喜鍋 海鮮‧火鍋‧小廚 (已結業)

新年前朋友仔聚會，雖然天氣好熱，之不過大家都二話不說話去打邊爐，我當然就舉腳贊成喇，油尖旺區有好多打邊爐店，上openrice search見呢間喜鍋好評都幾多，咁就造就我地去呢到試下喜鍋入到嚟差唔多完全爆滿，即刻有信心保證，湯底方面我見到有好多選擇，個人當然想揀花膠鯊魚骨湯底滋補呀，但同行幾個fd喺咁話要清啲清啲，算喇，最終叫咗薯仔雜菜蕃茄湯底，好彩都好味，原材料煲唔酸講到成晚最吸引嘅都係牛魔皇塔（$398），價錢睇落好似貴啲，但幾個朋友打邊爐必叫，其實牛方面份量都幾多，幾款牛都好新鮮有牛味，燙幾下入口滑口，好好食👍🏻👍🏻另外響令好脆同大舊，就算一不小心燙耐咗都無咁快即刻淋，而黑豚肉亦好食，有豬味夠薄身，最緊要入口唔韌

新年過後又係時候聚一聚， 咁開心嘅事梗係大家齊食火鍋啦， 為咗方便大家所以今次揀咗喺旺角， 絕對唔係喺大街食， 但有方便到大家嘅地方。鮮果椰青雞鍋： 椰子雞煲嘅食得多，但係有鮮果味嘅椰子雞都係第一次見， 所以決定試一試， 估唔到鮮果味同椰子味可以平衡到， 唔會畀另一種味搶咗， 再加埋隻雞就真係估唔到咁好食。蟹籽墨魚油炸鬼： 比想像之中要好食，口感唔錯， 覺得啱啱好唔會過火， 如果可能選擇個份量多啲會更加好。頂級安格斯牛頸脊： 牛肉呢講佢呢一隻係已經最平， 但佢啲肥瘦分部啱啱好。芝士竹輪： 呢一隻芝士竹輪同出面街市買到嘅唔同， 唔知點形容個口感，但係真係幾好喎。總括來講都很不錯, 價錢又抵食!

過年食咗唔少油膩嘢，食到肚滿腸肥，今晚繼續唔好俾佢停。約咗朋友打邊爐，揀咗位於油麻地登打士街附近嘅喜鍋，呢度主打靚湯底，最受歡迎嘅係花膠鯊魚骨湯底，但係我哋又想豐富啲，所以揀咗海鮮鍋湯底，有蝦有蟹有元貝同蜆，仲要加埋個魚湯，仲有菇菌同蘿蔔，飲起上嚟特別鮮味，每人先飲兩碗，唔使講嘢配菜反而清淡啲，只係點左珊瑚蚌、韭菜餃、手打墨魚丸、萵筍同埋生菜，兩個人夠晒飽。手打墨魚丸爽口彈牙，有墨魚味，好好味萵筍係我打邊爐嘅至愛，又甜又香，食唔停口，相都冇影到。另外珊瑚蚌份量都幾多，又爽口，幾抵食。另外值得一提嘅係呢度招呼服務非常好，周不時都會注意下你有咩需要，另外亦都見到好多熟客幫襯，店員差不多到記低佢哋鍾意食啲咩，感覺上非常貼心

同友人去朗豪坊睇戲, 之後當然又係我想去食火鍋, 行下望下, 最後經過呢間, 望到門口個黑板, 被佢價錢所吸引我喜歡這裡價錢合理, 湯底60蚊都有!入到黎, 店員帶我們上樓上, 可能因為閣樓既關係, 所以其實係有一點兒吵耳, 但這個無損呢度食物既質素我選了鮮果椰青雞, 上枱時見佢有奇異果, 覺得有點怪, 但其實又感覺幾健康滾好左湯底, 椰青味就欠奉, 但雞湯味濃, 仲有個雞好滑又多肉吃!老闆介紹了招牌菜蟹籽墨魚油炸鬼, 我本身就吾太好, 但老闆話係皇牌, 好多人叫既, 所以就試試啦!果然好脆, 油炸鬼又吾會太大舊, 個比例同個墨魚剛剛好, 係我食過最好味既一間!另外佢地既安格斯牛都好好食, 雖然我地金揀左最平果隻, 但色好靚, 肥瘦分佈剛好!咬落口好林, 又好實在!牛筋丸亦好正, 真係有根, 有趙口另外炸魚皮都非常之脆, 仲好大碟總括黎講非常滿意, 呢度抵食, 份量又大!

