莆田 (美麗華廣場2期) (已結業)

我個fd好鍾意食中菜，今日要拎旅行手信俾佢，於是就同左佢去尖咀新開既米芝蓮星級福建菜度聚吓食吓同派手信~~~~~~~~~~~~一入去就已經比間餐廳吸引住，覺得幾高級，設計都幾靚，係咁既環境下食飯心情的靚好多！前菜我地揀左招牌菜之一既九層小腸，層次豐足既大腸一層套一層，見得出係心機菜式，口感煙靭又彈形，完全無大腸本身的臭味，師傅手功一流！完完全全就係功架十足的最佳表現！！同時我地見好多枱都叫左蟶子，我地就梗唔執輸又叫埋一份！呢款花雕蒸蟶子係出面好少見，蟶子味道鮮甜又粒粒都咁肥美，份量都好足，花雕嘅香味更加會令人食欲大增，係食完一粒會不停想食落去芫荽令呢碗風味蟶溜更加香，入面嘅椰菜花唔會太硬，蟶子嘅甜美唔會因為浸過湯而少咗用蟶子去煎蛋堅係第1次食！啖啖都原蟶子肉，口感好豐富，蛋既份量都好適中，蟶子唔會甩出嚟，味道清甜，單係咁食都好鮮味呢碗鹵麵好惹味，有蝦米嘅香同海鮮嘅甜，麵煮得啱啱好，唔會淋到爛，入面仲有白菜、菇同豆卜等，豐富又易入口超級大食既我地另外仲叫咗個簡單嘅薑蔥炒蟶子，完全食到蟶子嘅鮮，而且只係微辣，所以唔食得辣嘅人都食得，我朋友就食到手指大動！是夜開心又滿足，人生應該每日都如此才

雖然香港有好多好野食，但係有邊一間可以又好食又有特色呢？我諗非莆田莫屬㗎啦，佢仲要係米芝蓮嘅一星餐廳，咁係尖咀開左分店，就梗係又要去朝聖~由出面睇已經覺得佢好高級，而且都好多人幫襯，入面嘅光線柔和舒適，感覺良好去到個陣咁啱係哆頭蟶節，主打蟶子，真係啱哂我口味，我最鍾意食嘅海鮮就係蟶子，仲要有咁多款㖭啲蟶子鮮甜多汁，而且蛋入面仲有好多粒，好足料，蛋皮完全包住哂啲蟶子，所以佢地唔會甩出嚟，每口都鮮鮮鮮！花雕蒸蟶子一樣咁肥美多汁，花雕嘅酒味更加提到蟶子嘅鮮味出嚟，口感仲好爽彈~條百秒黃花魚最正嘅地方就係佢唔腥唔臭，仲有少少酒味，可能係啲酒辟走咗佢嘅腥味，肉質仲好嫩滑我同阿媽都係甜品控，呢碗蓮子銀耳湯清甜又解渴，而且仲可以進補一下，阿媽每食一啖都係咁讚我就叫左紫薯泥，個樣靚靚，咁會太甜，連埋下面嘅芒果汁一齊食就更正！果然不負所望，水準仍是很高！

次次食海鮮都會去酒樓，所以今次想搞啲新意思，就去咗間米芝蓮餐廳到食。米芝蓮喎，梗係唔會差啦~我叫左個頭盤涼菜濕濕個口先！呢個蝦苗拌頭水紫菜味道微酸，蝦苗鮮甜，紫菜軟香中帶鮮，味道突出呢碟九轉小腸好考心思，因為廚師要一層套一層咁將啲膠一層套一層直到有分明嘅九層，口感爽脆，鹹香宜人花雕酒香令呢道蒸蟶子嘅鮮味更加突出，而且份量都幾多吓，物有所值！黃花魚肉質好嫰好滑，食落鮮味濃郁，完全唔會有腥味用蟶及去煎蛋真係第一次食，個樣OK喇！一咬落去啲蟶子就多到跌晒出反，好鮮味！蛋同蟶子都好足料，煎得好香口~~~~~~~

