拉麵Jo

营业中

休息中

我其實實係拉麵JO既大Fans黎, 店地方雖然不大, 但係食物質素真係好正!因為我比較大食, 同埋太好味既關係, 所以我通常都叫特制,特制同無既分別 就係多d料同少d料既問題, 特制有3件肉, 普通既係1件,特制有蛋 ,普通無的, 麵底就唔洗加因為完全夠食!反而驚太飽 浪費.麵係粗身for 易d沾到汁, 口感偏硬, 好彈牙彈口!蛋方面微甜, 麵本身有0.5個蛋, 我加多一個 湯會係普通拉麵既濃度既2倍, 易d沾到味咁解,值得一提係,入面會有d豚肉都可以夾黎食, 味道都相當不錯,因為汁夠濃, 長期immerse 係入面味道相當濃!湯係可以加返d 淡湯落去 整淡d 成碗飲, 係食完所有野之後!味道都係相當不錯, 但係通常食完麵都勁飽, 未必仲有量可以去飲埋佢=3=

銅鑼灣想食拉麵多數去登龍街, 經朋友介紹今次試下呢間隱世拉麵Jo米芝蓮推介嘅拉麵之前試過幾間, 各有千秋, 豚骨拉麵 幼麵（叉燒 竹筍 木耳 青蔥）好鍾意呢個湯底, 好香濃嘅豬骨湯味。溫度由一開始食到食完都keep住熱辣辣，雖然係最普通嘅湯底,但係佢拗出一種拉麵都得有嘅豬骨湯底味。醬油豚骨拉麵 幼麵 千葉縣產醬油 （叉燒 菠菜 青蔥 干筍）男朋友叫咗醬油湯底,比較得意嘅係佢有菠菜做佐菜。都幾好味。炸八爪魚球 呢個冇影相食囉, 佢有啲似章魚小丸子， 不過就係炸嘅形式, 外皮脆而個熱辣辣, 係另一番小丸子嘅風味。蔥花牛舌份量比想像中多。

平時由銅鑼灣港鐵站行去大球場都會路過銅鑼灣嘅拉麵JO! 每次經過都好想試下，今次去開銅鑼灣，一於就食好耐無食過嘅拉麵喇！一入拉麵鋪，店員好有禮貌咁按排位置，同埋俾餐紙我地點餐，原來店員是日本人點餐紙（店員建議每人填一張）餐牌除左有拉麵仲有沾麵，飯同小食對於一般拉麵店來說，算是多選擇枱面上擺放了醬油，7味粉，辣椒油，黑湖椒粉，蒜頭，酸菜等配料，非常細心飲品點了白桃汁，之前未飲過，所以好想試下日本白桃汁好大樽整樽白桃汁都充滿果肉每飲一啖果汁都有果肉非常有口感豚骨拉麵湯有香濃豚骨味，而且不會太杰配上香蔥芝麻，非常香口湯的鹹度適中幼麵彈牙有咬口，不會太淋豚肉肥瘦度剛好，入口即溶用筷子夾上可見豚肉淋的程度蒜油豚骨拉麵加上蒜油後非常香口配料中的椰菜與蒜油十分夾蔥花牛舌牛舌非常薄切，很滑配上蔥花，黑椒和檸檬汁，香口醒胃越吃越上癮，好好味

店面小小的，位置不多，裝潢卻充滿日本的感覺~晚上8點多來到，店內已坐滿了人呢。跟朋友一人點了一碗$88蒜油豚骨和$88辣味豚骨🍜還加了各一顆半熟蛋呢🤤拉麵是幼麵，卻勁道十足，蒜油拉麵湯頭濃郁而不會過咸，是不錯的💕另外還點了$50炸八爪魚球和$28炸蟹肉忌廉餅，小吃都是現做的，送到桌上還熱乎乎的，外皮酥脆，一口咬下去是會燙嘴的那種喔😆如果裡面的餡再多點會更好吃呢～服務員動作很快，卻還保持著禮貌，很不錯✨