雖然話依家食火鍋喺唔分季節，不過，天寒地凍時食喺別具風味啲，趁住驟冷少少嗰幾日，同友人嚟到「喜鍋」打打邊爐，「喜鍋」喺一位食友嘅心水推介，佢食過之後，大讚呢度用料靚，尤其牛肉，非常出色。店鋪位處旺角嘅上海街，可謂旺中帶靜嘅地段。甫進入餐廳，地方睇落唔太大，其實仲有樓上，不過，小弟就無走上去，唔知有幾大。但整體環境裝修骨子，企理乾淨，牆上貼有巨型嘅黑白香港懐舊照，對後生一輩相信感受唔大。坐低無耐，店員就遞上醬料架，有蔥花、生蒜、辣椒油、辣椒、熟蒜、麻醬及豉油，雖然陣容唔叫得強勁，但就啱我心水嘅醬料，收費每位$10，唔要都收架啦，唔夠亦可以再添。如果大家入門口前，有留意鋪面嘅店名，就會見到喺「海鮮、火鍋、小廚」，門口旁就架設咗幾組大魚缸，內裡有不少生猛海鮮。另一方面，就提供好多餐前小食。此外，更好多嘅人氣之選，小食、刺身、湯底、火鍋配料都有包括到，如諗唔到揀乜，就不妨喺度落手。而講到食火鍋，湯底當然喺一家火鍋店嘅亮點，仲有，火鍋配料嘅種類、特色，都喺好重要，詳細就唔寫出嚟嘞，貼上佢哋嘅火鍋點菜紙，就一眼乜都睇晒，有埋價錢俾大家參考。牆上不時貼有啲時令菜式或特價海鮮嚟吸客，今晚，就見有蟶子皇

初七正式開工，開工前嘅晚上選擇同另一半打邊爐，呢間喜鍋位於上海街，門面小小，估唔到有咁多好評，而且全晚熟客佔大部份，梗有佢出眾嘅原因。餐廳共兩層，地下位置唔多，有卡位，至於樓上係點就唔知道了，我諗應該有大枱，十分建議預約，皆因幾好生意。我地入座時剛剛6點，店員好快安排好座位，態度十分殷勤有禮，相信亦係客人回訪主因之一餐牌選擇甚多，單單係火鍋湯底已經有超過15款，包括花膠鯊魚骨湯、胡椒豬骨煲、雞煲、海鮮鍋、豬肺鍋等等，定價$58-228，店員輕輕介紹，花膠鯊魚骨同海鮮鍋最受歡迎，於是我地點左睇落幾豐富嘅海鮮鍋。配料方面有小食，海鮮例如象拔蚌、鮮魚；肉類、丸、滑、蔬菜、麵食，比較特別有個甘香泡飯。醬料 $10/位魚湯海鮮鍋 $208海鮮鍋果然幾豐富，裡面有蟹仔、三隻大蝦、帶子、大蜆，仲有埋菇菌、蘿蔔，確實足料。不過上鍋時已經全熟，湯底滾起就要快啲食，仲可以飲湯鮮魚湯蟹肉唔多，但幾鮮甜。啖湯飲得過，魚鮮唔腥，暖粒粒。大蝦大隻，肉爽比較可惜係大蜆唔算太新鮮，有少量沙。蟹籽墨魚油炸鬼 $58店主推介呢款小食，油炸鬼即炸，香脆度高，而且唔會太油膩。墨魚滑爽彈，加埋蟹籽，最正餐前小食實至名歸，前後左

