拉麵Jo

营业中

休息中

來自日本的朋友談天，問及香港那裡可以吃到較有日本風味的拉麵，友人熱心地提供了十多家麵店，隨即選一家價錢較合理及就腳的同老公放工去試。拉麵Jo位於銅鑼灣加路連山道，傳統日式風格，看到竟然連續五年為車胎人推介餐廳，隨即十分期待。蒜油豚骨拉麵 （$88）加半熟鹵蛋喜歡吃蒜頭的我當然不會錯過，驚喜位：餐廳提供生蒜即席製作新鮮蒜蓉！香濃的豬骨湯底本身已經有黑蒜油，再加上蒜蓉更覺香氣撲鼻；拉麵爽滑彈牙，义燒及配菜新鮮，確實美味！醬油豚骨拉麵（$88）加半熟鹵蛋老公喜歡品嚐豬骨湯的鮮甜，這款麵的配菜為京蒽、波菜及乾荀，見老公連湯帶麵吃光，一滴不剩，應該是十分滿意吧。自家製餃子（$45/5隻），日式煎餃，火候控制得宜，肉汁豐富，很出色的小食。炸八爪魚球（$50）， 醬汁很有日本風味，唯每粒丸子裡只有一小片八瓜魚，略嫌缺了一點咬口。兩口子飽餐一頓，埋單也不足$300，且十分美味，難怪客似雲來。

今日和朋友在8點半9點的時候，打算搵個地方食晚餐。我們想食一些日本拉麵或者沾麵，好彩，我們發現到這間咁隱密的拉麵專家——jo拉麵，位於銅鑼灣的f出口附近走大約5至10分鐘。當我們到達jo拉麵的時候，不需等候，店員就為立即我們安排座位。因為我們過了食飯時間，大約8點45左右，不用等很久就有座位了餐板上的食物種類繁多，大家都要思前想後的，幸好，我們最後有了決定，點了一個特製沾麵（＄106）、炸蕃薯條 ($45)、炸八爪魚球（＄50）、還有名古屋辛辣拉麵（$90）。首先名古屋辛辣拉麵到了，他讓我吃驚了，沒有想到他竟然不像其他有名的店鋪一樣，只是得一點配菜加上拉麵！這店舖最值得讚賞的是不只名古屋辛辣拉麵，而且特製沾麵都是，他們都有配上叉燒或其他肉類的。最特別的是炸蕃薯條，內裏有脆卜卜的感覺，而外面的皮並不厚，十分美味。餐廳員工態度十分良好，過了食飯時間會比較少人！上菜的速度不錯，總體都覺得很好，值得推薦！而且在前一條街有他們開始的正宗日本抹茶雪糕店，都是十分好味的。

上次來過之後🤔，老公🍋對它一直念念不忘🙄，好喇好喇😵，今晚就跟你再來好了😐。門外大大的紅燈籠🏮，一切依舊沒變😚。每個位置都放了辣芽菜🌶及酸菜😍，人妻🐷當然最愛辣芽菜啦🤤~蒜油豚肉🍜：今晚選了跟上次不同的😝，但半熟蛋是一定要加的🥚！豬骨湯經過了16小時的熬製🔥，入口清甜香濃😍，鹹淡適中😄；麵條跟上次一樣🥢，用上了直身的幼麵😌，口感爽滑彈牙🤤；叉燒🐽口感幼嫩；木耳爽脆👍；竹荀🎋鮮甜🎋。名古屋辛味拉麵🌶：老公🍋的湯底比較上來更為濃郁😲，質感亦較黏口😋，而他的麵條則比較粗身🥢；微辣的湯底🌶、肥瘦適中的叉燒🐽、爽口的麵條🍜，老公🍋表示極為滿意🈵。自製餃子🥟：外皮煎至香脆💛，加上了肉汁豐富的餡料🤤，當然是拉麵最好的拍檔了💞。炸蟹肉忌廉餅🦀：再追加了一客小食😁，酥脆的外層😊，配上了幼滑的餡料😃，新鮮炸起🔥，千萬要小心❗，不要被燙到喔🤭~總結：豚骨湯要一滴不漏地喝光是常識吧🤤，水準依然非常高🤤，最後二人捧著大大的肚子😍，滿足的回家去了💋。