難得男友今日想食其他菜式，不再是西餐，靈光一閃早前在美麗華商場有間是米芝蓮得獎餐廳而且是福建菜，平時比較少食，那就去碰運氣吧。因時間尚早，幸運地順利入座，而隨後的客人若沒訂位，也沒法提供，所以下次一定要先訂位子。菜苗伴頭抽水柴菜紫菜的香氣跟酸酸的味道的作為前菜十分開胃九轉小腸平時食的小腸都會特別油膩，而這次呢款九轉小腸口感甚為實淨，好有咬口，每件也感覺得厚厚，細問之下原來小腸內也是包滿小腸，難怪口感都是滿滿的十分豐富鐵板鹽焗蟶子賣相十分討好，而我還是第一次試這樣的煮法，碟厚的鹽鋪滿在鐵板上，再一個個把蟶子整齊的排列著。 蟶子份外鮮甜而水份也能保留著，火喉剛好，沒有其他調味，反而享受著最原始的味道風味蟶溜湯底充滿蟶子的鮮甜且用了蕃茄帶來酸的味覺，十分受落，更有菜類來點綴，十分用心的一道菜

話說之前聽朋友介紹過莆田呢間米芝蓮餐廳，話佢進跓左尖沙咀美麗華。本身都未有太大意慾想食，點知聽到莆田有個蟶子節，即刻挑起左我既興趣，9秒9去試下先。叫左個二人既蟶子套餐，勁期待！前菜先試左個冰浸苦瓜先。生既苦瓜比較重苦味，但係有少許的甘甜味。口感清爽，都算幾特別。咩叫頭水紫菜呢？第一次收成既紫菜就叫頭水，之後就叫二水丶三水丶四水。頭水紫菜特別幼滑，食落真係特別唔同架！到左我最期待既蟶子出場啦！首先既係薑蔥炒蟶子。每隻蟶子都脹卜卜，肉質爽口，隻隻都好甜好肥美，好正！平時出街食飯都好少可會叫到蟶子，呢碟蟶子100蚊都唔洗，而且質素相當正！推介呀椒鹽XX都食得好多，但係椒鹽蟶子真係成世人第一次食！最爽既係咩呀？就係唔洗剥殼，成隻成隻咁食真係勁爽。而且椒鹽個炸皮勁薄，蟶子入面炸得唔會過老，重好多汁，唔錯唔錯最後就當然要加番D澱粉質先夠夠啦！呢個炒米粉真係好正！同平時大家食過個隻炒米粉唔同。麵質幼好多，而且比較軟身，好索味！兩個大男人食到呢度都飽飽地，幾抵食，唔錯！

一家人出嚟食飯，不外乎係去酒樓食，但係今日難得出嚟尖沙咀，就緊係要去試下呢間米芝蓮一星餐廳啦，等啲老人家可以試吓新嘢第一次嚟就咁啱有咁多人，非常熱鬧，格局整整齊齊，仲有好多位可以比人行，座位間格又坐得舒服前菜揀左食完會透心涼嘅苦瓜，因為佢係薄切，加上上面淋咗少少蜜糖，所以一啲都唔苦，仲好開胃添紫菜好爽口，上面仲淋咗啲酸酸地嘅汁，啲蝦嘅味亦都好突出，大家唔會搶大家風頭將條黃花魚開肚之後再煮會令條魚熟得更透，無魚嘅腥臭味，反而有啲酒味同鹹香椒鹽蟶子外面嘅粉都幾薄，可以食到蟶子嘅鮮味，碟餸炸得好香口，唔會太乾興化米粉嘅用料比想像中更加豐富，除咗花生同芹菜，蜆同蝦嘅份量都一樣咁多，米粉幼身，食落唔會油十四隻蟶子，每隻都好肥美，雖然係鹽焗，但係唔會太咸，而且啲肉汁仲鎖咗响入面，非常鮮美