是晚十二人聚會,天氣涼涼地,打邊爐最好不過~友人就介紹食呢一間喜鍋 海鮮‧火鍋‧小廚。由於我地係先前訂座都唔洗等位就入得去坐啦~坐底睇佢既餐單,選擇眾多,無論湯底還是食材都一應俱全,價錢以食物的份量來相對亦屬合理。我們點了$188招牌花膠鯊魚骨膠原湯鍋(包甘香泡飯) + $208魚湯海鮮鍋。招牌花膠鯊魚骨膠原湯鍋,鍋內非常足料,真係有很多滑溜既花膠,以及鯊魚骨,我們一半人數都是女生,二話不說都不停進『補』D膠原BB。魚湯海鮮鍋,鍋內夠鮮,而且沒有沙。至於甘香泡飯,算係幾有特色,而我就第一次食,我覺得佢有D似脆米,食法簡單,先將飯放係碗到,再加湯底。結果,大家都食到津津有味(加上D湯底又正)於是又再點多一份甘香泡飯。前菜方面,點左一份$58蟹籽墨魚油炸鬼。油炸鬼炸得金黃色,賣相10/10,一嚐亦不油膩,，不止脆的口感,還有爽彈的墨魚,再有蟹籽的點綴,實在很滿足。口感豐富,值得推介。前菜還有$38沙薑豬手﹑$38秋葵和$38麻醬冰菜。四款前菜味道獲大家評分極高,因為肚子餓,係是時候進入主餐! 因為我們點了好多好多菜(看收據就懂) 很多照片未能一一介紹,所以介紹一些值得推介的給大家吧~$39

朋友要專門食牛，幫佢搵左呢一間有牛魔王塔嘅打邊爐。坐低佢有好多款醬料俾你自己去調配。佢個牛魔王塔塔有三層，上層有手切雪花牛肉粒。中層有首設本地肥牛，下層有雪花安格斯牛頸脊。三種肉各有特色，牛肉粒口切大粒因為脂肪分布平均所以煮起嚟唔會老，手切肥牛肉味最濃，安格斯就最嫩滑人少少食唔到咁多野，點左個蔬菜拼盤平衡一下另外再加個打邊爐必備豆腐卜咁就完美喇因為食唔到咁多野，所以點左個皮蛋清湯，皮蛋份量有好多，仲有啲馬碲添

超鐘意食牛嘅我，被朋友帶到位於上海街嘅喜鍋，佢個牛魔皇塔好出名，三層塔由本地手切牛及頂級安格斯牛組成。頂層係手切肥牛粒，脂肪同肉分布平均煮落唔會咁易老。二層係手切本地牛，肉味濃，口感好。三層係頂級安格斯牛頸脊，雪花紋平均，肉質嫩滑，有香濃牛油香。我地兩個人食非常飽，其實份量夠三四人分享。因為只要兩人，所以點了個簡單的香茜皮蛋鍋，見其他人嘅雞鍋，豬骨煲，都非常豐富，下次多人一定要食。佢依家有優惠，只要起Facebook 簽到就送小食，今次係涼伴青瓜雲耳

天氣一轉涼就會好想打邊爐一入到去熱情嘅店員好主動咁介紹佢哋嘅主打湯底～花膠鯊魚骨膠原湯鍋 一聽到即刻好想試吓 LEE個湯底仲要送埋一桶泡飯泡飯連埋湯一齊食可以吸收到湯嘅美味精華啲飯係趣卜卜有啲令我諗起食粟米片嘅口感第二樣店員話一定要試佢地既蟹子墨魚油炸鬼～彈牙脆口..配合埋個泰式辣醬我諗起都流晒口水牛舌永遠都係打邊爐必叫嘅嘢食上枱嘅時候真係嚇一嚇左跳 超級足料質地非常爽口 𡁻起來有口感 亦都有非常重牛味 性價比很高最鍾意冇乜骨嘅魚🤣

很有特色的火鍋湯底去咗油麻地同朋友敘舊，跟住朋友嘅介紹，嚟咗呢間喜鍋打邊爐，食完津津有味，食材很好，也很有特色。重點不能不說個湯底，叫咗招牌花膠鯊魚骨膠源湯鍋，嚟到二話不說飲番兩碗湯，好入味，真係真材實料，好多骨膠原，但係重點我係想講附送嘅米飯！本身係脆卜卜好似米通咁，配上呢煲花膠湯，真係WA一聲，好有口感，一粒粒脆脆地，好有趙口！第一次食呢種配搭！叫左碟貴花蚌，煮10幾秒，即食，爽！好新鮮，仲食倒佢嘅鮮味！ 另外有碟肥鵝腸，同我一樣鐘意食肥野嘅朋友就會好鐘意，一路淥啲肥油一路出黎，睇見到流口水，而且非常大碟，抵呀！ 蝦丸都係我至愛，做得好出色，一食落口陣蝦味出晒黎，真材實料，真係爽口彈牙。最後碟本地肥牛，都係只能淥十幾秒就要即食，食材好新鮮，吾算貴，半肥廋，肥牛真係打邊爐必備，一啲都吾 “孩”, 不錯啊！

