花木日本料理 (已結業)

同老公慶祝結婚周年, 當然要搵間靚餐廳食啦~ 而我同老公有個特點, 就係鐘意食蟹, 但唔鐘意食到好LEI HEI, 所以我就特登搵左間日本餐廳, 而當去到餐廳既, 就叫左呢個蟹宴首先, 北海道鱈場蟹肉刺身, 蟹肉刺身厚肉, 配醋, 更加帶出蟹既鮮甜冰鎮香醋松葉蟹: 蟹肉飽滿,肉質鮮美~ 另外個擺盤好靚~~睇下幾厚肉海膽蟹膏甲羅燒: 加入海膽燒至熱，配合蟹膏、蟹肉及蟹子，香氣撲鼻，令蟹膏鮮味大大提升，每口都充滿濃濃蟹香海膽肥美鮮甜蟹肉份量都好多~海蟹茶碗蒸, 蛋蒸到好滑, 底下仲有好多蟹肉海蟹天婦羅蟹肉用紫茶包住先炸，令蟹肉唔會炸到太乾箱押壽司, 製作時間長、食材較講究、份量較大, 面頭舖滿蟹肉蟹膏, 底下既飯結實, 滿足~最後既鍋物, 仍然係蟹~ 但今次配搭左大蔥,冬茹,金茹,菠菜~ 最後係水信玄餅及綠茶味蕨餅水信玄餅完全透明，而且非常柔軟, 入面既櫻花好靚, 為完美既一餐畫上句號

今日表姐生日，作為後輩要表達心意，我們去食蟹宴啦環境舒服選個二人套餐先來蟹肉刺身，鮮甜好味好多肉啊，慢慢食，好冰鎮，好好味好多新鮮的海膽，配埋鮮美的蟹膏超棒，熱住食啊蟹味突出，炸得好酥脆蟹肉壽司出場啦再食暖粒粒海蟹鍋物甜品好似畫似的

慶祝結婚周年老公不敢怠慢，他準備鮮花禮物，而我準備找餐廳，花木日本料理提供「秋之海蟹會席」頗合心水，因為我倆皆是好蟹之人，所以決定訂兩位二人前席。餐廳面積夠大沒有壓迫感，雖然日式餐廳沒有西式餐廳的燭光營造昏暗浪漫氣氛，卻反而是木糸元素的溫馨感覺，有份寧靜感，是另一種味道。「秋之海蟹會席」有八道菜，每道是食材與藝術的結合，主角的蟹不論是北海道雪場蟹或松葉蟹均鮮味十足啖啖肉，配上美麗優雅的餐具，美感十足。「北海道雪場蟹肉刺身」及「冰鎮香醋松葉蟹」， 一絲一絲的蟹肉夠鮮味，再配上不同醬汁豐富了口感層次。「海膽蟹膏甲羅燒」用蟹殼盛載著充滿誘惑的海膽，底層的芝士混和菇夠濃郁，有個小火爐在底部保暖著食物，精緻夠貼心。「海蟹天婦羅」外表看不出是什麼，反而咬落有淡淡蟹香，鬆脆。「海蟹茶碗蒸」蒸的時間剛好不嚡，蛋幼滑，不錯。「海蟹鍋物」一對蟹扛凸出來，鍋物是蔬菜配料，清清甜甜，清新之選。「海蟹箱押壽司」足料大件飽肚，米飯軟熟有咬口，海蟹肉夾在當中，別緻美味。「綠茶蕨餅」煙韌滲出綠茶味。「水信玄餅」裡面藏著櫻花，晶瑩剔透口感有趣。二人前席八道菜的每道菜份量不多，不過吃起上來也是挺滿足，環境舒適寧靜，適合傾

