再來一煲 (好順景大廈1座)

营业中

休息中

從網上見到元朗新開左一間雞煲，辣度非凡，聽過食得好辣嘅朋友都讚口不絕，就緊係要朝聖一下！首先店員會比醬汁混下醬先，XO醬用料十足！我哋點左一個微辣既雞煲，雞係生炒既，上枱後炒多十分鐘到就食得，雞煲嚟到見到冇乜色以為係冇乜料到，點知食咗10分鐘，嗰個汗流滿面，如果食得辣嘅朋友可以點中辣更加嘢味！主打牛拼盤打邊爐點可以少得一盤靚牛，這裏的牛拼盤用上很多不同部位，很多部位外面很少食得到，牛吊龍，牛小排，牛胸油，封門柳，牛臉頰，新鮮滑牛，牛筋丸，牛脷等等肉紋靚，淥幾秒就食得，又係重本之一手包餃子粒粒飽滿！鮮炸響鈴，新鮮爽脆，吸湯一流！返到屋企又冇口渴嘅感覺，抵讚！

Tomato Whole Baked Fish Pot($248)蕃茄再來烤魚香烤肥美鉗魚配上鮮甜開胃蕃茄湯底，比美香辣湯底，就算不能吃辣的朋友也能享受烤魚。另外有金針菇、紅薯粉、芫茜等配菜增加口感，非常豐盛。-King of Beef Platter ($348)牛魔王拼盤豐富愛牛之選，包括牛脷托、牛臉頰肉、新鮮滑牛、本地手切牛、本地牛胸爽、爆汁牛筋丸、安格斯封門柳、安格斯牛小排。-Salt and Pepper Sweet Corn ($58)椒鹽粟米很邪惡但很香口，吃不停。-Fish Skin Dumplings ($38)魚皮餃-位於元朗雞地隱蔽小巷的雞煲、烤魚、魚頭煲專門店。小店不大，裝修簡約，食物CP值高。

元朗雞地一向多野食，今日jo來到食街新開的再來一煲，這裡位置係巷仔不太起眼，係一間食雞煲小店點完餐就慣例提供俾蔥蒜醬油俾顧客，值得一讚係呢到的xo醬好香又唔會太辣，係廚師自家炒的好好食值得一讚招牌雞煲（半隻） $198呢到雞煲有5個辣度，也可以走辣，jo就叫了第二級小辣，真心小辣我都覺得好辣😂不過好好食，雞份量好多又嫩滑juicy，我幾欣賞入面有幾多其他配料（豆、雲耳、洋蔥、芫荽、豆卜），食落無咁油膩，值得一提係呢到用的香料幾特別，有八扣、魔鬼椒、檸檬葉，所以辣得來十分惹味又幾清新，好食！如果唔肯定叫幾辣，可以叫左bb辣或小辣，唔夠辣店員好好人會幫你加辣的👍🏻 椒鹽粟米 $58這碟真的好特別第一次食，粟米本身係甜，而椒鹽味道係鹹同辣，但全部夾在一起又好好食！推介👍🏻即炸響鈴 $38最特別的地方係可以點泰式辣醬即食！第一次咁食滿不錯！當然平時打邊爐食法當然好食牛魔王拼盤 $348勁多不同款式的牛滿足哂貪心的jo，jo最喜歡新鮮滑牛，用鮮雞蛋撈，食落肉質爽口得來又嫩滑，正！牛丸jo也大愛十分濃厚牛味和彈牙魚皮餃 $38皮好煙韌魚肉又唔腥，不錯.整體來講相當不錯，好好食價錢又合理，值得一讚呢

