影片
更多
2019-01-23
59 浏览
月尾就去日本旅行了，口痕想食日本菜食就去咗呢一間上次飲酒經過，見到裝修唔錯嘅餐廳試吓。一嚟到睇個裝修已經好靚，而且樓底夠高唔會好嘈，啱晒慢慢傾計。今日叫咗個二人前套餐，可惜嘅係前菜咁岩沒有日本澤蟹，但係店家都用咗螢光魷魚來替代，三款前菜份量同味道都恰到好處，出嚟先幫我地開開胃。之後上嘅黃菊菠菜油揚沙律，我自己個人覺得好好食，非常有口感，小小酸味啱啱好。去到今日食日本菜比較重要既一環刺身，四款刺身都相當新鮮，魚肉非常爽脆，而且食落仲留有鮮味，牡丹蝦非常足料大隻，肉質都好彈牙。之後嘅串燒每一寸都各有特色但係就唔係個個鍾意，因為未必個個人都會鍾意食雞肝，建議可以多一個選擇比啲唔食嘅人。之後就有炸雞，食過日式炸雞嘅朋友都知道，唐揚呢個做法係可以留有入面肉質嘅鮮嫩，呢度都好好做到，咬落去都係juice嘅。跟住既蒜香安格斯肉眼，都幾大塊同味道都唔重，廚師會煮到啱啱好，不過我個人鍾意食生啲，如果可以揀生熟程度就Perfect。最後呢個二選一菜色我哋揀咗壽司，海膽都好新鮮，食落去好creamy 又唔腥。吞拿魚腩都好爽脆。跟餐甜品係水信玄餅同綠茶蕨餅，開始以為水信玄餅同平時一樣冇乜味但呢度唔同佢入邊有食
今日叫咗個二人前套餐，
可惜嘅係前菜咁岩沒有日本澤蟹，
但係店家都用咗螢光魷魚來替代，
三款前菜份量同味道都恰到好處，出嚟先幫我地開開胃。
之後上嘅黃菊菠菜油揚沙律，我自己個人覺得好好食，非常有口感，小小酸味啱啱好。
去到今日食日本菜比較重要既一環刺身，
四款刺身都相當新鮮，魚肉非常爽脆，而且食落仲留有鮮味，牡丹蝦非常足料大隻，肉質都好彈牙。
之後嘅串燒每一寸都各有特色但係就唔係個個鍾意，因為未必個個人都會鍾意食雞肝，建議可以多一個選擇比啲唔食嘅人。
之後就有炸雞，食過日式炸雞嘅朋友都知道，唐揚呢個做法係可以留有入面肉質嘅鮮嫩，呢度都好好做到，咬落去都係juice嘅。
跟住既蒜香安格斯肉眼，都幾大塊同味道都唔重，廚師會煮到啱啱好，不過我個人鍾意食生啲，如果可以揀生熟程度就Perfect。
最後呢個二選一菜色我哋揀咗壽司，海膽都好新鮮，食落去好creamy 又唔腥。吞拿魚腩都好爽脆。
跟餐甜品係水信玄餅同綠茶蕨餅，開始以為水信玄餅同平時一樣冇乜味但呢度唔同佢入邊有食用花同埋有梅味，所以食落口嘅時候都有一陣清香味。
飲品方面我哋叫咗支熱嘅清酒，佢哋嘅House sake 味道都好正，而且用餐時間好放鬆，運回一碟一碟咁上，唔會係咁趕住你，成餐飯都食得好開心。
张贴
