喜鍋 海鮮‧火鍋‧小廚 (已結業)

係旺角揍完個仔放學之後, 同埋老公一齊去「喜鍋」打邊爐。奶白色的湯底, 我個仔見到好有親切感以為係自己平時飲開既奶奶這是十分足料的杏汁豬肺湯, 有淡淡既杏汁香氣打邊爐又點少得牛肉呢? 我老公係牛魔王, 喜鍋滿足到佢啦!!!即刻order 左個安格斯手設牛頸脊, 碌到7成熟既口感超有牛肉香味,一試難忘呢個叫藍貝, 我個仔見到佢即刻嘩嘩叫, 覺得佢好得意我見佢顏色咁鮮艷, 心諗都唔方好食得去邊啦, 點知一食落去又幾鮮甜wor!!!真心推介

天氣開始轉涼，又係打邊爐時候，所以今晚過開旺角拎野，就試試喜鍋啦。小食方面，店主就推介左呢個蟹籽墨魚油炸鬼，原來係將墨魚滑釀入油炸鬼，脆脆嘅油炸鬼加上彈牙嘅墨魚滑，面頭放上蟹籽，口感很有趣，配上甜酸醬，好味。煲嘅選擇都幾多，於重慶麻辣雞煲同花膠煲之間掙扎一輪後，最後都係揀左辣雞煲，食中辣，雞肉嫩口，夠入味，又唔會辣到苦，幾好食。由於雞煲太野味，叫返楂竹謝矛根解喝好飲。配菜方面，由於半隻雞煲嘅份量對於兩個人嚟講都算幾多，所以就叫左豆腐，菜心苗、蜆、栗米。蔬菜同海鮮都好新鮮，食物整體唔錯，亦都算平。

今日同朋友食飯，天氣開始涼涼地，最啱食打邊爐，去左呢間火鍋店食，朋友話呢間嘅花膠鯊魚骨鍋好正，所以黎試下。火鍋店有二樓，我地上左樓上大枱坐，地方幾寬敞舒適，坐低侍應姐姐就攞左醬油配料俾我地。花膠鯊魚骨膠原湯鍋呢個鍋真係好正，湯已經煮到奶白色，可以即刻飲湯先，花膠有好多件而且大大塊，仲有鯊魚骨、豬手、雞腳，豬手都好好味，成煲湯都係真材實料，勁好飲；加埋泡飯入去，食落脆卜卜幾得意。雪花美國肥牛雪花紋分明，油脂比較平均，牛肉味濃。脆響玲卷食打邊爐必點響玲，淥一淥即刻食得，香脆得黎冇油益味，好食！手打墨魚丸，咬落好彈牙。叫左元貝同鮑魚，兩樣都好鮮甜。自家製竹庶茅根幾好飲，壺入面真係有竹庶、紅蘿蔔、馬蹄。食過咁多間打邊爐，呢間真係幾高質，值得推介！

呢排太忙，好耐冇同幾個朋友聚餐，難得週末大家都得閒約出黎食飯，朋友之前同屋企人食過呢間響油麻地叫喜鍋嘅火鍋店覺得唔錯，所以介紹我地試下。火鍋店有兩層，侍應帶左我地上上層嘅大枱，樓上有電視同廁所，地方乾淨整潔。火鍋湯底有好多款選擇，我地揀左招牌花膠鯊魚骨湯底，呢個湯底仲送甘香泡飯。湯底真係好足料，大大舊花膠，仲有鯊魚骨、雞腳、豬手、紅蘿蔔等，侍應姐姐教我地飲左湯先放火鍋料落去煮，同埋放泡飯落湯度食，啖湯真係超級鮮甜，花膠好厚身，好有膠質，泡飯好都香脆，不過至正都係啖湯，超級鮮甜！大連鮑魚幾大隻新鮮；元貝都係大大粒，好鮮味。脆鯇片真係好鮮甜，肉質好爽脆。美國雪花肥牛，一碟份量都幾多，厚薄適中，好香牛肉味。有我最鍾意食嘅西洋菜，當然要叫黎食啦！飲品有啤酒、汽水、竹庶茅根等，竹庶茅根唔錯，清熱解毒，食火鍋飲最啱。真心推介花膠鯊魚骨鍋，超正嘅湯底，難怪係招牌鍋，下次試下其他湯底先！