今日約咗朋友去元朗嘅「再來一煲」，食雞煲，再打邊爐！見到隔離枱嘅《椒鹽粟米》好吸引，我哋又叫碟， 味道清甜， 又甜又多汁，仲有加上椒鹽， 增添不少香辣味道， 好掂，必食！ 之後我哋揀咗招牌雞煲半隻， 由於我唔食得辣，所以我揀BB辣， 嘩， 配料十足， 唔怪得知咁香啦！ 有蒜頭、芹菜、洋蔥、芫荽、木耳、豆角& 豆卜，豆卜吸晒啲精華，超正！ 雞件又香又嫩滑，雞味濃郁，雞肉勁惹味，辣椒份量味啱啱好，唔太辣，啱晒我，好食！ 不得不提大大份嘅《炸響鈴》，響鈴十分酥脆，應該係新鮮即炸，食到舔舔脷， 超好味！ 朋友係牛魔王， 一定要叫份《牛魔王拼盤》， $348 一份，有唔同部位嘅牛， 一次過可以試晒，正，正，正！樣樣有齊，好豐富， 包括有封門柳、牛吊龍、牛面頰、牛小排、牛筋丸、滑牛蛋上， 仲有少見嘅牛胸油&牛脷， 總共八款， 係咪好吸引呢？牛小排牛味十足， 正， 脂肪比例均勻，超好食，牛筋丸又係超好食， 勁juicy, 牛汁爆曬出嚟，仲有我第一次試牛胸油， 好爽口，幾特別！ 餃子味道OK，鄙薄餡靚！ 最後梗係要食下啲菜啦，叫番個蔬菜拼盤就最啱！

💖好耐冇成家人一齊去打邊爐🍲聽朋友講呢間嘅雞煲同火鍋唔錯，所以同屋企人嚟食晚餐。入到去好多檯客人gathering，不過唔會好嘈，氣氛幾好。嗌完嘢食，店員即刻上咗唔同嘅醬料，俾我哋自己fill up1⃣️魔鬼雞煲 (一隻)🐔 $288💖又香又辣超級惹味🔥我哋成家人都唔係太食得辣，但又鍾意食😂所以嗌左BB辣，辣度對我哋黎講啱啱好。💖雞煲用嘅係走地麻雞，一上黎已經聞到成浸麻辣香味，店員會黎幫手煮。雞肉夠晒嫩滑，仲唔係好多骨。煲入面仲有其他配菜，豆卜浸係湯汁入邊，比雞肉仲辣，惹味開胃🥰2⃣️牛拼盤 (大)🐂 $488💖夠晒排面同份量！好多唔同種類，一齊share最啱。鍾意佢嘅安格斯牛，厚切口感正，牛味鮮香。滑牛配上生蛋黃🥚肉質粉嫩，同蛋花一齊食口感更豐富。3⃣️黑椒蜜椒牛柳粒🐂 $68💖牛柳粒一口size，醬汁香甜，肉質嫩滑。薯仔🥔好似脆薯角嘅口感，表皮焦脆熱辣辣，入面粉粉地。仲有甜椒🫑，表面醬汁一樣香甜。4⃣️即叫即炸響鈴 $38💖可以生食或者落火鍋煮熟。個人鍾意就咁食，表皮夠晒脆身，咬落口感鬆軟，帶油香味。5⃣️花膠 $58💖我嘅至愛！口感滑溜，咬落滿滿嘅骨膠原，配埋麻辣嘅湯汁超正🔥6⃣️手工韭菜餃🥟 $38💖

夏天最爽就係嘆住冷氣打邊爐🍲 今晚就嚟元朗呢間小店試吓雞煲同埋打邊爐🤤 點完餐之後會有一大盤醬料任攞唔嬲☺️🐓 魔鬼雞煲（BB辣）$288/隻大大煲，隔住口罩都聞到好香！利申我哋唔太食得辣，嗌左BB辣都覺得好辣，又麻又辣，幾爽😂 入面有雞肉、雲耳、豆卜，雞肉真係好好肉地，肉質嫩滑，唔會食到好多碎骨👍🏻 豆卜索晒啲湯汁，所以會辣上加辣🌶️🐂 蜜椒薯仔牛柳粒 $68牛柳粒表面甜甜地，肉質非常嫩口，一口一粒好開心🥳 薯仔外脆內軟，呢個大家都讚不絕口👍🏻 另外仲有三色椒🫑，感覺健康啲～即叫即炸脆響鈴 $38可以就咁食，或者打邊爐～ 果然係即叫即炸，就咁食嘅話口感鬆化香脆，邪惡但好食😋 如果打邊爐就會軟腍，幾有咬口～ 花膠 $58口感滑嘟嘟又彈牙，每一啖都係滿滿嘅骨膠原，索埋雞煲嘅辣汁，更加入味🤤🐂 瀑布芝心牛丸 $68/份牛味香濃，口感好彈牙，咬落入邊係爆漿芝士，仲做到拉絲嘅效果，芝士味濃郁👍🏻🥟 手工韭菜餃 $38做到皮薄餡靚，外層嘅皮唔會覺得好似食緊麵粉嘅感覺，入邊嘅韭菜餡好足，而且調味唔錯😊🐂 牛魔王拼盤（大）$488上台都幾震撼😲 有好多唔同種類嘅牛，雪花靚，唔會好薄切無肉地，當中最鍾意啲