月尾就去日本旅行了，口痕想食日本菜食就去咗呢一間上次飲酒經過，見到裝修唔錯嘅餐廳試吓。一嚟到睇個裝修已經好靚，而且樓底夠高唔會好嘈，啱晒慢慢傾計。今日叫咗個二人前套餐，可惜嘅係前菜咁岩沒有日本澤蟹，但係店家都用咗螢光魷魚來替代，三款前菜份量同味道都恰到好處，出嚟先幫我地開開胃。之後上嘅黃菊菠菜油揚沙律，我自己個人覺得好好食，非常有口感，小小酸味啱啱好。去到今日食日本菜比較重要既一環刺身，四款刺身都相當新鮮，魚肉非常爽脆，而且食落仲留有鮮味，牡丹蝦非常足料大隻，肉質都好彈牙。之後嘅串燒每一寸都各有特色但係就唔係個個鍾意，因為未必個個人都會鍾意食雞肝，建議可以多一個選擇比啲唔食嘅人。之後就有炸雞，食過日式炸雞嘅朋友都知道，唐揚呢個做法係可以留有入面肉質嘅鮮嫩，呢度都好好做到，咬落去都係juice嘅。跟住既蒜香安格斯肉眼，都幾大塊同味道都唔重，廚師會煮到啱啱好，不過我個人鍾意食生啲，如果可以揀生熟程度就Perfect。最後呢個二選一菜色我哋揀咗壽司，海膽都好新鮮，食落去好creamy 又唔腥。吞拿魚腩都好爽脆。跟餐甜品係水信玄餅同綠茶蕨餅，開始以為水信玄餅同平時一樣冇乜味但呢度唔同佢入邊有食

又到左一月一度男友帶我食好西既時間🙈估唔到佢今次咁好心機揀左間比較靜野食又好好味既日本餐廳🤤♥️我地叫左花木.梅二人套餐 但我地覺得呢個套餐應該有三人份量 認真係滿載而歸🙈😂每道菜色都十分精緻 前菜有平時少見既酒盗芝士同澤蟹 鹹鹹的十分開胃😛刺身亦值得一讚 每一塊刺身都可以肥美去形容 中拖羅真係有入口即融既感覺😆沖繩一口雞既雞肉由於係即炸 所以夠嫩滑多汁 配上綠茶冷面真係好滿足👻至於甜品亦毫不馬虎 有濃濃既綠茶蕨餅同水信玄餅😳水信玄餅帶花香 甜甜的 為我地呢次豐富既晚餐畫上完美既句號🥰題外話：係餐廳內見到有唔少人都點左蟹宴 不停有蟹腳蟹肉由廚房送出 搞到我地超級心郁郁😂🤭 下次一定要再試😈

我真係好鐘意食蟹架！花木有蟹嘅二人前套餐，可以試到唔同嘅蟹，例如北海道鱈場蟹，松葉蟹，淨係望到個menu就已經充滿期待喇！首先北海道鱈場蟹肉刺身，外貌好似肥美嘅蟹棒，廚師好貼心地將蟹肉切成三份，一啖一件，蟹肉充滿左成個口腔，啖啖肉，仲好鮮味呀。旁邊仲有我另一最愛嘅帶子刺身，上面放左少少魚子，又一啖放入口，又係無敵鮮味。食完第一道蟹刺身，更加期待冰鎮香醋松葉蟹。半隻松葉蟹擺得好活潑呀，四腳朝天。先由蟹腳開始，剪開個殼，慢慢拉個蟹腳出黎，好大隻腳呀！我覺得松葉蟹蟹味更濃，慢慢品嚐完四隻腳，再將半個蟹身嘅肉拆出黎食，點少少醋，正！到我最期待嘅海膽蟹膏甲羅燒喇！蟹蓋入面放左好多食材呀，最底層嘅蟹膏上有焗到好香嘅沙律醬芝士，再放上蟹肉同海膽，將所有夾埋黎食，先會食到蟹膏嘅香濃，再食到蟹肉嘅一絲絲嘅口感同清新，再加上海膽嘅鮮，完全無違和感，讚！海蟹茶碗蒸都唔馬虎，淡淡嘅蛋香，再加入蟹肉，好鮮呀。食到差不多最後就送上鍋物，有青菜同蟹鉗一齊煮，好清爽，不錯呀。最後嘅海蟹箱押壽司為今個蟹宴畫上完全嘅句號，滿滿嘅蟹肉放箱押壽司上面，唔需要再額外加醬油去調味，已經好好食喇。

