再來一煲 (好順景大廈1座)

营业中

休息中

入元朗掃街，直落食飯同元朗友食，梗係靠地膽帶路跟住佢行過人來人往的食街，轉入一個巷仔《再來一煲》小店細小但燈光光猛有好多煲選擇，入黎就梗係食佢的招牌等緊雞煲，梗係嗌小食，食住等椒鹽粟米，$68即炸響鈴$38叫左半隻魔鬼雞煲$198，試佢小辣，唔係辣椒油果種死辣，亦唔係偏甜味嘅雞煲麻香，重香料重配料，蒜頭，洋蔥，芹菜，芫荽係必需出奇地有豆角，木耳同豆卜，不過堅正，索哂味，仲有檸檬葉，唔怪得咁香食完打個邊邊先牛魔王梗係叫個細份牛併盤$348樣樣都有，一盤齊哂封門柳，吊龍，面頰，小排，筋丸，滑牛，牛胸白同牛脷新鮮手切，就一定夠咬口，好正，下次要叫藥膳醉雞or胡椒豬肚襯切牛，絕配手工韮菜餃$38叫杯大檸茶，爽哂

天氣熱到街都懶得出，但又心野想Happy Friday同屋企人出街食飯，近近地去元朗站附近既「再來一煲」食雞煲火鍋開心下。地點有啲唔起眼，喺巷仔入面，舖頭唔大，但坐無虛席，都幾旺場。🔸魔鬼雞煲（大）雞煲百吃不厭，就個囡唔叫得辣，唔好以為雞煲無辣就唔惹味，原味更食到雞既鮮味同配料既香味，仲非常嫩滑。另外加左份花膠，唔止滋補，仲好有咬口，炆得夠晒入味，食完一煲已經好滿足。🔸黑椒密椒牛仔粒超推介依款小食，夠晒鑊氣，牛肉粒稔滑無渣，薯仔粉糯，仲有香甜蜜糖味，甜甜地真係食到停唔到口。吃完雞煲加湯做火鍋，配料都幾特別又新鮮。🔸牛拼盤有牛胸油、牛小排、封門柳、牛面頰、牛舌、牛筋丸、牛吊龍、新鮮滑牛。最特別是第一次試的牛胸油，是牛心臟的脂肪，原來不是每隻牛都有，十分珍貴。烚10秒左右可吃，雖全是脂肪，食落卻超爽口，一點油膩感也沒有，相似特別。🔸0.03豆腐紙即超薄腐皮，又是很少見的配料，只要稍盪一下即可以吃。有豆香，吸埋醬汁更好味。🔸即炸響鈴即叫即炸，熱辣辣好香脆鬆化，就咁食都好滋味。🔸瀑布芝心牛丸香濃牛丸有流心芝士饀，牛味濃郁加埋甘香芝士，真係好滿足，不過食既時候小心燙咀。🔸大大杯凍檸茶食一餐一杯野

元朗鳳攸南街出名多野食，今晚揾到這家雞煲火鍋，店面雖少，但人氣很旺，就來試試這裡的魔鬼雞煲！先點了魔鬼雞煲半隻，BB辣，師傅是立刻製作的，選用新鮮雞。在等候期間，就來一份小食吧！這裡推薦的椒鹽粟米，很有創意，平時吃的椒鹽做法通常是配肉類，配粟米真是未試過。粟米切成條狀吃得方便，味道超甜，很爽口，粟米走過油很香，有椒鹽味更香口，味道很夾啊！魔鬼雞煲，原來魔鬼係指來自印度的魔鬼辣椒，辣度真係非同凡嚮！我都驚食唔到咁辣，所以點BB 辣。吃得出雞味鮮，肉質彈滑，醬汁很香濃，配菜多，雲耳、洋蔥、芫茜、薑、蔥等，竟然還有豆角！原來豆角在雞煲煮過，吸收醬汁超好吃，又爽又甜。吃到一半，越來越辣，真的要加湯沖淡一點了。愛吃辣的人，真要來挑戰這個BB 辣都辣得咁過癮的雞煲！吃完雞煲要加湯吃火鍋啦！牛拼盤細份，二人吃的份量很足夠，一個拼盤吃齊牛胸油、牛小排、牛舌、牛吊龍、牛面頰、封門柳、牛筋丸、鮮滑牛。新鮮滑牛很特別，配有一隻生雞蛋，師傅提醒要拌勻雞蛋才煮。食肉獸吃第一口就說好好味！我吃完也覺得超滑的，有用酒醃過，在湯裡煮完還吃得出酒香！牛丸吃得出與別不同，結實爽口，煮完裡面還會爆汁，很好吃！牛吊龍肉質很嫩

