拉麵Jo

营业中

休息中

朋友約我食我至愛的拉麵，當然樂於奉陪。銅鑼灣結集不同種類不同風味的拉麵。拉麵jo間唔中都會去食，特別喜歡食佢地既沾麵！期間限定既灸燒麵豉沾麵，貌似好吸引。上枱時已經聞到好香既麵豉味，湯底驟眼睇落好稠好深色，不過搞均勻之後沾上粗麵食係幾濃滑，本身個粗麵又掛到湯同埋夠彈牙。👍叉燒幾有肉香，咬落鬆化！溏心蛋食完唔覺滯，蛋味幾香！😛朋友就胃口大d，叫左呢個特製沾麵。材料都幾豐富，份量又多！木魚味湯底好濃，熱辣辣咁將粗麵點上湯汁食特別溫暖。湯底入面有頗多椰菜，肉菜都幾平衡！日本蜜桃汁蜜桃味好濃，味道唔會太死甜，反而陣蜜桃味濃郁得黎係停留係口腔果種，令人想一飲再飲。而朋友叫既富士山可樂飲落味道清香，可樂味唔算重，不過飲完之後會有一種舒爽既感覺！

今次係第二次嚟呢一間拉麵店啦記得上次你嘅時候已經覺得價錢相當平同埋好好味，雖然地方就唔近地鐵站入到去好多人都係日本人包括侍應感覺非常地道好似去咗日本咁！朋友叫咗一個蒜油拉麵蒜香味非常之重，拉麵唔會太硬，而且個湯底非常濃郁嘅蒜香味好鍾意！！分量亦都唔會太少最緊要係價錢平我就第一次食沾面沾面相對比拉麵係比較硬身少少嘅佢嘅汁亦都相對鹹少少。但係味道都OK呀不過我自己就鍾意拉麵多啲又是非常香份量都唔少夠爽！唔會太油膩八爪魚丸都好好食呀一邊都有相當份量嘅八爪魚唔會太少佢個皮唔算太硬身我幾鍾意

翌日放假心情實在太興奮！與朋友周圍逛，買自己喜愛的精品，最後當然少不了食好西來滿足自己的肚皮。麵食素來我都喜歡吃，不過今次不去食車仔麵轉移去食拉麵。銅鑼灣區拉麵店林林總總，拉麵Jo算是其中我喜歡的拉麵店之一。期間限定有兩款沾麵，一款拉麵及冷麵。蒜油豚骨拉麵 - 黑蒜油味香氣撲鼻，湯底濃郁得來隱約滲出微微的鹹香，叉燒雖不算厚身，不過入口鬆化，肉味甚濃之餘又質感滑溜！幼拉麵掛湯不錯，質感彈牙！灸燒麵豉沾麵 - 份量適中而賣相不錯！沾麵粗身得來又彈牙，掛湯一流。湯底混合了兩款不同的味增，口感更為豐富！溏心蛋充滿蛋香，流心度也不錯！麵條粗身有坑紋，入口豐厚嫩滑，一碗很快便吃光。餃子 - 吃完麵後肚子都近乎飽的狀態，不過與朋友仍想食多一道小食才肯罷休！餃子外皮不算太厚，而餡料亦包得密實不鬆散，咬落去嗦嗦聲，份外味美！

香港的拉麵店如繁星般多，大多數以濃郁豬骨湯頭作賣點，雖然各師各法，但作為一個普通食客，有時候未必覺得分別很大，今日我以平常心到這家拉麵 Jo，因為是連續四年米之蓮推介，來到方知道是日本人主理，招呼我們的年青男侍應亦是日本人，都怪我請敎他不同湯頭的分別，他終以洪荒之力介紹，感覺份外窩心。 依照他的解說，知道豚骨湯頭最清，醬油味稍濃但都是清湯，而味噌及沾麵就非常濃郁。 二人同行的一般選擇，一濃一淡、另一小吃再加碗叉燒飯分享。 桌上備有兩款醃菜及生蒜頭，我懷疑有幾多香港人鍾意食，但如果正宗就需必備，客人試少少無妨。 豚骨湯麵 $86 據說湯頭花上16小時熬製，淡淡的淺褐顏色，白芝麻滿蓋，雖見點點油光，但喝一口，難得清香醇厚，豬骨味香但無膩感，骨膠原豐富，愈飲愈有味道。 非常肥美的叉燒有兩枚，瘦叉燒會嚡，肥有肥的好，不過有點膩；其他材料有京蔥、木耳絲及竹筍。 選用幼麵，零舍掛汁，啖啖豐富，好吃。 細叉燒飯 $42 同樣是肥美的五花腩肉，角切及炙燒過更好吃，燒走了多餘脂肪，香惹不膩，醃味豐富，有點肉汁沾在白飯上，相信選用日本米，這個飯平靚正。特製沾麵 $106 沾麵即點即做，需時1