尋晚又再出動食好西。今次嚟到花木食日本嘢。食咗一隊蟹軍隊，有鱈場蟹、松葉蟹，海蟹，烹調方法亦好多款，刺身、鍋物、天婦羅、蟹腳同埋茶碗蒸等。先嚟北海道鱈場蟹刺身，除咗蟹其實仲有帶子同三文魚籽，蟹已拆肉，所以好似蟹棒咁啖啖肉，食起上嚟好方便，旁邊嘅帶子都還可以，如果再厚肉d就仲好！第二道菜係松葉蟹腳，相比之下，我覺得呢款蟹味比較濃，鮮味十足！正呀！海蟹天婦羅，用紫菜包住蟹肉，再炸成天婦羅，脆漿夠薄，最估唔到係紫蘇葉都可以做天婦羅，但又幾好食wo! 旁邊個茶碗蒸都尚算可以，顏色微黃，卻蛋味濃郁，食咗幾款冷冰冰嘅刺身再食翻碗又熱又滑嘅蒸蛋，暖翻下個胃都幾好架！而我最欣賞就係呢個海膽蟹膏甲羅燒。甲羅即係蟹蓋，放喺一個外貌精緻嘅爐上面，真係好鬼吸睛！餡料上一排仔嘅海膽、旁邊嘅蟹肉，再加埋蟹蓋內嘅蟹膏，鮮味到我都唔識形容！最後仲有個蟹鍋同箱押壽司。兩款食物都賣相精緻，鍋物入面材料豐富，除咗一隻大蟹鉗外，仲有唔少蔬菜，包括金菇，大蔥，小棠菜等，湯頭以清淡為主，突出蟹肉嘅鮮味。箱押壽司其中一款係蟹肉，另一款食完都唔知係咩，不過又幾好食！其實本身仲有個甜品，但由於食蟹已經食得太飽，所以我哋無要喇！最後想講

再來! 再來! 再來! 又一篇再來系列啦~上次試過『花木』後, 十分欣賞這間餐廳, 不但味道滿分, 環境和服務都很高分呢!所以上次食完後, 我就like了他們的facebook page, 留意著他們的動態~之前一次又一次抵過不同的誘惑, 但今次見到這個《花木秋之海蟹會席》真的輸了~$1488 for two people, 雖不便宜, 但其實全蟹宴來說是頗值的, 所以一邊安慰自己快出花紅了, 一邊跟男友踏進花木......(P.S. 下面每道菜都是x2, 一人一客的!!!)北海道鱈場蟹肉刺身 ※ 推薦指數: 5/5第一道已令我「嘩」一聲碟上除了有4大條蟹棒, 還有一隻佈滿魚子的超甜帶子呢!蟹棒啖啖肉, 而且入面的肉未完全熟透, 所以兩種口感加上蟹肉的鮮甜碰撞後真的超帶子雖然只是配角, 但一啖放入口都會超滿足喔~冰鎮香醋松葉蟹 ※ 推薦指數: 4.5/5有三隻蟹腳和一件蟹身, 蟹身已切半, 用專食蟹的勺就可以方便地進食, 反而蟹腳就要自己開, 因為較麻煩, 所以扣了半分, 其實味道都是滿分的!這款比上一款有更多蟹汁, 不加任個醬料已不錯, 加上香醋就完全吊起了蟹的鮮甜, 更好味海膽蟹膏