秋天涼涼地又係打邊爐既天氣啦～因為住附近既關係，就同班死黨黎左喜鍋。湯底我地揀左個魚湯海鮮鍋，入面有好多唔同既海鮮例如 蟹、大蝦、扇貝，大白蜆，蘿蔔再加上係魚湯，非常鮮甜再黎個勁既，牛麼皇塔🐂 三層來自不同部位既牛，頂層有肥瘦適中既牛柳粒，下2層仲有頂級安格斯牛頸脊同埋手切本地牛頸脊，油脂超級豐富，入口牛味濃郁！完隻象拔蚌刺身，裡面有唔同部位既象拔蚌，用冰鎮著，非常新鮮！仲有呢碟大大隻，新鮮顏色又豔麗既藍貝，食落口非常鮮甜。超級滿足！

這間位於油地既火鍋店， 平時好多等位，係當區人氣既食店，主打刺身和牛肉，見朋友強烈推介，於是我們提早訂去試一試。這兒的小食有十多款，全部即叫即製，今次試了鹽水雞腳， 雞腳又很入味又香， 還可放湯煮吸收湯底精華。火鍋配料非常多款，及新鮮又抵食，首選安格斯牛肉，牛味極重，入口即溶，價錢只需200元，已足夠3-4人分享。自家製餃子亦是必試之選，有水餃，雲吞，菜餃等等，食落不會過咸，應該沒有味精， 時令蔬菜非常新鮮， 今次試了菜心苗， 又甜又大份量。這兒坐位比較闊落， 可約一大班朋友進行聯宜活動。

今次同幾個牛魔王一齊去食飯，所以打邊爐真係走唔甩！上網見呢間邊爐有「牛塔」，於是去試下係唔係真係咁堅。三層牛魔塔，分別有最頂嘅安格斯牛粒，中層嘅安格斯牛同埋下層本地牛，本地牛都有兩種，一隻脂香勁啲，另一隻好咬口啲！而個人就最愛中層嘅安格斯牛，滾兩滾食得，入口就散開哂，牛味又夠，唔駛咬都成口肉香，啱我啲懶人！牛粒個人就麻麻，唔鐘意咬極都唔爛，不過呢度嘅牛粒都高質，無渣又易入口，不過我都係鍾情安格斯牛片！呢度都有其他好味邊邊料，白鱔脆口，而且量都唔少，抵食。老闆推薦嘅墨魚油炸鬼亦都好香口，港式情味出哂嚟！

一個月總有幾日，約三五知己出來食飯共聚，今晚約了他們在油麻地打邊爐食晚飯，入到店舖店員很有禮貌地招呼我們坐低，這裏有兩層，環境整潔，座位坐得舒適細看一下餐牌，原來這間火鍋店有很多自創的食物，出面的鋪頭是沒有的，十分期待調味料就自己喜歡的選擇這個店長推介牛魔皇塔，果然冇介紹錯，三款不同部位的牛肉，一次過滿足我，每個部位牛肉味濃厚，脂肪分布肥瘦均勻，一食落口肉嫩多汁，真喺而這個自家脆響玲卷，是自家製，外面是食不到的這個招牌花膠鯊魚骨膠原湯鍋，湯鍋送到要等湯滾先嘗一碗，湯低真係出色，味鮮甜很香的鯊魚骨味，湯低有鯊魚骨，豬腳，花膠，煲了很多個鐘頭，我飲了三碗，真材實料飲完湯是沒有口渴的感覺這個泡飯是跟湯底送的，加些湯底入泡飯再食一口，很出色泡飯中間卜卜脆，很有口感，泡飯吸收了濃湯絕對是美食這個自家製的蟹籽墨魚油炸鬼，熱辣辣剛剛炸起，表面金黃酥脆，中間墨魚滑爽口彈牙，表面鋪滿蟹子卜卜脆這個四寶丸都很好食，這間火鍋店，你是食得出每樣食物都用心製作，現今市面上很少有，食材新鮮，而且真材實料，真心推介

