喜鍋 海鮮‧火鍋‧小廚 (已結業)

今日黎到旺角附近天氣又忽冷忽熱咁係開始轉涼既天氣當然要食下d熱野暖下身，咁岩經過呢間火鍋店就同朋友入去試下,餐廳有2層上層比較舒服又少人d.呢間火鍋店既湯底比較多養顏同養食種類今次就試左胡椒濃湯豬骨煲,胡椒味濃但又唔會過辣飲完一啖個胃即刻感覺到好暖,湯底又重料2個人一煲再食埋湯料已經好足夠,好大量豬骨同雞腳好重骨膠原,內裏仲有好多蘿蔔,粟米基本上都唔需要再點其他蔬菜.手打五寶丸有牛丸魚旦墨魚丸鯪魚丸同一款幾特別既梅菜豬肉丸,丸類好新鮮好有光澤而且入口都幾彈牙又唔會有陣雪味,梅菜豬肉丸既感覺就好似食緊丸類牌既梅菜肉餅咁梅菜唔會太咸.至尊手切本地牛頸脊切得厚簿適中而且牛肉上層肥下層瘦色澤好鮮紅新鮮切唔會雪到d肉死晒咬落有肉嚼口唔會軟patpat入口牛味幾香大大碟性價比高.

今日凍凍地 最適合約齊成班人吹水打邊爐😎黎到旺角上海街喜鍋 有得坐樓上 環境唔錯～坐低先叫d小食- 蟹籽墨魚油炸鬼墨魚釀入油炸鬼入面 墨魚有咬感 油炸魚夠脆 外脆內軟 配上面的蟹籽 夠特色😎湯底- 招牌花膠鯊魚骨膠源湯鍋湯底鮮甜～先飲左一碗～落足料煲足時間夠入味 花膠俾足無走數😝呢款湯底絕對推介😎打邊爐主角- 至尊手切本地牛頸脊一睇紋理就知牛肉新鮮 夠晒大碟 放入湯底灼10秒 即放落口 又嫩口又爽滑😎脆鯇骨腩 打邊爐當然要有魚有肉～魚夠新鮮 切得夠薄 無腥味加口感夠”脆”夠爽自家脆炸響鈴放落湯底三秒 即撈起即食 入口試到佢索晒湯底精華～鳳城水餃 水餃皮薄 內裡足料～墨魚滑夠大碟 入口唔會太軟 加返少少黏口口感 好味～其餘有芝士腸～菜～公仔麵～總結環境好，食物新鮮，交通又方便，隨時會再黎食過～😎

每個月仲有幾餐食到佢視乎情況，講緊當然系火鍋啦，真係食極都唔會厭夠曬多元化口味，就今次去左呢度開飯，地點夠方便之餘又食得滋味咁先有驚喜，點左呢度海鮮火鍋套餐，已包括多款美食享用，系食火鍋之前梗系先食番個人氣招牌麻辣雞煲品嚐一下，辣度可以自己選擇，先將雞煲反覆煎兩三次就可以食得，記得食之前可以落埋香脆油炸條粒就咁食又得脆卜卜，主角招牌雞煲味道確實一流吸收左麻辣嘅香味，又可以食到啖啖香滑雞肉之餘，真係會越食越惹味最啱食番碗白飯咁就最正，而且雞煲仲可以任食一定滿足到大家食慾，我地都唔執輸食多一輪麻辣雞煲先，眨眼又到火鍋時間，火鍋配料亦逐一出場，先有生猛海鮮拼盤同本地手切牛頸脊，用料十足夠曬豐富，連同其他配料一同品嚐，識食就梗系先食海鮮，龍蝦、鮑魚、元貝、生蠔等，食啖啖鮮嫩嘅肉滿口鮮甜肉汁正，再來食番件肥美手切牛頸脊咁至完美，又繼續品嚐其他美食食得過癮又滿足，原來每逢晚上9:30後仲有個超值優惠套餐，又方便一班宵夜一族人士慢慢享用，最後唔少得食埋個烏冬吸收左湯汁鮮味食落特別滿足一番