收工之後唔知食咩，於是同班同事就去左同事B話幾好食既間米芝蓮餐廳開飯~餐廳正在做蟶子推廣，咁我咁鍾意食海鮮既人就梗係帶頭讚好喇~~餐廳係酒店內，店面設計非常光鮮，簡單而且夠乾淨，座位亦都排得好整齊，坐位都好舒服~朋友B話一定要食呢個頭盤！因為堅好食咁話！苦瓜可以清熱解毒，加上佢切得夠薄，所以食落唔會有苦澀味，仲要有蜜糖可一邊沾上一起食，口感好清新呢碟好考功夫，要將啲腸一層套一層，仲足足套足成9層咁多，好入味，又有口感，唔會有肥膩感，比想像中更為好食椒鹽蟶子炸得好香口，咸咸地而且，好酥脆，外面層粉唔會太厚，鮮味十足另外我地亦叫左招牌菜之一既百秒黃花魚，魚肉鮮甜嫩滑，吸哂入面嘅湯汁，重點係佢無魚嘅腥臭味，仲有陣陣酒香，果然真係幾好食畢後我地都覺得廚師功力了得，味道很合港人口味，加上味精又唔多，係可以再來食過既

朋友家鄉是福建,本人也是,所以他特登帶我去莆田剛新開尖沙咀分店食晚飯。 而家做緊哆頭蟶節 平日7點已有咁多幫襯。店裝潢時尚,用餐區舒適。***首先送上 香脆紫菜、花生、菜脯 。*** 【蝦苗伴頭水紫菜】$52 紫菜帶酸酸味味,並少少乾蝦苗,口感柔軟得來爽口,十分開胃。*** 【九轉小腸】$79 這豬腸好特別內有多層, 續層續層捲入內面, 是繁複的手工菜。 食起好有口感,好入味,帶咸甜味似鹵水因有火興住,遲一點食,也好好味。***【花雕蒸蟶子】$99 到蟶子肥美的季節,必要點來食燉盅插滿蟶子,有淡淡的花雕酒香氣,令細細蟶子更突出鮮甜味,十分很滋味。***【百秒黃花魚】$69 這黃花魚燜煮得剛剛好, 不會煮得過老。這簡單烹調,可食出黃花魚原汁原味,魚勁滑嫩鮮甜,甚少魚骨,吃得津津有味！***【莆田滷麵】$82 莆田滷麵內有多樣配料有,蝦、蜆、豬肉、菜等, 湯和配料的味道完全滲透到麵條裡面, 而湯是粘稠的,整體濃鮮美。

好耐冇見舊朋友，當然要吃喝玩樂一番，朋友說莆田在美麗華商場新開了分店，而且最近推出了很多蟶子特色菜，個人愛吃蟶子，便相約在此聚一聚。先來個紫菜花生和菜甫，紫菜香脆、菜甫爽口。以往多以紫菜做湯，或用紫菜做零食。用紫菜來做冷盤，味道很特別，鹹鹹的帶有紫菜的香，再加入一些蝦苗，香味更提升了。這個九轉小腸都頗有特色，將多條豬腸捲在一起，用鹵水汁烹調，既有鹵水汁的香，豬腸又洗得很乾淨，沒有腥臭味，幾爽口、幾好味。這個蟶子很肥美，利用花雕的酒香，將蟶子的鮮味發揮的淋漓盡致，我跟朋友都忍不住一隻又一隻的搶着吃，吃罷還將碗內的花雕也飲清光呢﹗這個蛋抱蟶子其實是用蟶子來煎蛋角，蛋煎得剛剛好，沒有「老了」的感覺，用大大隻的蟶子來煎蛋角，味覺及視覺都是一流的享受。不過跟花雕蒸蟶子比起來，這個蛋抱蟶子失色了，沒有太大特色。用一百秒的時間燜熟一條魚，考考廚師的功力，效果不錯，魚剛剛熟，香甜軟滑，健康之選。這個莆田特製的辣媽醬，採用了3種辣椒製成，再加入檸檬、大蒜及洋蔥等配料調較出來，辣中帶酸，很開胃醒神，我忍不住也買了一瓶回家呢﹗