雖然炎熱氣溫持續上升，但無阻雞煲火鍋市場大戰，可謂百家爭鳴，最近元朗又有一雞煲火鍋店加入戰場，那就是再來一煲，是晚我與熱愛火鍋的閨蜜來實試一番。未吃雞煲前，我們先來碟椒鹽粟米過過口癮，椒鹽粟米十分了得，油淋的火侯拿揑得恰到好處，再用椒鹽爆香，粟米細嫩多汁，清甜帶些許鹹香，不一會盤底朝天。魔鬼雞煲送上桌時，店員介紹雞煲所用的辣椒是印度魔鬼椒，比一般辣椒火辣，說畢，店員正式開火熱炒。隨著醬汁的滾煮，辣椒香氣四溢片，聞著聞著，口水都快流下來。透過咀嚼雞肉，可以感受到雞肉的嫩彈，完全不柴口，搭配惹味香辣的醬汁，雞件越吃越有味道，輕易抓住一眾食客的味蕾。吃畢魔鬼雞煲，下一步當然是叫店員將湯注入鍋裡，變陣吃火鍋。湯頭使用雞隻熬煮，經過數小時細火慢燉，精華都熬進湯中，濃郁卻不油膩。即炸黃金響鈴閨蜜乎每次吃火鍋均必點，響鈴即點即炸，單吃酥脆可口，想吃得滋味，可醮上甜酸醬品味。若想響鈴涮鍋吃，單涮五秒便可，響鈴外脆口，內多汁，每一口吃到雞湯精髓。魚皮餃餃皮富彈性，有咬勁，一口咬下魚皮餃，立即感受到豐滿肉餡的鮮美，還會爆汁，我們一顆接一顆吃過不停。牛肉就像是為了火鍋存在的配料，我們想吃到不同的牛肉，於是點

個人推介指數 8分 （10分為滿分) - 這所主打雞煲的小店, 位置確有點難找, 要由大街轉入小巷內. 不過, 一切也是值得, 這小店肯定不會讓你失望.喜歡的除了那特別的食材, 和對食物質素的堅持外, 就是那份久違了的人情味. 店員除了會主動介紹食物外, 給你些建議, 大廚還會不時走出來和客人聊天, 介紹食材的由來, 和聽取客人的意見, 好像很久沒有這樣享受過這份味道.今天囡兒在表姐到玩樂, 我們夫妻二人突發其想, 來一個二人雞煲.朋友介紹我們到此店, 說這裡食物不錯, 服務很好, 我們決定到此小店一試.雞煲又好, 純打邊爐都好, 混醬也是指定動作這裡的辣醬是其自家制, 有地獄辣醬之名不太吃辛的我, 也混了一點, 當真是有點辛辣, 但相當惹味.加配這個必點的超級無敵珍寶檸檬茶, 真的如圖般大, 是解暑解辣的妙品.先來的是一個小食, 名為蜜椒薯仔牛柳粒以黑椒和蜜糖作汁料, 又香又甜又好吃.牛柳粒肉質半肥瘦, 很易人口.不過最少也是那薯仔, 外面炸得很鬆脆內裡卻是軟綿綿, 我敢說以薯仔作菜來說, 這個是我吃過最好味的. 再來就是主角魔鬼雞煲, 我和太太比較眼闊肚窄, 叫了全隻雞.今次我們沒

元朗出名多雞煲，之前都試過幾間，今日朋友帶我去食呢間新開既小店，話有個魔鬼雞煲好正，餐廳係條巷入面，都幾隱蔽，但估唔到都幾多人。 魔鬼雞煲, 微辣 (半隻雞) 第一次食驚好辣，所以就揀左微辣。微辣係一食落口唔會覺得辣，但d辣係會慢慢滲出黎，辣味帶少少麻同香味，每一件雞都好入味，雞肉好滑。 即炸黃金響鈴 第一次食即炸響鈴，熱辣辣，脆卜卜，唔浸湯就咁食都冇問題，浸湯食亦有一番風味。 食完雞煲就會加湯打邊爐，魔鬼湯底用黎打邊爐一樣咁好味。打邊爐又點少得食牛，叫左手切肥牛同滑牛，滑牛比較厚身，要碌耐d先熟，不過碌耐d既滑牛依然係好滑。 手工白菜餃 食左咁多肉，當然要食返d菜幫助消化。 椒盬粟米 第一次食椒盬粟米，栗米脆得黎亦好清甜。 冰糖雪梨