一個冬天可能會打無數次邊爐，餐廳品質當然有高有低，今次試左呢間喜鍋，第一次來，感覺幾正，水準以上。呢度位置唔算太多，但卡位都好舒服。店員推介花膠鯊魚骨湯，仲跟一份泡飯。又有湯飲，有花膠食，仲有主食，二話不說點左呢個鍋底果然料非常充足，好多花膠之餘，仲分別有三四件雞腳、豬手！湯底味道濃郁。配埋炸過嘅泡飯，好似食緊米通、飯焦咁。又香又脆！咁食法好有新鮮感丸方面我地點左芝士墨魚丸，一共四大粒，芝心部份好多，咬落去有爆漿效果，芝士質地軟滑，唔會好稀身，所以芝味好濃。墨魚丸本身都彈牙、有墨魚味，推介蝦丸相對比較細粒，但蝦味都好明顯，中規中矩。點左份大蜆，份量極多，仲要好大隻，以呢個價錢非常底食，好新鮮。芝士獅子狗一份八粒，新興食品，好多人都會點，夾住芝士，好食。萵筍唔係片裝、條裝，反而係成大舊，食落夠嫩，夠甜，完全無渣，係我地最近fav。

今日晚餐來左上海街呢間火鍋店打邊爐，呢度好評甚多，我地都訂定位，餐廳位置唔算多，我地坐卡位，闊落舒服，一袋二袋都完全唔逼。店員好爽手，遞上醬油，並輕輕推介過湯底、配料，包括鯊魚骨湯底同海鮮湯底都推薦。menu選擇多，湯底超過20款，價錢合理，包括有鯊魚骨湯底、胡椒豬骨、雞煲、海鮮鍋、椰青鍋、杏汁豬肺、醉雞、魚頭鍋等等，價錢58-328，豐儉由人。配料由小食、肉類、海鮮、丸、餃、蔬菜等有齊，款式好多，而且價錢唔貴。醬料花膠鯊魚骨膠原湯鍋我就好推薦呢度嘅湯底，尤其是呢個花膠鯊魚骨膠原湯鍋，性價比高，仲要好足料裡面有花膠，好大抽，厚而滑溜，真係超正，女士唔好錯過。一見到咁多花膠，我地就一路讚抵食！鯊魚骨除左花膠，仲有幾舊大豬手同雞腳，好入味。湯底煲滾之後，都好濃郁，飲左好多碗先開始打邊爐最特別係送埋甘香泡飯，脆米再加番呢個湯底，無得輸，一人食左大碗，好鬼正黃沙大蜆抵食，一份有成15粒，性價比高，78蚊份真係想點多份啊，大隻飽滿無沙。手打鮮蝦丸一份6粒，唔係好大粒果種，但啖啖蝦肉。秘製芝士墨魚丸一份四粒，好大粒架，有墨魚口感，而且佢裡面都有芝士，好流心我超鐘意芝士竹輪，呢隻夠大粒，淥起漲漲卜，

近日氣溫就如過山車般，驟升驟降，這種突如其來的劇變，不易適應，也最難熬。今晚，冷鋒提早殺到，對於怕凍的小妹來說，簡直是個噩耗。為了自求多福，晚餐決定烚下烚下，讓身體熱辣辣，抵抗嚴冬。這間火鍋店佔地兩層，裝修屬茶餐廳格局，但勝在環境整潔。是夜客人絡繹不絕，熱鬧非常。安頓過後，店員主動端來調味架，大家可按喜好自行混合蔥花、辣椒、生蒜、熟蒜、XO醬或麻醬($10/位)。打邊爐始終易上火，我們又不愛汽水啤酒，於是喚來竹蔗馬蹄茅根水($38/渣)。只見玻璃瓶內盛著粟米、紅蘿蔔、竹蔗、馬蹄，真材實料；味道方面，清甜自然，解渴之餘，亦有助清熱。天寒地凍，特別容易肚餓。立即柯打一客蟹籽墨魚油炸鬼($58)，安撫正在扭計的五臟廟。成品金金黃黃，賣相靚仔，忍不住先吃為快。油條香脆乾身，中間夾著爽彈的墨魚膠，再加上卜卜蟹籽，多重口感匯聚一起，夠晒過癮。個人喜歡蘸些泰式酸甜醬，令人開胃，亦能消減油膩。打邊爐，湯底當然是重要一環，今次就挑選了最出名的招牌花膠鯊魚骨膠原湯鍋($188)。乳白色的湯頭非常甜美，越滾越濃，滿嘴都是黏黏的膠質，滋補養顏。鍋內配料包括矜貴的花膠和鯊魚骨，還有雞腳、豬手、紅蘿蔔、芫茜及芹菜