好高質素嘅雞煲！樣樣野都好好食而且見到好多好有心思嘅位置雞煲嘅辣味香濃而且啲雞都好入味同嫩滑我都要讚佢嘅牛筋丸真係多汁彈牙一咬開feel到有啲牛肉汁必出嚟非常之好食一定要試佢嘅響鈴真係即叫即炸非常之脆老細俾咗啲泰式酸辣醬我哋點，正之後浸浴雞煲啲湯度又係好正又係一定要試我未食過咁好食嘅響鈴🤯😨仲有就係個蒜烤粟米切得啱啱好可以令人揸住筷子好輕鬆咁食到而且又甜又有蒜香非常香口入味！佢啲牛肉都係精心挑選感覺新鮮而且好高質素老細叫我哋加隻生蛋入去食令到肉質更加滑見到老細嘅心思呀！另外蔬菜亦都一盤有四種一次過滿足晒我哋嘅願望分量特大飽到傻咗但真係幾高質素！好有心思令人想再嚟食多次🤪

呢間雞煲位於元朗，位置都幾偏僻，好彩有元朗朋友帶路！一去到店員就非常熱情有禮，態度友善，值得一讚！等咗無幾耐雞煲就黎咗，店員主動幫我地炒雞🐔好細心～擺上檯就見到分量好多，色澤誘人，皮薄肉厚，店家話用咗自家秘製辣醬🌶️所以唔同出面坊間嘅辣，唔怪得咁香口啦🤤仲要用咗指天椒，所以辣度都好夠，真係愈食愈想食呀！雞煲食得七七八八店家就會幫我地加湯打邊爐，邊爐配料非常豐富，有現切牛肉🥩、手打牛丸、響鈴、腐皮卷等等，牛肉種類超多！牛胸油、滑牛、肥牛都有，我最鐘意滑牛，碌熟之後都係好滑，入口順滑，牛香味重，不知不覺就食咗好多😆腐皮卷都令我好驚喜，之前都未見過，店家話厚度只有0.03cm，係台灣進口，香港無得賣架，超薄放落湯度一兩秒已經食得，入口豆香味勁重而且好滑！值得encore！整體而言牛肉都好鮮甜，而且種類好多😍好多以前都未見過，真係大開眼界呀！最後再食少少蔬菜清清腸胃，食到好滿足😋有機會會再去～

山長水遠去到元朗就係為咗試呢間雞煲∼佢有好多辣度揀，仲有變態辣😂我地揀咗小辣，但辣度都好夠，唔食得辣嘅人嗌bb辣或者原味就好啦🤣呢度嘅店員非常細心，不時問我地有咩需要，雞煲上咗之後仲叫我地唔洗急，佢會幫手炒，雖然客人好多好忙但服務態度仍然特別好👍🏻一打開蓋就聞到好香！雞件好多而且非常嫩滑，四個人食都食唔曬🤭仲有好多配料，四季豆、洋蔥、牛筋等等，因為一開始係放喺底部，所以煮咗一陣已經索曬啲汁超惹味😝我最鐘意牛筋，煮到軟鯰好易咬，成煲分量真係好足！食完雞就可以打邊爐啦！店員又主動加湯，不時仲幫我地撈起浮沫，非常細心❤不得不提佢嘅鮮切牛肉拼盤，種類繁多，有牛胸油、牛胸腹、滑牛等等，牛香味非常重，薄切嘅淥一淥就食得！牛胸油味道一啲都唔油膩，反而好爽口，半透明唔講仲以為係牛筋添∼可惜掛住食忘記影相啦！另外佢嘅餃子及牛丸應該都係自家製，牛丸彈牙牛味重，仲有大大粒，好食過街市賣的好好多👍🏻仲有芝心牛丸添，我都係第一次見，又出奇地夾，芝士味濃郁，但又唔會同牛味相撞。還有響鈴飲品……總而言之係一次好好嘅邊爐體驗😆希望有機會可以再去啦！