今晚與友人在銅鑼灣一家拉麵店吃晚飯。店內裝潢簡約。像很多日本的拉麵店，座位成U字型，師傅則在中間位置煮麵。餐牌主打拉麵及沾麵。拉麵湯底主要為豚骨或麵豉湯底，豚骨中再細分數款味道。沾麵可選熱麵或冷麵，亦有數款味道。另外，拉麵店亦有期間限定的產品。現在期間限定的食品為灸燒麵豉沾麵。此外，店內亦提供飯類及小食，有興趣不彷一試。炸蕃薯條 $45新鮮炸起，金香可口。蕃薯清甜，不會油膩，配蛋黃醬亦有新鮮感。**進食時小心燙口沾麵 $$90賣相吸引，麵條軟硬適中，煙韌彈牙。沾麵湯底濃淡適中，上菜時夠熱。整體份量充足。(粗麵)麵豉湯底 $90湯底濃郁，帶有小許肉碎，並不會放太久而變酸。每一口麵都伴隨湯底的美味，十分不錯!日本半熟蛋(追加) $15日本半熟蛋生熟適中，惟味道較淡，欠缺蛋黃香。叉燒(二枚)(追加) $15叉燒脂肪比例合適，不會過於油膩，每一口都感覺到脂肪在口中溶化，帶有油香，也不失豬肉的味道。

唔經過真係唔知，原來眾多甜品店包圍嘅希雲街後面嘅加路連山，竟然隱藏左間米芝蓮推介嘅Jo拉麵，鍾意食拉麵嘅我梗係唔會錯過啦。我同朋友分別叫左個特制沾麵加叉燒木耳，蒜油豚骨拉麵，一分葱花牛舌同杯氣水。特制沾麵有冷熱選擇，而我就對熱嘅比較感興趣，本以為熱嘅麵會係麵質方面比較失色，點知熱粗麵同樣好有彈性，唔驚整凍湯之餘麵質亦相當有質素。加上粗麵嘅掛湯能力高，配埋味道濃郁嘅木魚豚骨湯，就更加無得彈。叉燒係半肥瘦嘅，瘦嗰邊嘅肉唔會好粗糙，脂肪部分令我見識到咩叫齒頰留香。沾麵有半隻半熟蛋，雖然唔算好流心，但係蛋白入面都好滑。不過沾麵係無木耳嘅，鍾意食嘅就要額外加錢買啦。同埋可惜嘅係湯係無得加熱，要keep到啖啖都夠熱就要食快啲啦。朋友叫嘅蒜香豚骨拉麵味道都唔錯，七分蒜香三分油香。油香並唔單單係麻油，而係會見到一粒粒炒香左嘅芝麻係湯入面。拉麵用嘅係幼麵，麵質相對較淋，叉燒嘅水準穩定，有木耳椰菜等配料。而葱花牛舌就係必定回購嘅美食，牛舌有咬口得黎唔會咬唔開，黑椒嘅辣同鹽嘅咸味調較得合適，淡淡嘅葱香再加上少許嘅檸檬汁令食物更清新同鮮味。可樂其實如果夠凍嘅話到到都一樣，不過如果佢嘅食用水可以加返啲檸檬落去就

岩岩去完日本，又想食拉麵，去左間係銅鑼灣都好出名嘅拉麵JO食!地方唔係熱鬧地方，不過以前返學位置就非常近。去到就有張紙咁比你畫，都算簡單。呢間好勁，2014年到衣家都keep住拎米芝蓮呀!坐位都係圍住廚師，同日本拉麵店都相似。叫左醬油豚骨幼麵，再加左隻蛋，去完日本就好中意叫蛋食...個麵質同好出名果間一X係好相似，不過佢個湯就冇咁重口，我就幾中意，而且塊肉好大片好正呀!!另外朋友叫左沾麵，個麵係粗身果隻，而且好有口感又彈牙，朋友好中意食，因為佢本身就好中意食硬身麵。仲有叫左個小食，炸蟹肉忌廉餅，新鮮熱辣，有點入口即熔感覺，味道似沙律味。整體個麵我都幾中意，而且份量都好夠，下次再黎~

見有咁多好評 又係米芝蓮 都抱幾大期望 諗住試吓有幾好味 點知....好普通....Lunch 去試左個最basic 既豬骨拉麵麵質偏硬 味道一般 沒驚喜隻半熟蛋味道不錯 但不算特別炸雞 夠juicy ! 好食！個人認為只係一般嘅拉麵店同日本嘅拉麵相比仲有好大嘅距離雖然店內有一位日本人 但見廚師同侍應都係本地人 最令人側目既係 煮拉麵既廚師同包餃子既員工 都無戴帽同口罩 工作其間亦不斷傾計 一路煮麵 一路講 一路包餃子 一路傾.....咁d口水......🤔亦睇住Refill筷子既員工 執完枱就雙手揸住的筷子去派 ....我個人比較在意呢d 始終眼不見為乾淨 眼見就......🤢