嚮旺角行街街本是賞心樂事，只是今日天氣好凍，我仲係著裙，咁就凍上加凍。黎到登打士街近砵蘭街，見到一間火煱店，唔理三七廿一，入去食番d熱野，暖暖身先。打邊爐的鍋底來來去去不外乎鴛鴦鍋、皮蛋芫茜鍋、沙嗲鍋...,見到有個杏汁燉豬肺鍋未食過，今次就試吓先。落食材前，滔少少湯底試吓。嘩！味道濃郁，而且是加了雞腳一齊煲的，好味！金錢牛展很大塊的呢！同樣是有根有肉，不會太 "鞋",，也不會太膩。魷魚鬚滑捋捋兼好彈牙喎！豬肚，另一味爽口食材。邊食邊飲竹蔗茅根水，可以消消熱氣。

同事升職萬歲，揀左嚮上海街打邊爐，貪其沒有限時，又收得夜，可以邊食邊吹邊等，去邊區都有車到，幾好餐前小食都超過10款，等齊人時食少少野打底或用黎送啤酒就最好不過打邊爐某程度來講是 "白烚"，所以湯底質素主宰食物的味道。而我，則鐘意一d有特色或特別的，這個豬肺鍋就啱晒我同事介紹的牛展，比手切肥牛有嚼頭很脆的響玲，應該是自家制的，仲要係唔會擺好耐，否則或多或少總會 "受潮"好多時食到尾聲都會嗌個公仔麵或烏冬，我較喜歡芋絲，既飽肚又健康韓國年糕口感煙靭

近日天氣凍左好多，最啱約埋三五知己去打邊爐。日本黑豚肉，薄切、很大碟，最重要是新鮮及夠肉味中國人鐘意 "以型補型"，不知有冇科學根據。但如果是真的，咁食鴨紅咪可以補血囉。Anyway, 口感軟淋淋、 煙煙韌韌，唔錯唔知點解酒店中菜廳供應的竹笙湯咁貴，我只知 "索索聲" 好爽口魷魚、烏賊、墨魚、章魚雖然是不同食物，但嚮我印象中也是一樣，全都是唔好食。食過呢碟水魷魚後，我要重申評價，因為真的很鮮很爽，正全枱都係肉，無論怎樣也要叫碟菜，感覺上無咁油膩和健康d

有一晚經過油麻地見到易拉架話牛魔王塔 $398 好似幾吸引就入去試下，叫埋個魚湯海鮮鍋 $208。魚湯正啊，屋企煲既風味即無味精地鮮甜，我飲左 2 碗先肯開始食餸🤣 海鮮鍋入面有🦐🦀花甲帶子等等，🦐有成隻✋🏻咁大！仲好多膏，好食啊😋 牛魔王塔有三層:上 - 牛柳粒中:手切本地牛頸脊下:安格斯牛頸脊。牛柳粒幾正喎，我有幾粒扔左落去之後唔記得左，之後食又無話好靭𡁻唔到。本地牛有咬口肉味濃，安格斯入口軟滑，三種都唔錯的說👍🏻 加埋韮菜餃同萵筍，3 個人食飽到一個點😆

天氣轉涼，特別想打邊爐！假期同屋企人行完街，係旺角附近搵野食！見到門前的火煱menu種類好多，就決意㨂左喜鍋！一入門口，侍應好有禮貌安排我地入座，原來有分上下兩層，坐得鬆動！入座後，立即點了個湯底，招牌花膠鯊魚骨膠原湯鍋($188),我係牛魔王，又點少得本地手切牛頸脊($298); 蟹籽墨魚滑油炸鬼($58);鳳城水餃($48);芝士腸($38);出前一丁($15);炸芋片($28);西洋菜($28);脆脘骨腩($68); 嚮鈴($42);食物新鮮，而醬料都好好味！湯底好鮮甜，好多骨膠原！墨魚滑蟹籽油炸鬼，好脆！成台食物，好豐富！一家人都食得好開心！下次，同frds都會再黎食，高質火鍋！