元朗鳳攸南街餐廳林立，今次響內巷有一間雞煲火鍋吸引左我同幾位朋友去試下，絕對值得推介！抗疫方面，入座後會提供熱水再次清潔食具。另外，每枱都有洗手液，進食之更放心。今次點左雞煲一隻、牛皇拼盤、牛筋丸魚皮餃同其他配料。雞煲叫左小辣。上菜時會再炒焗十分鐘，雞肉好滑，吸收哂醬汁，雖然小辣但係都已經幾辣，另外雞煲加左泰式重料，辣得黎有小小泰式fusion！食完雞煲後會加湯，牛筋丸好大粒，用料十足！咬開會見到牛筋響牛丸入面，非常彈牙有驚喜！響鈴香脆，另有甜酸醬可以就咁食或打邊爐食，唔錯！牛皇拼盤係重頭戲，有牛小排、牛胸油(比較少可以食到) 、封門柳、牛臉頰同滑牛肉，份量都好多，四人份絕對足夠。牛小排質素甚高，大約涮十幾秒就可以食，肉味豐富脂肪紋平均，牛胸油好爽口，封門柳都好新鮮，好值得推介。$448算是很抵食啊！餐廳環境舒服，服務都好周到，人均三百多都很值得再來一煲啊！

找這家雞煲花了不少時間，位置在內街的內街！不過吃過就會覺得是值得的！位置在鳳攸南街的金牌冰室，轉入內街直走就看到全場滿座！非常受歡迎呢～菜單不複雜，雞煲烤魚都有，主打就是正宗麻辣雞煲！正正常常的火鍋醬料，最驚喜的是有ＸＯ醬！當然要試試啦~點了個前菜 椒鹽粟米超好吃的脆炸蒜頭在超甜的粟米上 ，不能不讚！招牌魔鬼雞煲 半隻 （中辣）１９８超正宗的雞煲，由上桌到煮好等約５分鐘，煮好的５分辣雞件簡直是有夠辣！連一向能吃辣的我也覺得挺辣的，不過雞就很嫰滑，而且還越吃越辣，途中誤吃了一顆辣椒，辣到噴火！但就超刺激，吃雞煲就該這樣才過癮！牛魔王拼盤 ４４８別看這個拼盤的價格貴，其實料多量足！超爽脆的牛胸油是我的最愛封門柳肉香味濃牛舌爽彈本地牛頸脊脂香肉香平衡又彈牙滑牛連蛋再怎麼煮也是滑嫰這盤的質素極高，而且大多都是牛稀有部位，這個價位，值！響鈴＄３８新鮮炸起，不下鍋即吃也可以，下鍋２秒即起也可以，用心！韮菜餃＄３８６顆，見到上面的麵粉就知道是手包的，非常多韮菜，皮的厚度適中，韮菜味濃，口感味道均上佳，好吃！菜拼＄５８很大一盤的菜拼，最好吃的當然是皇帝菜，但因為是辣雞煲，所以吸到香味的反而是油麥菜跟生

.🔺 再來一煲好耐無食雞煲 嚟到元朗新開嘅再來一煲😋呢度嘅雞煲係用印度魔鬼椒 再加9款祕制料整成嘅醬汁！.魔鬼雞煲(小辣)😈辣味比較持久 食落有麻麻辣辣嘅感覺雞煲叫左半隻雞 份量都好多👍🏻小編覺得小辣其實都好辣🤪.牛肉拼盤🐄有大概六種唔同部位嘅牛肉🤘🏻比較深刻嘅係牛胸油睇嚟好多肥膏 以為會食落好油膩好heavy 點知食落係爽口有口感🤣小編幾中意呢個 比較小見🤩.黃金響鈴🔔即叫即炸 送上嚟嘅時候熱辣辣雖然即咋但係都唔會好油😍可以即刻點泰式辣醬嚟食 正呀～.椒鹽粟米🌽呢個幾新奇 好似食緊椒鹽賴尿蝦嘅味道都唔錯 粟米好甜😆