一直以為莆田係食素菜，直到係地鐵站見到佢地既哆頭蟶節廣告。睇到係蟶子，原來係有海鮮食既，所以決定去試下！入去坐低後，打開menu，原來係米芝蓮一星餐廳！好開胃既小食-菜甫好耐無食過紫菜！呢個仲有好細隻既蝦米，令鮮味更上一層！既冰冰涼涼又爽口，酸酸甜甜咁，好岩夏天食！九轉小腸好少餐廳會有豬腸食，所以叫左呢個。以為會好淋，原來肉質彈牙，完全無果陣好難聞既豬騷咪！滷得好入味，好快俾我清曬！夏天想飲下湯水，因有蟶子、番茄、白色西蘭花，所以叫左呢道「風味蟶溜」，飲湯之餘又食到海鮮和菜，好健康！湯中仲有好多蟶子，超足料，難怪湯如此鮮甜！主角到！鐵板鹽焗蟶子！因睇廣告相已俾個賣相吸引住，所以好期待！一共有14隻蟶子！面頭仲見到些少胡椒粒！雖然熱辣辣，但都忍唔住夾黎食。仲以為難開蓋，點知只要用力一下就可以打開，原隻肉完整無缺！就咁食就食到蟶子最鮮既味道，帶有少少咸味，完全唔腥，亦無沙，肉質肥美多汁！食到最後果幾隻用黎沾檯上放既秘製辣椒醬，因辣椒醬帶有酸酸甜甜既味道，與蟶子好夾，變成了一道開胃菜！最後當然要食下啲飯麵先夠飽啦！叫左「莆田滷麵」。麵中主要有蝦、花甲和菜！賣相唔吸引但食落又好討喜，因為麵質好

之前行mira mall個陣已經見到呢間餐廳，見到係米芝蓮一星架wor,價錢又唔係貴，今次終於有機會可以試吓。餐廳裝修不錯，係兩人台位置有少許迫，但係商場入面開都明白既。見餐牌出左哆頭蟶節餐，朋友勁鐘意食聖子，貝殼類海鮮，佢當然唔會放過啦。侍應係我地坐仁後就上左小食同茶，我幾鐘意個菊花茶，味道好香。蝦苗拌頭水紫菜$52，味道酸酸地，好開胃，紫菜有咬口，而且分量岩岩好，幫我地打開味蕾。九轉小腸$79，下面有一個小燭台哄熱，十分細心。小腸食得出有層次，有別於一般既大腸，一點都不會有油既感覺。鐵板鹽焗蟶子$99，平時食開都係炸或者蔥炒，第一次試呢種食法，可以食到本身既鮮味，唔好以為會抽乾晒水，入面重有好多汁，有成14隻甘多，我同朋友一人一半剛剛好。風味蟶溜$109，有個湯飲下岩晒我地，入邊有番茄，椰菜花，同埋好重嘅芫荽味，蟶子味道同鹽焗聖子又不同，蟶子外面包左一層粉，所以口感滑滑地。莆田滷麵$82，入邊嘅配料都不小，有蝦有蜆，味道好豐富，麵質係硬身，同埋我鍾意佢哋咁杰身，撈埋一齊食，非常入味。

