喜鍋 海鮮‧火鍋‧小廚 (已結業)

天氣轉涼，令人更有意慾打邊爐。座位夠闊落，坐得舒服。蟹籽墨魚油炸鬼先點左個餐前小食，好脆，好香口，值得一試。我地揀左招牌花膠鯊魚骨膠原湯鍋好多花膠、鯊魚骨，打邊爐前先飲啖湯，甘香泡飯呢個粒粒脆飯好過癮，先放d落自己碗，再加d湯浸淋先食，好味 至尊手切本地牛頸脊質數好高，牛肉味濃，油脂分佈均勻，有𡁻口但唔韌，必食脆脘骨腩咁大份都只係$68，超抵食自家脆響鈴卷上枱仲係熱辣辣，好薄好脆，自家製，必點蟹籽墨魚滑店員介紹，自家手打的，食落真係寧舍爽口彈牙！鳳城水餃好大隻，唔錯鮮淮山原來用黎打邊爐幾好食舖面海鮮魚缸好吸引

一路走過來，發現油麻地火鍋、雞煲餐廳特別多，開得也比較晚，是吃宵夜的好去處。食物：3.5/5整餐味道𣎴錯，但不至於驚艷。「麻辣拼沙嗲湯底」麻辣不算很辣但也不香，沙嗲看上去濃但味道較淡，不大推薦，建議大家點別的特色招牌湯底「本地牛頸脊」牛味濃，嫩滑，厚身有咬口，必點之選「雪花肥牛」普通，點了牛頸脊就不必再點這款牛肉「黑豚肉」正常，厚薄還可「蟹籽墨魚油炸鬼」已炸好，配上泰式酸辣醬直接可吃, 香脆可口，但有外層油炸鬼有些地方會比較硬，可以一試「自家脆響鈴卷」不錯，很厚「烏冬」推薦！一個份量已很多，口感彈牙「鯇魚片」細骨滿多，肉質不滑不脆，不推薦「肥鵝腸」實在太肥了，一下全鍋都是油，不推薦服務：4/5也會主動加湯收盤，一開始有點熱，店員協助調低冷氣溫度後有比較好性價比：3.5/5每人400左右，外面單點火鍋也差不多這個價錢，但食物質素沒到我覺得比仼食火鍋好很多的水平

好一排冇約小學同學聚會，或者天氣開始轉涼，同學仔忽然火鍋癮起，約埋去油麻地喜鍋開餐，唔係任點任食，食物質數相對高，胃部負擔都減少由奧海城行過去上海街，順便可以去果欄買下生果，地舖容易搵，店舖裝修都算幾乾淨企理，適合朋友聚會首先點個麻辣雞煲，雞煲唔會太油膩 ，少許麻辣香味，雞味濃郁，啖啖肉十口感嫩滑，雞煲嘅特製醬油，十分惹味，足一隻雞份量，唔會偷工減料食完雞煲加入一些蔬菜，始終雞皮會出油，蔬菜吸收雞煲精華，認真邪惡蟹子墨魚滑， 蟹子鋪滿墨魚滑，賣相唔錯，墨魚滑彈牙，蟹子脆卜卜好有口感雪花美國肥牛厚切大大碟，肥瘦適中，食落唔會太韌而且唔會一陣雪藏味以單點火鍋比較價錢合理，食物水準都唔錯，因為唔難訂枱且地點方便，又多一個朋友聚腳地方