火鍋係香港人嘅心目中一年四季都咁啱食，每逢一大班人嘅聚會，通常都會諗起BBQ 或者火鍋今日也不例外，同幾個朋友相聚，佢哋推介我呢間火鍋店，而我今次係第一次來😛期待期待行到門口已經見到大大隻字寫住喜鍋，原來都好近地鐵站，油麻地A二出口一出,向右直行就到太方便了門口見到雜誌都有推介，呢個足料抵食嘅新鮮湯底好多海鲜入到去一起餐牌就見到有，店長推介，食家推介同埋人氣之選，點可能唔識店主推介嘅牛魔王塔😎入面座位有兩層，有卡位, 火鍋店來說位置都算寬敞及舒適調味料都有多種選擇，生蒜，熟蒜，辣椒，X0醬，蔥這個花膠湯入面仲有豬手食，骨膠原非常重😎呢個牛魔王塔係店員介紹，真係冇介紹錯，全部牛嘅脂肪同牛遍佈報均勻，如果鍾意食牛嘅朋友就必定要叫，呢個的確係好抵食👍🏻物超所值呢個花膠湯底入邊有五至六夠厚花膠，入邊仲有鯊魚骨,雞腳,豬腳,湯底非常濃郁仲會送個脆脆飯， 可以吸收晒湯嘅精華小店自製的響鈴，比起出邊的份量多同大，放入湯數秒，拎起即刻食得，吸埋湯底嘅味道好正呢個小食係即叫即炸，油炸鬼炸到非常脆，上面放有非常彈牙嘅墨魚滑，墨魚滑上面仲有大量嘅蟹子，食落口感非常特別😬生菜每一棵都聽洗得非常乾淨，食得放心牛

一踏入10月頭，秋風起天氣開始清涼，亦代表開始要着長袖衫了，而食物方面當然最吸引是燒烤或者火鍋😍今日下午去咗油麻地廟街玩塔羅牌，我地玩完嘅時候已經成六點鐘了，又開始係晚餐時間由廟街一直行，一直行，就見到左手面有一間火鍋店外面非常吸引，見到餐廳外面的魚缸，而魚缸入面海鮮都非常新鮮😬我們幾個朋友都讚成入去試下海鮮好生猛呀😍😍未入去已經見到呢個banner推介既花膠鯊魚骨湯底，好吸引，點可以吾試坐位寬闊，坐得好舒服，冷氣又夠Facebook 打咭，仲有青瓜雲耳贈送😍麻辣的味道，凍凍的, 作為前菜一流火鍋店要有的菜色都應有盡有，海鮮不特止有很多款式，有蟶子皇，大元貝，鮮鮑魚😍wa分量非常多，呢個牛魔王塔只係$398，性價比非常高，牛肉和脂肪遍布平均,咬落去非常林身，牛肉味又重，食完呢個牛魔王塔，整個湯底都變咗香濃嘅牛肉味湯底自家脆響鈴是這間火鍋館自製的😆放入湯2秒就可以食得蟹子墨魚油炸鬼$68，將啲墨魚滑讓咗入油炸鬼，感覺好得意，而油炸鬼就炸到卜卜脆，蟹子口感特別，油炸鬼配合墨魚滑嘅感覺非常特別，呢啲配搭得咁好嘅小食點可以唔試吓😉好滑又有牛肉味，肥膏完全唔多，而且牛肉切到不是太薄，煮得耐都唔怕