莆田呢間來自星加坡的福建菜，基本上我已經幫襯佐超過多次，要知道香港貴為美食天堂，餐廳既數量數以萬計，要每日食不同既餐廳，都可以吃上數年，而呢間餐廳可以令我一吃再吃，實有其過人之處，這晚，我就為著它的哆頭蟶節，而再次到訪。不說不知，原來莆田已經進駐尖沙咀，在美麗華商場開了新的分店，地方更方便。餐廳位於商場裡，半開放式的設計，讓餐廳在人流不算多的商場更容易吸引人的注目。在門外等位的時候，不忘喝一杯酸柑水，酸酸地好似橙汁，但係又唔會過甜，夏天喝一杯，消暑又解熱。但係今夜我來到既時候餐廳還有空位，所以我也只能淺嘗一杯，作為一個開胃既welcome drink。今日來到就是為了這個哆頭蟶節，哆頭蟶有別於平時食到既蟶子，佢擁有金黃色的戰衣，是原生態黑呢放養的，所以非常肥美，聽就聽得多，今次真係第一次有機會一嘗，蟶節既餐牌係另外一份的，大約有5款特別既菜式，而主餐牌既食物一樣可以order。前菜和平時一樣，係花生同埋脆紫菜。莆田既酸辣汁亦係我一再到訪既重要項目之一，感覺上每一道菜也和這個辣醬可以配合。九轉小腸 ＄79首先來到的是餐廳的招牌菜，九轉小腸，廚師花了3小時反覆清洗，務求令小腸絕對清潔，令客

Putien is a Michelin one-star restaurant with 8 locations within Asia. It is now the clam season and my friend and I had a big clam meal. Seaweed and mini shrimps dressed with sauce $52Being delicate, sweet and sour, the dish is appetizing. In the 12 harvests annually, only those from the first 7 days are known as first-harvested seaweed. The first harvested seaweed is used, with excellent taste indeed. No wonder why it is renowned as nugget of seaweed for its premium quality. Braised pig intest

早前與朋友去美麗華商場慶生時，見到商場指南顯示莆田，原來新加坡米之蓮一星食肆已落戶尖沙咀。餐牌上有套餐，二人份都只不過三百多、免茶芥。尖沙咀區來說坐得舒服，價錢合理。蝦苗拌頭水紫菜。紫菜營養價值高，配上小蝦米，以醋調味，開胃爽口。餐廳名菜九轉小腸以傳統「九摺式」大腸套小腸，逐層套入共九層。九層小腸以滷水汁烹調。食落完全無內臟腥味或肥膩感，反而入口爽口。鐵板鹽焗蟶子以海鹽墊底，蟶子排列如樹葉，大小相若。蟶子鮮甜，加上海鹽，更增鹹香。風味蟶溜原來是一窩蟶子蔬菜湯，味道帶酸，很適合夏天喝。莆田滷麵湯底偏糊，麵質滑得黎有嚼勁，不會過硬。以為係普通一個麵，竟然有驚喜！

因為父母不喜歡西餐，所以與他們晚膳特意找一家中菜館。之前去過莆田將軍澳店，米粉與黃花魚烹調得不錯。今天來尖沙咀店，裝修比將軍澳更明亮。不愧為新加坡米芝蓮一星店，平日晚上來，都有九成滿座。莆田主打福建菜，今晚我地點左蟶子套餐。前菜是蝦苗拌頭水紫菜。以一片長青瓜圍左個圓型，中間放滿頭水紫菜。第一次聽呢個名，原來是指收割第一次生長出來的紫菜，是紫菜中的矜貴品種。加上以醋調味，是一道微酸的開胃菜。九轉小腸是把腸一層一層塞入，一共有九層。滷水味濃，九層的小腸爽口彈牙。餐廳內裝有大型電視，介紹時令的哆頭蟶。肥美的蟶子是在原生態黑泥中放養的。最大的蟶子會長到6cm，也就是最美味的大小。套餐的花雕蒸蟶子以燉盅上，加入杞子和花雕酒蒸製，蟶子飽滿，以酒入饌更有滋陰之效。百秒黃花魚，開邊魚蒸得剛剛好，保留了魚的鮮味。此分店與將軍澳店一樣，黃花魚肉質嫩滑。蛋抱蟶子一上枱已經聞到蛋香，像煎蛋角的賣相，很有家常小菜的感覺。