天氣開始涼涼地，最岩食暖粒粒火鍋，今晚我同幾個朋友去左呢間喜鍋，覺得吾錯。望落細細間不過其實有兩層，我地係上層食，仲有洗手間，地方乾淨衞生，二話不說點野食醫肚，湯底選了店員推介嘅花膠鯊魚骨膠原鍋，真材實料，吾少花膠同鯊魚骨，仲有豬骨，紅蘿蔔等等，湯底奶白色的，好鮮甜，佢送埋個泡飯，係加湯落去食嘅，第一次食，都幾有咬口幾脆。食材都冇令我失望，肥牛大大碟，香滑有牛味冇雪味，點了元貝同鮑魚，超級好食丫，元貝大粒鮮甜又吾韌，鮑魚爽口又彈牙，好新鮮，再嚟脆鯇片，真係脆架，打邊爐打左咁耐都脆，冇得頂丫，呢間呢海鮮超正，已諗定下次再嚟要海鮮那個湯底，因為店員都有推介，不過最後選了花膠嘅。其他火鍋食材都好多選擇，而且食材一樣都係好好，全部都冇雪味嘅，丸類新鮮彈牙，菜又大碟又多選擇，野飲一支生力啤都係19蚊，吾錯，價錢合理，食材新鮮，一流，一定再嚟。

今日同個同事喺旺角見完客，傾完已經七八點，路經砵蘭街見到呢間火鍋店，咁岩秋風起同事就提議入去食個晚飯一坐低店員就非常親切問我地係咪第一次黎，跟住就推介我哋食佢哋嘅招牌花膠鯊魚骨膠原湯底，仲會送泡飯，我哋就叫左呢個另外我哋都嗌咗小食，沙薑豬手非常嫩滑！而且非常重沙薑味墨魚油炸鬼都揸得非常香脆，佢上邊嘅墨魚滑都非常鮮味因為同事唔係好食牛，於是就叫咗一碟牛脷，但係都冇諗過份量會咁多，而且都係非常新鮮，結果食唔晒要打包返屋企煮麵食佢哋嘅火鍋配料其實都食得出質素高，始終明白係旺區開餐廳如果冇咁上下食物質素就難以生存，不過呢間真係一啲都唔貴，非常值得一黎！

三五知己飯局，好多時都會 '烚吓烚吓'。呢間叫 '喜鍋' 的火煱店，出了一個叫鯊魚骨花膠骨膠原湯鍋。聽落幾特別，食野時候，依店員介紹，先滔一碗湯，嘗嘗其原味。其後，將泡飯粒放入碗後再加湯進食，嘗到的又是另一番口感。面對美食，人總是貪心的。這碟五宝丸，一次個有齊五種肉丸，應該滿足啦！掛住食的關係，忘了請教店員，但從其彈牙情度，我估計是食肆自行打制的。很大個豬腰呀，很新鮮既呢! 烚到剛剛熟時即刻拿起，是非常爽口的，正!羊肉片，沒肥牛那麼多肥膏，但騷味較牛肉強。肥牛吃多了，間中轉吓口味也可，同樣美味。脆鯇片肉嫩通透，可惜我唔太喜歡食魚，差不多俾我朋友整碟吃光。

之前嚮internet見到有關此餐廳的介紹，一直好想食。今天跟朋友專誠過來，終於可以得償所願。***花膠鯊魚骨膠原湯鍋是呢處的主打招牌菜之一，隨鍋還附送一桶泡飯呢! 湯鍋用料豐富，除花膠、鯊魚骨外，還有豬手、鷄腳、紅蘿白片...等等。***大大碟又大大片的美國雪花肥牛，分佈著雪花般的肥膏，就算不是 "肥牛控"，也得無法抗拒。***肉丸是打邊爐不可或缺，呢碟梅菜肉丸比較少見，估計是自家制的，有嚼口。***豬紅食過唔少，相對於這味鴨紅而言，豬紅口感較爽、鴨紅則較煙韌，可謂各有突色。