今日去左銅鑼灣食一間拉麵小店，叫做拉麵Jo~店內裝潢好有傳統日本feel！餐廳座位唔多，規模比較細。廚房位於店內中心位，透明嘅櫥窗可以比客人見到佢哋煮嘢食。牆上面貼住左餐牌同埋點餐紙，可以比客人自己填寫，超級方便！拉麵我就簡左麫豉（粗麵），加左葱同紫菜~ 我知道碗麵原本有蔥，但我係超級鍾意食蔥，所以額外加多份，真係超級正！紫菜都好大塊，值得一讚！拉麵原本嘅配料都好足料， 有竹筍粟米、京葱、海帶、仲有主角叉燒！麫豉湯底都好夠味，拉麵亦都好有口感！我仲叫咗個炸蟹肉忌廉餅，睇個外貌好似好普通咁，點知咬落有驚喜！外皮超級鬆脆，裏面好幼滑，仲有薯仔香味，有鮮甜味道～枱面上仲有一壺水、同其他調味料，可以比客人自助使用。順帶一提餐廳設有廁所，整潔度滿分，值得一讚！店員亦都好有禮貌，服務態度超好！走之前仲問我地好唔好食，超級超級nice ! 下次我一定會再帶朋友去食，試埋其他湯底！

去拉麵舖頭必填的拉麵紙一見到沾麵係毫不猶豫地會選擇的，係我喜歡的粗沾麵我同朋友分別選擇了特製辣味同同特製拉麵。每碗都有三大塊叉燒，兩塊紫菜同半隻蛋。沾麵湯入面仲有不少既荀佢既叉燒咬落去好軟綿綿，油脂分佈好好令佢浸落湯度吸哂d湯汁舖頭好貼心地有埋卡通教大家點食，相信而家沾麵係香港越黎越popular，我諗大家已經變左expert la!場上面貼住一d期間限定既拉麵，見到有人哪左冷麵，非常吸引另外，仲叫左燒牛舌，本身以為係厚厚地果隻，點知原來薄薄地都可以好爽口架下次試下其他小食先！

今日帶朋友去左呢間米芝蓮推介拉麵店, 其實我就唔係第一次去, 因為真心好食, 所以就帶左朋友去試。 入到去就見到牆身掛住呢啲獎, 可以見到呢間店已經連續幾年獲得米芝蓮推介。 拉麵店嚟講, 佢嘅款式都算叫多, 大概有豚骨, 辣味豚骨, 蒜油豚骨麵豉湯底, 咁有沾麵同拉麵分, 仲有飯款同一啲小食同飲品選擇。 另外, 每期都會有款期間限定。 我個人比較喜歡呢度嘅沾麵, 所以我就叫咗"沾麵", 咁佢其實係木魚豚骨湯底嚟。 我鍾意呢度嘅粗麵係因為佢夠彈牙煙韌, 掛湯能力一流, 最怕麵淡繆繆無咩味。 個叉燒係兩塊厚切, 鹹鹹地咁都幾好味的, 同埋肉都唔會過硬又無過軟, 好適中。 湯頭真係超級濃, 每次去都保持水準, 上嚟嘅時候溫度都好夠熱, 足夠維持你食曬碗麵。 不過我都建議上菜後盡快食, 畢竟無得加熱, 擺太耐都係會涼。 咁沾麵湯底係會比拉麵湯底濃同重味, 所謂食完麵要飲湯, 就可以叫店方加湯, 咁加完嘅湯就會比原先稀少少同淡味啲啲, 比較適合就咁飲。 我仲叫多左個炸餃子, 煎得微金黃, 個皮少脆, 餡料都好多, 不錯。