呢排真係好想食海鮮，尤其是我最愛嘅蟹， 真係欲罷不能，於是同男朋友去到尖沙咀天文台道嘅呢一間花木，食我最鍾意嘅日本嘢。環境真係幾舒服，而且好清靜，唔會太多人，亦唔會太逼，可以好好地咁傾計！而且花木正好呢一排推出蟹宴嘅套餐，真係好啱我呢個蟹迷呀， 一共有八度菜，淨係睇個menu已經流曬口水， 咁就當然要叫嚟試下啦！先上嚟嘅就係蟹肉刺身，話就話係刺身，其實表面都有少少熟，因為熟咗先可以剔到啲蟹肉出嚟，但係入面啲肉就真係生嘅。 蟹腳夠粗夠鮮甜，咬落去真係啖啖都係肉，一啖真係好滿足，加上擺盤真係好別緻，點上少少嘅醬油 ，更加可以帶出蟹肉嘅鮮甜味道。而側邊仲放咗三文魚籽同帶子刺身，口感亦都相當豐富，真係要畀個like佢！跟住嘅就係凍松葉蟹配香醋， 而松葉蟹對比頭先嘅鱈場蟹，蟹腳雖然冇咁粗，但係就有另一種嘅鮮甜味，加上少少嘅海水味道，點上店家配製嘅柚子醋，食落相當開胃！另外要讚嘅呢到嘅蟹剪相當好用，好輕易就可以拆到啲蟹肉出嚟，對於拆蟹白痴嘅我，都可以好輕易咁用到，唔錯！跟住不得不提嘅，又係我最愛嘅海膽蟹籽蟹肉甲羅燒，表面鋪滿蟹肉同鮮甜嘅海膽，加上脆卜卜嘅蟹子，底下仲放咗少少芝士調味，配上香濃嘅蟹膏

一個月前在樓下的咖啡室喝咖啡，因為要去洗手間，路過這裏，看到有一間日式料理，今晚便和太太來到這裏。裝修得很日式，給人一種很高檔的感覺，還設有幾間貴賓房，私隱度頗高。二人前：北海道鱈場蟹肉刺身，冰鎮香醋松葉一蟹，海膽蟹膏甲羅燒，海蟹天婦羅，海蟹茶碗蒸，海蟹鍋物，海蟹箱押壽司，精選甜品，共$1488。北海道鱈場蟹肉刺身，蟹肉比較硬身，吃落先甜，而廚師很窩心折了蟹肉，吃落非常方便。三文魚子帶子刺身，味道非常之甜美，不用點任何醬油，只用三文魚子的鹹味，就可以帶出帶子的鮮味。冰鎮香醋松葉一蟹，這個松葉蟹蟹原隻上，只需用附上的交剪，剪開蟹腳便可以嘗到美味的蟹肉。海膽蟹膏甲羅燒，表面有海膽、蟹肉、三文魚子，另一層是焗芝士，包著蟹膏和舞茸菇。海膽、蟹肉、三文魚子，以海膽最為鮮甜，不過將三著混合一起吃，味道層次更加豐富，而且更加美味。另一層是焗芝士，包著蟹膏和舞茸菇，焗芝士已經煙煙靭靭，混合蟹膏和舞茸菇一起吃，我覺得這個甲羅燒，是我吃這麼多甲羅燒以來，最好味的一個。原來這個有單點的，下次再來，必定是為了這個味道而來的。海蟹天婦羅，紫菜包着的蟹肉，香脆中帶點軟綿綿，味道適中，不會油膩。海蟹茶碗蒸，蒸蛋內有