香港拉麵店開到通街都係，真係好難搵到一間正宗既日本拉麵店，呢晚放工，就同朋友黎左拉麵Jo，因為聽同事講，黎呢度食麵好似去左日本咁一入到去，同普通日本拉麵店差不多格局，想同店員講兩個人，點知店員唔識聽，原來兩個靚仔店員都係日本人，其中一個名杉村先生重好好咁用唔正既粵語為我地介紹餐單，好欣賞佢呢份用心，用對方既母語對話，先係最打動人心首先我朋友想食日本沾麵，所以叫咗一個北海道灸燒熱鼓沾麵，平時食開嘅沾麵都係醬油湯底，但係呢度嘅面就有一種灸燒嘅味道，真係好神奇而且裏面都好彈牙，真係好好味食完之後，枱面仲有一張教你點樣落湯嘅餐牌，有齊中文英文，真係好細心呀面我就比較鍾意有湯嘅拉麵，所以叫咗呢碗蒜油拉麵，我平時都唔係好鍾意蒜頭，但佢嘅湯底一啲都冇令我反感，反而覺得好好味叉燒同埋我最鍾意嘅甘筍都大大片，都只係$84 ，真係好抵食啊我呢個朋友比較大食，所以叫多咗一碗細嘅叉燒飯，呢碗叉燒飯應該係全餐飯最驚喜嘅地方，佢嘅叉燒不單止好味，仲有一種灸燒過嘅味道同埋香味，我朋友話真係好似返咗日本呀最後就係呢個炸八爪魚丸，呢個炸唔同我哋香港嘅炸，佢既質感同埋味道都同我喺大阪食過嘅一模一樣，真係令我諗翻起去日本旅

呢間拉麵jo真係長期排滿人,每次晚上去要等位先有得入嫁!我個人推薦食既係沾麵, 呢到沾麵份量黎講我覺得正常, 如果真係唔夠飽其實加10蚊多半份都一定夠飽,因為我自己加個, 飽到差d食唔晒!呢到沾麵比較痴汁, 基本上一點落去d湯汁味就岩岩好足夠重味, 湯都係比較重味嫁啦, 如果直接飲既話就會有小小過咸, 所以點一下好啦, 如果食完麵真係想飲埋湯,可以叫佢加湯, 咁樣就會整淡個湯就可以成碗飲落肚.辣湯既樣係咁, 基本上就係加多小小辣油的感覺. 橙汁既話係枝裝黎. 味道比果汁先生無咁甜, 玉米就係百佳綠色個d玉米黎, 都甜既, 如果配小小麵加d湯點黎食 , 帶埋個甜味都相當不錯!整體價錢無加一, 我覺得完全唔貴,如果係cwb 呢d地段黎講既話, 十分值得試!

今天要到加路連山道附近開會， 約了朋友去試這間米芝蓮麵店， 約過幾次大家時間夾唔到， 今天終於可以如願以償。門口已經見到傳統日式大紅燈籠，店舖名大大隻 JO 字樣面積唔大，只有2張4人枱，十幾個 Bar 枱位2個人本來要坐 bar 枱位，但見到我有手袋，公文袋， 況且時間尚早客人唔多，所以比我們坐四人枱，寬敞得多，感謝老闆原裝冰水， 在日本麵店見過，香港少有蒜油豚骨幼麵豬骨湯底清甜， 幼麵纖細索味， 豚肉半肥瘦 炆到好冧， 蒜油香濃， 非常好食， 最後連湯都飲光炒野菜 銀芽、韭菜、椰菜等新鮮，而且少油，好健康特製沾麵類似廣東式撈麵， 一大碗特濃豬骨麵豉湯用來點食， 餸料有紫菜、日本半熟蛋和豚肉， 沾麵比烏東麵幼約 1/3， 在處理過程中經過了冷水作業，令麵條更加堅實彈牙，慢慢咀嚼 感受那淡淡麥味，， 怪不得屢獲殊榮蔥花牛舌cut 到好薄但爽口，蔥花、 黑胡椒粒和七味粉香辣濃，再加上幾滴檸檬汁更覺惹味，但自己唔辣得，只食了數片，其餘朋友包辦!有個圖教你沾麵食法， 怕用錯方法， 令到味道失真，日本人做事認真，可見一班!個餐牌都好別緻

又到放飯嘅時候，落到樓下一個人都唔知想食乜，又唔想行太遠，就係樓下間拉麵店座底睇吓食乜先，拉麵食得多，今次試吓沾麵，叫咗碗名古屋豚肉沾麵加一罐可樂，原來有個牌教埋你点食個沾麵，碗麵超大，又有紫菜，豚肉好大好冧，味道還可以，因為要返工食飽就走人。