呢間拉麵店是在朋友推介下初嘗的，吃過後再三回味，也決定要寫食評大力推薦給大家~~~店內只有約15個座位，所以要食好西，就要耐心等一下，店員非常有禮，亦會預先給予我們點餐紙過目一番。沾麵是我大推的選擇，不論是湯底、麵質、蛋及豚肉也十分高質。由於是開放式廚房，在等待食物期間，也可欣賞一下師傅的用心製作，也讓人食得安心。除了沾麵外，味噌湯拉麵亦十分可口，湯底濃郁，亦有肉末和不同配料，不會過份單調，值得一試。

和朋友誤打誤撞來到這間拉麵店。進店看到牆身掛著數張獎狀。才知道原來他們是連續4年奪得米芝蓮推介的日本人主理拉麵店。打開Menu。有拉麵和沾麵選擇。既然是拉麵Jo。那就得先試一試拉麵吧。點選了蒜油豚骨拉麵。湯底不算稠身。色澤也是淡淡的。但喝起來豚骨味道還是很足夠且沒有油膩感。帶有蒜油香。湯底濃而不鹹。吃罷整碗拉麵也沒有瘋狂口渴。麵質屬幼身。煮的軟硬度適中。而且也很掛汁。配以葱花、木耳、筍子、椰菜和兩片叉燒為配料。半肥瘦叉燒煮得夠軟腍。應該屬於花腩部位。口感和味道都出色。有入口溶化感。整體很不錯。

銅鑼灣有不少日本拉麵🍜店，更有不少是岀名，每天都有人在排隊的，我當然是不愛排隊的人士，所以去了一間很隱世的真正是日本人開的拉麵店，日本人對拉麵的烹調方法很講究，所以無論去哪一間都會十分好吃，而我今天選擇了Jo拉麵🍜一進店便有一位日本人的店員接待。我選擇了一個期間限定拉麵和一碟炸八爪魚🐙期間限定拉麵很神秘，不會知道是什麼，所以令人更加很好奇，當店員一上枱，原來是泡菜拉麵，在肉眼上看沒有什麼特別，但原來味道十分令人驚喜，泡菜是師傅自己醃製的，更帶有日本風味，醃製的方法是日本的做法，很獨特，泡菜但有一點辛辣的味道，而菜類是很新鮮的，那個泡菜令人有一種開胃的感覺。至於拉麵的湯底，湯底是豚骨做的，飲得出師傅是很用心地用了十多個鐘頭烹調，而湯底也沒有味精，因為就算整碗飲完，都不會口渴，而且大有很濃烈的豬骨味，湯料很豐富，又不會很浠，有結結的口感！再配上少量豚肉，令味道更岀色！拉麵的麵身是粗的，很彈牙，有口感，是在日本空運過來的！小食方面的八爪魚丸，原來是小丸子，但是這個小丸子也很特別，因為在內真的有一粒很大的八爪魚粒，$50有六粒，都是物超所值的，麵粉不會過多，麵粉剛剛好包住一粒很大的八爪魚粒，大

我其實實係拉麵JO既大Fans黎, 店地方雖然不大, 但係食物質素真係好正!因為我比較大食, 同埋太好味既關係, 所以我通常都叫特制,特制同無既分別 就係多d料同少d料既問題, 特制有3件肉, 普通既係1件,特制有蛋 ,普通無的, 麵底就唔洗加因為完全夠食!反而驚太飽 浪費.麵係粗身for 易d沾到汁, 口感偏硬, 好彈牙彈口!蛋方面微甜, 麵本身有0.5個蛋, 我加多一個 湯會係普通拉麵既濃度既2倍, 易d沾到味咁解,值得一提係,入面會有d豚肉都可以夾黎食, 味道都相當不錯,因為汁夠濃, 長期immerse 係入面味道相當濃!湯係可以加返d 淡湯落去 整淡d 成碗飲, 係食完所有野之後!味道都係相當不錯, 但係通常食完麵都勁飽, 未必仲有量可以去飲埋佢=3=

