，所以來貨好新鮮。最後食埋個粥底，吸收海鮮精華，飽肚暖胃。最後店員還奉上甜品木瓜燉雪燕宮燕，十分滿足。

$398一位嘅海鮮套餐 簡直抵食 有多款靚海鮮提供 有我至鍾意食嘅蟹，龍蝦，瀨尿蝦！ 平時有行開街市嘅我 表示街市完全搵唔到咁靚嘅海鮮 因為呢度嘅老細做海鮮批發 會將最靚嘅海鮮留比餐廳首先職員會為我們放下粥底 配料有鹹肉南瓜 雖然配料非常簡單 但是這是我最期待的 待會兒海鮮嘅精華都會落在粥底當中菲律賓大黄奄 ，澳洲龍蝦 兩款重量級海鮮爆曬膏 未食已經流曬口水龍蝦膏 軟滑至極 味蕾瞬間充滿甜味 吃到幸福的感覺蟹膏非常軟熟 非常肥美 肉質飽滿 每一個位置無論蟹腳，蟹鉗都係有肉嘅 是絕頂靚蟹野生瀨尿蝦王 咁大隻瀨尿蝦真係好少見 足足有前臂咁長 一梳梳技肉鮮甜而且帶有海水味道紐西蘭大蟶子 清洗得非常乾淨完全冇半點沙粒 真係好新鮮 蒸嘅時間唔可以過火 餐廳職員拿捏時間簡直係一流 蒸完出嚟仲係好嫩好脆口越南貴妃蚌 味道非常清甜 肉質夠鮮嫩 體積非常巨型 食落去啖啖肉海蝦 蝦頭嘅膏非常鮮甜 蝦肉爽脆彈牙 好新鮮哦來自韓國的南蠔 蒸完出嚟嘅蠔肉都冇乜點縮水 依然好大隻 蠔身飽滿夠肥美 裙邊帶有點爽脆 蠔味濃九孔鮑魚 肉質非常彈牙又厚實 紮實嘅口感在口腔中彈下彈下 好滿足哦清蒸時令蔬菜估唔到係咁清甜

一直都留意到屋企附近開左間蟹仙，早幾日終於都去試左聽店員講蟹仙個老闆係一位做海鮮批發嘅生意人，香港有好多知名嘅食店都係同佢攞蟹同海鮮的！近年佢自己都開始投入做食店生意，希望更多食客食到靚嘅海鮮！我地揀左HK$398個海鮮餐，都幾豐富下的！有成九款不同嘅海鮮...1）越南頂角膏蟹 / 菲律賓大黃奄2）澳洲青年龍蝦3）翡翠九孔鮑魚4）紐西蘭大蟶子5）越南貴妃蚌6）泰國虎蝦7）深海龍躉片8）韓國慶南蠔9）象拔蚌刺身仲有盤有機蔬菜及個南瓜排骨粥底！最後仲有碗糖水tim! 我同店員講，其實我係街坊黎！見我係街坊，所以醒多我一碟啱啱炸起既香脆魚片每樣海鮮都好新鮮同鮮甜！唔洗講最正一定係隻蟹啦！越南頂角膏蟹爆蟹肉又厚實，而菲律賓大黃奄嘅膏夠軟又夠滑，其次好食嘅就係龍蝦，肉質鮮美又夠爽口彈牙，仲有我超喜歡的象拔蚌刺身，食落索索聲，超正呀！❤️重點仲要有專人服侍，完全食殘廢餐嘅一樣！甘嘅價錢有甘嘅食物質素同服務，性價比都算高的！一定會再黎食呀

家姐最鐘意食蟹🦀， 所以就係佢生日嘅時候， 帶佢去屋企附近一家專食蟹、海鮮蒸氣鍋嘅專門店—「蟹仙海鮮蒸氣鍋」， 豪食一頓！😏 餐廳麻雀雖少，但五臟俱全， 有不少玻璃魚缸養住各式各樣嘅海鮮， 保證新鮮！😏 預先訂好枱，  甫入店，店員便親切地講解呢到嘅海鮮來源， 仲介紹我地食野生瀨尿蝦皇， 話有一隻前臂咁長，😍 真係未食已經流晒口水啦～ 呢到有4個套餐，由$298/位起，  有10款海鮮，好抵食呀！☺️☺️ 不過一分錢 一分貨， 由於我地想食野生瀨尿蝦皇， 所以就點左$398/位嘅套餐～😎 越南頂角膏蟹/ 菲律賓大黃奄 野生瀨尿蝦皇/象拔蚌刺身/野生琵琶龍蝦 澳洲青年龍蝦 翡翠九孔鮑魚 泰國海中蝦 越南貴妃蚌 日本大元貝/紐西蘭大蟶子 韓國慶南蠔/紐西蘭青口 深海龍躉片 有機蔬菜籃 上海鮮之前，先上個粥底， 店員將米、南瓜粒、排骨預先放係鍋底， 等成個蒸鍋食完之後， 就可以品嚐到集海鮮嘅精華於一身嘅靚粥～☺️ 因為海鮮中最重味道嘅係蟹🦀， 所以小編建議最後先食～ 野生瀨尿蝦皇 相機食先之後店員會幫我們剝殼，好細心呀！♥️ 咁我地就

同MY BOSS 做野太辛苦了 要食餐好今次嚟到九龍城嘅蟹仙 專食靚蟹🦀我哋揀咗個$398/1人嘅套餐呢個套餐選擇比較多 食嘅蟹檔次高一層係嚟自越南嘅頂角膏蟹 肉質鮮甜又多膏至於點解咁多膏 因為膏蟹係產能過後嘅雌性青蟹店員好好 比我地揀埋菲律賓大黃奄同樣都有好多膏 啲膏夠滑夠甘甜仲有澳洲青年龍蝦食 肉質十分結實鮮甜另外仲有其他海鮮可以選擇我個人較推薦紐西蘭大蟶子同韓國慶南蠔呢兩種海鮮都比較利用蒸嘅方法去食食得出佢嘅鮮味🤤最後所有海鮮嘅精華都落咗係鍋底嘅粥度😌________________________裝修環境：✨✨✨✨✨服務態度：✨✨✨✨✨食物質素：✨✨✨✨✨(5個✨為滿分)________________________唔信我嘅可以自己去試試😂