榮獲好幾年米芝連推介的拉麵Jo，的確是長期滿座的人氣拉麵店，店面小小的，的卻很喜歡。這天這個位置可以看要師傅煮麵，認真工作的男人特別好看。以拉麵店計，這裡麵的款式和小食種類已經不算少。富士山頂可樂 $25這款可樂是我每次見到也會買/或點的，其實它只要一點點像可樂，但味道很特別。這次一心想試這個期間限定。北海道炙燒麵豉沾麵 $96拉麵為極粗麵，可選熱麵或冷麵，有一片叉燒、小荳苗、鳴門卷和半份日本半熟蛋，沾麵湯底為炙燒麵豉湯底，加入了豚肉碎、洋蔥、魚干粉等。這款沾麵湯味道是偏濃郁偏重口味的，但又不致於很鹹，麵豉味很重很香。麵的質地煙韌有咬感，掛湯力十足。特製沾麵 $106拉麵為極粗麵，可選熱麵或冷麵，有3片叉燒、半份日本半熟蛋和紫菜，沾麵湯底為濃厚木魚豚骨湯，再加入了椰菜、玉蔥、京蔥、干荀、木魚粉。湯料聞起來很香，味道很濃，入口啖啖魚鮮味混豚骨味，湯料均勻地掛在粗麵上，味道很好，不會過於濃味。不用擔心不知道怎樣吃沾麵，這裡會清晰的圖文並茂的教學。這些辣菜也是很好味的呢。炸八爪魚丸 $50單純是突然想吃所以點，就是普通的八爪魚丸，不過算是炸到外脆內軟，八爪魚粒不算小顆，粉漿也沒有太糊。炸蟹肉

我對食拉麵等同家常便飯，因為我都會因為熱潮而去排拉麵。今日喺銅鑼灣放左工，經過一間細細地嘅拉麵店，就決定入去試下。呢間唔係連鎖式嘅拉麵店，裝潢傳統日本風，燈光較暗，連店員都係日本人，可以暫時滿足我想去日本嘅渴望！點餐方式都係自己圈，自己剔，好方便！我就叫左麵豉粗麵，加日本半熟蛋同埋竹筍！兩個都係最愛！飲品我就叫左白桃汁。半熟蛋，蛋白軟滑，半熟嘅蛋黃流出，超正！而竹筍亦都好爽口，同拉麵一齊夾落口，簡直係絕配。佢個湯底都好入味，飲落唔會太咸，當然亦超鍾意拉麵嘅粗度岩岩好掛到湯汁。我最滿意係佢個拉麵，軟硬度適中，夠煙韌，好有口感！拉麵嘅配料亦都好足料，有粟米、海帶，再加兩舊超大嘅叉燒！叉燒唔太肥，啱晒我呢啲減緊肥嘅女士，正！呢個白桃汁真係值得一試，因為飲落口口真係淡淡果肉，冇呃你！餐廳仲推出期間限定，成日都會轉口味，俾到客人新意，值得一讚。食完超滿足！我決定下次再帶朋友嚟試其他湯底，店員仲超級Nice，服務態度有禮，如果你係拉麵迷都一定要黎試下！

係銅鑼灣行完街都成8點幾諗住去拉麵JO搏下唔洗排隊點知8：30去到都要排第3張見算係比平時6， 7點少人好多， 都照等咗15分鐘先入座排住隊已經可以睇定食咩除咗拉緬， 仲有沾麵， 叉燒飯同小食等多選擇天氣太熱， 我要咗個黑豚涮涮冷麵同manu張圖有95%似， 呢點有加分！湯汁夠凍又酸酸地令胃口大開d麵唔知係唔係冰鎮過， 非常Q彈彈牙另外青瓜／蕃茄／蔥花都係爽口配料配麵一齊食口感清新我加咗海草， 令味道更鮮流心溫泉蛋口感綿綿， 非常出色豚肉反而好似變咗配角😂overall 嚟講都好好味 呢個冷麵係期間限定， 唔知幾時會無呢友人order蒜油拉麵我坐隔離都聞到好香佢鐘意食重口味， 覺得味道剛好， 差唔多連湯都飲晒餃子不過不失略嫌個底煎得唔夠香脆啫！整體食物都好讚, 個位日本男侍應好有禮貌係。。。坐得迫咗d囉

聽一個熱愛拉麵既朋友推介呢家，專程上來食，滿足而回。廚師、經理都系日本人，經理操著日本腔既廣東話，好努力甘同我地溝通，好可愛又nice 。粗沾麵，用石鍋盛坐醬汁，沸騰濃厚既湯汁，彈牙有咬勁既麵條，非常掛湯，叉燒肥美，整體黎講系水汁之上。仲叫左份蔥花牛舌，黑椒、檸檬，食落清新，牛舌薄片，爽口，份量都幾多下，值得一試。自家製餃子都吾錯，豬肉同椰菜作餡料，食落多汁又鮮甜，皮薄餡靚不為過，煎到金黃外脆，好滿足！