平時約朋友出去打邊爐、雞煲……通常都會去荃灣或九龍城，今次朋友提議來呢間油麻地喜鍋試下，佢話佢上次食過感覺整體唔錯，而且價錢實際！由於我們六點零鐘就已經到，不需等位，男服務員帶領我們上二樓，原來二樓環境都唔錯，佢仲好細心推介熱點食物！我們二人先點了一隻麻辣雞煲，小辣多麻 係最佳選擇，上台一睇，嚇一跳一隻雞煲 份量超巨型，仲有芫茜、洋蔥圈，賣相已經一流！而且麻辣香氣撲鼻，雞煲雞件啖啖肉，而且十分入味！我們再加配皇帝菜、白蘿蔔、支竹等配料……這些火鍋配菜加上麻辣雞煲嘅特製醬汁，我們都忍唔住要加上白飯！麻辣雞煲:全隻$218火鍋配菜:支竹、蘿蔔皇、帝菜都係由$28至$38……兩個大男人，食得十分滿足！呢個價錢喺旺角、油麻地一帶真係實際抵食！

最近天氣涼左好多，出街食飯就自然想起打邊爐！去完中南買畫具，兩個女仔行下行下，就見到呢間有雞煲食的飯店，就二話火說進去了。menu上好多野食，點完菜後，由於太肚餓關係，又再點一份可即食的蟹子墨魚油炸鬼！每件都有很多蟹子，而蟹子下有墨魚。墨魚幾彈牙，加埋蟹子一齊食，好有咬口！而最底層的油炸鬼，幾脆又不油膩，配上孩子和墨魚粒一起吃，感覺又特別又match！呢道菜是前菜的不二之選我們點了藥膳雞煲！一邊烹煮藥膳湯底，一邊等吃，濃濃的藥膳湯味散發出來，我們又再感覺強烈的肚餓感這裡雞件瘦又多肉，所以淨食雞已經飽了七成！而且雞肉質感滑溜，不錯不錯我們再點了唧唧墨汁魚麵！呢個菜既好玩又好別我們喜歡吃多少就唧多少，方法就好像唧蛋糕cream般，自行決定長短！因為墨魚汁是黑色的關係，即出來的墨魚條的晚上不算好看但是其口感一流，每條唧出來的墨魚麵也是很彈牙，相信廚房下過苦功才可準備有質素的墨魚兩個人，食到呢到已經很飽！邊食邊傾，又唔會趕人走，價錢也合宜，整體不錯呢！

今晚凍凍地，突然之間好想打邊爐。所以一收工就CALL左幾個朋友一齊去旺角呢一間鋪頭嗰度打邊爐。好耐無食過藥膳醉雞鍋，好掛住佢果陣濃香既中藥味道，因此就叫咗半隻藥膳醉雞鍋，一個至尊手切本地牛頸脊、蟹子墨魚油炸鬼做小食，一個脆鯇魚片，一份雲吞。先來一個小食蟹子墨魚油炸鬼，上面係充滿蟹子，中間釀左一層厚厚的蝦滑，再下面就係炸到脆卜卜嘅油炸鬼。食落口感覺十分特別，賣相好靚，蟹子令到油炸鬼食落口唔肥膩，確實係一個幾特別嘅小食。跟住走來火鍋嘅配料喇，手切肥牛肉，肉質鮮紅，紋路好靚，食落口陣陣鮮牛肉味，非常過癮。另外都要讚下佢嘅雲吞，入面有好多彈牙嘅鮮蝦，亦都好大粒，總括黎講呢一間係一間會食到過返尋味既火煱店。

香港人熱愛吃火鍋，這次友人推薦這家餐廳有個海鮮鍋十分抵食，一於試試。火鍋店有二層樓，我們在樓上的位置坐，地方寬敞舒適。調味料任君選擇。到了精彩的海鮮鍋上場。魚湯海鮮鍋湯底材料果真好豐富，有大蝦，蟹，扇貝，大蜆，鮮菇，雞脾菇，和蘿蔔，魚湯的湯底特別鮮味。頂級安格斯牛頸脊牛肉色澤鮮紅, 雪花紋分明，油脂平均，牛肉味濃。蟹籽墨魚油炸鬼熱辣辣炸起外表金黃酥脆，中間墨魚滑爽口彈牙，表面鋪滿蟹子，口感十足。手工的韮菜餃新鮮。手打芝士墨魚丸爽口彈牙充滿墨魚味，咬下有滿滿的芝士。難得有新鮮的皇帝菜，打邊爐最岩。