銅鑼灣想食拉麵多數去登龍街, 經朋友介紹今次試下呢間隱世拉麵Jo米芝蓮推介嘅拉麵之前試過幾間, 各有千秋, 豚骨拉麵 幼麵（叉燒 竹筍 木耳 青蔥）好鍾意呢個湯底, 好香濃嘅豬骨湯味。溫度由一開始食到食完都keep住熱辣辣，雖然係最普通嘅湯底,但係佢拗出一種拉麵都得有嘅豬骨湯底味。醬油豚骨拉麵 幼麵 千葉縣產醬油 （叉燒 菠菜 青蔥 干筍）男朋友叫咗醬油湯底,比較得意嘅係佢有菠菜做佐菜。都幾好味。炸八爪魚球 呢個冇影相食囉, 佢有啲似章魚小丸子， 不過就係炸嘅形式, 外皮脆而個熱辣辣, 係另一番小丸子嘅風味。蔥花牛舌份量比想像中多。

平時由銅鑼灣港鐵站行去大球場都會路過銅鑼灣嘅拉麵JO! 每次經過都好想試下，今次去開銅鑼灣，一於就食好耐無食過嘅拉麵喇！一入拉麵鋪，店員好有禮貌咁按排位置，同埋俾餐紙我地點餐，原來店員是日本人點餐紙（店員建議每人填一張）餐牌除左有拉麵仲有沾麵，飯同小食對於一般拉麵店來說，算是多選擇枱面上擺放了醬油，7味粉，辣椒油，黑湖椒粉，蒜頭，酸菜等配料，非常細心飲品點了白桃汁，之前未飲過，所以好想試下日本白桃汁好大樽整樽白桃汁都充滿果肉每飲一啖果汁都有果肉非常有口感豚骨拉麵湯有香濃豚骨味，而且不會太杰配上香蔥芝麻，非常香口湯的鹹度適中幼麵彈牙有咬口，不會太淋豚肉肥瘦度剛好，入口即溶用筷子夾上可見豚肉淋的程度蒜油豚骨拉麵加上蒜油後非常香口配料中的椰菜與蒜油十分夾蔥花牛舌牛舌非常薄切，很滑配上蔥花，黑椒和檸檬汁，香口醒胃越吃越上癮，好好味

店面小小的，位置不多，裝潢卻充滿日本的感覺~晚上8點多來到，店內已坐滿了人呢。跟朋友一人點了一碗$88蒜油豚骨和$88辣味豚骨🍜還加了各一顆半熟蛋呢🤤拉麵是幼麵，卻勁道十足，蒜油拉麵湯頭濃郁而不會過咸，是不錯的💕另外還點了$50炸八爪魚球和$28炸蟹肉忌廉餅，小吃都是現做的，送到桌上還熱乎乎的，外皮酥脆，一口咬下去是會燙嘴的那種喔😆如果裡面的餡再多點會更好吃呢～服務員動作很快，卻還保持著禮貌，很不錯✨

今晚與友人在銅鑼灣一家拉麵店吃晚飯。店內裝潢簡約。像很多日本的拉麵店，座位成U字型，師傅則在中間位置煮麵。餐牌主打拉麵及沾麵。拉麵湯底主要為豚骨或麵豉湯底，豚骨中再細分數款味道。沾麵可選熱麵或冷麵，亦有數款味道。另外，拉麵店亦有期間限定的產品。現在期間限定的食品為灸燒麵豉沾麵。此外，店內亦提供飯類及小食，有興趣不彷一試。炸蕃薯條 $45新鮮炸起，金香可口。蕃薯清甜，不會油膩，配蛋黃醬亦有新鮮感。**進食時小心燙口沾麵 $$90賣相吸引，麵條軟硬適中，煙韌彈牙。沾麵湯底濃淡適中，上菜時夠熱。整體份量充足。(粗麵)麵豉湯底 $90湯底濃郁，帶有小許肉碎，並不會放太久而變酸。每一口麵都伴隨湯底的美味，十分不錯!日本半熟蛋(追加) $15日本半熟蛋生熟適中，惟味道較淡，欠缺蛋黃香。叉燒(二枚)(追加) $15叉燒脂肪比例合適，不會過於油膩，每一口都感覺到脂肪在口中溶化，帶有油香，也不失豬肉的味道。