凍冰冰最啱打邊爐呢到海鮮煲（魚湯底）$ 208海鮮蜆，蟹，帶子，蝦等等，蝦有成隻手板坩大，食落都算彈口，啲蟹仲有膏嘅添，帶子同蜆都幾鮮味！另外叫咗牛魔皇3層塔（$ 398）賣相都幾靚，上層係牛柳粒，內間係手切本地牛頸脊下層係安格斯牛頸脊，店員話牛柳粒要早啲落去放，差不多最尾先食，會比較淋啲我比較欣賞下層安格斯牛頸脊我哋仲叫咗韭菜餃（$ 48）同埋萵筍（328）韭菜餃都好味可惜比較細粒，如果大粒少少飽滿啲會好啲！打邊爐必點萵筍，$ 28蚊呢個價錢都算抵整體嚟講我哋三個人食食完都好飽

好耐未食過打邊爐啦，趁天氣終於開始凍，一於嚟食翻餐。係餐牌到睇到有鵝腸，就唸住試一試。依度d鵝腸真係比其它地方嘅肥好多，有一層好厚嘅白色脂肪圍住。一開始唔係好識煮，擺左條鵝腸入去，d脂肪全部溶曬。經過幾次嘅實驗，終於發現原來要搵隻殼裝住，係水嘅表面用筷子夾住d鵝腸來回飄幾下，一變色就食得！咁嘅話d脂肪就唔會甩曬，食落就好香。當然，我全晚最滿意嘅菜色就係桂花蚌，真係好鮮甜！桂花蚌都係屬於好快熟嘅食物，咬落去果下口感好正。仲有一個highlight就係依度嘅湯底。我地叫左花膠豬骨湯底，係附帶脆米嘅。開始打邊爐之前，可以先飲下個湯底，然後就用d湯嚟浸d脆米，變成泡飯，味道都幾好。當晚仲叫左本地牛肉片，響鈴，同鮮蝦丸，總體嚟講，味道都很好。

喜鍋火鍋店雖然店鋪位置唔多但都幾易揾仲提供新鮮海鮮，雖然主打火鍋但都提供少少招牌小廚既小食同小炒，同朋友都係火鍋愛好者所以入左去滾一滾。2人點左一個鍋一碟牛，一份丸類同一份菜就已經好足夠因為鍋底有好多料豬骨大大舊豬骨肉連住好爽又唔會好鞋口除左豬骨外又有好多雞腳為湯底加重左少少雞味，湯底內裏又有紅白蘿蔔同粟米調味令湯底更香甜所以就算胡椒味好重都唔會話太辣辣到入唔到口。本地手切牛頸脊肥瘦分明鮮入口香唔會切得好簿令到入口完全無晒肉既口感，放入鍋淥一淥好快就食得唔會過靭。手打5寶丸有手打鯪魚肉丸入口無骨魚多唔會食落覺得加左好多粉，其他牛丸味足夠，墨魚丸香中間帶少少墨魚粒好彈牙，梅菜豬肉丸幾新鮮未試過食落其實同平時無咩大分別不過作為火鍋料食真係第1次。娃娃菜$28蚊大大盆餐廳洗得好乾淨而且幫手切開令到菜更快熟同更容易咬，娃娃菜吸盡晒湯底本身既精華令甜味更香。最後加返個讚歧烏冬連湯一齊飲完美。食左咁多熱辣辣既野當然要叫返少少飲品降一降温，竹蔗茅根水好清甜即刻下一下火。餐廳服務態度十不好主動會留意湯底密密幫客人加湯又有笑容下次會再黎試下。

每逢天氣回䁔，都好鍾意一班人圍氣邊爐旁打邊爐，一邊吹水，一邊享受食物，何其快樂。仲要有我之愛的新鮮海鮮。湯底有招牌的花膠鯊魚骨膠原鍋-花膠大大片、鯊魚骨都食得，個湯底非常濃烈，配上飯焦泡飯非常美味，脆卜卜好香口。仲有安格斯牛脊肉，非常靚，油脂適中，非常yummy!仲有新款小食，蝦膠讓油炸鬼，上面有蟹子，真係超級美味。老婆大人最鍾意食菜及響鈴齋菜東西。仲有魚片、墨魚滑、淮山片、水餃等，10分新鮮美味。仲有其他湯底，一家人坐埋一齊最開心。