火鍋是香港人最愛之一，一年四季都不例外，晚上同朋友逛完街，來到「喜鍋」打邊爐，是好地方醫肚，雖然外面下大雨，入到場好快打點好坐下來，見有兩層食堂任選。麻辣雞煲的雞很清甜，我們只叫了小麻辣，食時不斷將鍋內醬汁傾倒在雞面，令到雞面有濃烈的小麻辣味，又有洋蔥蒜香。 醬油盤有許多不同配料可選擇，會看到店好著重。叫了雪花肥牛色澤鮮，雪花分佈平均，在滑中滾一滾便快捷有得食，每一口都鬆軟無比，肉質滑嫩。蟹籽墨魚油炸鬼，有墨魚味的油炸鬼很脆皮可口，係個令人深印象的菜式。墨魚丸肉是彈牙，加埋麻辣醬汁好美味。牛肉丸跟魚皮餃是火鍋時不可少。食唐生菜加烏冬時更能飲些火鍋湯，飲竹庶馬蹄茅根的確解渴，飲落很清新。這一頓晚餐火鍋放題，畫上一個美的句號！

朋友約食火鍋, 仲要係公司附近, 我當然二話不說就應承啦~~呢間喜記, 老實講, 本身真係未聽過, 不過可能正因為咁, 喺旺角/油麻地呢頭, 7點幾8點嘅放工時間, 都可以唔使等位, nice~~ 入到去發現入座率都有7成左右, 睇嚟係我唔識嘢喇..... 而我地呢個位, 仲要咁啱睇到電視添~~ (對我嚟講就冇意思, 因為我唔睇, 但就fit晒朋友) 醬料就例牌咁啦, 好處係人手夠, refill效率高, 咁就唔使餓住等咁耐啦~~ 飲品櫃可見, 飲品選擇唔算特別多, 不過自家制嘅嗰幾jar, 都唔錯, 配合打邊爐就啱晒. 而由於朋友們唔多食辣, 所以湯底揀左個清少少嘅. 但都唔錯喎, 起碼都可以就咁飲返幾碗, ok清甜架, 好過油淋淋或太濃味嗰啲, 冇得就咁飲.  至於食物方面, 有幾樣都值得講吓. 譬如呢個蟹籽墨魚油炸鬼, 有趣呀, 出面唔多見架, 而佢地組合埋一齊, 原來又幾match喎, 而且幾樣食材texture各有不同, 反而令到口感好豐富, 值得一試. 另外有個魚片, 雖然望落同出面差唔多咁, 但熟左之後食落去就真係同出面嗰啲有多少唔同, 連唔太好呢樣嘅我都覺得好食, 咁應

同屋企人走圍覓食，呢間餐廳係油麻地，旺角行完街去食超方便。行入內街就係。有餐前小食，今次主力食邊爐姐姐極力推介既竹庶茅根，又真係幾足料。降霜手切肥牛粒: 好濃牛味，一咬落去牛油bit出晒黎。脆肉鯇正!真。脆肉。唔多餐廳真係俾脆肉鯇，真脆肉真係煲左好耐都咁彈牙。姐姐叫我地煲一陣就要食，點知都係煲太耐。。同埋推介自定響鈴，好大條同埋夠新鮮，浸一浸黎食真係打邊爐必吃。手打墨魚丸如果多2粒就更好。墨汁魚麵，好多墨魚粒粒，彈牙!

相比起任食邊爐，一向喜歡去散叫火鍋店，野食相對高質點再加上自己胃口唔算大。 餐廳在油麻地地鐵站出口，往旺角方向行幾分鐘就到。火鍋店分兩層，坐樓上都幾闊落。 湯底都有十幾種，有辣嘅，有唔辣，花膠湯底，雞煲，杏汁豬肺都有，我哋揀咗個珍菌冬瓜上素魚湯鍋。湯底帶有菇香，材料十足。 最欣賞安格斯牛, 好重牛味,油脂平均。牛肉切得算大塊兼厚身 脆鯇腩件件大舊,食落好實肉同新鮮，爽口彈牙。 萵筍係我食過火鍋店最厚身爽脆，顏色又翠綠

今晚放工约左朋友去食火煱，天氣都好熱，但呢度冷氣好夠，打边爐一流！客人不多只有幾枱客，招呼不錯，我地二人叫左芫茜皮蛋湯底，雪花安格斯牛肉粒厚切，好有牛肉味道！👍脆肉鯇魚，好新鮮。蝦滑，墨魚麵都好味，這裏有自家制腐味响鈴，好脆口，重有蔬菜盆，竹蔗水。食得飽飽！呢餐很滿意。👍😋