上年去大阪因為沒有訂檯，錯過了蟹料理名店蟹道樂。耿耿於懷，一直很想吃一個豐富的蟹宴填補失落。今晚終於吃到豐盛的蟹肉會席料理，滿足得不得了。$1488 二人前的 「花木秋之海蟹會席」包括八道菜，貫徹會席料理作風，賣相極為精緻。北海道鱈場蟹肉刺身鱈場蟹刺身用上了蟹腳，尺寸巨型。肉質非常鮮美，刺身口感帶點彈性，蟹肉汁甜美。廚師預早把蟹腳拆出，吃得方便，這刺身我給滿分了。北海道帶子刺身，同樣是珍寶尺寸，味道非常鮮甜，加上新鮮的三文魚籽點綴，perfect!冰鎮香醋松葉蟹松葉蟹的size 比鱈場蟹小，但肉質的鮮味程度不比鱈場蟹遜色。廚師同樣貼心地把蟹身的殼開成最便利進食的狀態，吃的時候只需用筷子輕輕把蟹肉撥出便行，完全不會出現平日食蟹的狼狽情況。香醋的酸味和蟹味很夾，對蟹肉的鮮味有畫龍點精的效果。海膽蟹膏甲羅燒海鮮很鮮甜，那種甜味令人難忘。蟹膏用了沙律醬和芝士來燒，當中加入了少少菇，平衡了蟹膏的咸味。蟹膏的甘香味道，引人入勝。海蟹天婦羅天婦羅選用了蟹腳肉，用紫菜包裹去炸，外脆內軟很高質。海蟹茶碗蒸本來平平無奇的茶碗蒸，一加入了蟹肉，立刻變得不同凡響了。蟹肉的汁滲透到蒸蛋中，味道特別好。海蟹鍋物鍋

今次呢到花木日本料理食咗一個北海道雪場蟹宴， 總括嚟講係見嘅鋪排非常有心思，味道好有層次分明 兩個人嚟講份量應該啱啱好夠飽， 花木呢度用餐環境優雅， 有好soft 嘅背景音樂， 感覺好舒服第一道菜係北海道雪場蟹宴刺身， 廚師好細心一早已經將蟹肉起好， 亦都好欣賞佢配上一個酸酸地嘅醬汁， 完全吊起咗蟹肉嘅鮮味， 作為第一道菜實在令人驚艷第二度菜就係要自己剝嘅北海道蟹腳， 餐廳提供咗好專業嘅較剪同埋蟹肉鉗可以用， 亦都有嗰個酸酸地嘅醬汁， 但今次多咗嘅係自己剝嘅樂趣嚟咗兩個冷盤， 下一道菜就係蟹膏蟹蓋燒， 蟹膏嘅口感好豐富連埋蟹蓋底入面嘅芝士更加突顯到蟹嘅鮮味同埋芝士嘅濃郁， 雖然呢度菜已經係一路剝緊蟹腳嘅時候你咗但係仍然有一個好少嘅蠟燭熱住呢道菜， 非常有心思下一道菜係海蟹天婦羅同茶碗蒸， 天婦羅炸得好脆口， 但同時入面嘅蟹肉又不失鮮味， 同茶碗蒸嘅配搭都非常好在下一道菜係海蟹鍋物， 基本上就類似一個蟹肉打邊爐， 入面除咗兩舊蟹肉仲有冬菇同埋金菇仲有一啲菜，菜完全索晒蟹肉嘅鮮味，非常好當我哋等緊個鍋物滾嘅時候， 店員知道我哋等得耐仲好細心咁樣特登上咗下一道海蟹壽司畀我哋食住先， 蟹膏配上

男友加左人工🤑，佢話要食餐好賀一賀佢。 我揀左最愛既日本菜。上網搵到尖沙咀花木日本餐廳推出了「秋之海蟹會席」，即時心心眼😍。作為蟹迷既我地一定要去試試呢。當晚驚喜滿載，那份蟹味鮮濃、肉味甘甜的味道，至今亦回味著，很值得介紹呢。-餐廳裝潢簡約，但色調給人一種高雅及柔和感，由大堂接待位置，看起來亦很有日本風味。位置不算很多，但座位舒適沒有逼狹的感覺。想要有自己小小私隱的朋友們聚會，餐廳還有獨立房的。-蟹宴的menu, 每一道菜除了味道棒，亦能看得出師傅的用心製作。🌟北海道鱈場蟹肉刺身北海道鱈場蟹，有「蟹王」美譽。肉質鮮甜飽滿又扎實。這份刺身擺盤看起來也相當精緻。食材相當的新鮮才可當刺身，不添加任何調味，肉質清甜、爽口彈牙到不得了。還有大大粒雪白帶子刺身，滑嫩爽甜，配上晶瑩剔透的三文魚籽，嘴裡爆開瞬間的咸香滋味，真是超級幸福啊。-🌟冰鎮香醋松葉蟹松葉蟹肉細嫩鮮美，用蟹籤挑起雪白的蟹肉，啖啖肉好滿足，蘸上酸甜香醋又是另一種味覺享受。-🌟海膽蟹膏甲羅燒數瓣橘黃色的海膽味鮮甜，蘸蟹膏一併入口，那種味道和口感，確實非筆墨所能形容。除了海膽、蟹膏，還有蟹肉、蟹籽、芝士及香菇，邊攪拌邊燒，香氣四散，味道