一家人聚餐，一坐下先來點小食先來一客好低食的炸蝦餅，$78 有六件，大大件有蝦肉好彈牙跟住再來一個七味炸豆腐大大碟 只收$48 外脆內軟 好正成家人都喜愛海鮮就來一鍋：魚湯海鮮鍋，湯內有三隻好甜又彈牙大蝦🍤加一隻蟹，兩隻元貝，幾隻大蜆，還有茹類蘿蔔配菜，超鮮甜魚湯好滿足食火鍋沒有靚牛不成跟著叫咗本地手切牛頸脊，厚薄適中肉味香濃好好味！還叫咗 店家自製嚮玲👍🏻另外，這裡服務親切，老闆細心接待！不時幫忙加湯給他一個Like 還有特別要讚一下 洗手間很整潔食市來講已很不錯

經過旺角上海街，被店外的大橫額所吸引，看到店點蠻整潔的，於是決定一試。餐牌如下 新鮮既醬油配料不可少。蟹籽墨魚油炸鬼油炸鬼即炸, 其中滿滿的墨魚膠，而上面亦放滿了蟹子。既有油炸鬼的香脆口感, 還有彈牙既墨魚膠和卜卜脆的蟹子，值得一試!魚湯海鮮鍋材料好豐富，有大蝦，蟹，扇貝，大蜆，鮮菇，雞脾菇，木耳和蘿蔔，用上魚湯的湯底特別鮮甜。其中蝦爽口彈牙亦算新鮮。手打芝士墨魚丸有手打的口感，爽口彈牙又充滿墨魚味 。咬下去很是驚喜，竟然是滿滿的芝士。頂級安格斯牛頸脊牛肉色澤鮮紅, 而且份量算是可以, 口感不錯。嫩滑和牛味算濃。韮菜餃吃得岀來是即是手包的，手工的韮菜餃十分新鮮。餐廳的食物種類蠻多而且口味不錯，值得一試。

去左油麻地打邊爐，呢間真正推介，叫喜鍋，d野好新鮮又好食，價錢合理。我地嗌左個花膠鯊魚骨膠原鍋，有得送甘香泡飯，就咁個湯底，都已經好正，好清甜，入面好多花膠，豬腳，鯊魚骨等。點左碟肥牛，雞件，脆鯇片，又有菜丫，丸丫，炸響玲等等，好豐富。肥牛新鮮有牛味，肥瘦適中，雞件又滑又大碟，冇雪味，鯇魚片真係好脆，冇骨，直接食好滋味，丸點了墨魚丸同蟹籽包心丸，價錢吾貴又多粒，墨魚丸好彈牙好食，蟹籽包心丸都好好食，入面包蟹籽係流心咁，有汁好香，吾錯丫。湯底咁正當然要嗌炸響玲，索住d花膠湯真係超級好食丫，又係好多條好抵食。菜好多款選擇，我地女人多當然喜歡食菜，嗌左生菜同西洋菜，最後食返條菜好舒服丫。媽媽每餐要澱粉質落肚，烏冬都好味道，係讚岐烏冬嚟，飽到呢，大滿足。

放工後即刻落旺角同班朋友一齊食個晚餐, 的起條根就想打邊爐, 先前我老婆同佢班朋友去過喜鍋又話好正,今次就的起心肝去打邊爐啦!首先, 4條仔叫左個雞煲, 唔錯~都幾惹味, 食下食下就要加湯, 叫左花膠湯底, 跟住就叫左兜飯將D花膠湯淋落去兜飯到, 超級香同埋好好食打邊爐料有手打四寶丸﹐安格斯牛頸瘠好有牛肉味最後黎個重頭戲! 登!登! 登! 就係龍蝦剌身啦! 非常新鮮同埋鮮甜!!!值得推介