好耐以前已經有朋友介紹我嚟呢度食，之後仲得悉呢度連續四年都係米芝蓮推介的，就更加想嚟食，今日終能一試風味～喺門口望餐廳唔太顯眼，舖頭亦唔係好大間，有典型嘅日本拉麵店格局同兩張坐枱。一坐底店員就遞上杯同水，係冰水呀 — 香港終於有返間日本餐廳係遵循日本嘅做法俾冰水，又加分了～日本近年好興呢種辣麵，有啲似擔擔麵，用上肉碎同辣醬，但就多啲湯水，呢碗嘅辣味好足，令人食得過癮。而叉燒嘅肥瘦平均，好軟熟。麵條非常粗，亦係較硬嗰款，配料都唔少，除咗半隻溏心蛋，仲有成三塊叉燒同三塊紫菜！本身嘅湯用上木魚同豚骨熬，味道好濃，又充滿魚香～食哂拉麵之後再請店員加湯，都唔會搞到好稀，味道猶在。呢個蟹肉忌廉餅超正，超級 creamy，簡直入口即溶，基本上唔洗點醬油都好好味～唔好睇呢餐嘅份量好似唔多，但慢慢食落又幾飽喎～

拉麵一直都係港人至愛既日本菜之一崇日既我當然都唔例外今日就專程過海黎試試米芝蓮級既拉麵到底係點啦(offtopic:好難得地係香港食日本野會聽到正宗既 いらっしゃいませ而唔係213214)==============================一貫寫紙仔既點菜方法最鍾意就係呢種唔洗怕點錯又一目瞭然最特別係有得diy新鮮蒜蓉蒜油豚骨拉麵($88)+竹荀($10)+京蔥($10)豚骨味香濃，湯頭應該真係煲左唔少時間蒜油香得黎又唔會互搶味道拉麵口感細滑，食到有淡淡既麵香煮得岩岩好，唔會太硬又唔會太淋叉燒大大件肥瘦層次分明但如可以再肥少少會更好特製沾麵($106)店家好貼心地整左個中英對照既牌仔提大家點食沾麵沾麵口感爽口彈牙湯底仍係一貫高水準湯底如果就咁飲可能會略咸但係配埋麵就會知道咁係岩岩好沾麵好食與否既其中一個最重要指標就係佢既掛湯能力咁反映到湯同麵既好與壞呢到既沾麵掛湯能力一流每一啖都可以確實食到湯底既味道半熟蛋口感幼滑煮得岩岩好叉燒就咁食可能會略乾但係點埋湯汁就岩岩好蟹肉忌廉餅蟹肉鮮味香濃忌廉餅炸得夠香脆又唔會油膩食多多都唔怕餃子難得既正宗日式煎餃子好多港式餐廳整既所謂日式餃子都只

位於銅鑼灣的拉麵 Jo已經連續多年獲得米芝蓮推介，這天放工後經過，難得見到沒有人龍就入內吃晚餐。店面面積較細，座位很少，環境淺窄，坐得不太舒服。雖然都是獨沽一味賣麵食，不過小食款式也不算少。沾麵 $88沾麵是拉麵的變奏，上桌時會把麵跟湯分開，但食法、味道、風格均與傳統拉麵截然不同。最獨特之處就是這裡的沾面湯底以石鍋盛載著，蒸氣騰騰，從頭吃到底都可保持熱燙滋味。叉燒都是厚切啖啖肉，脂香滿瀉，肉質軟嫩不死實。沾麵麵條可選熱麵或冷麵，口感滑順而又緊緻彈牙，提升入口的嚼勁，呈現小麥特有的甘甜原味，沾上濃厚的木魚豚骨湯底，味道濃香而細膩。另加 $15就可有一隻日本半熟蛋，軟嫩蛋白包裹著半熟晶瑩的流心蛋黃，滿溢香濃蛋味。自製餃子3個 $28外皮不算過厚，不過稍嫌煎得未夠金黃脆口。一咬開餃子餡料扎實多汁，豬肉混合蔬菜絲，令肉餡豐滿清爽。炒野菜 $38炒野菜調味略為單調，明顯比其他小食比下去，不過份量確實是出乎意料之外的多。炸八爪魚球 $48即叫即製熱呼呼，個子渾圓飽滿，外層香脆帶有焦香，確實和在日本吃到的水準相差不遠。雖然內餡的八爪魚比較小顆，但丸子口感外脆內軟而不會糊口，點上蛋黃醬、燒汁、木魚碎，