作為一個香港人🇭🇰🇭🇰時不時都要食下雞煲過 下心癮同口癮😆．元朗呢間再來一煲 雖然門口位比較難搵係橫街入面⋯但相信一間好食嘅店都唔怕呢個問題．．．半隻雞 中辣好夠香愈煮愈出味 好濃厚嘅醬汁雞肉都好嫩滑 唔會有雪味肉多過骨⋯配菜有豆角同木耳好惹味．椒鹽粟米🌽真係一樣我只要見到就會點的一款小食鹹甜鹹甜的口味真係一試難忘炸得乾身但重 好Juicy又夠味．新鮮熱辣 但都幾油膩．．牛肉拼盤大大碟 一共有7個唔同部位份量夠哂多 肉味都濃．雞蛋令牛肉更加嫩滑真係好得別．如果有人再約食雞煲 我都會推介呢度

朋友推薦有間隱世高質雞煲，男朋友就帶我嚟試下🤣我本身就麻麻地食雞煲，因為普遍都好油好咸😰但呢間雞煲真心唔錯，我會再來食🥸位置比較偏僻，喺兩棟大廈嘅小巷之間，坐位亦都唔算太多，所以要食最好就book定位🤟🏻我哋嗌咗半隻招牌雞煲，最surprise喺嗰醬汁幾好味，而且因為加咗檸檬葉，所以食落會清新啲唔會咁膩，我同男朋友幾快就清晒啲雞😆食完雞煲就打邊爐，加完湯後亦都唔會太油，而且湯底好味道🥰我哋總共嗌咗幾樣火鍋配料：牛魔王拼盤、蔬、手工韭菜餃，食物質素都唔錯！推薦牛魔王拼盤，可以試齊唔同牛肉部位🐮而且份量都幾大下🤭我哋仲試咗兩款小食，都好值得一試🤩熱辣辣炸響鈴配泰式辣醬，超級match，簡直開拓左我嘅新世界，響鈴即炸又香又脆🤤另一款就係椒鹽粟米，粟米又甜又多汁，加上椒鹽同炸蒜，食完一件又一件，好有口癮，估唔到除咗雞煲，小食都做得好出色！非常滿足嘅一餐，下次會再同朋友食！

啱啱經過元朗，又想食雞煲所以決定食呢間再來一煲。一入到去老闆好熱情，知道我哋唔算食得好辣，所以幫我哋準備咗BB辣。因為係兩個人所以就叫咗半隻雞。一嚟到啲雞都唔算少，雞大件，雞肉滑。另外要講一講前菜係椒鹽粟米，食到停唔到口。跟住就加湯變打邊爐，叫左細份既牛皇拼盤，有牛吊龍，牛小排，牛胸油，封門柳，牛面頰，新鮮滑牛，牛筋丸同牛脷托。呢份嘢性價比勁高，當中我自己最鍾意食新鮮滑牛，佢會再比一隻鵪鶉蛋你撈埋，好滑身，亦都好香牛味。另外牛筋丸好多汁，推薦！另外仲叫咗蔬菜拼盤有四款菜，索曬啲汁好食。另外仲有手工餃子，好足料，大大隻。佢而家仲做緊優惠，8:30後食夠$500，可以-100，為返都係八折真係幾抵！下次經過元朗一定會再食呢間！

好日都唔入元朗，今日有事情去咗Yoho附近... 搵食唔一定去大馬路附近，係雞地果邊都好多好西🙈朋友想食雞煲，所以就搵咗呢間叫「再來一煲」的專門店... 雖然位置有點難找，但係正因為咁，更反襯出佢嘅隱世上佳水準😎坐低就叫左半隻雞嘅雞煲，辣味自選，有唔辣，BB辣，小辣，中辣，大辣，同勁辣，任君選擇🤓 (未熟) (熟咗金黃色) 之後，我地叫咗份椒鹽粟米🌽先祭五臟府🤣粟米幫我地一開四，方便進食，估唔到加上椒鹽爆香，竟然係咁好味！雞煲有多種口味供客人選擇，如魔鬼、藥膳 胡椒豬肚同烤魚等等。雖然只係半份雞，但係都有超多雞件，加上不同嘅配料：洋蔥、豆卜、豆角同檸檬葉，絕對令人食到停唔到口😋😋牛皇拼盤(細份) :招牌菜，岩晒樣樣都想試，但係又唔想食一碟份量嘅我地。拼盤包括：牛吊龍、牛小排、牛胸油、封門柳、牛臉頰、鮮滑牛、牛筋丸同牛脷托，完全係差唔多將隻牛各個部位都食勻晒🤪🤪 牛小排軟腍易入口，牛筋丸彈牙，滑牛牛味出眾……呢個拼盤真係「一級棒」👍👍即炸響鈴：平時喺外面食，都係預先整好，但係呢度係即刻鮮炸，完全唔同一個層次，脆卜卜勁好味，沾上雞醬/盡得精華嘅雞煲湯底，真係會想encore又encore🤣