嚟緊一連幾日都會落雨，實在叫人受不了，為咗有好覺瞓大胃自有良方，就係打邊爐祛濕，嗱，冇醫學根據㗎，全是個人經驗啫打邊爐前先食雞煲已係大勢所趨，呢間嘅魔鬼雞煲令人聞風而動，淆底嘅大胃先嗌小辣試試湯溫。果然，好彩冇咁衝動，件件雞都入晒味，食落有種不一樣嘅調味，重點係，小辣已試食到地獄嘅熱度，絕對係抽濕大笨象，咇晒汗粟米用椒鹽製法，比較少見，值得一嘗，椒鹽嘅香脆同粟米嘅清甜，無縫配合，成為解辣好幫手響鈴亦好特別，炸到大大舊，脆卜卜，浸湯食，得，點酸辣醬就咁食，亦得，點食都好有水準食完雞煲就加湯打邊爐，魔鬼嘅味道仍附喺湯底之中呢個時候整返個牛拼盤大軍同魔鬼搏鬥一番先，牛肉新鮮彈牙，有得揮牛丸好食到令人瀨尿，裡面滿有牛嘅元氣最堅係滑牛，撈完蛋汁再煮吓佢，滑到差啲瀡咗入喉嚨魔鬼嘅誘惑真係唔係個個都忍到口㗎打邊爐用嘅餃子，皮嘅厚度剛剛好，放咗一陣唔會咁易煮爛，反而好吸收到湯底嘅精華食咁多肉，喺地獄來回打滾後，係時候要贖罪，食一大兜新鮮田園蔬菜，等消化系統回歸平靜呢間舖面係喺內巷入面，雖然低調，但係隱世驚喜

今日同朋友去試元朗嘅再來一煲，小店乾淨，冷氣夠凍。一坐低店員已經好好禮貌，主動俾一鍋熱水清洗碗筷。點完餐店員主動俾咗調味盤，配料好新鮮，動員介紹自家xo醬，味道非常好😍有驚喜😍😍好快上食物，先上響鈴，店員介紹有2種食法，可以即食或一陣火鍋享用。即食好好食，配上冰凍可樂一流享受🥰🥰然後就到椒鹽粟米，又係非常好食😋食完小食就到主角雞煲出場，原本想叫小辣，店員提醒未試過不如叫微辣，我地亦接受店員意見，好彩叫咗微辣，微辣嘅辣度啱啱好，如果小辣真係未必食到😋店員非常細心，會不時留意我地，亦會協助令雞不痴底，食到最後亦主動幫我地加湯打邊爐，叫咗個細嘅牛肉拼盤，九菜餃，蔬菜籃，每碟食材都大份，份量好充足，2個人食唔晒😣牛肉好新鮮，其中一款牛肉中間有隻蛋，店員提醒將蛋攪勻先食，第一次咁樣食牛肉，好滑好正。值得一讚，店員細心有禮，不時會留意客人需要，會主動將火鍋內嘅油隔走。值得幫襯嘅小店，乾淨舒適，服務態度一流

難得約到三個老友出黎食飯，決定搵返間雞煲店，可以慢慢食慢慢談笑風生。網上搵到呢間新開既小店，有得訂位，就揀左佢。間餐廳係個巷仔入面，見到呢個發光既牌就係啦。有各種雞煲及其他系列，但我地一如初心揀返佢既招牌雞煲。仲叫左佢最受歡迎既牛皇拼盤，響鈴等等。醬料方面有佢地自家制既辣醬，好惹味。店員好好服務咁幫我地兜下個雞煲，香味四出。呢個時候可以品嚐下個薯仔牛柳粒熱下身先。個薯仔係出乎意料地正！輕輕炸一炸個外皮再炒，令到成個感覺外脆內粉，一流！個牛柳都炒得好嫩而不鬆散，值得一試。開餐啦！雞肉好嫩滑，另外加左Ｄ花膠炒埋一齊食，超正！響鈴係即叫即炸，非常新鮮。值得一提既有呢個紙豆腐，第一次食，放入湯度浸一秒就好拎返上黎啦，味道超正，口感一流！重點黎啦，大份既牛皇拼盤！有成８款牛肉，款款都各具特色。其中個人覺得牛吊龍同牛小排最出色，有濃郁既牛味之餘，成個口感非常到位，係一種享受！個滑牛要撈一撈先好放入煲，咁就夠哂滑。新鮮包既餃子亦都非常出色。一間餐廳除左要有美味既食物，店員良好既服務態度都係極之重要，呢度就有齊哂兩種元素，今次真係冇揀錯！期待下次再來一煲！