上星期相約朋友去銅鑼灣食飯，我地揀左間係加路連山道既拉麵店——［拉麵jo]🍜🍜其實之前都聽過依間餐廳，好似都幾有名氣，今次就來試下啦門面係落地玻璃，就算路人都睇到室內情況，好彩我地等左十分鐘左右就有位😬店舖不大，設計就好似日本見既地道拉麵店，長形木枱圍住個廚房，我地都好清楚睇到師傅煮麵既過程近距離觀察到師傅既手勢，令人感覺都親切啲🙈🙈因爲試過去日本嘅時候，同拉麵店既師傅傾計，好有趣既經歷😬😬除左有不同口味既拉麵，仲有沾麵、丼物，都幾多選擇～唯一不同是拉麵預設為幼麵，但可以揀是否配蔥，沾麵就全部粗身麵條。麵豉拉麵 $89追加左半熟蛋$15，海草$10食拉麵點少得🍳呢😋😋 麵豉湯底是唯一用上粗身麵款的拉麵，湯底本身濃稠，不會太咸，每條麵都掛滿湯，食落特別入味叉燒則是半肥瘦豬腩肉，軟腍易咬如果有多幾塊叉燒就更好喇😅特製沾麵 $104用上極粗麵、木魚豚骨、木魚粉煮成，湯底味濃鮮明，食完都唔覺膩缺點就係冇左半隻蛋😂😂 蛋黃半熟好吸引😋店員仲會提供食沾麵教學圖，好細心啵！自家製餃子 $42/5pcs中意微微煎香的餃子，太燶的話食唔到個原味，餡料都係肉碎同菜，不過不失！配拉麵食都幾好！

今日星期日，出左銅鑼灣諗住去誠品行下，順手試下Jo 仔個沾麵。朋友上次去完拉麵Jo食，話佢好食過日本某d名店，講到咁款，好難唔試喎。沾麵要做得好真係唔易，一d做到個汁淡又稀，完全掛唔到個麵，有dd麵又做到太幼，要拎個平衡都唔易。要試就當然要試個好嘅，我叫左個特製沾麵。沾麵黎到個賣相就認真唔錯，佢個沾麵係粗麵黎，掛湯黎講比幼麵好，啖啖都沾滿湯，口感亦都有咬口，煙韌彈牙。 沾麵個湯底非常濃郁，木魚味重，但濃得黎又唔會油膩，都幾難得。至於個叉燒就有d肥，不過d肥膏入口即溶，偶然食一兩舊都可以接受。總括來講，沾麵做得真係好好，湯底濃而不膩，麵亦彈牙，真係好過唔少日本當地沾麵店。

懦夫救星今日帶大家去食米芝蓮拉面~呢個係大坑既拉麵JO,已經連續幾年拎到米芝蓮, 今次就睇下佢有幾勁~去到都要等一陣先有位,舖面唔算大,不過都坐得幾舒服。今次試左佢既招牌湯麵加隻溏心玉子。食拉麵最重要係個湯,佢既豬骨湯真係好濃,飲完係會感覺到有D骨膠原係口入面一樣。第2重點就係麵條本身, JO用既係幼身面,未算好彈牙但係個麵好香,值得一讚。叉燒浸到好入味,腩肉食落唔見得好肥好油。下次有機會一定會試埋沾麵, 粗麵應該會更好食~

今日係銅鑼灣做開運動 就約朋友係附近食晚飯啦～ 我朋友最鐘情於日本的拉麵～ 我地就打算試試呢間：拉麵JO🍜🍜🍜門面裝修非常之有日式情懷👍🏻👍🏻👍🏻掛左個紅燈籠～ 店家小小 大概只有十個座位成間拉麵店的廚房就佔了店鋪的差不多一大半了～ 但係完全開放式廚房～ 可以見到拉麵師傅製作拉麵嘅情況～ 煮拉麵嘅時候，師傅仲用上計時器，確保每個拉麵都煮到啱啱好，軟硬適中～餐牌上嘅拉麵都相當之吸引，價錢都係80至90左右一個～上邊嗰個係香蒜拉麵，下面嘅係醬油拉麵兩個拉麵嘅湯底都非常之濃郁😍😍😍湯底煮得非常之濃郁入味，蒜香拉麵嘅湯底充滿着蒜蓉嘅辛香味，令人食慾大增🤩🤩另一方面，醬油拉麵嘅湯底亦都非常之濃郁易入口😎😎另外我哋兩碗拉麵都加咗叉燒🐷🐷🐷非常之欣賞佢哋店家整嘅叉燒😎😎😎簡直係入口即溶😍😍😍瘦肉都可以做到入口即化嘅感覺，更何況係帶有少少嘅肥肉，豚肉的油脂簡直香到不得了，喺口腔完全散發出豚肉嘅鮮味👍🏻👍🏻👍🏻一級棒呀！正如我啱啱所講，因為拉麵師傅用咗計時器去煮每一個拉麵，所以製作出嚟嘅麵條都係軟硬適中，每條麵條都掛到汁！💓💓💓另外，我仲加咗一個溏心蛋🤩🤩🤩佢用日本醬油浸左雞蛋的表面，所以有少少鹹味，蛋