上月領到花紅, 說好了會請舊同事A吃餐好的, 記得早年跟她學師時, 在她身上獲益良多, 所以就趁好日子來請她吃頓高級日式料理~ 花木去過一次, 記得上次去時, 環境舒服好坐, 空間感大, 而且食材極度新鮮, 所以就算價位稍貴, 都覺得值得~ 來到餐廳, 與上次分別不大, 都是地方乾淨舒服, 看了MENU後, 原來餐廳最近有「秋之海蟹會席」, 剛好又是二人前的, 所以二話不說就點了一份二人用~ 「秋之海蟹會席」總共有5道菜再加1款甜品, 價位約HKD 1488/2 人, 加一后計起來都是約七、八百元一位, 說實現在到五六星酒店吃普通到極的BUFFET都要這價錢, 如其隨意吃不着邊際的普通魚生和疍糕來填肚, 不如來餐豐富的蟹宴來到實際~ 點好菜後很快上第一道菜了~北海道鱈場蟹肉刺身 小妹是第一次吃北海道鱈場蟹肉, 原來真是結實多汁, 咬下去蟹汁四濺, 比普通蟹肉來得有蟹味,那幾隻肥美的蟹腳真的甜美得無話說...(感動中...) 旁邊放了三文魚子帆立貝,大大粒三文魚子全無腥味, 帆立貝味鮮彈牙, 真的好好食!!! 第二道- 冰鎮香醋松葉蟹 賣相不錯, 三隻特長的松葉蟹腳直插在

🌸滿足嘅感覺🦀一直bookmark左花木 要試一試見佢岀左蟹宴 係我最愛嘅蟹 當然要去食啦😎環境好靚呀 全間舖都用原木色為主 感覺舒服 店員有禮👍🏻等左一陣 陸續上菜啦🤤🦀秋之海蟹會席 二人前 $1488🔸北海道鱈場蟹肉刺身先來一道刺身 蟹肉晶瑩剔透 蟹味極濃拆好唒肉架啦 啖啖肉 超爽🔸冰鎮香醋松葉蟹食完刺身 就食熟架啦準備好較剪 食嘅時候方便 點埋香醋 鮮味更岀🔸 海膽蟹膏甲羅燒非常精美嘅一味菜 一個海藍色嘅燒爐 金色嘅網路 賣相好靚🤤蟹殼上有海膽 蟹肉 蟹膏 蛋黃醬 同芝士撈好之後食 好惹味呀😚🔸 海蟹天婦羅兩件天婦羅 用紫菜包住 炸粉夠薄 夠香脆👍🏻🔸 海蟹茶碗蒸蛋夠唒滑溜 裏面仲有好多蟹肉 🔸 海蟹鍋物有好多菜加埋蟹鉗 好清甜好舒服🔸 海箱押壽司最後有兩舊壽司 好多蟹肉 仲有蟹膏做點綴🔸 甜品奶凍 香濃奶味 仲有厥餅 完結呢個蟹蟹蟹宴啦🌸 滿意度 4/5🌸 性價比 4/5🍽 花木日本料理🔎 尖沙咀天文台道8號3樓2號舖