天氣剛轉涼不久，已經第三次打邊爐了，相信未來日子應該都陸續有來，哈哈！今次試這間位於朋友的家附近，朋友試過覺得不錯，所以帶我來吃！看了看餐牌，選了一些推介的菜式。湯底要了花膠鯊魚骨膠原鍋（$188)，這個鍋配有甘香泡飯，很抵食呢。湯底除了花膠，鯊魚骨，還有豬手和雞腳，真是滿滿的骨膠原！ 蟹籽墨魚油炸鬼 $58正式打邊爐前，叫了一個小食墊胃。這個不用放入湯底淥，直接可以吃。油炸鬼炸得香脆，加上彈牙墨魚滑，很美味，而且油炸鬼放置一段時間後依然保持鬆脆，不錯呢。打邊爐配料選擇都頗多，但牛肉是必須點的！頂級安格斯牛頸脊 (小） $188我和朋友都喜歡牛頸脊，因為它的油膩分量適中，不會太膩，而且分佈得很均勻！即使淥久了，肉質依然很嫩滑，我們都非常喜歡！吃到一半，我們決定在未加湯前，用最濃郁的湯底製作泡飯！甘香泡飯類似飯焦，米飯炸得粒粒香脆。脆卜卜的米粒，加上充滿骨膠原的湯，真的很美味！ 芝士控的我還叫了一碟秘製芝士墨魚丸和芝士竹輪，兩個女人吃這麼多東西，真的捧腹而回。

話說近日天氣寒冷成日都心思思想打邊爐放工終於忍唔住係屋企附近打番個邊爐呢間之前都食過覺得很不錯估唔到水準仲keep到👍🏻首先湯底揀左佢地嘅招牌“花膠鯊魚骨膠原鍋”配甘香泡飯呢個湯底真係不得了花膠份量不少，而且唔係碎濕濕都算幾大件同幾厚身除左花膠仲有鯊魚骨，豬腳同雞腳真係充滿住骨膠原湯底愈煲愈濃愈漿口，愈重花膠味配埋炸過好香嘅脆米，令人食唔停口😋打邊爐怎能不吃牛呢我地嗌左 “頂級安格斯牛頸脊” (小)雖然係細size，但份量都不少雪花紋分佈好平均，而且厚薄適中淨睇個賣相已經知係好嘢牛頸脊口感鬆軟，淋得黎又好重牛味就算唔小心滾耐左少少也不會韌真的非常好吃😋配料嗌左 “秘製芝士墨魚丸” 同 “芝士竹輪”前者超級大粒，墨魚丸手打，裡面充滿住墨魚粒，非常彈牙有咬口，而最中間就有好香濃嘅芝士，很好吃😋而芝士竹輪又是滿滿的芝士，很好吃😋小食嗌左 “蟹籽墨魚油炸鬼”油炸鬼好鬆脆，墨魚面頭嘅蟹籽增加了口感，整體就是香脆可口，亦沒有油膩嘅感覺

油麻地上海街可能好多人都覺得有啲雜但其實呢條街係一條食街尤其多火鍋店職員帶我同朋友坐樓上好nice咁介紹咗餐廳有邊啲鍋最出名 有啲咩多人嗌我地揀咗好耐先決定到食胡椒濃湯豬骨煲的確係個好選擇胡椒味極濃極香令食材錦上添花尤其適合冬天驅寒另外嗌咗個蟹籽墨魚油炸鬼外脆內彈牙配極多蟹籽係非常開胃嘅小食見墨魚咁正我地再嗌多碟手打墨魚丸 仲可以雙拼埋蝦丸試多樣嘢豬天梯好少地方見有其實係豬上顎嘅軟骨口感脆而彈牙配豉油不錯之後重頭戲就嗌咗個牛魔王塔雖然$398但其實非常抵食適合3-5個人份量多不在話下三層嘅肉質各有不同上層牛柳粒 就滑啲嫩啲中層本地牛頸脊就有𡁻口而重牛味下層安格斯牛頸脊係幾乎入口即融 油份四溢配粟米竹蔗茅根 清甜解渴

講起有啲好笑我想食呢間喜鍋但睇完地址喺條街由左行到右發現自己行過咗由右到左又發現自己都係行過咗雖然門面好似唔大但佢有樓上所以其實都幾闊落好多好吸引嘅鍋咁我第一次食就嗌個基本啲嘅胡椒鍋胡椒味極香擺啲牛落去拎返出唻唔洗點醬因為已浸滿好香嘅胡椒味尤其牛嘅質地好靚我地嗌咗牛魔王塔可惜一上已倒咗落鍋冇影到相三層肉各有唔同texture要有𡁻口或喜歡油份充足嘅肉都有點醬反而嘥料蟹柳 好嫩好鮮味呢個係小食唻 蟹籽墨魚油炸鬼通常火鍋店湯底出色 材料新鮮已好難得廚師廚藝好 好喜出望外手打墨魚丸蝦丸非常彈牙娃娃菜亦好新鮮