今次朋友仔又帶我去元朗雞地開餐 元朗雞地多美食大家都知 但要食得精 真係要靠朋友食過都讚好😆 雞煲好多地方都有 但朋友今次帶我去既係一間隱世用心製造既良心雞煲 除左好食仲有老闆既用心☺️由於舖頭唔係大街 可能比較少人會行入黎 但食物質素反而好有水準！我地叫左個魔鬼雞煲小辣、牛拼盤、椒鹽粟米、白菜餃、即炸響鈴、蔬菜籃魔鬼雞煲點解叫做魔鬼呢原來老闆介紹因為佢地加左魔鬼辣椒🌶️ 雞煲既辣同平時既辣好唔同好有層次🤤 真係好惹味 半隻雞件又非常之滑 唔會好「鞋身」 仲有四季豆、洋蔥、雲耳 唐芹做配非常夾同好清新！ 椒鹽粟米同即炸響鈴 好邪惡！ 但又食到唔停口🤤🤤 椒鹽粟米保留到粟米嘅清甜再加上炸蒜既香味 真係停唔到口 而即炸響鈴 老闆仲配埋泰式辣醬 就咁食好鬆化一咬落去勁多層次 或者可以點雞煲入面既醬 響鈴吸晒d魔鬼辣椒既辣勁好味😋 食完d雞件 老闆就幫我地加湯 我地轉戰牛拼盤！ 有8款唔同牛既部位 有d真係未食過🤪 牛脷托 牛臉頰肉 滑牛 手切牛 牛胸爽 牛筋丸 安格斯封門柳同牛小排 每個部位都唔同牛既香味 可以一次過食晒唔同部位好滿足🥰 仲有白菜餃同蔬菜籃 白菜餃d皮煙煙韌韌 入面仲有好多餡料

今日同同朋友兩個人黎左元朗雞地既再來一煲食晚餐。可能我地太早用膳既關係，店內唔算太多人。我地兩個人所以叫左個招牌雞煲（半隻），雞煲亦都好快咁樣上到餐桌，店員亦都馬上過黎幫我地炒一炒熟d雞，同埋為我地奉上醬料架，其中有樣比較特別既係佢地既配料有一樣係比較少見，就係佢地自家製既椒鹽，味道相當惹味，鐘意椒鹽既朋友不妨一試。等雞煲滾熟既同時，我地叫既餐前小食亦同時奉上了，今次我地試左椒鹽粟米同埋即炸響鈴。粟米加上椒鹽，又辣又香，作為小食一流之選。而最想講講個即炸響鈴，店員特登提醒我地唔好浸湯，建議我地點佢既醬汁馬上食左先，響鈴一咬落去十分之酥脆，果然係新鮮即炸，超好味。試左兩樣小食之後，雞煲亦都準備好了，我地馬上齊齊起筷，其實雞煲辣度分好多級，仲有一個變態辣，但因為朋友係女仔既關係，所以我地今次只係叫左bb辣。先試左雞煲裡面既配菜，比較特別既係雞煲入面會有一d四季豆，沾上雞煲既醬汁我覺得幾夾，食落都幾過癮。講返主角店家標明佢地既雞係用走地麻雞，食落去果然唔同一般既冰鮮雞，有雞味又唔肥，值得一讚！歎完雞煲後，店員幫我地加湯，跟住就奉上一個牛王拼盤，據店員講呢個拼盤裡面有八款唔同既牛部位，包括：牛