唔經過真係唔知，原來眾多甜品店包圍嘅希雲街後面嘅加路連山，竟然隱藏左間米芝蓮推介嘅Jo拉麵，鍾意食拉麵嘅我梗係唔會錯過啦。我同朋友分別叫左個特制沾麵加叉燒木耳，蒜油豚骨拉麵，一分葱花牛舌同杯氣水。特制沾麵有冷熱選擇，而我就對熱嘅比較感興趣，本以為熱嘅麵會係麵質方面比較失色，點知熱粗麵同樣好有彈性，唔驚整凍湯之餘麵質亦相當有質素。加上粗麵嘅掛湯能力高，配埋味道濃郁嘅木魚豚骨湯，就更加無得彈。叉燒係半肥瘦嘅，瘦嗰邊嘅肉唔會好粗糙，脂肪部分令我見識到咩叫齒頰留香。沾麵有半隻半熟蛋，雖然唔算好流心，但係蛋白入面都好滑。不過沾麵係無木耳嘅，鍾意食嘅就要額外加錢買啦。同埋可惜嘅係湯係無得加熱，要keep到啖啖都夠熱就要食快啲啦。朋友叫嘅蒜香豚骨拉麵味道都唔錯，七分蒜香三分油香。油香並唔單單係麻油，而係會見到一粒粒炒香左嘅芝麻係湯入面。拉麵用嘅係幼麵，麵質相對較淋，叉燒嘅水準穩定，有木耳椰菜等配料。而葱花牛舌就係必定回購嘅美食，牛舌有咬口得黎唔會咬唔開，黑椒嘅辣同鹽嘅咸味調較得合適，淡淡嘅葱香再加上少許嘅檸檬汁令食物更清新同鮮味。可樂其實如果夠凍嘅話到到都一樣，不過如果佢嘅食用水可以加返啲檸檬落去就

岩岩去完日本，又想食拉麵，去左間係銅鑼灣都好出名嘅拉麵JO食!地方唔係熱鬧地方，不過以前返學位置就非常近。去到就有張紙咁比你畫，都算簡單。呢間好勁，2014年到衣家都keep住拎米芝蓮呀!坐位都係圍住廚師，同日本拉麵店都相似。叫左醬油豚骨幼麵，再加左隻蛋，去完日本就好中意叫蛋食...個麵質同好出名果間一X係好相似，不過佢個湯就冇咁重口，我就幾中意，而且塊肉好大片好正呀!!另外朋友叫左沾麵，個麵係粗身果隻，而且好有口感又彈牙，朋友好中意食，因為佢本身就好中意食硬身麵。仲有叫左個小食，炸蟹肉忌廉餅，新鮮熱辣，有點入口即熔感覺，味道似沙律味。整體個麵我都幾中意，而且份量都好夠，下次再黎~

見有咁多好評 又係米芝蓮 都抱幾大期望 諗住試吓有幾好味 點知....好普通....Lunch 去試左個最basic 既豬骨拉麵麵質偏硬 味道一般 沒驚喜隻半熟蛋味道不錯 但不算特別炸雞 夠juicy ! 好食！個人認為只係一般嘅拉麵店同日本嘅拉麵相比仲有好大嘅距離雖然店內有一位日本人 但見廚師同侍應都係本地人 最令人側目既係 煮拉麵既廚師同包餃子既員工 都無戴帽同口罩 工作其間亦不斷傾計 一路煮麵 一路講 一路包餃子 一路傾.....咁d口水......🤔亦睇住Refill筷子既員工 執完枱就雙手揸住的筷子去派 ....我個人比較在意呢d 始終眼不見為乾淨 眼見就......🤢

今日去左銅鑼灣食一間拉麵小店，叫做拉麵Jo~店內裝潢好有傳統日本feel！餐廳座位唔多，規模比較細。廚房位於店內中心位，透明嘅櫥窗可以比客人見到佢哋煮嘢食。牆上面貼住左餐牌同埋點餐紙，可以比客人自己填寫，超級方便！拉麵我就簡左麫豉（粗麵），加左葱同紫菜~ 我知道碗麵原本有蔥，但我係超級鍾意食蔥，所以額外加多份，真係超級正！紫菜都好大塊，值得一讚！拉麵原本嘅配料都好足料， 有竹筍粟米、京葱、海帶、仲有主角叉燒！麫豉湯底都好夠味，拉麵亦都好有口感！我仲叫咗個炸蟹肉忌廉餅，睇個外貌好似好普通咁，點知咬落有驚喜！外皮超級鬆脆，裏面好幼滑，仲有薯仔香味，有鮮甜味道～枱面上仲有一壺水、同其他調味料，可以比客人自助使用。順帶一提餐廳設有廁所，整潔度滿分，值得一讚！店員亦都好有禮貌，服務態度超好！走之前仲問我地好唔好食，超級超級nice ! 下次我一定會再帶朋友去食，試埋其他湯底！