朋友推介元朗有間新開既雞煲店-再來一煲，我地一行四人就去試一試...鋪頭位置係鳳郡徑籃球場附近d巷仔，出面有個大招牌入到去，有大概6張四人枱左右...間格都整齊。我地今次食招牌煲-魔鬼雞煲（微辣🤪）左上角既辣醬係店鋪既自製辣醬，如果不是食得辣，建議唔好落咁多🤪，但係惹味既👍🏻...個雞煲，一個字：正👍🏻👍🏻👍🏻我地微辣已經足夠入面仲要有花膠真係一個出色既雞煲👍🏻👍🏻👍🏻d雞同豆卜吸哂d醬汁，好味道仲有響鈴同蜜椒牛柳蜜椒牛柳要講講...牛粒軟得黎唔韌，加埋蜜糖一流...最正其實係d薯仔...外皮香脆，內裡夠蓉...成個口感好有驚喜...值得再試👍🏻呢樣就第一次食，豆腐紙，推介落一秒就食得....佢味道又唔太似豆腐其實，吸哂d醬汁味係正，而佢個口感係特別過癮（唔太識形容😂😂）主菜係呢盤牛魔王....兩個字：痴線佢有唔同部位，全部唔同口感，好難一一介紹...靠你地親身去食😉真心建議去食呢個👍🏻最後除開4個人，二百幾蚊...性價比不錯👍🏻👍🏻👍🏻好飽tim

元朗不嬲都多雞煲，但好多都任食多，今次黎呢到食番個高質雞煲。呢到小店唔算好大，但座位好闊落，服務都幾好。小食推介，椒鹽粟米，係澳門成日食 好掛住，呢到竟然有得食！甜甜地鹹鹹地好滋味，又唔會好油😀呢度嘅醬料一個比較特別嘅就係佢呢度自家製嘅辣椒醬（左上），個樣有啲似XO醬咁，小小辣。雞煲我哋嗌咗半隻小辣，唔係好食得辣嘅我哋覺得啱啱好，佢都好多配菜，雞肉好嫩滑，雞煲唔會太咸，味道岩岩好😋推介呢到個牛皇拼盤！細既$3xx，兩個人都覺得份量多，有好多唔同部位嘅牛，平均款都有至少四片，牛筋丸好彈牙。真係抵，仲要可以咁多款。佢個新鮮滑牛加埋生雞蛋更加滑！抵食嘅要講埋個蔬菜拼盤，四款菜每款都勁多，啱晒鍾意食菜嘅人。同埋呢度嘅響鈴可以俾埋甜辣醬你即食都得，我呢啲唔係好鍾意打邊爐食響鈴既就好鐘意，好脆口！

入元朗區探望朋友，晚上自然也在附近用餐，朋友就介紹一間單點的火鍋店，人氣滿滿。最推介是牛王拼盤，牛魔王的我們當然要一試。椒鹽粟米(小食) 一份椒鹽味道突出又香濃，相當刺激，粟米外層乾爽，裏面保持水份，配搭起來相得益彰。魔鬼雞煲(辣度可自選) - 半隻 這家店舖的雞煲特別在辣味上限相當高，挑戰者必須確保自己食到該辣度，但看數據已知道有多辣！我們還是吃小辣算了，這個辣度已經香氣十足，味道獨特，雞肉質感保持嫩滑，加上大量的洋蔥、芫荽提升香味，絕對值得一試。牛王拼盤細份$348牛面肉、牛胸爽、封門柳、牛小排、牛吊龍、牛舌、鮮滑牛 +蛋黃、牛筋丸牛王拼盤款式夠豐富，一次過滿足八個願望，各有各好吃之處，薄切適合打邊爐用。牛胸爽油脂充足而且質感爽口；牛小排牛味香濃而且脂肪分布平均；牛筋丸吃到一粒粒牛筋，而且充滿空氣感，鹹香十足；鮮滑牛 +蛋黃是一大新嘗試！即炸響鈴也別具特色，外皮香脆熱辣辣，可以直接點上泰式酸辣醬進食，亦可放湯，一味兩食。白菜餃裡盛載著滿滿的白菜碎，口感爽口之餘也非常新鮮。蔬菜籃🧺分量十足，有多款不同的新鮮蔬菜，包括娃娃菜、生菜、油麥菜等⋯ 都洗得好乾淨！與汽水一同享用，大滿足呢！