影片
更多
2020-01-22
364 浏览
天氣涼返少少就好想打邊爐，今次就揀左九龍城既黃店海鮮蒸氣火鍋💛九龍城區不嬲都深藍，平時都唔知食咩好，難得有黃店當然要黎支持！❤️😍餐廳設有多款海鮮套餐可供選擇，分別係精選，尊貴，至尊，同刁鑽套餐。越黎越高級，價錢會越高，海鮮款式亦越多。我地揀左個尊貴海鮮套餐，總共有十款海鮮，5折後只係每位$399咋😃奄仔蟹全個套餐最有正，店內招牌！呢隻奄仔蟹雖然外表樣衰，蟹膏好似中毒咁。侍應介紹返綠色係因為呢隻蟹主要食素，食得海草多所以蟹膏都綠左😂呢種蟹蟹反而少見呀。比起一般金黃色的蟹膏，綠色呢款味道多了點苦澀，不過苦得黎還可以接受。侍應介紹，如果見到全素的蟹蟹，蟹膏更會係黑色的😮長知識了野生大瀨尿蝦瀨尿蝦用左冷盤形式上菜，侍應介紹係因為瀨尿蝦會因為受驚過度就會「瀨尿」，瀨尿蝦就會流失水份，所以餐廳一入貨就會先蒸熟大大隻既瀨尿蝦，再以冷盤上菜。上菜是已經剪開左殼，見到滿滿結實既瀨尿蝦肉😋😋大滿足🥰澳洲龍蝦龍蝦肉彈牙，金黃色的蝦膏，入口味道濃郁👍肉質新鮮，我咁手殘都好客易碌殼。台灣鮑魚鮑魚十分厚肉，肉質唔會太硬崩崩，可以一口咬到底。加上鮑魚一早清潔得好乾淨，連個膽囊都清好，咁食落既方便又唔會有苦澀。越南大
餐廳設有多款海鮮套餐可供選擇，分別係精選，尊貴，至尊，同刁鑽套餐。越黎越高級，價錢會越高，海鮮款式亦越多。我地揀左個尊貴海鮮套餐，總共有十款海鮮，5折後只係每位$399咋😃
奄仔蟹
全個套餐最有正，店內招牌！呢隻奄仔蟹雖然外表樣衰，蟹膏好似中毒咁。侍應介紹返綠色係因為呢隻蟹主要食素，食得海草多所以蟹膏都綠左😂呢種蟹蟹反而少見呀。比起一般金黃色的蟹膏，綠色呢款味道多了點苦澀，不過苦得黎還可以接受。侍應介紹，如果見到全素的蟹蟹，蟹膏更會係黑色的😮長知識了
野生大瀨尿蝦
瀨尿蝦用左冷盤形式上菜，侍應介紹係因為瀨尿蝦會因為受驚過度就會「瀨尿」，瀨尿蝦就會流失水份，所以餐廳一入貨就會先蒸熟大大隻既瀨尿蝦，再以冷盤上菜。
上菜是已經剪開左殼，見到滿滿結實既瀨尿蝦肉😋😋大滿足🥰
澳洲龍蝦
龍蝦肉彈牙，金黃色的蝦膏，入口味道濃郁👍肉質新鮮，我咁手殘都好客易碌殼。
台灣鮑魚
鮑魚十分厚肉，肉質唔會太硬崩崩，可以一口咬到底。加上鮑魚一早清潔得好乾淨，連個膽囊都清好，咁食落既方便又唔會有苦澀。
越南大虎蝦
食蝦最忌肉質散。今次大虎蝦除左肉質彈牙之外，蝦頭仲有唔少膏，可以一啖啜曬佢☺️
深海龍躉片
紐西蘭刀貝蚌
刀貝蚌比較少食，但確實有驚喜。唔好睇佢好似蚌肉相比其他海鮮比較薄身，但蚌肉十分厚，食落很爽口，一啖咬落去仲有滿滿既汁滲透出來，十分鮮甜😋
蘇格蘭大蟶子
韓國慶南蠔
每款海鮮都咁鮮甜，好難講邊樣最好食😭加上服務態度一流，食每款海鮮都會先介紹一下。
有機蔬菜盤
全餐最local既食材，得佢係本地來源😂餐廳採用有機菜，普通蒸熟已經好甜😍好少食到咁清甜既蔬菜👍尤其愛粟米🌽
粥底火鍋
最後食埋粥底火鍋。蒸海鮮之前，侍應已經 將南瓜粒，薑片同放入鍋中。一路蒸海鮮的同時，吸收曬蒸海鮮的水😘因為冇落其他調味和鹽，所以味道清甜稍淡。另外有葱粒菜甫供應，我加左菜甫口感爽左之餘，味道更香👍
除左呢個套餐，我地加左碟醬爆牛丸，爆汁juicy非常正👍
椰汁燕窩
最後有糖水送😘係我最鍾意既椰汁呀！甜度適中，一絲絲燕窩碎，好warm又養顏🥰
张贴
